غلبنا الهوى والهوى غلاب

البارت العاشر

لبست بنطلون بني جلد وبلوزه ابيض وبوت ل الاسطبل اسود وجاكيت ابيض طويل ونقابها وعدلت شيلتها طلعت من غرفتها متوجه ل الاسطبل
بصوت منكسر وهي تسولف على المهره قالت : ياربي ي المهره انا وش سويت بدنيتي عشان ربي يسوي لي كذا انا انخذلت منهم كلهم ولا احد فكر انه يثق فيني او يصدق ولا احد سمع من ايلاف وش تبريرها على طول اتهموني والحين بعد ذا جاء الي اسمه عقاب يخطب مشوشه مره مادري وش اسوي ولا وش ارد عليهم متحشمه اول بولد عمي وخذلني ماقدر اسامحه او اكون له لو سامحته مستحيل اخذه عزت نفسي تغلبني مو ايلاف الي تكسر نفسها عشان واحد كسرها وخيب ثقتها فيها انا حبيته صح بس قد حبي له كرهته وكرهت سيرته وكرهت اسمه الي يشبكوني فيه مستحيل اقدر اناظر بعيونه واسامحه
صهلت المهره كانه تفهم عليه وعلى كلامها مسحت عليها وهي تسولف معه وهي تعشق المهره
دخل من باب الاسطبل متوجه ل القسم الي فيه المهره و ايلاف وقال : انتي سوي الي ترتاحين له ولقلبك
فزت وهي اول مره تسمع الصوت ذا وقالت بسرعه : مين !
عقاب بشموخ وهيبه: عقاب بن عبد الرحمان
ايلاف : ونعم ! بس وش جابك هنيا ؟
عقاب : يقولون العاشق دليله قلبه
ايلاف : ايوه أخص ي العاشق
عقاب اخذ نفس وقال بهدوا عكس العواصف الي داخله وهو من شاف عيونها انشهد انه ضاع فيها وحبها وهو بنفس كيف مايدري : اسمعي ي بنات الناس انا ماني لعب جيتكم من ألباب وتقدمت لتس وابي رايك انتي واستخيري وفكري مابي تتسرعين برايك و سكت شوي وكمل قاايل انا من يوم شفتك تسولفين مع جدتس وانا ي بنت سند طايحن على وجهي فتني الاحمر والاخصر القتال وسوالفك جذبني لك انتظر رايس وإنا شاء الله اسمع الي يطيب الخاطر !
ايلاف الي استحت بعد كلامها وهي مصدومه كيف شافها بلحمر احمرت وجهتها وقالت بصوت يعكس كل شي داخله : إن شاء الله مايصير الا الخير تامر على شي يولد عبدالرحمان ؟
عقاب : ارفقي بقلبن حبس ي بنت سند
مشت ولا ردت على كلامه وهي تاخذ المهره وركبت عليها وبدت تمشي بهدوا تحت القمر وتاخذها هواجيسها وتفكيرها بعيد عن الي حوله فكت نقابها وشيلتها تسمح ل النسيب يداعب شعرها وقالت بصوت مكسور : يارب يارب اختار لي ولا تخيرني اني حايره من امري مشت وهي غارقه بهواجيسها وتفكيره
عند الرجال بعد مودعو اهل عقاب كل واحد راح ل غرفته
عند سعود ونايف
سعود : نايف افهمني !! جاي بكل وجه يخطبها وقدامي بعد !! وشلون تبيني اسكت وكان مصاير شي وانتظر قرارها وانا قاعد هينا وماني قادر اسوي شي ولا حتا اتكلم معها !!!!
نايف بصراخ : تستاهل على الي سويته لها انت اعرف وش سويت ي سعود انت كسرت البنت والحين تبيها تبي ترجع لك معندها كرامه وعزت نفس !!
سعود والدموع بعينه وهو مكسور وندمان قد شعر راسه على الي سواه فيها : وش تبيني اسوي يوم شفت رسالته لي تبيني افكر وانا الفتيل اشتب بقلبي عليها غيرتي وعصبيتي طاغو علي !
نايف بهدوا : اهدا ومو صاير الا الي كاتبه ربي لك وانا معك لو تبينا الحسن نروح نخطب له لك وابشر والله انه تم وعمي ماهو مقدم الغريب عليك انت ولد عمها واولاا فيها !
