من حين إلى حين

38

‏"الحُب ليس بالضرورة أن يكون رجُل مُتيم بأنثى أو العكس، الحُب قد يكون دعاء أُم فِي جوف الليل، الحُب قد يكون أخ يحتضِنك لو أنكَرك الجَميع، الحُب قد يَكون كتف صَديق تَستنِد عَليه مَتى ما دكّت الحَياة حواجِزك"🖤...

الجمعة...

فجراً...

_كانت ساجدة ودموعها بتجري زي السيل فاقدة امها في اليوم دا💔، دا اليوم البتحلم بيهو اي بت يوم فرحها🖤..،بس هي كانت حاسة بنقص لانو م معاها امها ودي الانسانة الم بتتعوض مهما كان العوض نساي💔...

كانت بتدعي تلاقيها في الجنة كانت بتدعي كتييير، قامت من المصلاية وفضلت سارحة لحدي م سمعت صوت الباب وجا داخل ماهر..

ماهر: عروستنا السمحة😂🖤...

نرجس: ماهر...وعيونها مليانة دموع..قعد جمبها في السرير وحضنها، وزي م بتقال اطلقت العنان لدموعها💔، وجو داخلين سمر ومازن وابوها وسهى...

سمر ختت يدها في راس نرجس: حبيبتي م تبكي احنا معاك....

نرجس: م قادرة م قادرة....💔

عبدالله: حبيبة ابوها، م تبكي انا معاك ي بتي ومازن وماهر وسمر وسهى كلنا معاك م ح نخليك نحنا اهلك...

مازن قعد قدامها في الارض: م تبكي كلو الا دموعك دي، بتي السمحة م تبكي،،،ومسح ليها دموعها...

سهى: نرجس، انا عارفة مستحيل اعوضك عن امك بس انا قاعدة وزي م انا ام اخوانك امك ي بتي والله انتي عندي زي سمر وفرحتك فرحتي م تبكي...

نرجس كانت بتبتسم ليها وفرحانة بوجودهم معاها...❤

ماهر: خلاص قومي ي نرجسيتي..

نرجس عاينت لي مازن: قول لي اخوك دا م يقول لي كدا عشان م نتشاكل...

مازن بهرشهه: ماهر..

ماهر: والله سكت والله سكت عديل الكلام دا خليتوو🙂..

كلهم بقو بضحكو فيهو😂😂❤..

ماهر: عندنا ليك مفاجأتين انا ومازن وهووس م تسألي😂💔..

نرجس: كريهه.

قعدو اتونسو معاها كتيير لحدي الشمس طلعت والساعة بقت سبعة الا كلهم طلعو فضلو معاها ماهر ومازن..

نرجس كانت قاعدة في الكرسي وهم الاتنين في الارض وبدو يتكلمو معاها وهي كانت مركزة معاهم شديد🖤

مازن: نرجس نحنا الاتنين عارفين انك م ح تفرحي فرحة كاملة...

ماهر: بالضبط، وانو مهما عملنا ح يكون في شي ناقص بس انتي اتسايري مع الموضوع...

مازن: ونحنا ح نقيف معاك...🖤

ماهر: وشاهين راجل بحق وحقيقة مستحيل يخليك في يوم بطولك...🖤