غلبنا الهوى والهوى غلاب

البارت السادس

الصباح عند الجد الي راح يقوم العيال
قوم انت وياه نامت عليكم بقعى اخلصو قومو الصلاه مباقي عليه شي وانتو نايمين
سعود : ي جدي خلنا ننام تعبنا امس
الجد الي ضربه بلعصى على رجله وقمز سعود بالم بس متكلم طلع وسحب ثوبه يتجهز ويطلع للصلاه
العيال الي راحو بعد سعود على طول
راحو الصلاه وصلو على طلعتهم من الصلاه قابل الجد محمد صديق عمره والي كبرو مع بعض طول حياتهم وكان صديقه واخوه الي مجابته امه ولا يمسهم دم صله وجمعتهم الضروف والزمن والحياه واليوم وبلمجسد وجمعتهم اراضي نجدالعذيه دربه واخوه واقراب شخص له وجارتها الدنياءمع بعض  واخيرا التقى الجد محمد بن نهيان ال مقبل
بصديقه ابو عبد الرحمن سعود  بن علي ال نهيان
الجد المصدوم الي بعد الدنياء ذي شاف  ابو عبد الرحمن محمد تكلم وهو الدموع متحجره بعيونه اقبل يهلي ويرحب بسعود
محمد : يهلا باخوي الي مجابته امي يهلا برفيق دنياي ودربي يهلا بلي سميت حفيدي عليه وابيه يعطيني افعاله يهلا بسعود
سعود وهو يمشي على معكازه وهو مو اقل من محمد ومحمد عنده يسوا الدنياء ومافيها قام من عند العتبه الي كان قاعد عليها وسلم على بعض سلام الرجال وضمو بعض وبكو مع بعض وقعدو يسولفون مع بعض وعن الدنياء الي فرقتهم بعد منقلو من الديره وش سوت فيهم الدنياء
وبعد احاديث طالت لفتره
قال اسعود: جدي منت ناوين تعلمن من ذا ؟
محمد ضحك وقال : الا يلاه اعرفكم ذا اخوي الي مجابته امي ورفيق دربي تفارقنا والحين اجتمعنا
العيال الي كانو مصدومين واول مره يشوفون جدهم يبكي
وقالو مع بعض ونعم والله
محمد قال اعرفك باحفادي ثامر ولد شروق بنتي تعرفها
الجد سعود : افا اكيد اعرف بنتي ونعم والله
ثامر : معليك زود
وذا عمر وهذا تركي وذا نايف وهذا سامر واخر واحد سعود الي سميته عليك
الجد سعود : يهلا والله بعيالي ونعم فيكم ويهلا بولدي سعود
العيال : معليك زود والله يسلمك
سعود : معليك زود ي السمي واضحك بسحب على جدي لقيت سميي خلاص
محمد : ضربه بلعصى بخفه اي قليل التربيه تسحب على جدك
الجد سعود : محمد عاد الا ولدي سعود
سامر : من الحين ي عيال طاح كرتنا سحب علينا ابو عبد الرحمان
العيال : الظاهر هلون
تركي : لزم اروح ادور لي احد مسمين لي عليه مدام جدي سعود بيدافع عن سعوودي لزم اشوف لي واحد يدافع عني
العيال حنا معك
سعود الي نزل حضيانه ( يكرم القارى )
وناضر بتركي الي عرف انه جاب العيد
سعود : اعلمك الحين من سعودي
تركي الي ركض وسعود وراه
اوريك اوريك ي تريويك وجهك جاي
تركي الي يضحك ويتكلم : سعودي مدام انت كذا مستحيل اجيك قالو لك اني عايف نفسي  باقي معشت حياتييي ولا تزوجت
سعود الي جته فكره : اجي تبي تتزوج ها
تركي فهم عليه من نضراته: سعودوه والله لو تسويه مو احسن لك
سعود الي راح ركض وتركي وراه
ضحك سعود ورجعو للبيت يلحقون الباقي
( تعريف بسيط عن ابو عبد الرحمان : يبلغ من العمر٨٠ عنده
ولده الكبير عبدالرحمن ٤٥ زوجته جميله ٤١ عنده بنتين وولد واحد عقاب
ولده الثاني حسين ٤٣ زوجته سلمى ٤٢ عنده بنت وحده اصايل وحيدته )
خلاصو فطورهم و ودعو ابو عبد الرحمن
جو البنات عندهم تجمعو العيله كلهم بلحوش بما ان الجو حلو مغير الحريم الكبار كانو داخل بلمجلس
تقدمو البنات بنقباتهم يجلسون
ايلاف : ابوي محمد
الجد : هلا
ايلاف : عادي اطلبك طلب
الكل تحول نظراتهم الجد محمد وايلاف
الجد : وش
ايلاف ؛ نبي ننهج يم الديره من زمان عن المزرعه
الجد قبل يعترض تدخل سعود
: اي بالله يبه من زمان عن المزرعه ناخذ اجازه من دواماتنا وننهج نغير جو
