غلبنا الهوى والهوى غلاب

البارت الثاني والعشرون والاخير

{عند تركي وجمان }
دخل تركي وهو مغطي عيون جمان من السياره
جمان بتذمر: ياتركي خلاص تعبت ابي افتح !
تركي بحده : يابنت الناس اصبري دقيقه
جمان تاففت بملل وبعد مده قال : يلا فتحي
فتحت عيونها بهدوء: تركي ايش ذا ؟
تركي : وش اللي وش ذا ؟؟  ذا بيتك يمالي ودنيتي ؟
جمان فزت وضمته: استحلفك بالله انك صادق ؟
تركي بضحك : اي والله
رجعت ضمته وقالت باذنه بهمس: مبروك علينا البيت وتباركني وبولدك يابو سند !
تركي : ايششش!!!
جمان بستغراب: وش اللي ايش ؟
تركي : يعني انا بصير ابو ؟
جمان بحده : لا انا !
تركي : هههههههههههههههههههههههههههههههههههههههههههههههههههههههههههههههههههههههههههههههههه اما عاد مامداني استانس معك ! خرب على ابوه
جمان بقلة صبر : ياربي صبرني ،، وبعدين استوعبت وش قال : وجعه ياتركي وجعه
وقام بهج منها وهي وراه
واخر شي قال وهو منهار ضحك : خلاص لا يطيح وليدي
جمان بحده ضربته وهي من داخلها ميته فرح وعلى جوهم السعيد والصغير بينهم ،،،،،،

