"صحيح ضَهر الوجَع مكّسُور بسّ كتّف الأمَانِي بَشِيل" 🖤....
♛┈⛧┈┈•༶༶•┈┈⛧┈♛
"سمر"...
ايوة انا بحبو ومتيمة بحبو بس م عارفة هل هو بحبني الشايفاهو انو م بحبني ومعتبرني اختو وبس ودي الحاجه البتوجعني شدييد، بس متمنية انو يجي يوم ويحبني ولو ربع الحب البحبو ليهو😔💔...
بالجد انا عارفة تفاصيلو كلها الشامة التحت عينو اليمين، حتى عيونو الناعسة، شعرو الكثيف البني، وانفو العمودية، طولو وقوامو الرياضي، بحب اي شي بخصو❤....بس هل ح يجي يوم ويحبني بنفس الطريقة دي هل ح يحصل كدا ي رب😔💔...
أسوء ما قد يحدث لك أن يحبك كل من حولك إلا الشخص الذي تحبه أنت💔....
"نرجس"....
مرت الاجازة بسلام اوريكم الحصل...
سما رجعت بيتهم عشان ابوها نزل السودان وجا حبيبها واتكلم مع ابوها وخطبها منو اما عن ود خالها م قرب عليها ولا حاول يعترض....وحاليا امورها فل..
وماهر وهادي"الحنين"❤، في فترة الاجازة اشتغلو مع اخو ماهر الاسمو مازن اي مازن كراش راما😂، اما راما ف سافرت بيروت تسلم علي اهلها الهناك بت المحظوظة😂💔....وفارس لسه مكمل مع خطيبتو بس هي بتغير مني🙂💔.
مرت الايام م بننقطع من بعض ابدن، ودايما في ضحك وهظار و وناسات، اقل مشكلة بتحصل بنجي نحكيها لي بعض وبنلقى ليها حل دايما، لاننا سوا وفاهمين بعض شديد❤...يمكن انا اصغر وحدة فيهم واقرب زول لي هادي😂ايوة متستغربو هادي صغير يادوب تم ال20 اكبر مني بسنة ونص تقريبا😂💔...
كنت لابسة عباية سودا وطرحة سودا في نص راسي واسبور نايك اسود بالابيض وشنطة صغيرة بيضاء، وماسكة ورق وشهادات في يدي....خالتو استغربت فيني وسكتت بس قالت لي..." ربنا يحفظك ويهديك❤"..ردفت بي أمين وسكت...بعدها طلعت لي فارس ومشينا علي الجامعة م اتكلم كتير ولا علي طبيعتو...
-فارس في حاجه حاصلة معاك؟.
زفر بي ضيق وقال: م عارف بس بحس ريماس بتغير منك عارفة وانا بديت اتغاظ منها وهي كل مرة بترمي كلام....."هي م واثقة فيني يعني"؟!...قالها بيأس..
-مسكت يدو ورديت محاولة في ابعاد اليأس: هي بتغار عليك يعني بتحبك يعني انت ممتلكاتها الخاصة ف حاول انك تتعامل معاها براحة وتفهمها انك ليها هي وبس م لي وحده غيرها وريها انو انا اختك اختك وبس ي فارس اختك وبت خالتك وصحبتك، وانا البت الاتربت علي يدك ي اخوي❤...
فارس: وانا محظوظ انك اختي ي عاقلة ربنا يحفظك❤...وانزلي وصلتي وجهتك لو حصلت اي حاجه وريني.
وصلت الجامعة ومستنية الشلة تجي...
كلها خمسة دقايق وصوت ضحكاتنا المتتالية ورا بعضها كان واضح...بسبب محاكاة هادي لي ماهر وهو مدروش وزعلان م داير يشتغل وماهر عامل فيها م سامع😂🙂وانا وراما بنخت احتمالات وهادي بقول لينا اي كان عامل كدا...وسنا بتضحك وتعيد في.." م رضيتها ليك ي ماهر"😂...
