غلبنا الهوى والهوى غلاب

البارت الثامن

عند الرجال جاء الجد سعود
الجد سعود : السلام عليكم
سعود : يهلا ويمرحبا وعليكم السلام الله يحييكم
الجد سعود : هلابك الله يحييك
تركي جاء يسلم : ي هلا ي هلا والله نورت حايل واهلا حياكم الله اقلطو
عقاب تقدم بهيبه وشموخ وقال بشموخ صوته ؛ الله يحييكم وتسلمون انا عقاب ولد عبدالرحمان بن سعود ال نهيان
تكلم سعود ؛ ونعم والله تشرفنا بكم
قلطو بلمجلس وابتسم الجد محمد ل احفاده بفخر وهو يشوفهم يقلطون الضيوف ومرتبين كل شي وجاهز ابتسم بفخر بتربيته وانها مراحت عبث وركز نضره على سعود وهو يسولف عليهم ولا عدهم ضيوف واول مره يزورون مكانهم بلعكس رحب فيهم وجلس يسولف معهم بصد رحب ويضحك ويسولف على هذاك وذاك وكانو مشاركين معه تركي ونايف وثامر سامر وعمر كانو يدورون بلقهوه
عمر: تفضل ي جد سعود
الجد سعود : والله ماخذها قبل محمد
الجد محمد : يرجال خذه
عقاب بضحك: عطني عطيني انا اسحب عليهم
ضحكو عليهم وتقدم عامر وسامر يعطونهم مع بعض ويحطون القدوع قدامهم
عند الحريم وقفت الجده هي وام تركي وام سعود وشروق يرحبون بهم
ام عبد الرحمان: الله يحييكم
ام اصايل : الله يحييك ي قلبيي
ايلاف : اقلطن حياكن
ودخلو والبنات يقهون والي بلمطبخ يدهرن
بلمجلس عند الحريم
الجده : ام اصايل عرفيني على بناتكم
ام اصايل : هاذي بنات ابو عقاب شوق الكبيره ثاني جامعه نوف خريجة ثانوي واصايل بنتي اول سنه جامعه  وحيدتي
الجده : الله يخليهم لكم يارب
ام اصايل وام عقاب : امين يارب ويخلي لك بناتك
(تعريف بسيط)( اصايل نفس اطباع ساره وهي صديقتها ومعها بلجامعه وشوق انانيه همها نفسها ومصلحتها وبس ! نوف حاله حال نفسها )
عند البنات ايلاف بهمس ل البنات معدا ساره عند اصايل
ايلاف : بناتتتتت
البنات : نعم
ايلاف : نوف وشوق حلوات!!
جمان: نوف ذي شايفتها وين مادري
عذاري بنفس الهمس : بنات ذي مو عندنا بلمدرسه ؟
ايلاف شهقت وقالت : اييي
البنات سكرو فمها فضحتينا!
ايلاف وخرت يدها وتكلمت: كتمتوني!
جمان : والله بنات مرتحت لا لشوق ولا اصايل ساره قدامكم
فرح بعصبيه: جماننن احترمي نفسك تراني اختها!
جمان بنرفزه: واذ مقلت الا الصدق وبعدين تعرفين اختك انتي !!!
فرح ؛ حتا ولو تبقى اختي وملزومه تحترمينها
ميلاف : خلاص ي بنات الضيوف عندنا بعدين تتهاوشون
فرح قامت من عندهم وهي تدري ان البنات معهم حق بتجاه ساره وهي مو مخليه احد بحاله وتعرف ان همها نفسها وبس بس كل ذا ميهما تبقى ساره اختها ومستحيل ترضى عليها او تسمع كلام عنها وتسكت طلعت للحوش الخلفي تهدا وتدعي اليوم ذا يعدي على خير
عند البنات
ايلاف : بنات شكلها زعلات ؟
جمان : مقلت شي وهي تعرف اختها
ميلاف : صح معك حق بكلامك بس مهما كان فرح مو مثل عذاري
عذاري دخلت راسها بينهم وقالت بضحك : وش فيني انا !
ايلاف وهي تضحك على دفاشت عذاري واستيعابها: قصدها ي حمار انك انتي تدرين ان ام الخلاقين على غلط ومتوقفين معها وام فرح بلعكس معها بس متقول له شي وتسكت وانتي عكس
عذاري :اهاااااا
جمان وميلاف : وجعاااااا
عذاري : وبعدين تعالي ليه تقولين حمار!