الجد : خلاص اجل جهزو كل شي على العصر ماشين
البنات ناظرو بعض بصدمه
وقحت جمان : جدي خلاه بكره تو مجهزنا شي بدري
الجد قال بحده : اجل يلاه كل واحد يقوم يسوي شغله بسرعه
تركي : الله ينكبك ي ايلافوه
سعود : وش بك عليها مقالت شي
سامر : هههههههههه يلاه قومو تجهزو بس ليحول جدي عليكم
وايلاف الي كانت تسمع حديثهم كله وكلام سعود بلحرا
ساره تكلمت بدلع : جدو عادي احد يودينا المول ناقصنا كم شي
الجد : خلاص تركي يوديكم
تركي الي نط عشان عرف خطة جده وانه يبي يشبك ب فرح قال : جدي انا بروح اخذ اجازه واخلاص شغلي
ساره تنفست براحه وقالت : سعود فاضي انت ؟
سعود : اي ماعندي شي خلاص بوديكم انا
ايلاف الي نطت : مو لزم انت اذ عندك شغل ابوي يودينا احسن
ابو تركي : لا خلو سعود انا ماني قاوي انتضركم
ساره ابتسمت بانتصار وناضرت ل ايلاف
ايلاف الي تافففت بقرف وقامت ولحقتها جمان
بنت هيه وين وش فيك قمتي وبعدين وش فيك على سعود ؟
ايلاف : ماهو قصة سعود بس شفتي نظرات ساره شوي وتاكله
جمان : بعضرها اخوي يهبل
ايلاف : خلاصتي ؟
جمان ضحكت : خلاص وش فيك
ايلاف : ياخي نظراتها تقهر يع
جمان كانت كاتمه ضحكتها وقالت : عادي معليك منها طنشيها
راحت ايلاف تتجهز عشان بيطلعون المول
جمان انفجرت تضحك جت عذاري وفرح
فرح : دوم الضحك ي قلبي
جمان وهي للحين تضحك : ي حياتيي وياك يارب
راحت فرح ونطت عذاري
والله لتقولين لي اعرف الضحك ذي
جمان : ايلاف تحب سعود
عذاري : قامت تضحك معها انفجرو يضحكون
ي حيوانه وتوك تقولين لي !
جمان وهي للحين تضحك : ي كلبه توي دريت قبل شوي من غارت عليه من ام الخلاقين ( ساره ) 😭😭😭
عذاري : هههههههههههههههه اه ي بطنييي تكفين ذي ايلاف بتصرعنا والله متوقعتها تغار كذا انا من شفت نظراتها غاسله يدي
جمان : الحب ياختي الحب
وقالت بصوت عالي جمان : الله يرزقنا
جت الجده : ي قليلات الادب والمروه قعدات تضحوكن بهان والعيال برا
البنات الي وقفو زين : والله منتبهنا
يلاه كل وحده تشوف شغلها اياني وياكن تعيدنها
البنات : ابشري
جاهلين الي تناضر لهم بحقد وكره وغيره ضحكت بنرفزه وقالت ساره : ايلافوه طلعت تحب اسعود اوريك ههههههههه احبه قبلك تبينه لك والله وطلع الي ببالي صح طبك عندي وطلعت ساره تفكر وش تسوي لاايلاف
عند الجد الي طلعو العيال ونادا تركي
تركي الي جلس وهو عارف الموضوع
تركي : امر جدي وش بغيت
الجد : تعرف الموضوع ي تركي وابي اسمع كلامك
تركي ببرود : رافض
الجد الي عصب : اسمع زين وحط كلامي حلقه بذنك وافهم زين
غير فرح منت بماخذ فاهم والملكه بديره
تركي انلخم من كلام جده ونطق بنرفزه ؛ اسمع زين انت ي جدي والحشمه لك انا فرح ماني ماخذه رضيتم او لا ولا اقعد عزابي طول عمري وتدري ماعندي مشكله
طلع ودف الباب بنرفزه ومعصب
ولكن اصتوقفه ضحكها الي يجذب الواحد يسمعه وينشد له وقف قدام الباب بصدمه وهو يشوف جمان مندون شي يسترها وكان لبسه بنطلون اسود ماسك عليها وبلوزه ابيض بدون اكمام وشعرها الويفي المسدوح على ضهرها وعيونها السودا الوسيعه وكلامها وضحكها
وقال : سبحان ربي مسويك
وطلع قبل احد يشوفه وهو عرفها من صوتها الي كلمته ليلت العزيمه وعرف ذي انها جمان بنت خالد واخت سعود وخالد اقرب اثنين له طلع هو ناسي سالفت جده والموضوع كله ويفكر بلقمر الي شافها
بسياره عند سعود الي ينتضر البنات وتافف بملل وهو ينتظرهم طولو
مسك جواله واتصل بجمان بس مكانت متبه للجوال وردت ساره بدلع : لبيه ؟
سعود استغرب الصوت : مين وين جمان
ضحكت ساره وقالت : ساره بنت عمتك شروق !
