غلبنا الهوى والهوى غلاب

البارت التاسع عشر

[ تكملت البارت اللي قبل ]
العصر الكل قاعد يتجهز عشان يمشون ل حايل ك تلبي دعوه ل عشاء ابو عقاب !
[ معلومه اهل عقاب من حايل الا اصايل ^]
بيت سند رحمة الله عليه
تركي : ايلاف ماهي جايه ؟
ميلاف: لا تقول ماتبي
تركي بحده : وتقعد ب البيت ل حالها ؟؟؟ !
ميلاف : اوه تركي ترا مجايها شي يعني لا تكبر السالفه !
ام تركي : ميلاف خير احترمي اخوك رح وانا امك شف وش فيها ؟
تركي طلع وهو يطق غرفة ايلاف لكن مافيه اي صوت ....
تركي بصراغ: ايلافففف
ايلاف فزت برعب : خيررر ليش تصارخ ؟
تركي : فجعتيني من اليوم ازهمك ولا تردين علي خفت ان حصل لك بلا
ايلاف وهي تزحف الفراش : لا مابي شين لكن وش تبي جاي مارحت حايل ؟
تركي : لا ليه مانتي رايحه ؟
ايلاف :  من قال ماني رايحه بروح لكنه بسيارتي بس مراح اكون على العشاء
تركي بعد استيعاب: ايش ان شاء الله تروحين ل حالك!
ايلاف : لا يمال التراب يمكن امر نوف بعد خلاصة من الجامعه اليوم وعشان كذا ! لكن وين مرتك ؟
تركي : اي زين طمنيني اجل عليك كل شوي راحت مع اهلها
ايلاف بضحك : عشان كذا منفس علينا من اليوم ؟
تركي : اوههه يليل عاد لقت شي تمسكه علي
ايلاف وهي تضحك: ي ليتك ي جمان هنااا وتشوفين حاللل رجلك
تركي وهو يضحك : يلاه طمنيني عاد
ايلاف : اذ وصلتو دقو علي استودعتكم ربي !
تركي من بعيد : ابشريييي
دخلت وهي تسحب شنطه خفيفه وتحط فيها اغراض لها مسكة جوالها تتصل على نوف
نوف : ارحبي ي ام وتين اخبارس
ايلاف ببتسامه : هلا والله يالله حيها تمام ي حياتي وانتي علومك
نوف : ابدا على ماتحبين وتمام الحمدالله وهذاني توي شوي واصول حايل الورد !
ايلاف : ي تراب سحبتي علي ؟
نوف : انتي تقولين منتي رايحه ؟
ايلاف : لاااا كنت بروح بس متاخر
نوف : اوههه اسفه لزم اروح ابوي اللي عازم ترا !
ايلاف بتصريف  :مرت اخوكم بتحضر ؟
نوف وهي تضحك : ياخي بلا لف ودروان وقولي عقاب بيجي او لا !
ايلاف : اووههه طيب بيجي او لا ؟
نوف وهي تضحك : ماتوقع ابوي زعلان عليه يمكن يجي ويمكن لا ...
ايلاف : افا ليه عمي زعلان عليه ؟
نوف : عشان عقاب تزوج اصايل وابوي مو مره يحبها وعشان انك حفيدة اقرب صديق له وهلون
ايلاف ببتسامه : ي عيوني هووو عز الله ماكسرت بخاطره جايتكم اليوم !
نوف بضحك : عشتييي كفوووو وهاتي اخوي معك تكفين طالبتك امي من زمان عنه ومن زعل ابوي ماجا!
ايلاف : كلميه وخليه يجيكم ونتقابل ب الطريق اما اني اروح معه لاااا يحلم !
نوف وهي جتها فكره ؛ ابشري على خشمي خلصتي انتي ؟
ايلاف : باقي اطلع لي فستان عشان العزيمه اليوم
نوف : احمر البسي من زمان عنك وبنشوفه مع وتين !
ايلاف وهي تذكرت عقاب : ابشري من عيوني !
