غلبنا الهوى والهوى غلاب

البارت التاسع

جمان : يلاه يلاه بسرعه خل ناخذ الاغراض ونروح
ايلاف : بنات فجاه اشتهيت من الشوكلاتة حقت جدتي
عذاري : وانتي وقتك الحين تشتهين ؟!
ايلاف : والله مالي دخل بتروحون معي ناخذ من غرفت جدتي
جمان وعذاري بصدمه وعرفو ان مالهم حل غير يروحون ان يعرفون عنادها
البنات : تم بس لو قامت جدتي وجدي يويلك
ايلاف : خلاص ب اخلاصن
عذاري : اخاف ي بنات ندخل وقت غلط
جمان قرصتها مو وقت مصاختك الحين
ايلاف تضحك: نفس تفكيري
جمان سحبتهم ومشو ل القسم حق الجده : بنات من تفتح الباب
ايلاف : انا يلاه
وفتحو الباب دخلو مع بعض
عذاري : بنات وين مكانه؟؟؟
ايلاف : انتي متعرفين ؟
جمان : وانتن متعرفن
مع بعض : لااااا
ايلاف : وجعا انتي وياه قصرن صوتكن جدتي ل تقوم والله تصلبنا ب الحوش
جمان : السوات الحين ولا وحده تعرف مكانه
عذاري بتفكير : اكيد بدرج الي عند راسها بس مقفل بمفتاح
جمان : الله ينكبك ي ايلافوه
ايلاف : كلي تراب انتي وياه ويلاه نروح ل الدولاب
مشو على روس اصابعهم عشان الجده متصحى جت ايلاف تمشي تفتح الباب الا تطيح على وجها وتضرب الطولاب بيدها ومن عذاري كانت منسدحه عشان تقدر تدخل يدها تحت المخده وتاخذ المفتاح
وطلع صوت والجده قامت تشوف والبنات بسرعه دخلو تحت السرير وانحشرن
الجده قامت بتروح ل الحمام الا وتوطى على رجل جمان وصرخت: يمههههه
الجده قامت اشغل الضو بسرعه والبنات طلعو من تحت السرير
الي رجلها توجعها والي يدها والي ضهرها ويناظرون ببعض وبضحك مكتوم (الضحكه الي تجي بلوقت الغلط )
ويناظرن ببعض واشكالهم لا تحست عليها
الجده بصوت عصبي : وش تسون بهان والوقت متاخر
ايلاف بتمتمه ضحك ورعب بنفس الوقت وتعطيها النظره البرياه: والله ي جده آني اشتهيت الشوكلاتة حقتك وابي اذ عادي
الجده : ومعرفتي تقولين لي !!!!
جمان : ونقول لك وانتي نايمه
عذاري : نايمه انتي وجدي وقلنا مانبي نزعجكم
الجده : خلاصت ي ثلاثي المرح
راحت تفتح الدرج وتعطيهم واخذنه وباسن راسه وعلى طلعتهم قالت جمان : مع كل الي صار ي جده رجلس مقام نايم ماشاءلله
الجده نزلت نعولها وانتو بكرامه وشاتتهم عليها
طلعو البنات بسرعه وهم يضحكون
ايلاف : ي بنات تكفون بطنييي
عذاري : مشفتي شكل جدي نايم مع الازعاج ماشاءلله عليه لو ان اقوم وشوشتي طايره ههههههههه
جمان وهي للحين تضحك : خلاص الله ياخذكن خل نسوي قهوه وشاهي ونروح
قامو البنات يجهزون كل شي وراحو ل المزرعه
( قريبه من البيت )
جلسو ويسولون ويضحكون ويعلقون على الي صار
عذاري بتوتر وهي ودها تسال ايلاف وخايف من جوابها وجمان نفس الشي
ايلاف : اسالو لا تقعدن تناظرن بس هلون
عذاري بتوتر: ايلاف قولي لنا وفضفضي لن ندري انك زعلانه ؟
جمان : ايلاف تكلمي مو عاجبني انك ساكته ونعرف اذ جلستي بليل وعندك شاهي وقمرا فيك شي ومتضايقه منه قولي لنا مو انتي تقولين ان اقرب شي لك حنا ؟!
