سَنُسامِح ونَصّفَح....!💛
ونَترُك الحِسابْ لأحّكم الحُكَماء💛✨.
ginoo🖤...
"كنت شاردة وبعاين للناس الفي الشارع كل زول عندو هم وعندو قصة، كل واحد غرقان بهمو وشقيان عشان يوفر اللقمة لي اسرتو بقيت بفكر وبختلق لي القدامي قصص....في نص سرحتي دي قطعها لي الكمساري عشان القروش اديتو حقو، لسه بفكر انا عايشة لي شنو في شنو في الدنيا دي يستاهل اعيش عشانو، م عارفة هل انا عايشة في جحيم ولا في دنيا، فيها فرح وزعل اخخ بس البص وقف ونزلت علي محطتي ابتسمت كعادتي وسلمت علي البواب💜....عمو محمد كيفك؟...اهلا ي بتي بخير ونعمة ربنا يحفظك، دعوة الصباح دي حلوة شديد دخلت الجامعة قعدت تحت الشجرة وفتحت لابتوبي ودخلت عالم الهكرز🙂💔 دا المكان البرتاح فيهو وبكون عايشة في عالمي الخاص عشان اخد حق اي زول مظلوم حتى لو م بعرفو...."
°°°°°°°°°°°°°°°°°°°°°°°°°°°°
الخرطوم...بحري.
-عملت القلت ليك عليهو؟...
*ايوة ي معلم عملت اي حاجه باقي توقيعك بس.
-تمام ح اوقع عليهو.
بعدها سكرتيرو طلع وشال الصورة الفي المكتب وقال...
"ح الاقيك في يوم ي بتي واوريك انو انا ابوك م غيري".
°°°°°°°°°°°°°°°°°°°°°°°°
كنت زهجانة ف قلت احسن اكتب بعد طلعت من عالمي الجميل....فتحت التلفون دخلت النوته وكتبت...
أنا التي أصبحت لا أبالي بما حولي فقط اعيش لانشر ابتسامتي لكل من يراني لان الابتسامة صدقة في ديننا💙....
ginoo....
ايوة انا اسمي نرجس كل زول بلاقيهو بقول لي انتي اسمك م جاي معاك نهاي😂💛مرات بستغرب مرات بمشيها، انا عايشة في الخرطوم مع خالتي نوال بقول ليها نونتنا وهي نعم الخالة بالجد وحنينة وبتحبني شديد انا امي اتوفت بعد ولدتني حتى م شافتني اسمها ناهد💓 وهي وابوي كانو منفصلين انا م بعرف شي عن ابوي غير اسمو اي بس اسمو مسجلة في الشهادة بي نرجس احمد عبدالله عثمان....دا كل العارفاهو، عايشة حياتي ببساطة مع خالتي وولدها هي زوجها متوفى قبل سنين عندها ولد واحد الي هو فارس اكبر مني بس صحبي شديد هو قاري ادارة اعمال وشغال في شركة، حالنا متوسط زي اي اسرة في البلد دي وانا بقرا هندسة معمار في الخرطوم🙂💙.
اوصف ليكم نفسي انا سمرا او حنطية لوني شوية م مفهوم بس عيوني كبار وانفي عمودي ومتوسط رموشي غزيرة خالتو بتقول لي انو امها كانت كدا يعني حبوبتي شعري طويل واسود وناعم وانا ضعيفة وطويلة شوية بحب البس عبايات واسعه م عارفة لي بس بحب كدا💙.....بشبه امي باللون والشعر اما الرموش زي حبوبة والعيون دي م عارفة جايباها من وين😂💙.
انا فارس دا حلبي وطويل شديد انفي زي انفو بس هو عندو وجنات احي بس وشبه معضل كدا وهو سندي في الدنيا من وعيت وهو معاي عمرو م خلاني في يوم هو اخوي وابوي وسندي وعكازي لمن اقع حرفيا هو وخالتو مالين لي دنيتي💙....
°°°°°°°°°°°°°°°°°°°°°°°°°°°°°
ح اقطع ليكم الرواية....
مرات بتمر علينا لحظات بنقول..
م ح اقد اتجاوز.....
انا مستحيل انسى الالم الجواي دا....
م ح اقدر انخكى الانا فيهو...
ي رب انا تعبت من الدنيا....
بس في ناس بقولو...
فترة وح تعدي....💓
الله كريم مستحيل ياخد مننا شي وم يدينا شي....
كلوو لي خير❤....
دايما خلونا نفكر بس ايجابية عشان نقدر نوازن الضعف والانكسار الجوانا بي ايجابيات تخلينا نكمل الطريق، تخلينا نشوف الكنا عميانين وم شايفنو، ايجابيات تخلينا نبتسم ونقول ح تعدي، ونقدر نشوف نص الكباية المليانة💛، عمرنا م ح نمشي لي قدام اذا بنتشاءم وبنفكر في سلبيات وبس، لازم نصفي افكارنا ونشوف طريقنا بي وين ونبدا نمشي فيهو بكل توازن💙✨....
سَنمشِي دَرّبنَا بِكُل فَخرً فَإنّ الحُلمَ تَسّبِقهُ أمَانِي....💙
ginoo🖤...
ابقو عافية💛.....
