🌿رواية #الهاربة⚖️🌿
💜الحلقة التاسعة عشر💜
🌹Hăbošh🌹للكاتبة
.............................. ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
في معسكر داخل بنغازي قاعد نوح داخل غرفة التحقيقات
الضابط: من القيادات اللي تعرفها داخل ليبيا
نوح: بتعب ونفسه عالي؛ مااانعرررفش حد ليش ماااتفهمواااا
الافندي: ضربه كف؛ اااحكي كويس مع سيدك يا كلب
الضابط: بغضب؛ لوسمحت يا افندي طارق لما انكون انا موجود ما تدخلش 😡
الافندي: اسف سيدي
الضابط: ح نعطيك صور و قول من تعرف منهم
نوح: يا باشا انا فاااقد الذاااكرة و اكيد الامن الجزائري معطيكم
تقرير مفصل
الضابط: عزق قدامه مجموعة صور؛ شوف بالكي اتذكر حد منهم
خذا نوح الصور و يقلب باهمال لين جت صورة قيادي كان من ضمن المجموعة اللي قبضت على نوح و عدموا اللي معه قعد ايشوف لصورة بتركيز 🔥⚡حس بوجع قوي لين عيط
نوح: يضرب في راسه⚡؛ رااااسي مش قاااادر خلاااص ااارحمووووني؛
ناض من ع الكرسي وخبطه بعصبية لين اللي في الغرفة خافوا من نوح و هو ايعيط بصوت مرتفع و ايصارع في الشباب اللي طاروا عليه و محوتك شدوه و نزلوا ع الارض
الضابط: خوذوه لمستشفى الامراض النفسية دروله فحص شامل و نبي تقرير مفصل على وضعه الصحي؛
خذوه بعد صراع لان نوح كان في حالة هيجان مش بساهل قدروا عليه
وصلوا بيه المستشفى تحت حراسة مشددة و صارت حركة مش معتادة داخل المصحة. كان نوح يمشي مقيد الايدين و محوطينه اربع حراس زوز ع يمينه و شماله و زوز قدامه و وراه. استقبلهم الدكتور و مدير القسم كانوا امبلغينهم و طول خذوا نوح اجروله فحص شامل
حس نوح ان الجدال مافيش فايدة منه
استسلم للاوامر و طول الوقت ساكت يسمع باللي ايدور حواليه بعد صورة الرنين خذوه بيدروله تخطيط كهربائي لدماغ
و الشي هذا زاد من الاضطراب عند نوح و عاود الصداع اقوى
من قبل
كان مغمض عيونه و قابض ايديه و شاد على اعصابه حاول ايسيطر على نفسه و شريط سريع من الاحداث ايشوف فاها في مخيلته كانوا لقطات مستقطعة داخلة في بعض كل صورة و حدث مايفوتش جزء من الثانية و نوح انفاسه يرتفعوا مع حركة بصدره كان ايشوف في مشاهد مرعبة و يسمع في صوت تفجيرات و اصوات استغاثة و كل هذه الاحداث تضرب في دماغه ⚡لين فاق قدراته ع التحمل و ينفجر زي البركان ناض كسر كل شي قدامه بعياط طلعوا الدكتور و التمريض و خشوا عليه باقي الحراس ايحاولوا ايشدوه
بعد ما سيطروا عليه و ثبتوه ع السرير خش الدكتور ضربله ابرة مهدئ