نوف : يلاه اجل باي
ايلاف : باييي
عند نوف وهي داخله حايل : اهلا ب اخوي اللي ناسينا
عقاب : هلابتس علومك ؟
نوف : تمام الحمدالله وينك بتجي ؟
عقاب : اي بس باخذ جدتي وحفيدتها
نوف بتفكير : طيب قل اصايل ميحتاح ترا ؟
عقاب : سكري على سيرتها افضل
نوف : اسمع طيب ي اخوي تعرف اني احب لك الزين واحب ايلاف صح...
عقاب : عطيني الزبده وش تبين ؟
نوف بنكر ب اصايل : اصايل اعرف تسوق صح وعندها سياره خلاص خلهم يجون هم وانت رح يم ايلاف وجبها حامل ولا تقدر تسوق مايصلح لها والسواقين يخوفون !
عقاب بتكفير وهو لق شي عشان يشوف ايلاف وهو من زمان عنها : اجل تم بس بروح اشوف جدتي اولا
نوف : اهم شي لا تغير رايك
عقاب وهو حاط الجوال بجنب الدركسون ومتوجه ل بيت جدتها وحسباله نوف سكرته وهي تسجل من جوالها الثاني صوت : ايلاف قلبي البسي اكسسورات ذهبي مع فستانك الاحمر بطلع حلووو !
ايلاف : ي تراب مالقيتها مادري وين مختفين ؟
نوف : طيب ماعندك ثانين
ايلاف : الا بس مابي الا هم !
نوف بتسال: ليش هم طيب علقتي عليهم الحين ؟
ايلاف ببتسامه : جوني هديه من عقاب ب ملكتي
نوف بنفسها ايوههه جبتو العيد بنفسكم وهي تقرب الجوال بحيث عقاب يسمع زين !
نوف : ايوه قولي من اول كذا ! طيب سوال صدق اشتقتي له ؟
ايلاف بزعل : هو اشتقت بس الا الشوق بيمصع قلبي بس كسرني العقاب برجعته ليته مارجع كان اهون لي
نوف : معليك واصايل التراب ذي عندي
ايلاف : ياخي انا وش سويت له وش قصرت هذا اللي قاهرني ماني عارفه وش صار عشان يتزوج مرات اقول مجبور بس العقاب ماينجبر
عقاب ب الجهة الثانيه : اه حتا عقابي ارخصتيها ونسيتيها ي ايلاف ؟
ايلاف : وبعدين اقول فيه شي عشان اخذها ولا انتي تعرفين اصايل زين ؟
نوف ببتسامه وهي مستانسه : ايي وشلون ماعرفها الله يعين ويهدي يلاه اخليكم تخلصين وصلنا الحين باي
ايلاف : باي
عقاب : والله ان ماتفوتني كشختك ويلعن اصايل اللي خلتوني اصد عن قلب العقاب !
قفل عقاب الجوال وهو وصل بية اصايل
دق الباب بقوه : ي اهل البيت ...
اصايل : هلا ي حيه يلاه خلصنا مشينا ؟
الجده جت : عقاب طولة مشينا
عقاب بحده : لا روحو انتم انا ماني رايحه
الجده : خير منت برايحه الا بتروح وتودينا انا و مرتك
عقاب بحده : ماني رايحه ولا ماني متحرك من هنا وهي اللي تقولين عنها زوجتي انتي جبرتيني عليها وعشان رضاك بس لا اكثر ولا اقل ولا عقاب ماينغصب على شي !!!
اصايل بحده : ليكون تبي تروح له ؟
عقاب ببتسامه : واذ رحت ل ايلافي ماهو حرام ولا عيب واذ رحت بروح ل ام بنتي ؟ ولا ليكون عندكم مانع بعد ؟!!!
‏الجمهم بصدمه وهو يقول ام بنتي الجده : وش ام بنتك ؟؟؟
اصايل : يعني تتركني وتروح لوحده رخيصه مثل هاذي وتكذب عليك انها حامل ويمكن ماهو منك
عقاب فز بكل خلايا جسمه حس ان حروق دمه نشوف وهي يسمع كلام عنها
قرب من اصايل وهو يصفقها كف ب اقوا ماعطاها ربي من حيل : من هي الرخيصه ي باردا الوجه لا تنسين انها حرم اللوا وقسم بالله ل اصلي فيك شمال والناس تصلي قبله اذ سمعتك عتيها وتكلمتي عليهااا وماهي اصايل عشان اكون رخيصه مثلك وبلا كرامه
الجده : عقابببب اقطع صوتك يوم تكلم حفيدتي كذا
عقاب : ربي حفيدتك ي جده اول وبعدين تعالي تكلمي
الجده : ان طلعت من الباب هذا اعتبر ان ماعندك جده ي عقاب ؟!
