غلبنا الهوى والهوى غلاب

البارت الخامس عشر

عند سعود و ساره الساعه ٤ونص
ساره وهي تقوم سعود : سعودوه قوم اخلص الصلاه !!
سعود بتافف: خيررررر نعم وش تبين
ساره بحده : قم الصلاه
قام للحام وانتو بكرامه واخذ دش وطلع يصلي.....
تعدة من عنده بدون ماتتكلم وهي معصبه منه على ليلتهم
سعود : قاعد اكلمس ترا !
ساره بتافف: وش تبي
سعود ببتسامه : ابيس
ساره بمكر: وانا مابيك ماتفهم يع واحد حقير وكريه ولا عاجبك الي صار امس ؟؟؟؟!!!!
سعوده بحده : قسم بالله ان رفعتي صوتس علي ثانيه مره ماهو احسن لك فاهمههه سكت كثير وعطيتس وجه
ساره وهي تضحك : هههههه من الي عطاك وجه اناااا واحمد ربك ماخذتك ترا وهذا اكبر نعمه لك وبعدين انت وش شايف نفسك عليها اقلها واحد....
ماكملت كلامها الا الجمها باسها تحت صدمتها منه وقال : والله شاف نفسي على حبس وان عندي اعظم زوجه بدنياء
تبخرت كل عصبيتها منه وكانت بتموت من فرحها بكلامها لكن الزوم الثقه راحت قدام المرايه قدامه وهي تمسح بوسته من عند خدها تحت اثار صدمته منها
سعود : ساره !
ساره : لبيه ؟
سعود : وش سويتي الحين ؟
ساره وهي تناظر نفسها بلمرايه: مسحت بوستك اتوقع ؟
سعود تنهد وقال : سوي لي فطور
ساره : اطلب لك ولا ليكون تبي اطبخ بصباحت عرسي ؟
سعود بعصبيه : ساره اخلصيييي يلاهههه وسريعععع بعد ابي فطور انتي بتسوينه فاهمه وقسم بالله بنزل وارجع ملاقي فطور ماهو احسن لك
ساره بهمس: بطيني يع حقير بس حلو !!!
ساره : خلاص اذلف
سعود طلع وتركها
وهي راحت تكمل كشختها
طلعت له فستان اسود ماسك عليها وبارز مفاتنها وحطة ذهبها يدل على انها عروس وانتهت من رسم عيونها واخذت المبخره وهي تبخر شعرها وتحط مسك ومررته علو امكنت النبض....
دخلت المطبخ الصغير بجناحهم وهي تشوف الاغراض بس ماهي عارفه شي لن ماتعرف تطبخ
شافت علبة تونه وبدت تطلع الي قدامها بعشوائية وقالت وهي تشوف علية الجبن: لا ماتوقع يموت من انتهت تاريخها ابو سبع ارواح
وبطيني!
الله يلحض عروس و بلمطبخ تطبخ
فتحت جوالها وكتبت طريقة تسوي فيها التونه .....
انتهت من تجهيز كل شي على اكمل وجه وسوت قهوتها وكان كل شي برفكت وجميل وشكل بعد ...
دخل سعود وهو يشوفها مجهزه القهوه والشاهي والفطور وكان علو اكمل وجه وكان الشكل لذيذ: كفو والله تسلم يدس
ساره : يسلمك ي عيني
تنح فيها وهو يشوف شكلها وكيف الفستان عليها ونعومت ملامحها وشعرها المتوسط ضهرها وعيونها الي مافيها الا كحل وزاد جمالها قال بنفسه: والله ماحسد غير سنسالها يضم عنقها قدامي !
ساره وهي تناظره وتشوف كيف نظرات الاعجاب باينه عليه : علامك واقف الفطور قبل يبرد
سعود : يلا يلاه
جلسو يفطرون مد يده يذوق من التونه واكل وهو يناظر عيونها و ساره تنتظر يعطها رايه بطبخها....
سعود فز واخذ المنديل وانتو بكرامه وقال : حشاااا ليه ملح وبتونس بعد !!!