ايلاف : صباح الخير !
عذاري قامت بجنب ايلاف وتضحك قرصتها من عند رجلها وصرخت ايلاف لفو عليها كل المجلس وقالت بتوتر: ااا ولا شي نمزح انا والبنات
البنات كاتمين نفسهم على شكلها ومن ناظرت لهم انفجرن يضحكن
عذاري : اي ايلاف تكفين صرعتيني
ميلاف : وجهك تغير صار ازرق
جمان اللي للحين تضحك : وحطت يدها قدام وجه ايلاف وهي تشوف حرارتها لا لا معليكم للحين معنا حيه
البنات رجعو يضحكون من جديد عليها
ايلاف : اوريكن بس خلن يمشون الضيوف
جت ساره واصايل
اصايل بكرة : وش يضحكن ضحكنا معكم
ايلاف بنظره بارده: الضاهر بيننا
اصايل ضحكت وقالت: صدق الحين ملوم ساره فيكم يوم كريهين
وحطت اسبعها بوجه ايلاف ومررته عليه وقالت اكيد انتي ايلاف وهاذي
المحامي حقك وهي تاشر على جمان وهذي الشايب الي هي ميلاف
وتضحك وقالت وهي المصونه عذاري الي واقفه مع الهيلق ذول على اختها
ظحكت جمان ببرود له : تبين الهيلق ذول يعلمونك من هم ؟
اصايل وهي تناظر : وش تبون تسون
عذاري : سارهههه خوذي الي كانه واحد من العيال وضفي وجهس
( وكانت فعلن اصايل كانها ولد حركاته وكلامها )
ساره : هي هي يماما من تعلين صوتس عليه ولا نسيتي من انا وانتي مين
ايلاف : اي صح نست انكم كلاب وعيب علينا نجلس معكم
ساره بنرفزه وصراخ كانت بتمد يدها على ايلاف ومسكتها ميلاف
ميلاف: سارههه مين انتي تمدين يدك على اختي قص يقصه يارب والله والله والي خلق ان مضفيتي وجهس ماهو باحسن لك وخوذي ابو محمد معك ( اصايل )
ساره الي خافت لما شافت ميلاف وعصبيتها سحب اصايل وراحو لشوق وقعدن
ساره : بنات قاهرتني باطه كبدي تغث يع شفتو حركاتها
شوق بدلع ماصخ: وربي يع كيف متحملتها انتي !
اصايل : ساره بنت
ساره : نعم ؟
اصايل : انتي صح عندك صورها واخذتيهم من جوالها ؟
ساره : اي
اصايل : وسويتي المحدثات الي تبين ترسلينها على سعود ؟!!
ساره : اي وبعدين لا تقولين اسمه اغار عليه !
اصايل : الله ياخذك انتي وياه غبيه
ساره : اصايل خير
شوق : اصايل وش تفكرين به !؟
اصايل : ساره روحي وارسلي المحدثات له ولها وغليها تخرب بينهم واستغلي الوضع بطريقتس!
ساره ضحكت وهي عجبتها الفكره وكانت مخططه من اول بس كانت تبي تهدد ايلاف ولا جاء فكرت انها ترسله ل سعود معها !
ساره نطقت ببتسامت شر وقالت : اصايل من وين جبتي الفكره منتي بهينه والله
شوق : ماهي بنت عمي عبث
اصايل : هههههههههههههههههه توكم مشفتو شي اعلمهم اصايل مين اجل انا تناديني ابو محمد !!!!!
