رواية🌿#الهاربة⚖️🌿
💜الحلقة الاولى 💜
🌹Hăbošh🌹للكاتبة
............................ ❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
تنويه🤚🏻( الهاربة رواية من الخيال و ليست واقعية 🔥)
نبدوا بمختصر القصة 👈🏻
في سنة 1999 ولدت غالية بطلة قصتنا و كانوا بوها وامها مختارين ايسموها اسم نهاد بس في السجل المدني قالوله اسم نهاد ممنوع ايتسجل فا احتار شن ايسمي و في الأخير سماها غالية . بس اسم نهاد هو اللي لصق فاها و غالية بس في الاوراق..
( باش مايكون في اغلاط بالاسماء وضحتلكم من الاول فا ماتستغربوش .نهاد هي غالية )
كبرت غالية وصار عمرها ثمانية اسنين و توفي بوها و عاشت هي وامها ظروف صعبة بحكم بوها ماعنداش راتب حكومي و يشتغل سائق تاكسي باش ايطلع قوت يومه و من لما مات مافي من يصرف عليهم و يوفرلهم حاجاتهم وبعد شهور طلعهم صاحب الحوش عشان مادفعوش الاجار لست شهور.
مشت مريم ام غالية لقريبتها وقعدت عندها شهر لين تحصل حوش و قررت تشتغل بشهادة التمريض اللي عندها وبعد معانا حصلت شغل في المستشفى وقعدت تخدم ليل و نهار باش تقدر تاجر حوش تعيش فيه هي وبنتها وتصرف عليها.
و كيف هلبا نسوان مالهمش اي سند تعرضت للمضايقات حتى في مكان شغلها. فاتوا سنتين و صار عمر غالية عشر اسنين سيبت القراية بعد امها اتزوجت من شخص اسمه ابراهيم تعرفت عليه في المستشفى و برغم ان هو كبير ومتزوج وعنده اصغار وافقت تتزوجه شرطت عليه بنتها و ابراهيم وافق و تزوجوا بدون عرس.و نتقلت مريم و غالية لحوش ابراهيم في ضواحي طرابلس كانت العيلة من العوايل الصعبة و غير المشاكل مع مرته الاولى و هي مضطرة تتحمل باش تنستر ويقعد عندها راجل ...
مشيوا شهور و اسنين و مريم في صراع و مشاكل وضعها مش مستقر خاصة ما دارتش اصغار من ابراهيم و خايفة تطلق . و غالية كل يوم اتزيد جمال و يزيدوا يطمعوا فاها خاصا زوز من اعيال خوته و غالية المسكينة عايشة في رعب التحرش و المعاملة السيئة من العيلة كلها حتى زوج امها معاملته قاسية و يتهم فاها اتسبب في المشاكل وفتنة وووو
المهم وضعها شين وعيشة سودة عايشتها و هلبا اتجي لامها تطلب منها تطلق و يمشوا ايعيشوا بعيد من العيلة والمشاكل وحكتلها حتى انها تتعرض لتحرش بس مريم خافت لو تطلقت ح تتبهدل اكثر خاصة المعيشة توا اصعب و غالية بنت حلوة و فاتنة خايفة عليها اكثر من اي وقت و مافيش قدامها غير ترضى بكل الهم والمشاكل في وسط عيلة راجلها و غالية يوم بعد يوم تكبر و تكبر مشاكل التحرش و بعد سنتين مرضت امها فجاة و ابراهيم هاملها مارفعهاش اتعالج و كل يوم صحتها في النازل و غالية يناري ماعندها الا امها وقريب اتموت عليها 💔 في يوم تعبت و طاحت عليهم رفعها لمستوصف القرية عطوها مسكنات و روح بيها الحوش وهي على نفس الحالة 💔💔💔💔💔