ماهر عمل زعلان وقال م ماشي معانا الكفتريا مشينا البنات وخليناهم هو وهادي وطبعن هادي عشان جاهو اتصال بس م اكتر😂...ختيت ورقي جمب ماهر لانو هادي كان بعيد ومشيت لانو ضايقني ولسه قسم التسجيل م فتح....مشيت مع البنات...
عند"ماهر وهادي"...
هادي: ي الله....
ماهر: مالك ي هادي.
هادي: ابوي قال لي امشي اسلم علي امو دي يخ، اسي هي قاعدة معاكم لي دا شنو المعط دا استغفر الله.
ماهر: الله كريم بجي يوم وقلبها دا بحن لينا.
الورق الجمب ماهر طار...
هادي: الحق الحق دا ورق نرجس دايرة تسجل بيهو...
ماهر: قمت مسرع وشلت الورق نفضتو من التراب البسيط وشفت الاسم مكتوب بالخط العريض..."نرجس عبدالله عثمان احمد"اتوسعت عيوني وبقيت بفكر وبربط الاحداث وانا سامع صوت هادي بنادي لي برضو م رديت...استنتجت انو نرجس اختي ايوة اختي ي الله طلع عندي اخت كمان تاني في شنو مخبيهو علينا ي ابوي💔بقيت سرحان وبفكر لسه...لحدي م جا هادي وشال الورق الكنت سارح فيهو وبقى هو برضو سرحان كمان من الشافو💔...
هادي: استغربت من سرحة ماهر ومشيت عليهو لمن شلت الورق الفي يديو لقيت مكتوب اسم نرجس وبعدو اسم عمو عبدالله واسم جدي بقيت مبحلق ومذهول في الشايفو هل هي بت عمي بالجد ي الله💔...
"نرجس"
جيت ولقيتهم سرحانين بقيت بحاول اناجيهم واسألهم بس م بردو عاينت لي ورقي شلتو وقلت ليهم في شنو...؟
ماهر: انتي اختي💔..قالها بيأس💔.
-ايوة انا اختك الاتغير شنو، ومالك عامل كدا😂.
ماهر: م تضحكي م تضحكي انا اخوك بالدم انتي اسمك نرجس عبدالله عثمان احمد💔...وانا اسمي ماهر عبدالله عثمان احمد💔مركزة ولا لا؟!...
-لا اراديا لقيت نفسي سرحت بعيد وقلت "بالسرعة دي دعوتي اتحققت وح القاك ي ابوي واسألك وتكون ابوي انا براي...بس طلع عندي اخوان؟! وهم اقرب ناس لي معقولة بس"💔...
ماهر: اتفضلي امشي قدمي ورقك وسجلي عشان في موضوع طويل داير قعدة اطول واتحرك من جنبنا وهو بقول،،،الحقني ي هادي.
-لا دقيقة ماهر نبرة صوتو اتغيرت وكانت فيها كره مبالغ فيهو اثناء م متحيرة كدا سمعت هادي بقول...
" نرجس انا معاك لو بصفتي ود عمك او اخوك او صحبك المهم انا معاك"....ومشى لي صحبو مع انو ملامحو كانت كلها حيرة بس ارحم من ماهر، ماهر الاتغير في ظرف من الثانية اخخ بس💔....
سما وراما معاي واتكلمو كتير بس انا كنت شاردة هل ابوي ح يعرفني؟!....هل ح يعترف بي ويقول دي بتي؟!...ي ربي ح يحبني زي اولادو؟!💔...تساؤلات كتيرة بس مشيت قدمت ورقي ورجعت المصلى لحدي م شفت تلفوني رن والرقم مسجل بي..."اخوي💛"....ياهو ماهر سبحان الله منو القايل ح يكون اخوي😔...
" *يا ليلُ ، هَبني من سُكونكَ ساعةً
فلقد مللتُ ضجيجَ قلقٍ مثقلِ* "♥♥️...
صلـــو عَليّهِ وسَلِمـــو تَسلِيمَــا حتَى تنالــو جَنةً ونَعِيمَــا 💙✨....
حُقِلوا.....
ابقو عافية💙.