شوق : بعيد عن كل شي الاسم ليق عليك ههههههههه
ضربتها اصايل بدفاشه ونطقت بعصبيه: شوقققق ادحري ابشر احسن لك
جت ايلاف على اخر كلامه وهي ناويه تروح ل الجده عشان يقلطون العشاء الحين وقالت وهي تضحك : انتي الشر بعينه وعلمه وراحت وهي تضحك
دخلت عليهم وهي مبتسمه ونطقت : يامي نوره
الجده : هلا يامي اتتي
ايلاف : بالله معليس امر تعالي معي
الجده : ابشري يلاه ساعدين
قامت ايلاف ومسكت يد الجده
ومهم يمشون ل المطبخ الخلفي عشان العشاء قالت ؛ امي نوره  لا يشوفك جدي محمد وانتي كذا وحنا نساعدك اخاف يهج ويعرس ويسحب عليس وبعدين نبتلش منلقى لس رجل
الجده الي سحبت عصاته عليها وقالت بحده : ي قليلت الخاتمه اوريس وانا نوره ومحمد ميشوف غيري احرقه
ايلاف الي طاحت تضحك على ردت فعل الجده وقالت : بتشوفين بروح اخطب له وحده عمرها ٢٠ او ١٩ يجدد شبابه جدي
الجده : فال الله ولا فالك اوريس ي قليلت الادب جدتس وتحكين هلون معي
ايلاف : هههههههههه خلاص خلاص وعد افكر بلموضوع اني اشيل فكرت زواج جدي من راسي ههههههههه
الجده : اي يكون افضل لس وراحت وهي تضحك على جدتها وتطقطق عليها
عقاب الي طلع من عند الرجال وهو جاه اتصال وقاله سامر يقدر يروح الحوش الخلفي محد يكون فيه وهو جاهل ان كانو البنات بلحوش الخلفي
وسكر عقاب من اتصال وجاء بيمشي وسمع كلام الجده وايلاف وعيونه عليها وهو مو مبين منها شي غير شعرها الطويل البني وفستانها الاحمر الي كان موضح جسدها وكان ماسك عليها وضهره مفتوح كامل وضحك من ضحكتها ومن علاقتها مع جدتها واسلوبها وكلامها تجذب الواحد لها وكانت ايلاف فعلن جميله وجمال ياسر القلب كانت فعلن اذ قالو ( موتن حمر) قال بشرود من جماله : ماشاءلله سبحان من سوالك وابدع طلع وراح متوجه ل الرجال ان تاخر عن الرجال
ابو عبد الرحمان : ماشاءلله ي سعود كم عمرك وين تشتغل
سعود : عمري ٢٤ وضيقتي فريق اول
ابو اصايل : ماشاءلله عليك
ابو عقاب : ماشاءلله ماشاءلله الله يوفقك ي ولدي ويخليك لهلك
سعود : امين امين يارب
وقالم تركي وهو جاه اتصال من ايلاف
ايلاف : تركيوه اسمع
تركي بهمس عشان الرجال : ايلاف اخلصي الرجال عندي
ايلاف : اسمع العشاء جاهز وخلاصن كل شي تقدرون تقلطون الرجال ولا تاكلين ترا مقلت شي !
تركي فقل برجها
وقالت بغضب اوريك !!!
وعند ايلاف رجعت ل الحريم وجلست تسولف مع ام عقاب وقالت : ايلاف اسمك صح ؟
ايلاف : اي ي خلاتي انا ايلاف
ام عقاب : والله ونعم كم عمرس
ايلاف : عمري ١٨ بدخل ١٩
ام عقاب : العمر كله يارب تدرسين صح
ايلاف : لا خلاصة ثانوي والحين جامعه بس مقدمت
ام عقاب : ليه ي بنيتي ؟
ايلاف : للحين محتاره وش ادخل تخصص
اصايل الي مرت من جنبهم وسمعت الكلام وقالت : خاله ام عقاب مصدقه انها محتره تلقين النسبه الحين مثل وجها
وقالت ايلاف بهدوا واحترام للموجودين : مدامها مثل وجهي صدقيني بتكون حلوه على الاقل اشوا منس
وكملت كلامها وهي تسولف مع ام عقاب
وام عقاب متعجبه اسلوبها والتربيه وجماله وكلامها باحترام قدامهم ولا علت صوتها وهي متعوده على اصايل وكلامها وقالت بهمس : ونعم التربيه والاخلاق ماشاءلله سبحان من كملك
ام عقاب ل ايلاف : ايلاف امك ام تركي ولا سعود
ايلاف : لا ي حياتيي امي اصايل ام تركي
ام عقاب : ونعم والله
ايلاف :معليك زود تسلمين ي قلبيي
وبكذا راحو الحريم الكبار يتعشون وبقو البنات بس وساره سحبت اصايل وشوق وراحت غرفتها
وعذاري جابت السماعه وجت وقالت : تبون نرقص
ايلاف وجمان مع بعض : تمممم
ضحكت نوف وقالت ببتسامه : ماشاءلله الله يديم علاقتكم مع بعض كذا لحظة من جيت وانتم الثلاث مع بعض ولدرجت سميتكم ضحكت وقالت ثلاثي المرح
طاحو البنات يضحكون عليها وقالت فرح وهي تضحك : نوف انتي جيتي على الاسم الي الكل يقوله لهم مو بس انتي
ايلاف : تكفين نوف حبيتك ههههههههه
نوف ابتسمت: والله حتا انا حبيتكم وحبت اسلوبكم مره ونيسين
عذاري : حياتي انتي والله
جمان : ي عمري
ميلاف شغلت السماعه وقالت يلاه ي ثلاثي المره وش تبون احط
نطقت جمان ببتسامه وهي تناظر ل ايلاف  وفهمت عليها واشرت براسها بمعنا اي ونطقت : حطي تدلي
وبدت كلامت الاغنيه وصفت هي و ايلاف وعذاري تصور وبدو يرقصون بدقه مره وكانو متقنين الرقص بشكل يوجع القلب من جماله
( تدللي واعمليلي ماتحسنتي
يرضيس واللي يجيني منس يرضيني
في منزل مامسك مفتاحه الا انتي
ولا ادري تحسين ولاما تحسيني  .....)
