النفس تحتاج لمن يفهمها، لمن يقتسم معها برودها وشرودها وعنادها وقسوتها وعطفها، النفس تحتاج لمن يقاسمها التعب🖤🍂....
ginoo...
الساعة 11:35م...
-نرجس كانت قاعدة وفاكه شعرها الطويل وبتاكل في نهاية القلم وهي بتحاول تفهم الشيت القدامها، فجاءة وبدون مقدمات جاء في بالها شاهين،،،زفرت بضيق وهي م عاوزة تفكر فيهو كتير لانها خايفة سمر تكون لسه بتحبو،،،
نرجس مع نفسها...
"اخخ ي نرجس كل م تحبي حاجه م بتكون من نصيبك، دايما بتتعلقي وتحبي الحاجه الغلط، كل العلي م افكر فيهو كتير تمام لحدي م اسأل سمر،،،،ممكن اسي اسأل سمر؟؟،،،اي ممكن،،،".
نرجس قامت بكل بساطة ومشت براحة ووصلت غرفة سمر وبقت واقفة بين تصحيها ولا لا؟!...
في مكان تاني....
كان قاعد في كلسي في الحوش وخاتي رجلينو في الكرسي القدامو وماسك الجيتار وبدندن...
"Oh , for you I would have done whatever"....
"اووه من اجلكِ يمكنني فعل اي شيء"
"And I just can't believe we ain't together?!..."
"وانا لا استطيع تصديق اننا لسنا معاً..."
اثناء م هو مندمج فجاءة رامي كان زهجان وم عارف يعمل شنو طلع بالشباك شاف ماهر بغني طوالي شال سفنجتو وفلقو وطلع نياش جات في نص راسو😂😭😂💔...
ماهر اتخلع ووقف علي حيلو وبقى بتلفتت شاف رامي واقف وبضحكك😂😭💔...
وفي الحقيقة رامي م براهو كان براقب في ماهر، لانو ريفان برضو كانت بتعاين ليهو وقلبها شايل كل الندم والحسرة، كانت زعلانة علي حالتو وشرودو، كان نفسها تكون معاهو، كانت دموعها بتتسلل علي خدها وم راضية تقيف....
ماهر: ي ولدنا انت مجنون، وبعدين انا م ربيتك كدا دي شنو الحركات دي؟!😒.
رامي كورك ليهو والحلة كلها ح تكون سمعتو😂😂
"اصبر اصبر جايك بالباب انا زاتي م قادر انوم😃💔"
رامي طلع من بيتهم واتجهه لبيت عمو عبدالله المجاور ليهم ودخل لقا صحبو قاعد وشارد جا في بالو انو يطلعو من شرودو قال...
رامي: والله لو م بخاف من ابوي كان تلبت بالحيطة بدل م اجي بالباب😂😃💔..
ماهر ضحكك مسافة وبعدها ضحكتو اتحولت لابتسامة وزالت..
رامي لاحظ ليهو وقعد في الكرسي التاني وخت يدو في خدو وقال: احكي ي صحبي!...
ماهر: انت عارف انو انا حبيتها صاح؟...
رامي: ايوة،،
ماهر: طيب هي لي م راعت لي مشاعري لي م فكرت انو انا انسان بنكسر وبتوجع زي اي مخلوق لي م خت الففكرة دي في راسهها؟؟...
