🌿رواية #الهاربة⚖️🌿
💜الحلقة التاسعة💜
🌹Hăbošh🌹للكاتبة
.................... ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
مؤيد : جيبوا نعيم لتحقيق
الافندي: حاضر سيدي؛
طلع مؤيد ماشي لغرفة التحقيقات و شوية اخرى خش نعيم بالقيلات طبعا نعيم و منير محجوزين بسبب الاعتداء على غالية
مؤيد: قعمز؛
قعمز نعيم و علامات الخوف على وجه
مؤيد: مسح على لحيته؛ يوم الحادث وين كنت
نعيم: بارتباك؛ قلللت في التحقيق ااامس
مؤيد: اي و اني بنعاود السؤال
نعيم: تنحنح؛ في الحوش
مؤيد: اخر مرة شفت فاها مصعب
نعيم: مش عارف الساعة بزبط بس قبل اذان العشاء
مؤيد: المتهمة قالت.... ؛ و قاله اعتراف غالية
نعيم: لاااا تكذذذب ياااا حضرة الضااابط نهاد تبي تلبسني التهمة
مؤيد: يعني تنكر ان صارت مشاجرة بينك وبين المجني عليه بسبب محاولاة اغتصابها من قبل المجني عليه
نعيم: اي حضرة الضابط نهاد تكذب😩
مؤيد: ح نسمعك اجابتك على نفس السؤال اللي سالتهولك في اول تحقيق؛
قرب الجهاز وشغله
و نعيم ايصب بالعرق 🥵
صوت مؤيد يسال في نعيم وين كان يوم الحادث و امتى اخر مرة شاف فاها المجني عليه مصعب
نعيم: لا اني ماشبحتاش كنت في الورشة انصلح في سيارتي عاطلة ؛
مؤيد: طفى الجهاز؛ مش نفس اقوالك في تحقيقات الاخيرة !
نعيم: بارتباك؛ ااااء قلت صح و ااانااا فعلا كننت في الورشة و بعديها روحت قعدت في الحووش مااطلعتش
مؤيد: و مصعب كيف شبحته زي ماقلت قبل اذان العشاء !؟ و في تسجيل قدامك قلت ما شبحتاش !؟
نعيم: سكت وجهه انسود؛ يومهاا يمكن من الصدمة نسيت ان روحت الحوش باش ناخذ افلوس وقتها شبحته 🥵
مؤيد: امممم؛ وقف جاء وراه؛ وشن الحديث اللي دار بينكم
نعيم: عااادي مافيش حديث مهم سالني ع السيارة
مؤيد: اهااا سالك ع السيارة بس
نعيم: بلع رياقه؛ ايي
مؤيد: نادا للافندي؛ يااا ااافندي
الافندي: خش ضربله تحية؛ نعممم سيدي
مؤيد: خوذه للحجز
نعيم: بصدمة؛ علاااش الحجز يا حضرة الضابط شن تهمتي!؟