سعود ابتسم بعز ضيقته ابتساماته كسر : بتقبل فيني على الي سويته فيها تراها ي نايف ايلاف وعزت نفسها فوق كل شي بتقبل فيني بس ما كسرتها وخيبت ثقتها فيني وانا ولد عمها وشلون الغريب
نايف : اهدا ومو صاير الا كل خير وبالأخير القرار لها
قامو يرجعون البيت ويشوفون كل واحد وش يصير مع قدام البيت على دخلتها تقابلت مع نايف وسعود
مشا نايف يتركهم لحالهم مشت تبي تدخل وقال : ايلاف !
ايلاف : نعم
سعود : الله ينعم عليس بتكلم معي تكفين اسمعيني قبل وبعدين احكمي علي !
ايلاف : اخلاص وش تبي تقول لي ميصلح واقفه من واحد غريب !!
سعود : انا الغريب
ايلاف : اي انت غريب عني لا انت ابوي ولا اخوي ولا زوجي ولا شي من هذول انت غريب عني
سعود بعصبيه وتهور : وش تبيني افهم الحين يعني كلام ساره صح اوهههه يا ايلاف ي بنت عمي اول شي المحدثات والحين جاي يخطبك وشلون مفكرت فيها انا اساسن غريبه بعد السالفه بيومين جاييي يخطب !
ايلاف ضحكت بستهزاء فيها وعطته كف يبرد خاطرها فيها لكن مشتغل داخل قلبها غير الكره الي كل ماله يزيد له وقالت بستهزاء: تكلم ثاني مره باحترام والله مو احسن لك من انت عشان تشك فيني وانا قلت بيتعدل واعطيه فرصه ثانيه لا تقدمين ولد عمس على الغريب لكن طلع الغريب ارجل منك !!!!
سعود بعصبيه : ايلافففف احترمي نفسك وماهي انتي الي تشككين برجولتي وحده مثلك تروح تشوف نفسها بالاول
ايلاف وهي تصد عنه قالت : تدور عيوبي وادور مزاياك بس المصيبة گلنا ما لقينا
راحت عنه وهي خلاص كل شي حولها كارهت كارها نفسها ومنصدمه من تفكير سعود عنها صح بالاول صدق والحين يتهمها بشرفها راحت ل جناحهم فتحت الباب وشافت ميلاف تكلم صديقتها سماهر واشرت له تقفل منه سكرت ميلاف المكالمم وقالت : وش فيس ؟
وقالت له معها هي وعقاب وسعود والي صار تو: ايلاف انا كل شوي انصدم منه يقهر مره وش ذا التفكير المنحط
انهارت ايلاف وهي كتمت بنفسها واجد
انفجعت ميلاف من دموع اختها المنهاره قدامها وماتدري وش تقول وهي بحياتها منحطت بالموقف ذا ومتعرف تتصرف هدتها وغطتها وطلعت تكلم سماهر وتشرح له وهي كانت الصديقه مع ميلاف من تسع سنوات! وعلاقتهم الثنتين ذوق كانهم خوات
سماهر : ي حياتيي تكسر القلب مره الله يكون بعونها ويسعدها يارب
ميلاف بتعب: امين يارب
سماهر بحماس وتغيير ل الموضع : بس تدرين حبيتها مع عقاب ههههههههه
ميلاف ضحكت ؛ انتي مينفع معك شي ههههههههه فاصله وربي
سماهر : بالله امانه شوفي اسلوب عقاب وسعود وانتي قرري بوجهت نظرك من الانسب له
ميلاف بتفكير: اممم تعرفين رايي انا ماني مع زواج الاقارب بس صدق لو تبعد عن العيله ومشاكلهم احسن له
سماهر وهي تضحك : وحنا نقرر له ههههههههه
ميلاف : وش عندنا فاضيات
سماهر وهي تذكرت: ايه تعالي وش صار معك انتي وهذاك الي قلتيلي عنه
ميلاف وهي نست السالفه : وش !؟؟؟
سماهر : اتوقع شي اسمو نايف مادري نواف ذا
ميلاف : اي اي تذكرت وش فيه ؟
سماهر : ي غبيه وش الي وش فيه يعني مافيه حب قريب
ميلاف بعصبيه: سماهرر لا عاد تفتحين الموضوع ذا معي ثاني مره واخوه سوا مع اختي كذا وشلون هو !!!!