وكملو رقص وقالت نوف : ميلافي حطي لي دبكه
ميلاف : يزين الي تدلعني بس من عيوني
نوف : تسلم عيونك ي حياتي يلاه قمن معي
البنات : منعرف له ايلاف بس تعرف
ايلاف : اف والله تعبت انتي ارقصي
نوف : تمام يلاه حطي ميلاف
وحطة ميلاف وقامت نوف تدبك بتقان لدبكه وهي تعرف له والبنات تعزيز والي تصفر والي تعزز والي تقول عاشو كان جوهم صدق اذ قالو مافيه نفس ثقيله وانتها العشاء وودعوا اهل ال ثنيان
عند الرجال
تركي : اخ مقاعد احس بجسمي من التعب !
عمر : ي شيخ كل تراب موقفت على الرجال وكرفك جدي قال ايش تعبت
سعود : لا بارك الله بلكتمان
طاحو العيال يضحكون على سامر وعمر والجد محمد كارفهم يقهونن ويدهرون وحالتهم حاله
الجد : يلاه يلاه انت وياه قومو على فرشكم والي على بيته
ثامر : اعرفوها ي عيال وتقلعو
نايف : طرده محترمه
واعلن الجد وقت النوم لهم كلهم
اليوم الثاني بدون احداث تذكر
قامت من النوم شافت جواله وكانت الساعه سته المغرب زفرت بغضب وقامت وهي فاتتها صلاة العصر اخذت له دش يصحصح فيها وصلت الصلاه الي فاتته وطلعت له جينز وبلوزه بينك!
وحطت مكياج خفيف ولبست اكسسورات وقعدت على سريرها وهي اشوف جمان كاتبه له تجيهم ببيت الجده محمد كلهم هناك كتبت له تمام وطلعت لبست عبايتها وقابلت بطريقها نايف وقال : سلام عليكم
ايلاف ابتسمت وقال : وعليكم السلام ي هلا
نايف : اخبارك وعلومك
ايلاف : تمام الحمدالله وانت ؟
نايف : ابدا عايشين
ايلاف : يلاه تامر على شي الحين تذبحني جمان اني تاخرت عليها
نايف ضحك وقال : ابدا سلامتك
( ايلاف ونايف فيه بينهم ميانه عكسها من سعود لنها متعرفه ونايف تعتبره اخوها الثانيه وهي تعودت عليها وتسولف معه عادي وتمزح )
دخلت ايلاف وسلمت عليهم وقعدو يسلمون ولفت شافت اشعار من رقم غريب دخلت الواتساب وشافت رسايل وصور له وكلام قذف وسب وان اهللها معروف يربونها فتحت عيونها بصدمه قامت ونادت جمان و عذاري وقالت لهم السالفه وانه مهددها وهي مسوت شي
ايلاف ببكي : والله ي بنات مو صدق مادري مين ذا وصوري عنده وكل شي
ولو تشوفون جوالي وربي ماعرف مين
والمحدثات كانت عباره عن ايلاف و واحد وهمي وان بينهم علاق^هـ وكلام قذر
عذاري والدموع بعيونها وهي تشوف ايلاف ل اول مره بحياتها تنهار كذا وقالت : ايلافي معليك مصدقينك حنا
جمان : ايلاف بنت قومي انتي مسويتي شي عشان تزعلين او تنهارين ولا سويتي شي غلط وكل ذا كذب والحين لزم تعرف مين ذا وش يبي منس
ايلاف وهي تمسح الدموع بعيونها وقالت : كيف ؟
عذاري : ذي خلوها علي والحين انتو ادخلو داخل وغسلي وجهك وانا اتصرف وارد لس وخليك قويه متعودت عليك
مسحت ايلاف دموعها بعنف ومشت مع جمان تغسل وتهدا
عند عذاري : ايوه ابي اطلع الرقم ذا باسم مين
العامل : ابشري كامل عشر دقايق بس
عذاري : اعجل علي
