🌿رواية #الهاربة⚖️🌿
💜الحلقة الثانية💜
🌹Hăbošh🌹للكاتبة
................... ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
فتحت غالية عيونها وشافت وين قاعدة تاثرت برقدتها في الشارع وكل الماشي والجاي يتفرج عليها 😞
قعمزت عدلت حرامها و وقفت خذت شنطتها وطلعت من ساحة المستشفى مشت مسافة لين وصلت لجامع وقفت قدامه وشافت الملحق بتاع الخلوة الخاص بالنساء مفتوح فرحت هلبا وطول خشت الملحق نزلت شنطتها في زاوية الخلوة ومشت للحمام
بعد ماطلعت شافت راجل كبير واقف ع الملحق بعد شافها اعطها بضهره
الشيخ: اسف يا اختي مانحسابش في حد داخل
غالية: بلكلكة؛ اااني اللي نعتذرر دخلت بدوون استااذن
الشيخ: لا يا اختي هذا بيت الله خوذي راحتك. السلام عليكم ورحمة الله وبركاته
غالية: وعليكم السلام ورحمة الله وبركاته؛
مشى الشيخ و غالية خشت للخلوة اتجهت للقبلة وكبرت اتصلي الصبح وكل الاوقات اللي فاتوا عليها امس
.
.
عند نوح واقف ع غاز ايطيب في الفطور وفي يده تلفون
نوح: صباح الخير مؤيد. انت في المقر؟
م مؤيد: اها توا باش وصلت
نوح: تمام. اليوم مش ح نقدر انجي قاعد مع الوالدة
مؤيد: اوكي ولا يهمك. تبي شي اخرى
نوح: لا سلامتك؛
صكر الخط و كمل تجهيز سفرة الفطور ورفعها ومشى.
نوح: نزل السفرة ع كومدينو؛ اامي اامي هيااا نوضي؛
قعمز يمسح ع راسها و امه فتحت عيونها تشبحله بتركيز
خدوج: نوح
نوح: بابتسامة؛ صبااح الورد يا الغالية. كيف حالك اليوم
خدوج: قرنت حاجبها؛ انت مزلت قاعد راهو ايفوتك باص المدرسة. هيااا نوض خلي انديرلك سندوتش انت وخوك؛
نحت البطنية بتنزل من ع سرير
خدوج: لا حول ولاقوة الابالله توا بوك ايحط اللوم عليا؛
وقفها نوح شد ايديها الزوز باس عليهم
نوح: ارتاحي يا ام اليوم عطلة
خدوج: صفنت بعيونها ؛ عطلة ! هو اليوم شنو؟
نوح: اليوم السبت؛
لف ايده حضنها من اكتافها ومشى بيها لكنبة في دار قعمزها وقرب الطاولة منها ومشى خذا السفرة نزلها ع طاولة و خدوج تشبحله
نوح: هيا يا ست الكل افطري؛
خذا ايوكل فاها ويهدرزلها بعدين امتنعت تاكل