سماهر بهدوا : وش دخلو باخوه هو كل واحد ولوه شخصيه كمان ! وتفكير !
ميلاف : اقطعي السيره ذي ولا عاد تفتحينها
سكتو ورجعو يسولفون ويضحكن متناسيات السالفه
وكاننا جاهلين للي يسمع سوالفهم وانكسر من كلامها وهي عممت بتفكرها وهو كان معجب فيها بس من سمع كلامها هاي اماله انها تقبل فيه
الصباح بعد الصلاه الفجر وافطرو وكل واحد راح على الشغل الي عطاهم الجد الا تركي الي بيكلمه بموضوع
الجد : تركي وش صار على الموضوع الي كلمتك عليه
تركي : انا موافقه بس مابي فرح
الجد : اجل من تبي!!!
تركي تنهد وقال : ي جدي اسمعني ولا تقاطعني انا في وجهك
الجد بحده: انطق بسرعه
تركي : انا ابي جمان وغيرها ماني ماخذ وانا احبها وابيها ي جدي تكفى لا تكسرني وبعدين تبيني اخذ وحده مابيها واضلمها معي ؟! وبعدين اطلقها وش ذنبها هي انا مابيها البنت مابها شي كامله والكامل ربي بس القلب مايبي غير جمان ي تقبل اني اتزوجها هي وغيرها ماني متزوج
الجد بتفكير وهو اقتنع من كلام تركي وقال : اجل الله يكتب الي به الخير
تركي فز : موافق !؟؟؟؟
الجد بضحك: اي اي
تركي قام يزغرت من الفرحه وقوم الجد يرقص معه : يولد اعقل علامك طاير
تركي بفرحه: بروح ابشر امي واجي
الجد وهو يضحك: رح رح ههههههههه
تركي الي دخل قسم اهله وهو يرقص ويهز ويغني ويزغرت
جت ايلاف وهي تشبك معه وتقول له : علامك والله لو ان تبي تتزوج
تركي : صح عليك ابي اتزوج
ايلاف بصدمه : من ؟؟؟
تركي وجته فكره : ساره !!!
ايلاف وميلاف مع بعض : نعمممم
ايلاف : وملقيت اشين منها!!!
ميلاف : تركي استخفيت مو وقتك انت اخونا الوحيد ونبي نفرح فيك اخر شي تاخذ ذي
تركي وهو كاتم نفسه على اشكالهم ويبي يصدمهم اكثر : ليه وش فيها بنت عمتي وانا اولا فيها من الغريب
البنات الي كشرو وهم يناظرون فيه بس مايبون يكسرون خاطره ايلاف : اجل الله يوفقك ويكتب لك الخير
ميلاف. الله يوفقك وانا اختك ويسعدك
تركي الي انفجر يضحك عليهم
ام تركي : ععلاكك تضحكون دايمه يارب
تركي : امين امين ي الغالي وباركي لي
ام تركي : مبروك بس على ايش ؟
تركي ببتسامه : بخطب بنت عمي خالد جمان
البنات مع بعض : احلف
تركي : والله
ايلاف الي زغرتت وقالت : اي ذول الاخبار السنعه ونعم الاختيار اخذت بنت كفو
ميلاف وهي تضحك : مبروك مبروك عاد اخذت اغلى صديقه على ايلافوه
ايلاف : والله يحضك فيها
تركي بهمس : انشهد ي حضي
ايلاف وهي تهمس له : اثقل اثقل
تركي ضحك عليهم وهو يسمع امه تبارك له وتدعي
[ العصر عيلت الجد سعود ومحمد متجمعين ] بلمجلس الرجال
يسولفون وقطع السوالف ابو عقاب وقال : يابو تركي ننتظر ردكم على موضوعنا ؟
ابو تركي ابتسم وقال : ان شاء الله  ماهو صاير الا  الاخير
عقاب ببتسامه عذبه: ان شاء الله ي عم!
