🌿رواية #الهاربة⚖️🌿
💜الحلقة الواحد والعشرون💜
🌹Hăbošh🌹للكاتبة
.................. ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
كانت بلقيس ناسية تحط تلفونها ع صامت وقت وصلوا الصالة نزلت و كالعادة نسيت شنطتها
خشوا البنات لصالة و الشباب مشيوا لمطعم قريب من الصالة
نزل نوح و زياد و ستنوا مؤيد ايدرس سيارته
زياد: جاء لعنده؛ نقعدوا في الكافي هذا خير ما انخشوا للزحمة
مؤيد: تمام هيا توا نلحقكم؛
مشى زياد خش الكافي و مؤيد مشى درس سيارته لاقدام
جاء يبي ينزل رن تلفون بلقيس رجع قعمز وصكر الباب
مؤيد: خيرها ديما ناسية تلفونها 🤨؛
خذا الشنطة طلع التلفون شبحه و استغرب من عدد المكالمات من نفس الرقم فتح التلفون شاف السجل فيه 15 مكالمة اليوم
الشك لعب في عقله خش ع الوارد كان فاضي ولا رسالة فيه خش على سلة المهملات وهنا كانت الصدمة 😨😡
الرسايل اللي حذفتهم بلقيس قاعدات و مؤيد يقرا في كل رسالة مكتوب فاها كلام ايدل ان في شخص ايجي لبلقيس الحوش لغرض🔞
و مؤيد خلاص نار ولعت فيه و الشر يبي يطلع من عيونه🔥
قعد وقت هو داخل السيارة و عقله ايشيل و يحط و ايعاود يقرا الرسايل ويدقق بالحرف 💔 تاكد ان بلقيس اتخون فيه كان في حالة من الغضب لو بلقيس بحذاه يمكن قتلها ❤️🔥💔
رجع التلفون لشنطة و ولع السيارة باش يمشيلها و ياخذها من الصالة 🔥
قاطعه زياد دق عليه اضطر مؤيد يهدا ويتمالك اعصابه فتح المرش
زياد: وينك
مؤيد: بهدوء؛ هيا جاي 💔؛
صكر المرش و نزل من السيارة مشى مع زياد خشوا الكافي و نوح كان يرسل في مسجات لغالية
قعمز مؤيد متوتر و ايحس بسخونة بجسمه ناض نحى جاكيته حطها ع كرسي و قعمز يفتح في ازرار قميصه من فوق
زياد: يشبحله بستغراب؛ خيرك
مؤيد: جو ساخن شكله مش فاتحين تكييف
زياد: لا جو كويس؛
خذا المنيو شافه و رجع حطه و مؤيد يشبح لطاولة بسرحان و نوح شاد تلفونه
زياد: شن يا عريس ماتبيش اتعشينا
نوح: شبحله؛ شوف شن في عندهم؛
رجع شبح لتلفونه و ابتسم قراء مسج من غالية ( لو ما اتخش مش ح انروح معك 😁)
رجع بعثلها ( اتهددي فيا باهي باه توا ايبانلك😉)
زياد: شبح لمؤيد؛ شن يا مؤيد. مؤؤؤيد هييي
مؤيد: هممم ❤️🔥
