من حين إلى حين

30

➷➹➷➹➷➹➷➹➷➹➷

⁣وكُلنا من حينٍ لأخر نحتاج كتفاً للإتكاء عليه، دُون أن نَكون عبئاً أو ثِقلاً مِن أيّ نَوع🖤🖇....

الثلاثاء....

الخامسة وأربعين دقيقة صباحاً...💙

-اشرقت الشمس واخترقت كل النوافذ، لترسل أشعتها معلنةً بداية صباح جديد، صباح مليء بالتفاؤل والامل، لنكمل مسيرة حياتنا ونكافح من اجل احلامنا،،،،واللهم سهل لكل من اراد ان يمشي المشوار🖤...

-في الساعات الفاتت دي اتغيرت حاجات كتيييرة شديد اتحدد تخريج الشلة الكريمة ناس ماهر وهادي وسما وراما،،، ح يكون بعد العرس بي اربعة يوم، بالاضافة لي انو الاخ الكريم هادي اتعرف علي البت اللاقوها ماهر ونرجس في الجامعة،،،(اتذكرتوها بت كسلا العاوزة تقرا معمار)، ح تقولو اتعرف عليها كيف؟؟!

هو بعرف اولاد برالمة وسألهم منها واتعرف عليها وشال رقمها واتصل ليها، بغض النظر عن التفاصيل، بس هي من طباعها وتربيتها ابت تتكلم معاهو بس هو قال ليها انو حيساعدها فاتكلمت معاهو وطلع اسمها<لينة>...هاكي م كان عارف نفسو لي جرا وراها كدا بس بكلام ماهر عنها حس انو عاوز يتكلم معاها...

بدت التجهيزات لحنة رامي بدون م هو يعرف، اتلمو كلهم وقعدو يرتبو للحنة كان الوقت بالصباح وشربو الشاي كلهم سوا💗...

مازن: مدام انا اكبركم ف ح اجيب رامي...

شاهين: ي زول انا اكبر منك بشهرين ف ح اجيبو انا.

نرجس: جايباهو انا🙂.

ماهر: ياخ خلو عوارة الشفع دي وخلاص بس جيبوهو....

هادي: صاح😂، صحي تعالي ي نرجس اسمعي الشمار الجديد...

راما: اي اي اصبر جاية😢.

هادي: هل انتي نرجس هل ولا م هل؟، شنو المعاطة دي، موش كنت مع العروس م طيري..🙂💔.

راما: كويس ي كلب انا تاني اقول ليك شي.

هادي: طيري طيري، تعالي ي نرجس..

نرجس: احكي..

هادي بهمس: عرفت اسم البت اللاقيتوها انتي وماهر المن كسلا💗..

نرجس بصوت عالي: احلففف😃،م خين ي جنى احمد😂.

هادي: ياخ وطي صوتك ياخ😃💔، اتنهد وقال بصوت واطي: احي بس من صوتها اخخ بس🖤..

نرجس: بعد دا كلو صوتي احلى اعترف😃💔...

هادي: ابييت...

نرجس: وصخ...

شاهين كان ملاحظ لي ونستهم الاتنين وقربهم من بعض ايوة هم اولاد اعمام واصحاب واخوان بس برضو هو بغير منو وشديد بس عامل فيها م هاميهو😂😂.

عدا اليوم لحدي م جا وقت الخفلة كل البنات لبسو زي بعض بنفس اللون، كانت عبارة عن فستان طويل واكمام شفافة وهو علي الجسم وباللون البني وفيهو نقوش بسيطة، الا نرجس خربت الرصة ولبست فستان ازرق درجتو حلوة كان علي الجسم من فوق وتحت منفوش وطويل واكمامو عريضة ومافيهو اي نقش ولا اي شي بس لمعة بسيطة💙🖇...