"ما أكرمهنَّ إلا كريم وما أهانهنَّ إلا لئيم".....♥️
-كلكم م نافعين انا زاتي تاني م بجيكم كل واحد معلق لي في المصيبة الفي يدو دي ولا اكان صايع ولافي ويدخل انصاص الليالي....قبلت علي مرت ولدها المسكينة....وانتي كمان مترزعة ك.ي في وشي طيري من قدامي امشي ربي اولادك ديل....
+ي عمتي اولادي مالهم اسي ماف زول سالك...
-اي ماف زول سالني ولا شغال بي م دي تربيتك الزي الزفت دي...
جا نازل من فوق وسمع امو بتتهان ودي كانت في قلبو زي الجمرة....
مازن: دقيقة دقيقة ي ام ابوي اي ام ابوي، م ح اقول ليك حبوبتي لانك م حبوبة ولا زي الحبوبة، اول شي بتعاملي امي كدا لي لو م عندك ذرة احترام لي انها انسانة ختي اعتبار انها ام احفادك ومرت ولدك، ولو برضو م عندك اعتبار لي كدا يبقى ختي اعتبار ليها من الليلة لانو انا م برضى فيها، وكفاية لحدي هنا كل م تجي البيت دا غير المشاكل والالفاظ البذيئة البتشتمينا بيها م بتعملي حاجه، وامي خط احمر لا م خط واحد خطوطة خطوط ي ام ابوي، امي دي تاج راسي والبلمسها او بهينها بي كلمة م يستناني في الدنيا دي ولا دقيقة.
منال: بتعلي صوتك علي ي م نافع وتقول لي ي ام ابوي م عندك ولا احترام لي الاكبر منك...
مازن (بصوت عالي): ايي بعلي صوتي دي امي عارفة يعني شنو امي، ولا انتي عمرك م عرفتي الحنية بس الحمدالله ابوي حنين علينا بس انتي م عندك ولا ذرة انتي قاسية وح تفضلي قاسية...وبعلي صوتي لانو دي امي امي اي امي فهمتي امي....(العب ي باشا🌚).
بصوتو العالي سمر وماهر نزلو الوقت كان زي 11 صباح...
ماهر: مالك ي مازن في شنو🙂.
سمر: امي مالك وشك كدا في الحاجه والكواريك لي شنو...؟
مازن: ام ابوكم دي شغالة اهانات وشتيمة من الصباح.
سمر: مازن دي حبوبتك خلي عندك احترام.
مازن: اخلي عندي احترام اذا اتكلمت باسلوب، يخ تذلني وتشتمني بس م تصل امي ولا بي كلمة فهمتي وكونو تهين امي دي م بسامح فيها...
ماهر: تهين امي؟؟!.....حبوبة احترمتك وم قلت لي ام ابوي بس كونو تلمسي امي بكلمة م ح ارضاها ف شنو كفاية حنكك الواحد دا كل م نحي تعملي مشاكل...
سمر:....
منال: يعني ي اولاد عبدالله دايرين تتفقو علي ي حليل ابوكم التعبان فيكم...
مازن: ي الله....ومشى باس امو في راسها وطلع رزع الباب باقوى م عندو....
ماهر: انا كالع مع مازن اتجنبي النقاشات...وباسها في راسها برضو وطلع..
في العربية....
ماهر: طبعن م وريتك...
مازن: اهاا.
