أصبحت لا أهتم بأي شي، لا فراق يحزنني ولا رحيل دون وداع يحطم قلبي، ولا خداع يكسرني، لأن الشتات الذي بداخلي أعمق من كل حزن ومن كل كسر ورحيل وفقدان، ولا يفهمه العابرون أمثالك يا من تقرأ الأن.
ginoo...
مرت ايام وايام كل يوم بحس انو ربنا رزقني نعمة م بتتعوض ابدن اصحابي💙...
م كنت متخيلة انو يكون عندي اصحاب بس ياهو اسي عندي اصحاب بالدنيا كولهااا🙂🖤...
كنت قاعدة وم فاهمة اي شي في الشيت القدامي رفعت راسي لقيت هادي فاتح الكاميرا وبدندن وبهبش في شعرو😂💗 وراما داخلة انستا، وسما بتخلط🌚💔وماهر عامل فيها بقرا لكن هو بشخبط في الشيت ساي قلة ادب كمل القلم🙂💔طبعن هادي عشان حفار وبجي اول الدفعة هو وماهر بستغلو يقريني لكن ماهر بقول لي انا م بقري بنات كدا بخدش مهنتي🙂💔💔.
انا: بس بس بس بس بس ي هادي ي جميل انت🌚❤.
هادي: م بقرييك م بقريك عديل كدا كرهتيني الجامعة والكلية والهندسات كلها.🙂💔
انا: هادي عليك الله والله انا تعبانة وك قدرت افهم اشرح حبة بس.🙂
هادي:.....
انا: هادي م تسفهني يخ انا موش اختك🥺🖤.
هادي: حاضر حاضر عشان اختك دي اشرح ليك العاوزاهو😂💙.
ماهر: واهاهاهاهاي تعال كشف الرسمة دي ي اصلي🤣😭🤣🤣.
انا: بل يخ دي شنو الشخبطة دي🤣🤣💔.
ماهر: دقيقة دقيقة انتي اصلي🌚💔ولا ايوا صاح م انت صاحبنا داك🌚💔.
انا: اسكت مني زاتو🙂💔، ومشيت لي هادي وبقى بشرح لي🥺🖤✨...
بعدها اي زول شاف شغلتو انا جاني فارس وطبعن فارس دا بقى كراش راما اي كراش قالت راجلها نازن لكن بتكرش علي اي زول عادي🤣، مشت معاي البيت راما بايتة معاي، سما اهلها م خلوها عشان صعبين شوية.
وصلنا البيت طبعن من الباب...
راما: ي ست الحبايب💙، ي ستو انا🤣💙💙.
نوال: اهلا اهلا بي بتي السمحة البيت نور والله 😂💙💙.وحضنو بعض
انا (مربعة يديني وبعاين ليهم): بتك براها صاح الصبر ي نونتنا الصبر بس🙂💔...
راما: هي دي نونتي براي🌚✨.
انا(بصوت عالي): ي فاارس تعال شووف...اللهم لا تجعلني فتاناً🌚💔.
فارس: ي عيون فارس وقلبو وحياتو احكي لي🌚❤.
ومن هنا بدت النقاشات الم بتخلص انا وفارس بنشاغل في بعض راما بتتغاظ وبتحرش خالتو وخالتو بتضحك معانا🤣🤣💔.
كملنا الونسة كلها لحدي بليل كنا قاعدين في غرفتي زي الساعة سبعة كدا لقيت مكالمة من سما وراما برضو لقت مكالمة ومتصلة في قروب الشلة،انا قلقت لانو هي بتتصل مرة وحدة بس تاني الا ترجع ليها، رجعت ليها....