العامل : الرقم ماما باسم ساره علي
عذاري وجها تحول بصدمه مقوله اختها تسوي كذا ببنت عمها وش نيتها ؟
كثير جت اسالها على عذاري وقالت : شكرا خلاص ولا اعلم احد اني اتصلت فيك ترا مو احسن لك
العامل : ابشري ماما
قفلت منه وراحت ل البنات وقالت بصوت عالي جمان ايلاف
البنات : وش فيك فضحتينا كل الناس درو
عذاري : قالت لهم عن الي سوا كذا
راحت ايلاف ل ساره وعطتها كف بقوا معندها وقالت بحده : بلاوكيك ي بنت علي لا ترمينهم علي والله والله مو احسن لك والي سويتيه وكذبك علي وتهديدك عبالك بخاف ؟ او اني اقعد اترجالك ماتسوين شي نسيتي اني بنت سند واخت تركي ! انا بنت سند تسوين كذا لي وعبالك بعدي لك ومن انتي عشان تسوينها اقصاك وحده رخيصه وترمي بلويها على الناس
نطقت ساره بضحك وقربت من عند اذنها : ترا مو بس انتي ارسلتها لك وحتا حبيب القلب سعود ويشوف ي بنت سند هياطك هذا لوين يوصلك حذرتك انا وانتي معرفتي مع مين تلعبين وبعدت عنها وقالت قدامهم وهي تشوف الصدمه على وجه ايلاف وقالت بصوت عالي : عاد والله مدام اهلك مربوك انا اربيك تكذبين علي عيني عينك ومن انتي
سحبتها ايلاف من شعرها وقالت بحدها خوفت كل الموجودين وجمان عطت ساره كف على وجها وايلاف الي سحبتها من شعرها وقالت بحدها: ومن انتي عشان تشكين بتربيت اهلي لي !!
وبدو البنات طق في ساره والبنات عجزو يفرقون بينهم اما عذاري مسوت شي وهي مصدومه من اختها وحقرتها وخبثها وماتدرين هاذي اختها ساره الي كانت تشوفها قدوه له وتحبها بس الحين كل امال عذاري ب ساره خابت وامها تتغير وتصير افضل من قبل وهي تشوف اختها تدمر نفسها
وجت الجده والعمه شروق وام تركي وام سعود
الجده : قومي انت وياه قامت قيامتكم اخلصن علي بعدن جمان وايلاف عن ساره الي راحت ضرب ووجها كدمات واحمررار اخضر وازرق الالوان
العمه شروق نطقت بحده وقالت : عما انتي وهي تضربن بنتي !
ايلاف بصوتها وجراتها وهي ماتخاف من احد لا من كبير ولا من صغير وقالت : والله ي عمه اسالي بنتك وشوفي معي حق والا لا اجل انا تكذب على وتبيني اسكت له ماهي ايلاف الي تسكت عن حقها وهذاكم من كبير وصغير وتعرفوني ماخاف من احد والله والله ان شفتها قدامي ان ماهو بزين له ويعلم اخوانها وجدي عليه وانا مو جايني شي لني ماسويت شي من الاساس وغير كذا انا تربيت على يدين اصايل وسند تهقون اني اخذلهم بي !!!
ام تركي ابتسمت لبنتها وفخر بتربيتها وتعرف عيالها ميسوون شي غلط وتاثق فيهم
تقدمت ام سعود وهي تمسح جمان وتمسح الجرح الي على وجها من اظافر ساره وقالت : وش السالفه !؟؟؟؟؟
وقالت عذاري لهم السالفة وكلهم توجهت انظارهم على ساره وقالت : عندكم ذليل انها انا سويت ذا الشي وتدرون بمشاكلي مع ايلاف وجمان
قالت جمان بحدها: ومن انتي عشان تشكين بكلامنا اجلنا انتي !!!