عقاب : انتي على عيني وراسي بس مافيه مثل ايلاف وغلاها عندي ولا احد وصل مواصيله وانا اخذت اصايل ترا عشانك واكبر غلطه ذي سويتها بحياتي وبعدلها والحين دربكم خضر اذ وصلتو دقي علي
طلع وهو تارخ معاصير وافكار تدور وتروح وتجي عند اصايل وكيف تنتقم من عقاب ومع كل الا يصير ومن زواجهم ومن جاء من مهمته وهو ماتكلم معها ولا اعطها وجه ويوم انصاب كان كل كلامه عن ايلاف وهي ؟؟؟....
اصايل : طبك عندي ي ايلاف اجل حامل انا اوريك
الجده : معليك نوريها خليها جاي الدور عليها
اصايل : جدوه تكفين لزم افتك منها انا ابي عقاب
! الجده : خلاص ي قلبي هو لك ...
[ الله ياخذك انتي وجدتك قلتها بدالكم 😭😭😭🥲]
عند عقاب وصل البيت وهو معصب ومايشوف شي قدامه
دق الباب جت ايلاف : مين ؟
عقاب : العقاب !
فتحت الباب بسرعه وهي تقول : خيررر وش تبي ؟
ابتسم وهو يشوف كشختها : حرام انهم ميستاهلون الكشخه ذي !
ايلاف : وانت وش دخلك وبعدين وش جايبك ؟
عقاب : بصفتي زوجك لي دخل وجاي عشان نروح مع بعض !
ايلاف : ي عقاب انت الوحيد اللي عطيته قلبي
شفة فيك اللي فقدته من زمان ليه الحين جاي بعد ماكسرته ؟
عقاب : ماهو على الكيف يام وتين ماهو على الكيف
ايلاف بهدوا وهي كانت خايف اروح الطريق لحاله : مشينا ؟
عقاب ابتسم : اللبيب انتضرك
راحت تلبس عبايتها عند العقاب  صد بقهر وهو يشوف صدها عنه وكيف ماتعطيه وجه حتا وكلامها قليل معه قل :
[جفاني محبوبي وانا الغلطان ]
جت ايلاف وبيدها شنطتها اخذها عقاب وهو يحطها ب السياره وركبو بدون اي كمله متوجهين ل حايل تحددين
وصلو اهل ايلاف واهل خالد وغير الجد محمد اساس موجود والجده والعمه شروق وفرح وعذاري ب حايل وعمر كان بعد دوامه ب حايل
واما ثامر واهله جاو من الرياض وكان لهم اسبوع ب حايل
وساره وسعود بعد موجودين
الكل اجتمع ووصلو بخير ...
بعد ساعتين على وصول اصايل وجدتها....
دخلو بدون اي كلام او ترحيب فيهم
وام عقاب تناظر بكره ب اصايل
اصايل بغنج ودلع : سلام عمه ام عقاب
ام عقاب بدون نفس : وعليكم السلام ادخلو !
البنات انفجرو ضحكك هنااا
سوسن بهمس مسموع شوي : هذي خطافت الرجاجيل تستاهل مايجيها
اصايل : عمه شوفيها
ام عقاب : مقالت شي غلط
انصدمت اصايل ام عبدالرحمن : خير ي قليلت الادب يبي ماتستحين تقولين هلون ل حفيدتي !!!
نوف بصراخ : مقالت شي غلط ي جده محترمينك ترا بس ماحد يطول صوته على امي لو كان كبيركم!