سعود : اها يهلا والله وينكم طولتو
سعود اختبص بعد صوتها وضحكتها وكانت فعلن ضحكت ساره جميله
ساره : ي بعد عيني الحين نازلين لك
جمان الي جت وشافت جوالها مع ساره
خير ماخذه جوالي ! وش قلت الادب ذي !!
ساره ضحكت : ماسوي جريمه ترا وبعدين رديت على سعود وينتضر تحت بسبقكم انا
جمان صدت بقرف منها وقالت بهمس : ملوم ايلافي قسم
وراحت ساره تجدد عطرها وترتب نقابها وتطلع برا
جمان سحبت ايلاف وبسرعه طلعو
ايلاف : خير وش فيك ساحبتني كذا بعدل نقابي
جمان : خلي نقابك بسياره ساره راحت قبلك
ايلاف الي نصدمت من كلامها وقالت ببرود : طيب وش فيك عادي
جمان قالت : اي اي عادي واليوم الصباح كنتي ناويه تحرقينها بعيونك تعسبين ماشوفك راحت وسعود تحت ينتظرنا وهي ماشاءلله عليها مو مبقيه مكياج وماهي حاطته بعيونها وعطرها سابع جار شمه
ايلاف الي ارتعبت من كلام جمان وحست الدم يغلي بجسمها وسحب جمان ونزلت بسرعه
عند ساره وسعود
ساره بصوت دلع ماصخ: هاي سلام
سعود : وعليكم السلام وين الباقي
ساره : الحين يجون !
سعود زين.
سكتو مده قصيره
جت تبي تتكلم على ركبت جمان وايلاف
ومتكلمت تاففت بقهر وصدت تناظر الشباك ووصلو باقي البنات
ومشوا
ايلاف الي لفت لطريق ونزلت نقابها تعدله لن نزلت بسرعه وعدلته وكانت جاهله الي يناظرها بلمرايه واول مره يركز بملمحها زين ويشوفها عيونها الكبار غمازتها الي مستوطنه خدها وشامته الي فوق شفايفها
قال بهمس : الله يقوي قلبي بس كذا كثير
جمان : قلت شي ؟
سعود لف له : لا سلامتك
جمان صدت بدون رد
كان ترتيبهم كتاالي
جمان قدام ووراها ساره وجنبها فرح و بنص عذاري وجنب عذاري ايلاف واخر شي ميلاف الي عند الباب
جمان : سعود ي حياتيي حط لن شي طفش السياره البنات ميسولفون يستحون منك
سعود ضحك وقال : ابشري ولا تستحون مني مثل اخوكم انا وقال بهمس معدا محبوبتي بينكم
وقالت ساره : عادي عندي انا بس سولفي جمان
ايلاف الي ناظرت له بستحقار وصدت تسمع الاغنيه
وكان حاط سعود
( عيونك اخر امالي )
وكان يقصد عيون ايلاف
ايلاف الي ارتعدت بعد سماع الاغنيه وكانت تحس انه يقصدها وكان فعلن يقصدها
وساره الي بعالم ثاني وهي تحسب سعود يحبها
وصلو ونزلو واخذو اغراضهم بسرعه وطلعو عشان العصر يمشون بدري

العصر الساعه اربع ونص

ننهي البارت هنا ي قلبي لا تحرموني من دعمكم ولا تنسوني من النجمه احبكم ❤️.