ساره : علامك !؟
سعود : متشوفين الاكل كيف ملح
ساره بعيون بريئه : طيب ماعرف اطبخ وش تبي اسوي لك مثلن
سعود : حشا ماخذ رفله انا !
ساره : اي هذا الموجود تبي اهلا و سهلا
سعود : صبي لي شاهي بس
ساره : احسن كل تميس وجبن نعمه
سعود : اي باكل اشوا من طبخس
ساره :ههههههاااااييييي تدري ان التونه منتهيه
سعود بصدمه : وحطاتها عشان اكلها
ساره بعد مبلاه : ابو سبع ارواح مراح يصير لك شي لا اموت علينا
سعود بحده : قولي ماشاءلله
مدت له الكاسه وهي تقول: ماشاءلله ماشاءلله بس خلص
شرب شاهيه وطرطشه كله بلهوا وهو يقول : سكرررر مره
ساره : عشان تزين سوالفك
سعود تنهد وقال : عطيني من قهوتس
ساره وهي تضحك : لا اذ تبي قهوه عاد ماهره فيها لني احبها
سعود : والله نحسد القهوه
ابتسمت بخجل وكمل وهو يقول : ترا اليوم بنرجع القصيم
ساره : اخ اشتقت زين اجل مراح نمرهم؟
سعود : الا اكيد بنمررهم وبعدين بنتمشى
ساره : زين
عند معاريس الغفله
قبل بوقت بنص الليل
راحت له وهي خايفه وترجف: عقاب عقاب قوم امانه !
عقاب : هاااا
ايلاف بحده : وجعه ان شاء الله قم
قام وهو ميشوف شي : شغلي اللنبه طيب !
ايلاف وهي ترجف : ي شيخ بالله عليك ذكي مره
عقاب : يليل ي ايلاف وش تبين الحين مقومتني
ايلاف يهدوا : خايفه!
عقاب طاح يضحك : من وش ؟
ايلاف بحده : خير ترى ميضحك ماحب انام وضلمة المكان وغير كذا مافيه كهرب
عقاب : طيب المطلوب ؟
ايلاف : يعطيني برودك اقولك مافيه كهرب وخايفه!
عقاب بخبث: تعالي نامي عندي طيب!
ايلاف بحسن نيه وهي تقول : طيب زحف ولا تلصق لي !
عقاب بحده : ان شاء الله بتنامين عندي
ايلاف : عقاب خيرررر
مستناه تكمل كلامها وهو يخليها بجنه وبلحرا لصقه له
ايلاف : ابي النفس وخر
عقاب : عبالس بعدي الي صار استاذه ايلاف !
ايلاف ببراه : وش صار ؟
عقاب ابتسم وقال : تبين اسامحك ؟
ايلاف وهي مطره تقول ايه من خوفها : همم
عقاب بجراه: ابي بوسه
طارت عيونها بصدمه ونيتها طارت بعد وهو طاح يضحك عليها ويشوف ردت فعلها : مو مثل نيتك ي الدايخه
ابتسم بجراه واحراج وتقدمت وهي تقبل خده تحت اثار صدمته منها ومن جراتها لكن مامداه يستوعب الا صرخت اثار خوفها من البرق والرعد تقدمت تدفن وجها بصدره وشعرها مغطي وجها
رفع راسها بهدوا ويبعد خصلات شعرها من ع وجها وهو يقول : علامس ي عين ابوي انتي تخافين من برق ورعد
ايلاف وهي تبكي : فويبا اخاف من صوتهم تكفى عقاب
عقاب بحنيه: اهدي خلاص انتي بعيوني مجايس شي
ايلاف حاوطته وبادلها الحضن ويقرا عليها ايات من القران لعل تهدا وفعلن هدت
عقاب : نمتي ؟
ايلاف بهدوا : لا
عقاب وهو يبي يغير جوها : اممم تدرين اني ابي بنت
ايلاف بعصبيه : نعممم وش تبي بلبنت
عقاب فاهم عليها وطاح يضحك : لا ي الدايخه قصدي ابي تكون عندي بنت بنتي انا !!!