ايلاف : تبون دليل اوكيه سحبت عذاري وقالت له تعطيهم الجوال واتصلت على العامل وعطاهم الرقم انها باسم ساره علي وايلاف ورتهم المحدثات
مشت الجده على عصاتها وعطت ساره كف رن بلبيت كله من قوته وقالت والله والله ان شفتك قدامي ي ساره مرتن ثانيه اني ماهو بحسلك وانا ذي المره عديتها بكف المره الجايه ماهو زين لك انها كلامها وقال ساره وهي تضحك : اوه ي نوره بكره بنشوف ايلاف وجمان بينفعنك لطلعن على سوياهم
مشت العمه شروق وسحبت ساره معها وراحت
الجده : يلاه كلكن اذلفن عن وجهي
ايلاف ببتسامه ولفت اشوف نفسها بلمرايه ونطقت : اوه بسم الله علي جميله ولا حاستني الكلبه
لفت على جمان وطاحت تصحك
وقالت ؛ والله وظربتك
جمان : الله ياخذها منتبهت الا وهي غارشتني مع خدودي
ايلاف :ههههههههههه بس وربي كفو فزعه مافيه مثلها
جمان : افا عليك باخدمه
قامن وهو يضحكن على اشكالهم 😭
‏بجهة ثانية طلع من دوامه على رساله من الواتساب دخل التطبيق وشاف محتوا الرساله برزت عروق دمه من العصبيه والجنون فوق راسه كتب ( مين ؟)
ركب سيارته متوجه لديره بقصى سرعته زفر بغضب وقال : انا انا ي بنت سند تضحكين علي وطلعتي لعابه ومتربيتي
وصل البيت وهو مفروض يوصل بساعه وصل ١٥ دقيقه من السرعه ودخل المجلس وقال بصوت العصبي من قوته كل الرجال الي بلمجلس قامو رمى الجوال على ابو تركي وتركي وقال : ي عمي ويولد عمي شف بنتكم وش مسويه وتربتك راحت هباااا منثورا
شال الجوال تركي وشاف المحدثات وكلام كثير كله رسايل مسويتها ساره تتبلى ايلاف
نطق الجد محمد وقال : سعوددددد احترم نفسك وانت تكلم عمك وتكلم زين
وش السالفه ؟!!!'
سعود اخذ الجوال من تركي وعطاه الجد : شف شف حفيدتك ي جدي والي متسمعون فيها شي سودت وجيهكم
الجد : اطلعو ي عيال كلكم برا ميبقى غير ابو سعود وابو تركي وتركي وسعود
طلعو العيال وتوجه الجد محمد ينادي ايلاف
الجد محمد بعصبيه : ايلافففف بساع تعالي المجلس
ايلاف عرفت من وجههم ان سعود قالهم وقالت : ابشر الحين بس بلبس عبايه
الجد : اخلاصي
لبست وشافتها جمان
جمان : وش فيك ؟
ايلاف :  التراب ساره مرسله كل شي لسعود وهو قالب الدنياء تحت
جمان : دقيقه بلبس واروح معك وبكلم امهتنا وجدتي
ايلاف بنرفزه: بروح قبلك وماله داعي تعلمينهم اعرف اتكلم ترا
طنشتها جمان وراحت تقولهم
عند الرجال بلمجلس
تركي الي من العصبيه بينفجر عروقه يدينه ووجه مبينه من قوت العصبيه
وقال بصوت عالي : وينههاا ذي متخلص
ايلاف : هذا انا جيت
ابو تركي الي ارتفع عليه الضغط وجلس وهو. منصدم من ايلاف وتربيته له وهي اكثر وحده بين عياله يعرفها ويعرف انها متسوي كذا ! كيف وشلون وليه تسوي كذا ؟!! كان كل الاساله ذي تدور بعقل سند
وقال وهو يحاول بعدي نفسه وسحب الجوال من سعود وقال : الحين تفهميني السالفه ذي ليه انا قصرت معك وانا ابوك ليه تسوين كذا ي ايلاف
انا اعرفك مستحيل تسوينها ربيتك على يديني انتي تربيتي ماهي بنت سند الي تسوي كذا !؟ ايلاف تكلمي قولي شي قولي ماهو انا الي اسويها وقال بصوت عالييي ايلافف انطقي انتي بنيتي ماهي الي تسوي هلون ي خسارت تربيتي فيك انا انا الي مخلي احد يقولك شي وعزيتك وكل شي تبينه امري وعيوني لس واخر شي تسوين كذا ي كسر ضهري فيك ي ايلاف طاح من طوله وهو مغمى عليها ل ارتفاع الطغط والسكر