الجد سعود تنحنح: ادخل
فزو الحريم يدخلون اللي يتغطون
وش اللي اسمعه انا
اصايل : ي جدي ترضى عمتي ام عقاب تقول اني خطافت الرجاجيل
الجد سعود : صدق اللي تقوله ي ام عقاب ؟
جت سوسن وهي تحط الشيله على طرف عيونها وقالت : ي جد انا اللي قلته وانا عندك كلام قوله لي
الجد سعود : وليه تقولين هلون عقاب تزوجها على سنة الله ورسوله !
نوف وهي تهذ المسبحه كامله واقول كل شي عندهم : لا ي جدي عقاب ماخذها بكيفه عقاب يوم رجع من المهم كان متصاوب ومثل ماتشوفون بعد ماطلع من الغيبوبه جاء بعد خمس شهور لا احد يزيد من عنده كلام ثاني شي عقاب لحد الحين فيه اثر واللي هي يده ملفوفه ل ذا اليوم وثالث جدتي جبرته ع اصايل ي رضاها عليه ولا ينزوجها وكلنا نعرف ان عقاب مايكسر قوته وكلمته الا جدتي واستغلت الفرصه !!!
الجد سعود بجده : صدق ي حمده اللي يقولونه !!! انا ماني قايله لا عاد تنعاد وسبب طلاقنا كلها من اخت راسك انتي وحفيدتك !!!
جدت عقاب : انا ابي الستر ل حفيدتي ومعلي منك وذا بيننا وبين العقاب
نوف : انا اختك ي العقاب وش فيها بنتك تبين له الستر الا فيها عيب وتبين تطشينها ب اخوي
الكل انبهر من عزوتها فيه وثقتها بكلامها ولا همها كبير وصغير الكل  : ونععممم ي اخت العقاب
نوف : معليكم زود ...
نوف : مابي اعيد الكلام ل ي اصايل وقسم بالله والي رفع سبع ونزل سبع وانا بنت ابوي واخت العقاب وتعرفينه واكبر دليل صفقته اللي على خدك ان شفتك مقربه من امي ولا واحد من اهلي سوا كبير او صغير ماتلومين الا نفسك وجده انتي بعد انا احترم اللي يحترم امي بس انتي ماخليتي فيها احترام يلاه عاد طولا السالفه ويكفي فشلتونا عندنا ضيوفنا
الجد سعود : يلااا تسهلو الحريم ينتظرون
تفرقو كلهم اخذت جلالها وهي تلبسه وتوجهت ل المزرعه وهي تبي تاخذ هوا وكل شي يضغط عليها ومتوتره وهي تدري انه موجود واشتاقت تشوفه ومن زمان بعد عنه
صوت من وراها وهو يقول : أخص والله قلبتيهم فوق وتحت وخليتينم كذا ! ههههههههههههههههههه
نوف فزت بسرعه وهي تسوي الجلال عليها : صد النظر يولد علي صد
سحبة الشماغ منه وهي تلفه عليها وقالت بهدوا:
ي عمر لا تدق الميانه تراني ماني بحي الله ولا تهاون في مقامي لا عطيتك وجه لا تنسى اني اخت العقاب
عمر ب اعجاب : ونعممم
نوف : معليك زود مع السلامه !
عمر فز وهو يوقف قدامها : على وين ان شاء الله ؟
نوف : وش اللي على وين عاجبك وقفتي معك هلون ؟
عمر: ليه وش فيها ؟؟؟
نوف : لا عاد انت مافيه عقل
عمر وهو يضحك بعلو صوته : واللي يشوفك لعنبوس يبقى فيه عقل !!!
ابتسم من ضحكته وبان عليها : توصي على  ي حضرت الرئد ؟
عمر ابتسم: وكيف عرفتي اني ترقية ؟
نوف : مبروك ومافي شي يخفي على محاميه !
عمر : انتبهي ل نفسك وموعدنا الليله بذن الله
نوف : على وش موعدنا ؟؟؟
عمر راح وهو يقول : تحددين مصيرنا اما ب الرفض ولا ب القبول !
تجاهلت كلامها وقاعده تتامل ضهره وهو يمشي قدامها ويدنن ب شيله
بصير انا وياك في كرت الاحوال
ونعيش ماباقي من العمر كله
فهمت و مافهمت منها شي وصلو الباب وقالت قبل لا ادخل
حضرت الرئد شماغك!