ايلاف : قول من اول كذا !
عقاب : هههههههههههههه يزين الي تغار
ايلاف : من قال ! المهم وش تبي تكون اسم بنتك المستقبليه اذ جت !
عقاب بتفكير : وتين القلب
ايلاف استهل ابتسمتها على ثغرها وهي تقول ومتعجبه من الاسم وكيف ان له معاني كثير مع كذا قالت : وش معنا اخترت هذا الاسم ؟
عقاب وهو هايم ببتسامتها : معناه وتين القلب واذ جت ان شاء الله بتكون وتين قلب ابوها ونبض امها
ايلاف ببتسامه وحماس : الله يجننن ي عقابيييي احبكككك
فز عقاب وهي جنت على نفسها وهو يقبلها وووو...!!!!
الوقت الحاضر الصباح قامت وهي تشتم بعقاب
ايلاف بحده : عقابببب قم
فز من صرخها و تشكيها يقبلها وخررته وهي تقول : حشا  متشبع انت !
عقاب ببتسامه وهو يقول : منس ؟ لا والله !
ابتسمت على جنب وهي تقول : انقلع تجهز ترا تاخرنا مره !
عقاب وهو يناظر الساعه فز بسرعه ياخذ منشفته ويروح يتسبح
وهي تناظر نفسها على المرايه وهي تقول : غريبه مشاف كشختي ولا مدح
عقاب من الحمام : ايلافييي ي عين ابوي انتي اشحني جوالي اخاف يتصلون على من الدوام
ابتسمت من بدا يقول له ( ي عين ابوي انتي ) قالت : لبيه ي عيونيي ابشر
راحت تاخذ جواله وهي تشحنه وشافته مفتوح وذبحها الفضول تدخل اشوف وشافت رساله راد عليها عقاب وواضح من كلامه تهديد ل الشخص ذا
فتحت الصوت وهي تسمع كلامها وكانت تقول بختصار[ انها بتدخل العسكريه وغصب عن عقاب وماهي راضيه بغير كذا ] ثلج قلبها برد عقاب وهو كان يقول ( وقسم بالله مين وين كنتي لطلعك من تحت الارض عشان تعرفين تتكلمين عن حرم عقاب و ايلافه !!! )
ابتسمت بوسع ثغرها وهي اشوف كل شي حولها يثبت حب عقاب لها وادركت ان غلبها الهوى والهوى غلاب له وبقوله ابتسمت من كميت الحب الي تحسه وادركت ان عقاب عوض له عن الايام الي تالمت فيا اخذت جوالها وهي تصور الرقم عندها وهي شاكه باحد رجعت الجوال مكانها وكملت كشختنا على انغام كلمات توصف حالها وبقوه بعد
[ على درب الهوى جينا من أول ما تلاقينا
تغير كل ما فينا وعيشنا فرحة الأزمان
سلام العشق وأعماقه يضم القلب وأشواقه
تجيك الروح مشتاقة وتهديك القصيدة ألوان
على درب الهوى جينا من أول ما تلاقينا
تغير كل ما فينا وعيشنا فرحة الأزمان]
وكانت الاغنيه توصف حال ابطالنا على ان صار مشاكل كثير بين عقاب وايلاف لين اجتمعو بالاخير وغلبهم الهوى طلع وهو يسمع صوتها
قرب منها وهو يحاوط خصرها ويناظر عيونها وقال
( في عيونك شفت الخمر الحلال
اشهد انها اخذتني لـ عالمً ثاني
و رمشك جيشً في ساحه قتال
من تصوّب منه يفنى في ثواني)
باسها من ثغرها وتحديدن شامتها الي مكانت الا قاتله لعقاب وههوو يتمادا فيها ايلاف : ابي نفس وخر
وخر عنها وصدت بحراج من لبسه وقالت : روح البس عاجبك شكلك كذا
همس بذنها وهو يقول.........