ايلاف : صادقين بس ماودي اتكلم بنهار ومابي انهار وحنا مستانسين
عذاري : ماحد منا مستانس وانتي تضحكين وتجاملين ومن داخلك مكسوره من الي صار اليوم
ايلاف اخذت نفس وهي تقول :
( كيف  امضي الليالي ولا يطلع من بالي
كيف بنساه  وهو خيب كل أحلامي وامآلي)
البنات بعد مقالت الشعر عرفو ان في قلب ايلاف شي كبير ولدرجت يحوس الدنياء بقرراتها اذ كانت معصبه فضلو السكوت وهم يتاملون القمر وكل وحده غطت بهواجيسها
قامت جمان على صوت رساله من سعود وهي زعلانه منه بسب الي صار ومتوقعت ان سعود يفكر كذا ببنت عمه وغريبه عليه وشلون لو هي مكان ايلاف كان راح يصير نفس الشي معها كتبت له : نعم ؟
سعود : ادري زعلانه مني ويحق لس بس بعدين افهمك والله تكفين ي جمان بكلم ايلاف انا طالبس
جمان بصدمه وهي تكتب اه : انت انجنيت صح خير تكلمها بعد الي سويته معها لك وجه !!!!
سعود بترجي : وعد مني مراح ازعلها بس بعتضر له والله ي جمان وانتي تعرفين اني احبها
جمان : اي اي شفت حبك ان اليوم
سعود : خلاص تكفين بشوفها
جمان بقلت صبر وحيله منه : طيب بس بنقوم انا وعذاري ترانا للمزرعه
سعود : ادري
جمان ؛ كيف تدري
سمعت كلام ايلاف وانا كنت جاي للبيت وسمعت الشعر الي قالته
جمان : اي زين سمعته عشان تعرف احساسها فيك الحين !
سعود : يلاه اخلصي بس
قفلت جمان جوالها ولفت ل ايلاف الي كانت مو معهم وهي تهوجس وتفكر
سحبت جمان عذاري وقالت ل السالفه وقامو بهدوا عشان ماتحس عليهم ايلاف
عند سعود الي يوم شافهم دخلو راح ل ايلاف
عند ايلاف شافت البنات راحو وقالت بينامون قامت ل المزرعه تتمشي وتحاول ماتفكر كثير وتحقد وتكره اكثر
تنحنح وهو يشوفها راميه الجلال على كتوفها والشعرها البني  يلعب فيه الهوا تنهد تنهيده طويل وقالت بصوت مخنوق: ايلاف
رمت الجلال على شعرها وجسمها بس معندها شي تقدر تغطي وجها فيه وتلثمت
وقالت بصوت مكسور منه : نعم وش تبي استاذ سعود
سعود : اجيك واراضيك من كل اتجاه..
لك من فؤادي حب ولساني ثنا..
لاتاخذ بخاطرك يامال الغناه...
ماعاش من يزعلك حتى لو انه أنا...