عمر التفت وهو يشوف اختفت ولمح نص وجها : هاتيه ؟
مدته له وهو يمسك وفاحة ريحة العطر منه ابتسم وهو يقول : حرام اني اللبسه ويشمون ريحتها الرجال !!!
دخلت والابتسامه شاقه وجها عكس لما راحت
عذاري ؛ اقص يدي ان ضحكتك جت من فراغ
ميلاف بهمس: شوفي من كبر الضحكه واصله ل سنونها
فرح : وش تبون فيها خلوها تضحك !
سوسن : ضحكينا معك !!!!
شوق : ي بناتتت شوفو الابتسامه يويلي اختي راحت بوه!!!
نوف ضحكة وقالت : وش تبون بس خلوني اضحك على راحتي
البنات : وش السالفه ؟؟؟
نوف وهي اقوم : عقاب وايلاف قريبين قومو البسو سريع بيصير شي يجنن. !
البنات فزو: يلاااا
عند ايلاف وعقاب وصلو وعقاب يمسك جواله ويحط سامري نزل من السياره توجه ل المقاعد اللي ورا وهو يسحب السيوف اثنين ويطلعهم ويرفع بصوت السامري على اقبال امه له تقدم يعطيها السيف وتقابلو والبنات يصورون ارتفع الصوت وبدا رقصهم
اشتقت لك يابعد حبي وحياتي
لا ي بعد تلبيات البيض لا لبن
اشتقت لك شوق ماعبره باللساني
بعد تعب ام عقاب تقدم يبوس راسه ويرحب فيها
عقاب : ارحبييي ارحبييي في ذمتي ي مرحبااا يالله حيهااا يهلا ب جنة العقاب
ام عقاب بخجل: البقاء ي عيون امك البقاء
تقدم يسلم عليها بحراره
ابو عقاب بحده : ابعد ي ماني قايل وقدام عيوني بعد ترقص معها
عقاب انفجر يضحك : افا افا الغيره عند الولد فوق العاده
فز ابوه وهو يضربه برأس العصاء بخفه
عقاب وهو يضحك : ي عين ابوي تكملين معي الوالده سحبت علي ورحت مع الغالي ؟
ايلاف ببتسامه : مانقول لا ي ابوي واسم.
عقاب ابتسم : اقدمي ي جعلني افداك
ابتسمت بخجل وهي تشوف انها ماستحى حتا قدامهم وشلون يستحي وهي زوجته وحلاله
ابو عقاب : يمال التراب صدق اجل ي عين ابوي هااا
عقاب : ي الغالي والله انها غاليه علي !
ابو عقاب : قلنا غاليه ومافيه مثل ايلاف وانا اشهد لك هذي حفيدة محمد لكن عيون ابوك امك
انفجرو يضحكون هههههههههه
عقاب : لا لا عزل صريح طال عمرك
ابو عقاب : اذلف بس لا تتاخر على الرجال
عقاب: سم طال عمرك على خشمي
عطاها السيف وهو يكمل معها وقدامها على اللحن باتقان عاليي من الجهتين

شوقن يخلي ظلوع القلب يشتبن ...
اشتقت لك يابعد حبي وحياني
لا يابعد تلبيات البيض لا لبن
اشتقت لك شوق ماعبره باللساني

قامت تتمايل قدامه على اللحن بكل اتقان
السيف بيدها ويتاميل مع جسمه بكل هدوا وعبايتها نهاياها ذهبه تطريز كان منظرها سهم بقلب العقاب
قال بحده : عزتي للي ماعنده مثل حرم. اللوا انشهد ي حضييي !!!
ايلاف : صح لسانك ي عقابي !!
[قالتها قهر ب اصايل ]
انهو رقصهم وتفرقو
عند الحريم اقبلت ام عقاب ترحب وتهلي ب ايلاف وكلهم نظراتهم تقول وش يجيب ترحيب ام عقاب ل ايلاف مثل اصايل ....