ابتسمت بحراج منه وراحت تكمل كشختها وهو كذالك
جابت الفحم : عقابيي تعال تبخر
ابتسم عقاب من نطقت بياء التملك باسمه وهو يقول : عيدي وش قلتي
ايلاف قربت وصارت بوجه بتمام وهي  تهمس باذنه تقول : لبيه ي عقاب ايلاف !
ابتسم بوسع ثغره وتقدم يرفع شماغه فوق شعرها ودخلها تتبخر معه وهو يتاملها ويتامل الاحمر الي كان موت عقاب وهو توه ينتبه ل فتحت الي بين صدرها نزل البخور وهو يقول بحده : ليكون تبين تروحين بلبس ذا !!!
ايلاف ناظرت لبسها وكان احمر ماسك عليها وموضح مفاتنها وفتحت الصدر وبدون اكمام وكعبها الاسود كانت ايه بلجمال قالت : ايه ليكون ماهو حلو ؟
عقاب وهو ياشر عليها : الا والله انه حلو ويشلع القلب ويخلينيي اني مسلمك للحين بس متطلعين كذا !
ايلاف بحده : عقاب مستحيل اغير ومباقي شي ونروح لهم !
عقاب : ي تغيرين ولا مافيه روحها
زفرت بقرف وراحت تفتح الشنطه وتطلع لها فستان بنفسجي ومغيرت كعبها لن ذابط عليه وراحت تلبس عبايتها وتلبس نقابها وحرمت عقاب يشوف وش لبست لنها معصبه منه
عقاب : ايلاف !
ايلاف بحده : خير ؟
عقاب ؛ بشوف لبسك
ايلاف : انقلع بس
سحبها له بقوه وفتح عبايتها وشاف لبسها ابتسم وقال : بكل حلاتك فاته الله يكون بعوني
تلاشت عصبيتها بس من كلمه منه ابتسمت بهدوا وسكرت عبايتها وهي تحاوط يده متوجهين ل السياره وتحديدن بيت الجد سعود......
قابلو سعود و ساره قدامهم متوجهين ل نفس المكان
عند بيت الجد سعود وهو مستلم العيال شغل وكرف
الجد سعود : قم انت وياه اخلصو سامر رح داخل وقل ل نوف تعطيك الي عطيتها
فز عمر وحس بنار تدخل بقلبه وهو يقول : سامر ثامر يناديك قبل شوي
سامر بستغراب من عمر : مسمعته
غمز له عمر وفهم عليه وقال بسرعه قدام الجد سعود و محمد : ااا اي صح نسيت اوديه هديت عقاب و سعود
راح وهو يتحلف ب عمر وهو يشك ان وراه بلا
عمر : جدي سعود تبي اروح انا ؟
الجد سعود : اي اي رح اخلصو علي وانت ي تركي شفهم وين تاخرو
تركي : ي جدي علامك مستعجل تو الوقت على الغداء !
الجد محمد بحده : قم انت وياه كملو شغلكم وانت ي السربوت نايف نايف !
نايف جاء وهو يركض ويقول بحده شابهت صوت اخوه سعود : سم ي جدي !
الجد محمد : دق على اخوك الهايت وينهم الحين !؟؟؟
نايف تنهد وهو يقول : ابشر
تركي بهمس ل سامر و ثامر : هم يعرسون وحنا نبتلش
طاحو العيال يضحكون وبقوه بعد فزو على صوت ابو سعود وهو يشتم فيهم ويسب
انطلقو يرتبون ويجهزون لكل شي !
