🌿رواية #الهاربة⚖️🌿
💜 الحلقة السابعة عشر💜
🌹Hăbošh🌹للكاتبة
..................... ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
طلعت حسنة شايلة سفرة فاها براد شاي و فطير
وممشيت للمزرعة شبحها واحد قريبهم من القرية وهو حاط عينه عليها و كل فترة ايجي ايدحنس عليها المهم بعد شبحها خشت المزرعة لحقها
حسنة: بابتسامة؛ الله يعطيك الصحة
نوح: استقام ومسح جبينه؛ الله ايسلمك
حسنة: جبتلك الشاي
نوح: ليش متعبة روحك
حسنة: لا مافيهاش تعب حتى اني جاء في خاطري نشرب الشاي جنب الوردات؛ صبتله طاسة ومدتها له مع فطيرة
نوح: مسح يده بالفوطة ع الكرسي وقعمز خذا منها؛ صحيتي؛
خذا رشفة وقطعهم صوت قريبها
شاكر؛ الله الله يا بنت الاصول قاعدة وخذا راحتك . من هذا اللي مختلية بيه في عز النهار 😎
حسنة: 😡
نوح: وقف بغضب؛ احترم نفسك و تكلم معها كويس 😤
شاكر: ضحك بستفزاز؛ وانت شن دخلك خليك على جنب توا نفضالك خلي انربي الكلبة اللي ماتحشمش على روحها قاعدة مع غريب. لو خوك مهناش مافيش من يوقفك عند حدك؛
جاء بيضربها
نوح: شده؛ يااااحيوااان؛
يضربه نوح بوكس على وجه لين طاح و شاكر تحمق اكثر ودمه فار ناض بيضرب نوح و عاد نوح ضابط و عنده احزام اسود في الكارتيه ويبدا فيه ضرب فش فيه غله و حسنة تشبحله باعجاب و امها سمعت صوت عركتهم جت تجري و خشت بين نوح و شاكر اللي طايح وجه متورم وخشمه ينزف ويقول في كلام كبير على حسنة و ام فضيل شادة نوح بالقوة
ام فضيل: بغضب؛ عيب عليك يا شاكر اكسر الشر و امشي من هنا
شاكر: شنو يا خالتي حتى انتي اتستر عليهم
نوح: بيهجم عليه؛ صكرررر فمك يا كلب
ام فضيل: شديته بالقوة؛ فوته يا عبدالله هذا واحد مريض مش متربي
شاكر: ناض اينفض في حوايجه وبستهزاء ؛ ههه بس ربي بنتك العفيفية الشريفة يا عيلة يا وسخة اتفؤه💦؛
خلاص هنا نوح فقد اعصابه لما سب ام فضيل وتفل عليها
فك روحه منها ويطير طيارن عليه ويبدا فيه ضرب قتل 🔥
ام فضيل: تعيط؛ وااااه عليااا واااه حلفتك بالله يااا عبدالله اتوقف تررربح يااوليدي راااهو تقتله خلاااص ؛
و نوح صكروا اوذانه و عميوا عيونه كل ما ايطيح شاكر ينشله من الارض و يبدا فيه بوكس وراه بوكس لين خلاص الراجل معش يقدر يوقف و قعد يتجدا فيه
وصل فضيل الحوش نزل البضاعة و قعد اينادي