ومقصدهم ان ايلاف غيررر عند اهل عقاب
تقدمت نوف تزغرت مجاكره ب اصايل وقهر: يالله حيها
ايلاف بكل غرور وثقه وهيبه : البقاء ي عيوني
دخلو والترحيب والتهلي لحد الحين ب ايلاف ماشيه والحريم الانظار عليها من كبيرهم ل صغيرهم ابتسمت ام تركي وهي تشوف محبة الناس ل ايلاف وهيبة بنتاتها غير وثقتهم بنفسهم : ليتك ي سند عايش واشوف بناتك وقوتهم عن الف رجال
عن الرجال الكل تقدم ويرحب وويهلي ب عقاب واللي يبارك لك ولكن مافيه رد منه عشان كاره الموضوع ولا يرد مجامل لا اكثر واللي يتحمد ب السلامه
وبعد سوالف وضحك
تقدم عمر وهو يقول بهيبه وشموخ ولا ضرب راي ل احد : ي ابو العقاب انا جاي اليوم عاني اول شي اتحمل ل سلامة العقاب برجوعه وعشان خاطرك حضرت العزيمه والاهم بكل هذا
انا جايكم اليوم بسنة الله ورسوله اتقدم ل بنتك نوف ي عم على سنة الله
وبذن الله ماني ماشي من هنيا الا ماخذ اللي يطيب الخاطر واعذرنا على السرعه ذي لكن معاد به صبر و...
ابو عقاب : ابدا والله نتشرف فيكم والراي الاول والاخير ل نوف ؟
عمر : ابدا خذ راحتك
العيال بين بعضهم
عقاب : انا ادري انه بيخطب بس مو ب السرعه ذي
سعود يضحك : انت شف صدمة ابوي و جدي هههههههههه
نايف انفجر يضحك : عزتي لهم صدمه ولا ..
قرصه عمر وهو يقول : ي جدي وش تقول عن الرجال اللي يتضاحكون عند الرجال
الحد محمد : انت اقول قلها صح وبعدين تعال تكلم وانا اعلمك شلون تخطب كذا !!!
العيال انفجرو ضحككك هنااا انهارو
ابو سعود : انكتم انت وياه لا اسمع لكم صوت
سامر وهو كلام نفسه : ابشر طال عمرك تبي شي ثاني
ابو سعود : اذلف عن وجهي !!!
ثامر انهار ضحك وطرش القهوه على وجه عمرررر وامتلى قهوه وحالتهم حاله
نايف بضحك : والمعرسسس راح فيها بعد
سعود لف وهو يشوف عمر مليان قهوه طاح يضحك على ركبته وكب الكاسه على ثوب سامر كلهاااا
عمر وهو يضحك : القم انت وياه !!!
صرخ ابو سعود والكل عجز من بعدها قامو سامر وعمر يدورون ملابس لهم
من طلعو من عند الباب وسامر يحط رجله ويركض وهو عارف وش بيسوي فيه عمر
عمر انطلق وراه وهو يسحب نعوله ويركض وسامر يركض اكثر لين طاح ب التراب وراح فيها وجاء عمر من فوقه وطايررر ويطيح ب سامر ويصير مقابل وجه وكله تراب وحالته حاله تفل التراب اللي بفمه بوجه سامر
سامر: سناب االتراب صدق الله يقرفك
انفجر يضحك عمر وهو يركض يهج من سامر وهو يشوفه ياخذ النعول يرميها عليهااا
وقف بسرعه عمر وهو يشوف ابو عقاب عند الباب ويقول : هذا اللي خاطب عز الله عرفنا نهايتها وهذا اللي خاطب وقلنا رجال ونوافق عليه تاليتها كذا
عمر فز وهو يقول : لا يعم تعوذ من بليس وش تاليه ومادري ايش
انفجرو يضحكون وهم يشوفو ردت فعله وكيف انه انخرع انهم يغيرون رايهم بخطبته
ابو عقاب وهو يضحك : نقول مبروك وجتك نوف ي عمر !
انصدم ماتوقع انها ب السهوله ذي وبسرعه وافقو تقدمو يباركون له تحت صدمته ولا هو عارف وش يقول وش يسوي

انتهى 🥲
[ هاييييي اخباركم اشتقت لكم والله وعطوها حقه ي حباني لا تقصرون]