وأصبحنا تائهين في قطار الحياة، لا ندري هل نمشي بلا وجهه، أو ننزل في أول محطة!.....
ماذا سيحدث؟...هذا هو السؤال من سنقابل، وكيف، واين، ولماذا، وما الحياة إلا تساؤلات....
ginoo...
♛♛♛♛♛♛♛♛♛♛♛♛♛♛♛♛♛♛
ح اتكلم بلسان الراوية...
-كانت قاعدة وبتحكي لي صحباتها الاتنين والدموع م راضية تقيف وهي م عاوزة تسكت عاوزة تحكي تفضفض كفاية عينها م شافت نوم لحدي الصباح، كانت بتحكي عن تعامل اخوها المن دمها، وعن قسوتو، صحباتها ادوها ايجابيات بس هي كانت شايفة انها غلطانة من الاساس م كان تقعد معاهم، اتذكرت ود خالتها المسافر بعد تلاتة ساعات😔💔...
نرجس: دا م وقتو اسي لازم الاقي فارس هو مسافر.
راما: وح تقفلي موضوع مازن يعني؟
سما: دا م وقتو خليها تلحق فارس اسي.
نرجس: يلا انا ح امشي، شافتهم كانت عارفة ح يسألوها تمشي مع منو ردت قبل يسألو، م تخافو بتصل لي ماهر لو م ردا بشوف هادي لانو فارس م ح يخليني امشي ليهو المطار وم داير يودعني.😔💔
بعدها طلعت اتصلت لي ماهر ردا ليها بي: هممم.
نرجس: نايم ي زفت صاح قوم قبل احصلك عشان توديني المطار🙂💔.
ماهر: انتي مسافرة الحمدلله، الله ح يحلني منك🥺❤.
نرجس بصوت عالي: م مسافرة ي حيوان طيارة فارس ح تقلع وم ودعتو🙂💔.
ماهر: اجججاي خلاص اطلعي اطلعي جاي عليك.
نرجس: انا جمب الجامعة اسرع.
ماهر اتحرك سريع لبس بسرعة اصلا صحى الصبح وكان غفى بس وطلع عشان يصل نرجس قبل تضبحو...
مطار الخرطوم الدولي....
الساعة 11:55 صباحاً.
كانت بتعاين عشان تشوف اقرب انسان لقلبها واخوها وابوها الرباها من اتولدت شافتو وهو جاري شنطو وماشي علي صالة المغادرة، كان زي عادتو بنفس الاناقة البتشوفها بيهو، كان لابس بنطلون رمادي وتيشيرت بني محروق مع شعرو الكتير الم مرتب، وجزمة بنية وكان بضحك مع الراجل الواقف جمبو وجنتو لا إراديا ظهرت، قالت بأعل صوت واخوها جمبها...
نرجس: فارس م ح تودع بتك💔..
فارس سمع الصوت الم بغباهو وم بنساهو لأخر نفس❤....اتلفت وراهو وشافها والدموع مالية عيونها💔، مشى عليها وهي بدورها جرت عليهو...
"الوداع حار شديد الله لا ضوقو زول💔".
حضنها عليهو شديد وهي اطلقت العنان لدموعها المقبوضة، ودايرة اتفه سبب عشان تنزل💔،...
فارس: خلاص حبيبي معليش والله برجع ليك صدقيني، كان بعاين للسماء عشان دموعو م تنزل وينهار قدامها، لانو دي بت خالتو وصحبتو وقبل كل شي بتو الرباها ووراها الصاح من الغلط❤...