عند عمر الي وصل ل الباب الي بينهم وهو يتنحنح
جت نوف وهي تقول : من ؟
عمر ابتسم من سمع صوتها وحس انها هي وهو يقول : نوف ؟
نوف وهي متعوده ترد ب : لبيه وبعدين صحصحت وقالت سم مين ؟
عمر ابتسم وهو عرفها من قلبه بدال متقول وهو يهمس: يويليي انشهد انها ازين لبيه من ثغرها ارتجفت كل خليها بجسمها وهي تسمع كلامه وهو حسباله انها مسمعت شي وقال : جدس يقول عطيني الي عطاك
نوف : هاا اي يلاه دقايق
راحت تجيب الهدايا الي عطها الجد سعود وهي تمدها له وهو يشوف طرف فستانها وبعدم انتبه منه طاحن كل الهدايا بلرض ونزل يشيلهم وشافها واقفه ورا الباب بفستانها الهادي الي يعكس حدت ملامحها وعينها البنيه الا انها عاديه بس تفتن قال
( إلى عينيك أعلنت انتمائي
فازهى بالهوى حائي ربائي
كاني ذبت من ألف اشتياقي
ع معناك حتى فاح يائي )
شكرا الباب بوجه بقوله وحده وهي تسمع صوت ضحكه وهامت بضحك وجماله ( ولدي لو سمحتو مزيون !🤣🤣❤️)
ابتسمت بتوتر وهي ترجف ودخلت داخل
عذاري : وش فيك ؟
نوف : ها ولا شي
جت جمان وزفرت بقرف وقالت : اف اشتقت ل البنات
اصايل جت وهي تضحك : امداس تشتاقين لهم تراهم مو باخر الدنياء اقساهم تزوجو !
عذاري بحده : وش دخلس انتي اطلعي منها
ميلاف : والله الصدق بعد انا اشتقت ل ايلاف !
نوف بعصبيه : خلاص ي بنات يلاه نجهز شوي ويجون !
البنات مع بعض : يلاه
راحو يجهزون كل شي والكبار مجتمعين يسولفون سوا عند رجال و حريم
عند سعود و ساره
سعود : ساره تبين شي من البقاله ؟
ساره : ايييي
سعود : يلاه انزلي لا لا تعالي تعالي
ساره : علامك ؟
سعود وهو يناظر عيونها : ليكون تبين تنزلين وعيونس طالعه ؟
ساره : وش فيه نقابي
سعود بحده : وقسم بالله اذ مغطيتي عيونس ماهو احسن لس
ساره بملل: سعود انت وش تبي ؟ عاجبك وضعنا كذا ؟
سعود : وش فيه وضعنا ؟
ساره : انت عارف وش اقصد انا وانت تدري بعد !!!!!!
سعود ابتسم بهدوا وهو فاهم عليها مد يده ياخذ يدها وهو يقول ؛ ساره انا ادري ان بدايتي معس ماهي مثل اي زوجين حبو بعض وتزوجو عن حب وصح مسويتي الزواج الي تحلمين فيه وتلبسين الابيض وتفرحين وكل شي صار بسرعه فاهم عليس وادري انس زعلانه وصح انك تزوجتيني غصب لكن انا ابي استمر معي وابي نصير اي زوجين تعطيني فرصه هل تقبلين بقلب ولد خالد مره ثانيه هل تعطينيي وعد انس مراح تخليني ؟ بتقبلين فيني ي بنت علي ؟
سكتت شوي وهي متنكر انها تحبه وتموت فيها ورغم ذالك قالت : سعود بدايتي معك صح مكانت مثل الي بخيالي ومثل مابي واحلم بس ذا نصيبي وانا مهما صار ابقى احبك واموت فيك وانت بعدين زوجي وحبيبي ودنيتي كلها وقلب ساره ! وانا معك وين ماكنت بعد ربي سعود انت بتقبل فيني بعد كل الاشياء الي صارت بتقبل تعطيني قلبك وحبك ؟
سعود وهو منبهر من شدة عذب كلامها وهو يقبل كتف يدها ويقول : والله انس اخذتي قلبي من اقصاه انشهد ان غلبني هواس ي بنت علي
ساره : ننزل ؟
سعود ابتسم : غطي عيونس !
ساره : من عيونيي
سعود : الله يقوي قلبي من بعد عيونها
ابتسمت بهدوا ودخلو ياخذون الي يبون وطلعو متوجيهن ل بيت الجد سعود !
عند معاريس الغفله
ايلاف : عقابي
عقاب : سمي ي بعد الدنياء انتي ي عين ابوي وجعلني ماعقبس ي بنت سند
ابتسمت بهدوا وقالت وهي تمسك يدينها وقدامهم الجو ممطر بحكم جو الشتاء وصوت الاغنيه بهدوا وهي تتامل شكله  :  لو اقولك اوصف حالنا وش تقول ؟
عقاب بعد مدت تفكير قليله قال وهو يشوف عيونها والطريق بنفس الوقت : انشهد ان غلبني الهوى والهوى غلاب!!!