ايلاف بقلت صبر انفجرت عليه : انت انت الي كسرتني توفت من تاكل يصدق الا انت انت كسرتني والحين جاي تعتضر ؟ بالبساطه ذي ؟
سعود انا كرهتك قد الحب الي حبيتك اياه واكثر بعد انكسرت ثقتي فيك وشكك فيني قلت الحين بيجي يسالني ويعرف الموضوع قبل يحكم لكن انت وش سويت ؟ على طول صدقت فيني ؟ ذا حبك لي !؟ اذ ذا هو انا ماني ملزومه فيه خله لك واعرف اني اليوم كرهتك كره عظيم ومستحيل ارجع افكر فيك مثل اول وضحكت ضحكت بكيه وعيونه الدموع متحجره فيها وظربت كف تبرد حرتها ودموعها معاد قدرو يتملكون وانهارت تبكي وتقول انا انا حبتك من كل قلبيي وتجي تسوي فيني كذا هدمت ثقتي فيك ي ولد عمي الحين انت عني مثل الغريب وانسا انك تعرف وحده اسمها ايلاف وبنت عمك انهت كلامها وهي تناظر له بكره والدموع بعيونها ونزلت من قرب منها وظمها له وشد عليها لدرجت بتدخل بضلوعه وقالت بصوت عصبي له وهي توخره عنها: انت منت محرم لي تقرب مني فاهم يويلك تعيدها
سكت وهو يسمع كلامها ومتوقع كذا ايلاف بتنهار عليه وتكره لدرجه ذي
وفعلن ايلاف خابت ثقتها فيه وانكسرت منها وحبها له تحول لكره لجل يسمى
سعود بنكسار : تكفين خليني اشرح لك
ايلاف : وخر عني ومابي اسمع منك شي
راحت وهي مكسوره وحزينه على حاله وعلى الحب الكذب الي بنظرها طاحت فيه وتضحك على نفسها انها تحشمت بسعود والحين خذلاها قالت بين بنفسها وهي تمسح دعوعها بعنف وضحكت بستهزا على نفسها وحاله : ههههههههه ايلاف وشلون تفكرين فيه وانه بيوقف معك وهو ابوك واخوك صدقو فيك وشلون الغريب !!! وش ابي اسوي الحين كيف بتقبلهم وكيف بتقبل اقرب انسان لي تركي كيف يناظر فيه وهو كسرني مثل مكسرني الغريب واستهزا بحبي له ومصدقه وموثق فيني راحت وهي ودها تنسى وتنعمي ومتسمع ولا نشوف الي صار معها اليوم راحت تبكي على سجادتها وتشكي لربها ودموعها على خدها وهي جاهله الي يشوفها وهي الجده نوره وهي متضايقه على حاله وتشوفها تبكي وتشكي لربها وتفضفض له والي صار معها وان ماله ذنب بس ماحد من اهلها عطاها الثقه وقالت بنكسار : ليه ياربي يصير معي كل ذا ليه وش سويت انا انكسرت مع سندي واعظم رجال كنت اشوف بدنياء ابوي وعصيدة واخوي بعد والشخص الي حبيته سعود وهو حاط عينه بعيني يضلمني ويصدق فيني ياربيي اعتذرو مني بس ماني قادره اسامحهم ياربيي ساعديني انهت كلامها وهي طاحت منهاره على سجادتها
نطقت الجده وهي كانت قايمه تصلي الوتر ومرت من عند الغرفه وشافت ايلاف : ي بنيتي ربي اذ حب عبد ابتلاه
راحت الجده وهي تضم ايلاف وتسمح له تنهار عندها وهي تقرا وتسمي عليها ونامت بحضنها وهي ودها تقوم وتشوف كل شي حلم اسود وتقوم منه مثل مكانت ايلاف روح لهم وبهجه وهي كلن يسمع ضحكاتها وسوالفه ومزحه معهم ومحد متقبل ايلاف الجديده الا مكسوره نامت ودموعها على خدها
والجده مستمره تقرا عليها لين صلات الفجر
قام من النوم وهو رايح يقوم عياله واحفاده ل الصلاه شاف ايلاف نايمه بحضن نوره
وقال : وش فيها
نوره : وش فيها يعني
سند :؟
نوره : بعدين اقولك خلوها ترتاح الحين ولا احد يقول له شي
سند : زين زين خليها اقوم تصلي وتنام بعدها