سعود ابتسم وهو يقول : ي عمي سند بكلمك بموضوع وجدي سعود ماهو غريب علينا
الجد محمد : وانت صادق اهرج
سعود : ي عمي سند انا اتقدم ل بنتك ايلاف على سنة الله ورسوله وهذا انا اتكلم قدام ابوي وجدي واتشرف ببنتك تكون حرم لي ! وناظر ل عقاب وقال : وانا اقرب له من الغريب وولد عمها واول فيها
ابو تركي انصدم من كلامه وقال : والله الشور بيد ايلاف وماهي سالفت انك اقرب له هي على من خطب اول
عقاب ابتسم بياس وهو يشوفهم قدامه ويتكلمون والقرار صار بيد ايلاف وهو عارف جوابه او متوقع انها تختار سعود عليه !
وسعود الي كان مبتسم وهو يناظر عقاب ومتوقع انه عارف جواب ايلاف وهو انها توافق عليه بحجت انه اقرب له من الغريب
ابو تركي : تركي قل ل اختك تلبس وتجي
تركي: ابشر
راح تركي يقول ل ايلاف وش صار وقالها تلبس وتجي
دخلت عليهم وهم يناظرون فيها معدا عقاب الي منزل راسه ولا ناظر فيها حتا وهو مايبي ينكسر قدام عيونها وده انه ميسمع ولا يشوف عشان مينكسر بكلامها ورفضها له بوجهت نظره
الجد محمد : ي بنيتي ايلاف اليوم سعود خطبك من ابوك وقبل عقاب وقولي من الي ارتحتي له وتبينها
ايلاف وهي توجه نظرها ل سعود وعطته نظره من فوق ل تحت وقالت : موافقه
فز سعود بوناسه بس مكملت وناسته وانصدم بكلمتها: موافقه على ولد عبد الرحمان !
عقاب فز وهو يوجه نظره له وجت عيونهم ببعض وهو مو قادر يوصف شعور ولا يعبر وده مافيه عنده احد وده يضمها ويدخلها بضلوعه من قوت الفرحه الي حاس فيها
وعن شعور ايلاف الحين وهي كانت عكسه تمام بس تشوف نفسها اختارت الشي الصح وماتبي تفكر غير كذا
قعدو يباركون لهم بفرحه و وناسه
الجد سعود وهو يسلم على ايلاف : الله يبارك لكم ويجمع بينكم بخير ي بنيتي
ايلاف بهدوا : الله يبارك فيك امين يارب.
انهت كلامها وهي تسمعهم يحددون وقت الملكه والشوفه الشرعيه بعد اسبوعين و بحايل !!!
دخلت على الحريم وام عقاب تستقبلها وترحب فيها ويباركون لهم : الف الف مبروك ي بنيتي وعدي نفسك من اليوم مثل بنتي نوف و شوق
ايلاف : الله يبارك فيكم جميعن
جت ساره بدلع : مبروك ايلافي الله يوفقك ي قلييي
عذاري وجمان وميلاف بهدوا : مبروك
ايلاف بنكسار لهم : يبارك فيكم
راحو الكل والاجتماع الجاي بيكون بعد اسبوعين
عند ايلاف والمهره وهي تسولف وتفضفض ل المهره وتدعي انها تسمع له
ايلاف: ي المهره مادري الي سويته غلط او صح بس مستحيل اني اتزوج واحد نفس سعود واما عن عقاب ماحبها ولا اشوفه شي ولا اعتبره شي مادري ماقدر اقول احساسي له شخص عادي جد عندي بس خلاص مات احساسي صرت شخص بارد لبعد درجه وخلي الي يصير يصير اخذت المره وهي تمشي رايحه ترجعها ل الاسطبل شافت سعود وهو واقف عند حصان من الاحصنة الموجوده
سعود شافها وابتسم له: طلع تفكيري صح بس ماقول غير ربي يوفقك ويخسارت حبي لس!!!
ايلاف
(بتفقدني مع الأيام ما هو الحين
‏أنا عطيتك عيوني ليه بكيتها
‏لو سالوك عن سبب فراقنا ‏خلك صريح
‏وقول عشقتني عشق بس انا مب كفو
‏تمر لحظات احس إني أجهلك
واستغرب واوادعك وارجع بشوقي
اعشقك وتقتلني العبره بس اذكرك
ماقلت لك عجزت افهمك ؟
كيف اصير مثلك  لا انتظرولا اشتاق)
ناظرت فيه بنكسار منه ومن كل شي حوله وهو يناظر بعيونه وهو ساكت وزفرت بغضب منه ( السكوت علامة ان الكلام خساره فيك !