~ عند ايلاف بالمستشفى وتحديدًا غرفة العماليات ~
دخلو الاطباء ورا بعض وكان واضح على عيونهم الفجعه والخوف
طلع دكتور وهو يقول بحده : كيف الام معها المرض الخبيث ولا شلتوه  لها والحين هي والجنين في خطر !!
عقاب انهار وهو يقول :كي..فف كيف يادكتور وش تهرج انت
؟
الدكتور : ماتعرفون الام انه معها المرض الغبيث ؟
عقاب : لا والله اننا مادرينا لاكنا طمنا تكفى لا تروح عيوني وهدبها
الدكتور نزل راسه بهدوء وهو يقول : للأسف مانقدر نسوي شي اذ نبي الام تكون حيه لازم ننزل الطفل
عقاب بحده : نزلوه يجي غيره مليون بس ايلاف وحده مايجي غيرها
الدكتور  ببرود : بنشوف وش نقدر نسوي وقرار الام نشوفه
عقاب وهو يمسك مع ياقته ويقول بحده : وقسم بالله واللي خلق سبع ونزل سبع ان صار شي لايلاف ماخلي مستشفاكم ذا بخير !
الدكتور بعصبيه : مانقدر نسوي شي !! وكل شي مكتوب خلوكم جاهزين
شوق تدخلت وهي تمد البطاقه حقتها لدكتور وكانت اعلى منه منصب : ابي اشوف حالتها والان !!
الدكتور بخوف : ابشري دكتور شوق
عقاب بترجي: تكفين ياوخيتي لا اوصيك ايلاف امانه عندك تكفين لا اخسرها
شوق بحده : امانة ربك ثم عندي خل امانك بربك خوي ياعقاب!
دخلت شوق وهي تغير لبسها وتلبس لبس المستشفى 
دخلت عند ايلاف وهي تشوفها طايحه على السرير وجسد بدون روح قالت وهي تخفي خوفها وعبرتها : ايلاف تسمعيني ؟
ايلاف وهي تتكلم بصعوبه وتلقط اخر انفاسها: شوق امنتك الله وتين خلوها تعيش شوق تكفين انا اعرف انها اخر انفاسي بالحياه و وصيتي لتس تكفين وتين لا اوصيك عليها
وفجاه هو يدق جهاز القلب فزت شوق وكلام ايلاف ينعاد عليها شوق بصوت عالي : تعالو بسرعه قاعدين نفقد الام والطفل بنقلهم لغرفة العنايه المشدده
فزو والدكاتره يطلعونهم من قدام اهل عقاب وتحديدا من قدام عقاب
عقاب : تكفين وش فيه احد يتكلم
مسك شوق وهو يقول : شوق تكفين قولي وش فيه
شوق بخوف : ادعو لها
فزت تلحقهم لغرفة العنايه
والدكتور بدا يباشر العمليه وهو يقول : انتبهو ننقدر ننقضهم مع بعض ركزو !
شوق بخوف : الجنين بيصير له شي تكفى يادكتور
الدكتور : لا الجنين سليم مافيه شي بس الام اكثر ضرر وخايفين يجي الطفل تشوه او شي من المرض
شوق انهارت وطلعوها وهي تلق انفاسها......
عند اهل ايلاف
وصل الخبر لاميلاف
يمه يمه تكفين ايلاف بالمستشفى خلينا نروح له يمه تكفين
اصايل بخوف : وش تقولين انتي ايلاف وش فيها
ميلاف وهي تبكي: طلع معها مرض الغبيث يايمه تكفين خلينا نروح تركي راح خلينا نلحقه
اصايل : يلا يلا امشي
وصلو المستشفى وكلهم ينتضرونا تقدمت شوق تطلع لاهلها وهي تبكي ومنهار
عقاب فز وقلبه وقف : قولي ياشوق وش فيها
شوق وهي تبكي : يقولون ان...انه أحتمال ماتعيش
عقاب فز وهو ينكر ذا الكلام : لا مستحيل ايلاف تخليني الحين الدكتور يطلع ويقول لنا واكيد انهم بخير
طلع الدكتور بعد مده ماتقل عند ٣ ثلاث ساعات وهو منزل راسه والدم ماليه ويدينه دم تقدم ينزل القفازات من يدينه وهو يقول : عظم الله اجركم واحسن الله عزاكم فقدنا الام وباقي الطفله عايشه بحكم انها دخلت العمر ٨ اشهور وباقي نسوي له فحوصات نخاف جتها اضرار من مرض الام الله يرحمها ويغفر لها ومره ثاني عظم الله اجركم
فزت ام ايلاف وهي تقول: لا لا تكفون ايلاف لا تتركينا مثل ابوك تكفين يامي انتي طاحت عليهم مغمي عليها وامتلى المستشفى بصياح عقاب وهو يستوعب اللي قال الدكتور : لا لا لا تكذبون ايلاف مستحيل تتركني تكفون بشوفها انهارت دموعه غصبن عليه وشلون وهاذي زوجته وام بنته وفقدها اه بس ياكسر العقاب اقدم بقوه وهو يكسر الباب حق غرفته العماليات تكسرو القزاز وتشتت بكل وكان وهو يردد لا ايلاف مستحيل تتركني تكسر قزاز باب الغرفه وهو يرجف من الرعب وخوف فقدها ايلاف ايلاف تسمعيني تكفين ردي علي انا طالبس لا تتركيني انا و وتين تكفوننن سووو شي لا تروحححح نظر عينيي تجمعو الدكاتره وهم يمسكونه ويخدرونه مع الحاله اللي مر فيها
بعد مامر وقام العقاب وهو وده كل شي حلم وبيقوم منه لاكن خاب امله وهو يشوف ابوه فوق راسه وامه عند رجوله وخواته يصيحون وشوق معه بنت وادرك ان كل شي حقيقي وفعلن هو فقد روحه وحرمه
شوق تقدمت وهي تصيح وتقول : هاذي بكرك ياخوي وامانت ايلاف لك
عقاب اخذها وقطرت دموعه عليها وهي تصيح من حر دموع ابوها قال عقاب :
انا طالبك يالله يسامع الصوت انك ترحم فقيدني برحمتك وتقويني اربي بنتي وبكري و وحيدتي وامانة روحي لي
ابو عقاب : يعقاب تقوى واذكر ربك لازم تقوي مال هاضعيفه الا انت
عقاب بهدوء: متى الدفن ؟
ابو عقاب: على صلاة الضهر قم وانا ابوك اذكر ربك وخل ندفن مرتك رحمت الله عليها
ام عقاب تقدمت تاخذ وتين من ابوها بعد ماباسها تلطم بشماغه وتقدم مع ابوه يصلون على ايلاف ويدفونها
{عند اهل ايلاف مغسلة الاموات }
تقدمن اصايل امها وميلاف اختها يغسلونها
وماتحملو انهارو وطاحو وكملو الباقين  التغسيل وتكفينها ،،،،
نقلو ايلاف ودفنوها وابتدت ايام العزاء عليها وكانت اصعب ايام يمرون فيها وهم فقدو ظلع بينهم شغل غالي عليهم من اول ساعات فقدوها وشلون العمر الجاي بدونها
عند الرجال عقاب وهو يستقبل التعازي بزوجته انسان بدون روح جسد هزيل طايح مافي يدينه شي ولا هو قادر يسوي شي
يحاول يقوي نفسه لاكن مافيه حيله
انتهى اول ايام العزاء بحلوه ومره بصعبه وشينه
اخذ شماغه وركب سيارته ومسك خط يودي لوين هو مايعرف مايعرف يوصف شهور وش يحس فيه ؟
يده فيها زقارته يحاول يطفي جوفه لاكن كل ماله يحرقه اكثر وقف على جنب الخط وشماغه على كتفه وزقارته بفهمه وهو يشوف قدامه قمرا ونفود خاليه مابها احد مثل قلبه وهو وحيد بدونها ومايقدر يعيش قال يخفي عبرته وحزنه وبانكسار :
صديت  والدمعه على اطراف الأهداب ،،
‏ولولا الضلوع ترد الأرواح  طارت،،
‏قمت اتذكر وادري الوقت غلاب،،
‏لين الهموم بجوف قلبي توارت،،
حكم القدر مكتوب ماعنه مجناب،،
وجروح بعده داخل القلب ثارت،،
صديت والدمعه على اطراف الاهداب ،،
ولولا الضلوع ترد الارواح طارت ،،