نوره : ابشر روحو لا تتاخرون على الصلاه
سند : يلاه اجي القاء الفطور جاهز اكيد الو عبد الرحمان بيجي معي واعزمه
نوره : طيببب
راح الجد والجده تقوم ايلاف : ايلاف ايلاف ي امي قومي
قامت ايلاف وعيونها حمرا اثار البكي وقالت : هلا امي ؟
الجده : قومي صلي وروحي نامي بغرفتي عشان محد يزعجك
ايلاف : زين
قامت تروح تتوضى وتصلي وادعي ربي يجبر بخاطرها وييسر له امرها
عند الرجال
الجد دخل المقلط وهو يضرب الباب بعصاته وقال بصوت عالي : قم قم انتي وياه قامت قيامتكم الصلاه وانتو رابدين اي بهذا تقل كلاب
فزو العيال كلهم له وخايفين قال بسرعه اخلصو تجهزو ل الصلاه وبعدين عندنا فطور ل ابو عبد الرحمان
العيال : ابشر
قامو كلهم يتجهزون والي يضحك ويطقطق على الثاني وهم مستغربين هدوا تركي وسعود الي مو معهم ومو عارف غير نايف
طلعو كلهم ل الصلاه وبعدين رجعو البيت وافطرو وكل واحد راح يسوي المهم الي كلفهم فيها الجد محمد
[العصر تحديدن اول مره نروح ل المكان ذا ]
بيت ابو عقاب عند ام عقاب وعقاب وابو عقاب وهم يسولفون
ام عقاب : عقاب وانا امك
عقاب : سمي ي الغاليه
ام عقاب : سم الله عدوك يمه ابي اخطب لك
عقاب قح بصدمه وقال : يمه الله يهديس انتي تعرفين راييي عن المضوع ذا
ابو عقاب بصوت عصبي : اسكت ي ولد ولا تقاطع امك وهي تهرج
عقاب : سم
ام عقاب وهي تكمل كلامها : يمه انا شفت لك بنت ابو تركي سند محمد تعرفه
عقاب : اي ماشاءلله عليهم هي وولدها رجال
ام عقاب : اي عليك نور ابي اخطب لك بنته اصغيره ايلاف
ابو عقاب بتايد لكلام ام عقاب : انت فكر وعطنا رايك اذ موافق نخطب لك
وعقاب كان مو معهم وهو يفكر هل هي البنت الي شافها او لا وقال : ابشر
قام من عندهم وهو متوجه ل نوف
طق الباب ودخل شافها وهي تتابع مسلسلها وقال : ادخل
نوف : اساسن انت دخلت بس تعال وش تبي الاحترام ذا وراه شي
عقاب وهو متوتر: بقولك بس يويلك احد يدري وابيك تساعديني ان مالي غيرس
نوف بستغراب: وش السالفه
عقاب : اول شي احلفي لي محد يعرف السالفه الي بقوله لك
نوف : والله مقول بس يلاه قل تحمست
عقاب : وانتي علامس مطفوقه اصبري ي بنت الحلال
نوف : تمام بصبربس مو الحين اخلاص وش تبي تقول يلاه
عقاب بتوتر : من البنت الي كانت قبل امس لبسه احمر
نوف قحت بصدمه وقالت بصوت مبحوح: تكشف على بنات الناس ؟!!!
عقاب وقف وهو يعطيها ماء عشان صوتها وقال وهو يشرح له السالفه وكيف شافها وهي تناظر فيها
وطاحت تضحك وقالت بمزح : بنت عنك ذي
عقاب مسكها مع اذنها وقال: هههههههههههههههه مره تضحكين نسيتي ان اصايل متتغطى وشعرها كنها ولد استغفر الله وذي شعرها طويل
نوف بتطقيق: ماشاءلله شايف البنت زين
عقاب بقلت صبر : اي اخلصي مين ذي لني امي بتخطب لي وحده اسمها ايلاف
نوف وهي مصدومه وطاحت تضحك عليه وهي تقول  :  ي حمار البنت الي لبسه احمر ومغير هي كانت لبسته ايلاف وامي تبي تخطبها لك والله ي عقوبوه طحت على لك مزيونه
وعقاب الي انصدم وابتسم برضى وقال : مدام كذا انا موافق لو تطلب عيوني تم
نوف : اثقل اثقل ي الخفيف
عقاب دفها بمزح وقال : والي يشوف ايلافي يقدر يصير ثقيل ؟!
