نَـيْــطَـل

قَـرابِـين الهَــوى

ماَ كانَ أجمَلهُ بوَهمِ تَخيُلي
حتى أجتَلى قُبحٌ أماتَ هَــــواهُ

-

" مشتاق لك "
" مو قدي حاس روحي طلعت ورب الكعبه ، غير انت قلبي
اللي تركته بالشمال "
رد جياد بنبره اعلى يضم الثاني كل دقيقه والثانيه يسحبه له ويقبلّ وجهه ويدينه بأماكن متفرقه ، يفتح الاكياس بحماس وعيون تلمع حبّ كانت هدايا من راين اللي فتح الأسواره وحطهآ بيدّ جياد منحني بعدهآ يبوس كفه

كانت همهمات خافته بينهم لكنها مسموعه للواقف وراهم على مسافه متوسطه متكتف وساند ظهره على باب السياره وعيونه تراقبهم يتقدم ناحيتهم بعد ثواني بخطوات هاديه يفصخ البالطو الطويل اللي كان لابسه يلحف فيه أكتاف جياد اللي ألتفت عليه بسرعه يناظرون فيه اثنينهم بإستغراب

" الجو بارد ماتحس ؟ "
رفع جياد حاجبه يهز راسه بنفي

"لو كنت بردان اخذت جاكيت من البيت ، مشكور "
رد ببرود واستقام يفصخ الجاكيت يمده له بنظرات فهمها مثنى اللي ناظر لراين ورجع يناظر فيه

" مابعد شبعتوا من بعض ! وراي دوام لازم انام
بدري وانتم تتغازلون هنا "

" جياد ذا مو سواقكم !"
التفت راين لجياد يهمس بخفوت وصل صوته لمثنى اللي رفع حواجبه بصدمه وعيونه بعيون جياد ، صح استغرب ان جياد ماعرف راين عليه ولا ناداه يجلس معهم ولا عبره من وصولهم للمكان لكن ماتوقع انه راح يعرف عليه بأنه سواق له ، تنحنح بعد ثواني طويله يهز راسه بموافقه

" سواقهم سواقهم لكن مرتبط بدوام وجياد يعرف ذا الشيء او
انا غلطان ياجياد !"
رد مثنى بصوت عالي منزعج يشيح جياد بنظره عنه متجاهله يسحب راين من يده موقفه معه وضمه يهمس قريب من اذنه بكلام ماقدر مثنى يسمعه مودعه بعدها

"أشوفك بكرا "
انهى كلامه وانحنى يسرق بوسه سريعه من شفايف راين اللي صد بإحراج وارتباك واضح يهز راسه بخفه

" هيا اركب بنوصلك "
نطق مثنى بصوت عالي يستعجله بملل يلتفتون له بإستغراب
من اسلوبه ونبرته

" محد طلبك، أمش نام لاتتأخر على دوامك "
شدد جياد على آخر كلمه مودع راين اللي ابتعد بعد دقايق قليله يلف بجسمه على مثنى وجمع قبضته يضربه مع صدره بقوه

" وقح وطبعك نكدي الله يعين اللي بيرتبط فيك ،ثقيل دم"
نبس بإنزعاج وغضب يمشي ناحية السياره وقبل ماتمسك يده بمقبض الباب سبقته يد مثنى اللي فتح له الباب يركب جياد مسكره وراه مسكره بقوه

" ليش تطلعني بصورة الكذاب قدامه ارتحت الحين!"
ألتفت مثنى عليه يناظره بهدوء ، ومن غير مايجاوبه دخل على اغنيه اختارها عشوائي ورفع صوت المسجل لأعلى شي
مرّ وقت طويل من غير مايتكلم احد منهم يلتفت مثنى ناحيته
يخفض من صوت المسجل