{Unicode}
ပွဲမစခင် 2 နာရီအလို။
ထယ်ယောင်း ဒူးတွေပါတုန်နေမိသည်။လူတွေကအရမ်းများတယ်။လူအုပ်သံကြီးကို စင် နောက်မှာကြားနေရတာမို့ ထယ်ယောင်း ပိုပြီး စိတ်လှုပ်ရှားမိတယ်။အမှားလုပ်မိမှာကိုလည်းကြောက်နေတာပေါ့။သူက ပိတ်ပွဲကို ဖျော်ဖြေရမှာတဲ့ သူ့ရှေ့မှာ တစ်ဖွဲ့ပြီး တစ်ဖွဲ့ တစ်ယောက်ပြီးတစ်ယောက် ဖျော်ဖြေနေသည်။သူတို့လည်း အကောင်းဆုံးကြိုးစားနေကြတာမို့ ထယ်ယောင်း လည်း သူတို့ကိုကြည့်ပြီး အားအင်တွေယူနေရသည်။
ဟာဒမ် ကလည်း စင် နောက်ကို ဝင်ဝင်လာပြီး စိတ်အေးအေးထားဖို့ အားပေးရှာပါတယ်။ဒါပေမယ့် ဒူးက တုန်မြဲပဲ။ဒီလောက် ဒူးတုန်နေရင် ကလို့ရော ရပါ့မလား စိတ်ပူမိတယ်။
**********
"ကဲကဲ လူကြီးမင်း တို့ နောက်ဖျော်ဖြေမယ့်အဖွဲ့ကတော့ ဝက်သုံးထပ်သား အဖွဲ့ဖြစ်ပါတယ်"
ဖြောင်း! ဖြောင်း! ဖြောင်း!
ဟူးးးး။ရေးးးး။ ဝက်သုံးထပ်သားး!!!!
"ဘာလို့ အဖွဲ့နာမည်က ဝက်သုံးထပ်သားလဲ"
"သူတို့အဖွဲ့က ဝက်သုံးထပ်သား အရမ်းကြိုက်ကြတယ်တဲ့"
"အဲ့လိုနဲ့ပဲ အဖွဲ့နာမည် ပေးလိုက်ရလား ရယ်စရာကြီး"
"ဝက်သုံးထပ်သား စားပြပြီး ဖျော်ဖြေမှာတော့မဟုတ်ဘူးမလား ဟားဟားဟား"
ပရိတ်သတ်များရဲ့ လက်ခုပ်လက်ဝါးအသံများနဲ့ တီးတိုးစကားသံများဟာလည်း ရုံတစ်ခုလုံးကို ဟိန်းထွက်နေသည်။တကယ့်ကို ကြီးကြီးကျယ်ကျယ်ပါပဲ။
"ဟင်? ကင်းထောက် ဂျွန်! မင်္ဂလာပါ ဒီကိုဘယ်လို....?"
"ဒီအတိုင်း ပျင်းလို့ ပွဲလာကြည့်တာ"
"ပုံမှန်လာလေ့မရှိတာကို"
"ဒီလိုပါပဲ ဒီနေ့လာချင်စိတ်ပေါက်လို့"
"အော် ဟုတ်ကဲ့ပါ"
ပွဲခင်းထဲမှ လူတစ်ယောက်က သူ့အားတွေ့လို့ ထ နှုတ်ဆက်လာသည်။ပွဲထဲ ကင်မ်ထယ်ယောင်း ကိုရှာနေပေမယ့် အရိပ်ယောင်တောင်မတွေ့တာမို့ စင် နဲ့အနီးဆုံးခုံတစ်ခုံကိုသာ ဝင်ထိုင်လိုက်ရသည်။သူ တကယ်ရော က မယ် ဆိုတာ ဟုတ်ပါ့မလား။သပ်သပ် လိမ်များသွားတာလား။
BINABASA MO ANG
WHO ARE YOU?
Fanfiction"မင်းကဘယ်သူလဲ? ဒါ ကင်မ်ထယ်ယောင်း မှမဟုတ်တာ! ကင်မ်ထယ်ယောင်းက ဒီလိုပုံစံမှမဟုတ်တာ!!"