نوف : أخص أخص متى صارت ايلافك لا اهفك بذا
طلع تركي وهو متوجه لمه يعلمها اجابته بعد مصلا استخاره وبلغها انه موافق
وكلمت ام تركي تقوله انهم بيجون على المغرب
بيت الجد محمد قسم الحريم
ام تركي : ميلاف قومي شوفي اختك غريبه نايمه من الصباح مقامت
عذاري وجمان يناظرون بعذ وهم يدرون وش السالفه
وقالت ميلاف : ابشري امي
الجده : جمان وعذاري الحقوني ل جناح ابو تركي
راحو البنات معها وقالت لهم : قولو لي السالفه بدون اف ودورانا وبسرعه ادري انكم تدرون
وقالو له البنات السالفه وهي كانت متوقع ومقالت شي غير انه لا يعلمون ايلاف انها تدري
عند ايلاف وميلاف
ميلاف : ايلاف ايلاف يلاه قومي الحين العصر وانتي نايمه وبيجونا ضيوف
ايلاف : ميلاف انقلعي برا وخليني انام مالي خلق لهم ولا لك
دخلت الجده وهي تاشر ل ميلاف تطلع وتسكر الباب وراها جلست على السرير وهي تمسح على شعر ايلاف وقالت بحنيه وقوه عشان ايلاف تصحصح على نفسها: ايلاف وانا امس قومي يلاه تكسرين نفسك عشان مين وتزعلين عشان مين قومي وخليس قويه مابي اشوف ايلاف الضعيفه ذا انتي مو كذا
ايلاف : الوقت خلاني كذا ي جده بس ابشري قدامي احد ابي اروح ل غرفتي
الجده : لا روحي وتجهزي وصحصي وتعالي بتجي ام عقاب ورجلها
ايلاف بعدهم مبلاه: طيب
قامت تروح ل غرفتها وتصحصح وتصح على نفسها وتقول انتي مو كذا ايلاف انتي قويه وبتعدي السالفه ذي وملازم اثق باحد ثاني مره واشيل حب سعود من قلبي ولا عاد انكسر منه راحت تاخذ لها دش وتجهزت وحطت ميكب خفيف ولبست فستان ازرق ماسك علها بدون يد فيه وحده بس واكسسوارات فضي وكعب مزين بفضي وسوت شعرها ويفي وخلته فاتح
كذالك عند الباقي كلهم جهزو
عند الرجال قبل بوقت
ابو تركي قفل من ابو عقاب
وقال : يبه ابو عقاب بيجي ويقول جايين يبون القرب منها
الجد ابتسم وقال : حياهم الله
سعود معطى الموضوع اهميه لن حسباله يبي ميلاف او غيرها من البنات مدرا ان الموضوع عن ايلاف
عدا الوقت عند الحريم والبنات يضبطون كل شي معدا ساره وايلاف الي كانو مو موجودين
نزلت وهي تناظر لهم بكره وحقد بعد الي صار له
وجمان تناظر له من فوق لتحت وهي تقول بنفسها: وشلون تنزل بعد الي صار امس يقو وجها يع تفشل
والكل يناظر فيها بكره وحقد بعد الي صار
فرح : ساره تعالي اقعدي عندي
توجهت ساره وهي اجلس بجنب فرح
فرح : ساره يويلك تسوين شي وتخربين العزيمه مو باحسن لك والله وتعرفيني انا
ساره بنرفزه: خلاص اسكتي دبلتي كبدي تراااا!
سكتو على مقالت ميلاف ل  الجده ؛ بروح اتجهز وانادي ايلاف معي
الجده : زين ولا تبطين
البنات كل وحده راحت تتجهز وتجمعو بصاله
عند ايلاف و ميلاف
ميلاف وهي تناظر ايلاف بعحاب: بسم الله عليك والجمال انا اقري اذكارك على نفسك ي بنت قمر قمر ماشاءلله طالعتن لي
دفتها ايلاف بمزح وقالت : انقلعي يلاه وعيونس الحلوه
ميلاف وهي تدخل الحمام : لا تروحين خلينا نروح مع بعض
ايلاف وهي واقفه تحط عطر حولين رقبتها وعلى النبض: تمام اسرعي يلاه
عشر دقايق وخلاصت ميلاف وكانت لبسه فستان اسود بدون اكمام وماسك عليها وكعبها الاحمر وواكسسوارات الاحمرا الي تزين رقبتها  وشعرها القصير الي يوصل ل رقبتها اسود
وقالت : خلاصت
ايلاف بعجاب: بسم الله عليك ماشاءلله ميلافي جمالس ي بنت
ميلاف وهي تضحك : حياتيي انتي تعالي نصور
ايلاف : تممم
صورو وكتبت ايلاف تحت الصوره بغرور وكبرياء: عجزت افرق بيننا وبين القمر!!
وضحكت ميلاف وقالت: الثقه الي بمكانها ي ايلافي!