مدري تبي قربي ولا تبيني انساك!؟)
سعود : لا والله اني ابي قربس وابيك واحبك وانتي تعرفيني ي ايلاف
ايلاف بضحك : خخخخخلااااصصصصص انتهى كل شي بيني وبينك مافيه شي اسمه ايلاف وسعود الحين فيه عقاب وايلافه انا وياك معاد نرجع مثل قبل وإذ رجعنا وش يرجع الثقه كل واحد يروح بطريق انا الحين بديت حياه جديده لي وانت بعد الله يوفقك مع الي تستاهلك بس انساني انا بعيده عنك بعد السماء عن الارض ايلاف معادها الي حبت سعود الي كسرها وكسر ثقتها وتتكلم ودموعها على خدها وهي تنهي الكلام بينهم رفعت يدها وقالت : الى هينا وكفايه انا الحين بصير على ذمت رجال ثاني واثق فيه ومتاكده مراح يسوي الي سويته فيني !!!! الله يوفقني مع الي اخترته والله يوفقك انت بعد مع غيري!
راحت وتركته وهو منهار من كلامها والي شب النار بقلبه لما قالت له عقاب وايلافه انكسر منها وخاب اماله انهم يرجعون لبعض
جاء يركض وهو يشوف اخوه منكسر ودموعه بعيونه ويتكلم : ي نايف تقول انتهينى ي نايف معاد فيني حيل هي لي انا وبس ماهي له
طاح على ركب اخوه وهوو يبكي ومنهار ويتكلم بكلام ماهو مفهوم اساسن نايف نطق وهو خانقته العبرا: ي اخوك قوم ي عضيدي وتاج راسي
سعود : مابي ارجع للبيت
نايف فاهم عليه وانه يبي يقعد لحاله وقال : بك خوه ل النفود ؟ ( البر )
سعود : اي مكان فاضي ميهم
نايف ابتسم وهو يقوم سعود: يلاه مشينا اجل
مر نايف البيت ودخل بسرعه ونادا جمان تجيب لهم العزبه وعلمها انهم راح يتاخرون او مراح يجون
وصلو مكان مجهول من الناس قمرا اليل والاجبال والنفود والنجوم تنهد وهو يشب النار
نايف : سعود اتكلم انا ماتسمع!
سعود : هااا وش تقول ؟
نايف تنهد : قهوه ولا شاهي ؟
سعود ابتسم وقال : شاهييي
نايف : زين
وبدو يسوون الشاهي وجابو الفروات وهم بدايت الشتاء وشبو النار وجلسو حولها ونطق نايف : والله ي بنات سند مسوو فينا خير !
سعود بستغراب من كلامها وانه جمع قال  : وش دخلك انت بعد ؟
نايف ابتسم : والله ياخوك مخلت فيني عقل وامي جيتها من اقصاي
سعود : ميلاف ؟
نايف تنهد : اي
مد سعود يده يطبطب على كتف نايف وقال : وانا اخوك لا تغلط غلطتي واوقف معها واسمع منها ولا تسمع عليها وصدقها لا تصدق عليه واثق فيها مهما صار ولا اصدق شي تسمعه لين تشوفه بعيونك ي عضيدي لا تغلط غلطتي وهي الحين راحت مع نصيب غيري ولزم انساها بس كيف
ضاق صدر نايف على اقوم وقال : كل شي قسمه ونصيب وانا اخوك كل شي مكتوب لكم الله يصير الي فيه الخير يارب
سعود : امين امين يارب
سعود ابتسم وهو يقول : وش يقول نايف ؟
نايف  ابتسم وهو يشوف اخوه كيف فاهم عليه وقال ( النـاس نـامـت وانـا يـاسعـود سهـران، وعـينـي تبـي الـنوم ونـوم يـجفـيها، قـلبي حـزين والخـاطـر مهـو بطـربان، والـنفـس يـاسعـود مـالقت مـن يسـليـها)
سعود : اه بس ياخوك جيت على الجرح
نايف تنهد وهو يشرب كاسته ويناظر القمر وللحين كلامها بعقله ويفكر كيف يحلها
[قبل بوقت بعد مطلع نايف وسعود بلمجلس ]
قاعدين يسولفون كلهم والحريم بعد عندهم
ابو تركي تنحنح وقال : والله ي ابو سعود اليوم جايينك ومانبيك تردنا جايين نخطب يد جمان ل تركي ولدي !