بعد مده طويل عاشو فيها بحزن ولاكن فيه اللي تخطى وفيه اللي حاول يعيش
واهل ايلاف عاشو وماعندهم غير الحال ذا والكل سوو كذا
غير عقاب اللي امه حاولت تخطب له الكثر وحاولو يرجعون اصايل له بحجه انها تربي وتين واحد يساعده عليها ولاكن رفض بكل شده وهو بكل مره يقول { كيف تبون انسى روحي وحياتي وام بنتي واتزوج عليها ؟؟ }
بعد ١٥ سنه مرت بحلوها ومرها تعايشو الكل بفقد ايلاف

تركي وجمان عاشو حياتهم بحب وسلام وراحه وزقهم ربي
سند بكر جمان وتركي يبلغ من العمر :١٥ سنه
و لولو تبلغ من العمر :١٢ سنه

سعود وساره عوضهم ربي لبعض وكان مع بعض بالحلوه والمره ورزقهم ربي بولدهم الوحيد لعدم قدرت ساره على الحمل مره ثانيه
ولدهم تميم يبلغ من العمر :١٥ سنه

ثامر و سوسن حياتهم الهاديه عائله صغيره وكان بكرهم نجد تبلغ من العمر ١٧ سنه
ورزقهم ربي بعد اربع سنين بولدين توام
عمر وسعود يبلغون من العمر :١٤ سنه

ميلاف ونايف الثنائي المجنون ماثرت فيهم الضروف وعاشو بحب وحياه وانجبو توام : ايلاف و خالد يبلغون من العمر ١٤ سنه

عمر ونوف الثنائي الجميل وجمتعم ايلاف وصدقتها مع عقاب واثارهم على حياتهم جميل ثناني لطيف مجنون لا يخلون من المشاكل وحتا وهم بالعمر ذا وانجبو ولد واحد وهو عقاب على اسم اخوها يبلغ من العمر ١٥ سنه

فرح وعساف الثنائي الهادي البسيط ربي رزقهم ببنت وحده وسموها شروق على اسم ام فرح ,,

سامر وشوق زواج تقليدي مافيه ايات حب لاكن بعد الزواج حبو بعض وانجبو ثلاث اطفال
علي ١٤
ثامر ١٣
واسماء اخر عنقودهم ١١ 

وعذاري كملة دراستها برا المملكه ومسكة شركة ايلاف وتركي وميلاف  ولا تزوجت تبلغ من العمر ٣٥ سنه

وباقي الشخصيات كمان حياتهم طبيعي ,,

بيت عقاب تحديدن غرفة وتين ,,
عقاب وهو داخل وبيده ورد لاول ايام العيد
وتين بفرح ؛ بابااا !
عقاب : يالبيه ياعيونه ؟
وتين وهي قالت كلمة امه المعتاده لابوها الله يرحمها : يابعد الدنياء يابوي يمالي انت وحياتي وروحي جعلني ماخلي فقدت امي وانت رضيع بعمر اليوم ولاكن انت كنت معي كل عام وانت بخير وماما الله يرحمها ويسكنها الجنه ونشوفها بجنات النعيم يابوي انا محضوضه فيك تعرف ؟ ان ماما اختارت شخص عظيم وقوي وتزوجته وجابت لي ابو عظيم وحنون ومافيه احسن منه بدنياء وتعرف اني قويه وماحزن ولا ابكي لنك ابوي وسندس بدنيا ذي بعد مافقدت امي بابا انا احبك وخلك بجنبي وين ماروح وابيك تكون معي وين ماكنت
عقاب ودموعه  تنزل من عيونه : الله لايخليني يابكر عقاب وروحه انتي 
             انهى عقاب كلامه  وهو يقول اخر كلامه :
            __عاد عيدك يافقيتي اللي باقي بداخلي حيه__

{ قاعده اكتب لكم وانا دموعي تمليني عشت معكم سنه كامله بحلوها ومره وعاشت معنا ابتهاج الله يرحمه القليل اللي يذكرها كانت معي والروايه ذي كنا نكتبها مع لاكن ماكتب ربي نكمل مع بعض الله يرحمها  ويجعل مثواها الجنه والله يعوض كسري بفقيدتي  لا تنسونها من دعواتكم , وهذا انا ازف لكم خبر ختامنا لروايتنا الاول وان شاء الله انها بداية موفقة لي ونالت رضاكم  وسامحونا ان بدر منًا خطًا على اي شي لا تنسوني من دعواتكم استودعتكم ربي 😔🤎}
تمت بحمد الله الكاتبه: ريماس ال ناصر
تم الختام بتاريخ: ١٤٤٥/١٠/٥هـ