ايلاف قالت بضحك: امشي خل نوريهم كشخت بنات سند كيف اكون ونغطي عليهم
ميلاف : تم تم تم
ضحكو وطلعن من الجنح متوجهين ل المجلس الي متواجدين فيه ام عقاب والحريم والبنات دخلو البنات وصوت كعبهم قدامهم يمشون بثقه سند وهيبته وجمال اصايل امهم وثقتهم بنفسهم وقفو المجلس كامل لهم ولهيبتهم وسلمو على ام عقاب ونوف بحراره وشروق سلام بارد وسلمو على الحريم الباقي من الجمعه كانت عازمتهم نوره
وجلسو جنب عذاري وجمان
البنات مع بعض : ماشاءلله تبارك الله والزين
ايلاف وميلاف : اجل محنا بنات سند واصايل منبع الجمال كله
البنات مع بعض : الثقه الصح ي حياتيي يخليكم لبعض
ايلاف : امين
ميلاف : ذي وش جايبها ؟!!
ايلاف وهي تناظرها بشمازاز وقالت : وع بنات وش تبون بها طنشوها
البنات بصدمه ل كلام ايلاف : انتي تقولين كذا
ايلاف : عذاري ي قلبي وش بستفيد ل تخانقت مع كلاب وتعرفين الكلام ميفهمون الا على بعض متشوفين هي وشوق مع بعض خلاص اسحبو عليهم
البنات ايدو كلامها وسكتو وهم يسمعون سولف الحريم ويشاركون معهم بسوالفهم
عند الرجال بعد مسلمو وسالو عن الاخبار قال ابو عقاب : والله ي ابو تركي اليوم حنا جيين وطالبين القرب منكم ونطلب يد بنتك الصغيره ل ولدي عقاب
ابو تركي ابتسم وقال : والله ذي اساعه المباركه ولدك والنعم فيه ورجال ومن صلب رجال بتاخذ راس البنت ونرد لك
عقاب : معليك زود ي عمي
ابو عقاب : ننتظر ردك
عند سعود الي كان وقف بصدمه مايدري وش يقول حسباله ميلاف وطلع حبيبت القلب ايلاف ! وشلون يفكرون اساسن يجون ويخطبون وش عرفه بعد فيها ذا
الجد : سعود سعود
سعود صحى على نفسه وقال : هلا ي جدي
الجد : علامك
سعود : ولا شي
الجد : قم قم صل قهوه
سعود ابتسم وقال : ابشر
قام يصب لهم ولما وصل عند عقاب حط نفسه يسولف مع نايف ونايف مكمل معه وانكبت القهوه على عقاب وفزو الرجال كلهم له
ابو عقاب : بوليدي فيك شي
عقاب وهو انعدم من القهوه وقال : لا مجاني شي بس انعدم ثوبي
سعود : منتبهت وانا اخوك اسولف مع نايف وسهيت
عقاب ببتسامت مسخره : ولا يهمك
الجد : علامك انت ماتشوف
ابو سعود : اخلص قم انت وياه عني قام نايف بيدخل المطبخ يسوي قهوه
وسعود الي لحق عقاب ومسكه مع ياقته وقال بعصبيه وهو وعقاب  نفس عرض الجسم والطول : والله والله ي ولد عبدالوحمان ان اخذت ايلافي ماهو بزين لك تراها بنت عمي وانا اولا فيها من الغريب دفه عقاب وقال بعصبيه : ماهي زوجتك ولا خطيبتك يوم تقول عنها ايلافي ولا تنطق اسمها فاهم وقريب بذن الله وتصير حرم عقاب ين عبدالرحمان ودفه وهو ياخذ ثوب من سيارته وراح يبدل سعود يناظر فيه بكره وحيد الدنياء وقال بنشوف اذ قدرت تاخذها وانا ولد خالد
عند نايف الي كان يتحلطم من سعود و غيرته الفضيعه وانه اجرب الرجال
ولكن استوقفه صوت ميلاف الناعم والهادي وهي تكلم صاحبتها( من القصيم)
صاحبتها: اسمعي ميلافي
ميلاف : عيوني
صاحبتها: بروح اشوف زوجك ابلشني ههههههههه
ميلاف  بمزح : تمام انتبهي لزوجي يويلك تزعلينه
صاحبتها: تمام وانتي انتبهي لزوجي ل اوصيك عليه ولا تشوف عيونه يمين ويسار من بنات حايل
ميلاف: انقلعي يلاه الحين يسمعونا ويصدقون وعاد هم يبون الزله علينا ههههههههه
قفلت من صاحبتها وهي تضحك عليها ولفت ل الباب وهي تشوف نايف يناظر فيه ومنبهر من جماله وشعرها القصر والخصر وجمال الاسود عليها وسالفه كانت جميله
وقالت بحده له: صد عيونك ي حقير !!!