ابو سعود ابتسم بهدوا : حياكم الله والله منلقا مثل تركي وعطيناكم ان قال ربي ووافقت البنت
تحول وجها لصدمه من الي يصير قدامها ومسرع محمرت خدودها والبنات استلموها طقطقه قامت بسرعه تطلع والبنات معها
ايلاف وهي تضحك : ي غبيه تعالي
عذاري : لا واضح موافقه من قومتها الي قبل شوي
وقامو يضحكون عليها
ميلاف : طيب انتي وياه معليس منهم وقولي لنا موافقه ؟
جمان ببتسامه : واخوك التراب مطلبني الا اليوم !!!!
ايلاف بصدمه : ليه منتي موافقه
جمان : لا خير موافقه تبين تقطعين نصيبي قولي لهم تقول تم تم تم
طاحن يضحكن عليهم
عذاري : الله ياخذك خفيفه !
جمان : وش اسوي مثلن يعني تبون استحي
ميلاف : لا ي قلبيي انتي مخسول وجهك بمرق
جمان قرصتها وقالت : وش اقول احبه ههههههههه
ايلاف : اخيراااا اعترفتي بروح ابشرهم
مسكتها جمان وقالت : وين ي الطيبه
ايلاف ببتسامه : بروح اقولهم انك موافقه
جمان جلستها : اقول اقعدي الحين يقولون مصدقة جاها عريس وعلى طول وافقت
عذاري بمزح : وهو صادقين
البنات : هههههههههههههههههههههههههههههههههه
جمان : لا لزم اسوي اني مستحيه وكذا
قامت ايلاف وهي تروح تزغرت وتبارك لهم وتعلمهم انها وافقت 
الجد : اجل الملكه الخميس القريب
تركي : مكانه بدري ؟
ابو سعود : لا بدري ولا شي حنا موافقين
ابو تركي : اجل تم
وتحددت ملكت تركي وجمان قبل ايلاف بسبوع وهو يوم الخميس وانتها يومهم بحلوه ومره
الفجر عند نايف وسعود وهم يشيلون اغراضهم ويصلون الفجر ورجعو البيت نايف على طول دخل تسبح ونام وسعود تسبح وقعد قدام الدرج الخلفي
نزلت  وهي لبسه بجامة بيت وعليه جلالها هي والبيت كله نايم وماهي طايقه تشوف احد ولا تكلم نزلت تسوي له قهوه شفته وسوت له معها ومشت يمه وتنحنحت وقالت : ترا جلستك ذي ماهي معدله وضعك ابدا
سعود لف لورا وشافها متغطيه وماده له كوب القهوه وقال : عاجبك الي سويتيه فينا !؟
ساره : انا وش سويت
سعود : سويتي ذا كله وتقولين وش سويت !!!
ساره تنهدت ونزلت دموعها وقالت: ادري الي سويته غلط وغلط كبير ولا ينغفر له ابدا بس مثل ما انت انجنيت وغرت عليها واشتغلت بقلبك نار وجيت هنا وحست الدنياء عليها وانت كنت ببساطه تقدر تسالها وتفهم الموضوع منها بدون الحوسه ذي واذ انت تحبها بتثق فيها لو مهما سويت وغربت بينكم ! وانا مثلك يوم شفتها تحبك اشتغلت نار بقلبي عليك والغيره اعمت عيوني وماني ندمانه ابدا على الاقل سويت شي عشان الي احبه  انن ككان ححبي لـك ههو اعظـم خطاييايي م اقـول ييينفسي عنن الححب توبي
وانت لو كنت تحبها مصدقت فيها اساسن من الاصل ولا صار كل ذا بس انت معجب بشكلها وجسمها وسوالفها بس اعجاب لو حب وثقه مصار كل ذا انهت كلامها وهي تروح فوق وتتركه غارق بهواجيسه ويفكر هل معقوله كلام ساره صح ؟!

انتهى البارت
( هاييي حبايبي عساني مطولت عليكم واجد ؟ 😭 : اي صح كاتبتكم اليوم ميلادها عجزت وانا بسن الزهور 😂😭 تمنى لي عام سعيد ي حياتيي احبكم باي 🥺❤️❤️❤️)