البدايات للجميع و الثبات للاصدق!💛...
الأربعاء...
الس9:55مساءاً...
- جا داخل حنتو ومعاهو امو واصحاب عمرو🖤🖇، كان فرحان انو ح يعرس البت البحبها وفرحان لفرحة امو واصحابو ليهو🖤🖇...
كان لابس جلابية بيضاء وعمة بلفة ظريفة باللون الكحلي، واصحابو كلهم لابسين على الله كحلية🖤🖇...
في نفس اللحظة كانت هي لابسة عبايتها وماسكه النقاب وواقفة في باب الغرفة وبتكورك فيهم...
نرجس: بمشي بمشي بمشي راجلي ولا راجلكم اقعدو انتو وانا بمشي🙂💔..
سمر وهي بتصلح في توبها: رجالات هي قلت م ح تمشي..
ريفان: اتقلي ي بت😁.
نرجس: هوي يا البتلبسي في توبك وعاملة فيها مرة م تتكلمي معاي، وانتي الفالحة برضو م تفتحي خشمك...
سما: نرجس بالجد م تمشي شينة..
وكلهم طلعو ولا عبروها الا راما جات راجعة...
راما: بسبس...
نرجس رفعت راسها، راما: بخلي الباب فاتح ومفتاح عربية ابوك قاعد في الطربيزة بتاعت الصالة لانو مشا مع مازن الحقينا ظابط..
نرجس: راما😩❤❤❤،وجرت حضنتها، انا بحبك لانك بتفهميني❤..
راما: خلي رومنسياتك دي تاني القاك وين انا ف عيشي الجو😂...
ناس راما طلعو والبيت بقا فاضي وبقت هي براها طوالي وقفت قدام المراية وربطت النقاب وشالت المفاتيح وهي خايفة تسوق براها لحدي بيت ناس شاهين بالعلم انو بعيد شوية منهم ف بقت تطمن في نفسها...
نرجس: نرجس ركزي وم تخافي بتقدري تسوقي بتقدري، اتذكري شاهين كان بقول لازم تشتتي انتباهك وتركزي في مكان واحد، ولازم تختي في بالك انك ح تقدري، وبالطريقة دي ح تقدري يلا ي نرجس ارح ي مرت شاهين❤...ودورت العربية واتحركت...
بعد تلت ساعة من السواقة في شوارع الخرطوم المزدحمة وقفت العربية التوسان قدام بيت فخم ومحيط بيهو من بره عربات كتيرة، مما يدل علي انو في مناسبة وفرح❤، وبالفعل دا الحاصل😂، نرجس وقفت العربية ونزلت لقت صحبتها البتحبها واقفة في الباب وماسكة التلفون كانت متوترة شديد جات نرجس من وراها...
نرجس: وههه...
راما اتخلعت وقربت تبكي ونرجس بقت تضحك باعلى صوت فيها😂😂...
نرجس: ي جبانة ي خوافه😂😂...
راما: حيوانة دي، وصلتي كيف ان شاءالله م حصل شي، نرجس سقتي براحه صح، انا م اتصلت ليك عشان م اشغلك،...
نرجس: اي اي سقت كويس ماف شي ي بت😂😂❤..
راما اتنهدت: الحمدلله...❤