صد بسرعه عنها وطلعت وهو كان جاي يسوي قهوه بس نسى وش كان يبي
من المنظر الي شاف وقال ( ماشاءلله سبحان من سواها ذي ميلاف )
عند ميلاف الي ارتبكت وهي تشوف قدامها صرخت بوجه وبعدين طلعت والتوتر الف عندها راحت عند الحريم وهي متوتره
ايلاف : وش فيك ؟
ميلاف : بعدين اقول لكً
ايلاف : تمام
تنحنحت ام عقاب وقالت : والله ي ام تركي جايينكم اليوم وطالبين القرب منكم ونطلب يد بنتك ايلاف ل ولدي عقاب
ام تركي ببتسامه عذبه: حياكم الله والله نتشرف فيك و بولدك ونعم
ام عقاب : معليك زود وننتضر ردكم
عند البنات كانو بصدمه وكذالك ايلاف بس قرا نفسها ودعست على قلبها وابتسمت لهم وقالت لم عقاب: ونعم فيك ي خاله وبولك وان شاء الله تسمعون الي يرضيكم عن اذنكم
وقامت والتوتر واضح عليها
البنات انصدمو منها وقالت ميلاف : بروح اكلهما وانتو خلوكم عند الضيوف
البنات : تمام
واكثر وحده كانت مستانس بلخبر ذا ساره وكانت بتطير من الفرحه واخيرا بتفتك منها وتخيلي له سعود وقفت وراحت ل جنح ابو تركي وتحديدن غرفت البنات دخلت وقالت ببتسامته وهي تشوف البنات جالسين على السرير : الف الف مبروك ي ايلاف الله يوفقك يارب واخيرا مبغيتي تفكين عن شي مهو لك
ايلاف ألي ظحكت عليها وقالت ببتسامه عشان تقرها: حياتي انتي امين يارب عاد عطيتك فضلتي مابيه حسيتكم لبقين لبعض اكثر
ساره ناظرت فيه نظرات قهر وصدت تطلع من الجناح
ميلاف : ايلاف موافقه انتي
ايلاف : بستخير واذ ارتحت بوافق
ميلاف بتوتر: و سعود
ايلاف بكره: ومن سعود واذ كانت بدايتها سوا كذا اي وشلون بعدين وقامت وهي تبدل لبسها ودها تروح مكان فاضي بس هي والي والمهره ( الحصان حقها)
ميلاف : الي يريحك ي حياتي وتذكري اني معك بكل وقت وزمان وبكل قرار تاخذينه وين بتروحين الحين ؟
ايلاف : ي قلبي ي اوخيتي الله لا يحرمني منس بروح الاسطبل ولا احد يدري تكفين بكون لحالي
ميلاف : امين ي حياتي زين بس انتبهي لنفسك
انهت كلامها وراحت تبدل تلبس ملابس الفروسيه حقتها وميلاف راحت للحريم تشوف البنات وتساعدهم

انتهى البارت

(ننهي البارت لهنى حبايبي ولا تنسوني من النجمه وكثير جوني يقولون ليه تسوين كذا ب سعود وايلاف حبايبي انتو حياتي اتوقع ذي روايتي صح وانتو على عيني وراسي بس مالكم حق تتدخلون وش اكتب وشكرا للكل الي يقولن لي كلام يحفزني اكتب احبكم واحب كلامكم الحلوه مرهههه  ويقولن لي اقتراحتكم وتشبيهاتكم  تعالو تيك remasanb4qy
وهل تقتروحن علي افتح حساب انستا❤️❤️.