ايلاف فزت وهي ترفع نقابها وتطبع قبله على خده : احبك ي اعظم رجال بعيني ي سندس ودنيت ايلاف وعيونها انه محضوضه فيك ادري احمد ربي عليك ؟
عقاب : عيديها بس وشوفي وش يصير الله ياخذني ان سلمتس على البوسه
ايلاف ضحكت بصوت عالي وهي تقول : خلني استفرد فيك مو بس انت !!
عقاب : يويلي والضحكه
ابتسمت وهي تسمع سوالفه ومواقفه كثير ل عقاب ويسولفون واخيرا وصلو البيت ودخلو مع بعض
وقفو يسلمون على اهلهم والبنات بعد من عند الجه الثانيه استقبلتهم صوت زغاريت نوف وهي تقول بعلو صوتها : الف الف مبروك يعله زواج الدهر يارب
عقاب و عمر من الجه الثانيه بحده : وبعديننن الصوت !!!
مدققو العيال على عمر بحكم كمان خواته هو موجودات تقدمو يرحبون ب سعود وعقاب ويعطونهم هدايهم ويردون بعض وبعض ياخذون
نايف : اقلطو ي رجال حيهم الله
سعود و عقاب : البقا
دخلو يديرون القهوه ويسولفون وقال بعد مده ابو تركي : ي عيال اليوم بيجي ابو هزاع واهله خلوكم جاهزين
العيال مع بعض : ابشربنا
ابو تركي بحده : كفووو
العيال : معليك زود
كملو سوالفهم والعيال مستلمين المعاريس تقطقه انهم متاخرين
واما عند الحريم تقدمت نوف تزغرت وتبارك لهم البنات يردون عليها
ايلاف : الله يبارك فيك وعقبالكم
نوف بهمس : مع المزيون منقول لاا ههههههههه
ساره : الله يبارك فيس ي يعيني
نوف : يلاه اقلطو
شوق : حياكم الله
البنات : البقاء
تقدمو يسلمون على الضيوف لكن استوقفهم صوت وحده وهي تاشر على ايلاف وتقول  : هذي حرم عقاب !
ايلاف ببتسامه ثقه وهيبه واضحه عليها : ايه ي خاله ايلاف بنت سند
ابتسمت العجوز بكره وقالت بصوت واضح : هههههه والله ان بنتنا اصايل احلا منها الله يهدي عقاب راح للغرب
ايلاف بعصبيه : ومن انتي عشان تقولين كذا ل بنت سند !!!!
ام عبدالرحمن : جدت عقاب
ايلاف ببتسامه سخريه قالت : والله ونعم بس ي خاله ثاني مره لا تتدخلين بشي ميعني لس وعقاب اخذ الي تستحقه ومال احد دخل
القمت الكل بصدمه وردها القوي عليها مع انها اكبر منها بس احترمتها وردت عليها بهدوا يعكس العواصف الي بداخلها
اصايل : ومن عقاب بالله عليس ترا توس عرفتيه
حطت رجل على رجل وناظرت اصايل من فوق ل تحت وقالت ايلاف : لا كلام ولا حروف توصف رجولت عقاب الي كثير منس يجهلها
نوف : انشهد ان عقاب محضوض ب حرمه ايلاف
ايلاف : ي عيني انتي
قعدو سوالف وضحك وتقدمت نوف تشغل اغنيه جذبت مسامع ايلاف وقامت تتمايل عليها وكانت ايه من جماله وانظار الكل عليها والي نصهم حاسدين عقاب و نصهم يدعون لهم وهي من اول يوم لها اثبت هيبتها عندهم وكملت ترقص و تتمايل على الشيله وكلماتها وهي تقول
(محبتك وإسم ابوي وصيت جداني
زادت شموخي شموخ وصرت منغره