🌿رواية #الهاربة⚖️🌿
💜الحلقة الخامسة عشر 💜
🌹Hăbošh🌹للكاتبة
............... ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
ناضت اميرة من وجع في بطنها و قعدت حاطة ايديها على بطنها وتتوجع و كل ما يزيد الوجع تزيد تبكي وتعيط نزلت من السرير شادة بطنها وماشية للباب غرفتها فتحاته وقعدت اتنادي على امها
اميرة: بعياط ؛ اااااااه يا مامااا اااالحقيني نبي اانموووت 😭سميرة: ناضت سميرة وجت تجري؛ ااميرة؟ خيرررك؟
اميرة: بطني اااا...؛
مشيت تجري للحمام لحقاتها امها و قعدت اميرة اترجع وتبكيسميرة: تشبحلها🤔 ؛ اخر دورة امتى
اميرة: تبكي وتغصص؛ اني قااعدة انمووت وانتي تسالي فيا ع الدورة 🤢؛
رجعت اتغصص وترجع و امها واقفة على راسها
سميرة: ان شاءالله ما ايكون اللي في بالي 😤
اميرة: غسلت وجهها؛ شنووو؟ شن قصدك 🤢
سميرة: بالكي انتي حامل
اميرة: تغيرو ملامحها وبفرحة؛ زعما حق 🥹
سميرة: و انتي خيرك فرحانة يا روح امك
اميرة: تمشي بتعب؛ اكيد بنفرح. ياااارب انكون حامل؛
مشيت خشت لدارها قعمزت في سرير وشبحت لامها . كيف نعرف لو في حمل
سميرة: اديري اختبار منزلي ولا تمشي المختبر اديري تحاليل
اميرة: ابعثي حد ايجيبهولي من الصيدلية مش ح نقدر نصبر لبعدين
سميرة: و لو طلعتي حامل شن بديري
اميرة ابتسمت ومسحت على بطنها؛ اكيد بنرجع لنوح 😍
سميرة: وشن ايخليك واثقة ايرجعك
اميرة: لان نوح مش ح يسمح ولده يتربي بعيد عليه؛ خذت نفس باراحية؛ اني و نوح من اليوم مافيش حاجة اتفرقنا 😎
سميرة: بس اني ضد انك ترجعيله بعد اللي داره فيك. كرامتك اهم شي عندي
اميرة: اااوف يا ماما . ادعيلي بس ايكون حمل اااخ اممم🤢؛
حطت يدها على فمها وطلعت تجري
سميرة: تشبحلها؛ 😩؛
طلعت اميرة من الحمام وعيطت على الشغالة جتها تجري
اميرة: امشي الصيدلية جيبلي اختبار الحمل بسرعة
الخدامة: حاضر؛
رجعت لسرير تاعبة و جهها اصفر استنت على نار و اول ما خشت الخدامة بالجهاز خذاته و مشيت الحمام دارت اختبار الحمل وشدت الجهاز. اتشوف النتيجة لحظات وارتسمت البسمة على وجها و طلعت فرحانة اتعيط لامها انها حامل 🙃🫣