#السجين_777
#الحلقة_4
نوح ضحك على الجنب : أسكتي وأسمعي بس
لاصق فيا وأنا طبست : نوح 😣
رفع يده حطها على رقبتي ..ورفع وجهي : شوفيلي دارين ...قتلك شوفيلي
رفعت وجهي وبحتت في اعيونه ...وهو قرب وجه مني وايشوف لعيوني زين ❤🔥🔥
وبعدها سمعت واحد خش في الممر ...وشفت ظله على الارض يبي ايخش الدار 😰😣
نوح زاد قرب مني وحط يده على فمي : اشششش
أنا قريب انطيح ..من جيهة خايفة ومش عارفة من اللي يبي ايخش ..ومن جيهة ثانية ..قرب نوح مني ..كيف قاعدة في حضنه ...تلخبطت بكل ..وقعدت نرجف
اللي قبل يبي يخش مش عارفة شن صار وخلاه رد ..سمعته دق على باب مكتبي وفتحه
طبس عليها نوح..خده على خدها ..حست باللحيته ..وانفاسه الساخنة على وجهها ...وبعدين بأسها بوسة ناعمة على نهاية فمها وهمسلها : لو بياخدوني للحبل المشنقة توا ..بنموت وأني مرتاح
ودارين قبل طاحت بين ايديه .. دفته منصدمة ...لابست كندرتها وطلعت بسرعة من غير اي كلمة ..وخشت لمكتبها 😣
نوح ..لما سمعت حد خش ..قربت منها ..وصكرت فمها ..كنت خايف منها تتكلم ..ويسمعنا ...بس بعدين لما شفتها كيف خايفة وترجف بين ايدي ...ماقدرتش انشد روحي عليها ...ولو كانت البوسة هذه اخر شي ..في حياتي ماكانتش نبي شي بعدها 🔥
دارين خشت بسرعة لمكتبها ..لاقته الحارس اللي على الباب ايشوف لفونها ..والتفت على صوتها خاشة
دارين تحاول تخبي ارتباكها : ااءء ...نعم في شي
الحارس : متأسف ..بس كنت نسمع في صوت تليفونك ايرن ..ومافيش حد رد عليه ..استغربت ..وخفت ايكون في شي
دارين خذت فونها وطفت المنبه ..كانت معدلته على ابره نوح ..خافت تنسى عليها : اءء لا هذا منبه ..عشان ابره المريض ..ككنت نعطي فيه لابره 😣
الحارس : ماعليش اسمحيلي ..ومتأسف مرة ثانية
دارين : ولايهمك ...مافيش مشكلة
طلع الحارس ...ودارين قمعزت على كرسيها ..وجسمها كله يرجف .. مرتبكة ومش عارفة شن ادير ...لمت حاجتها ..وطلعت بسرعة من المكتب ...ومشت للسيارتها ...كانت تبي تهرب من المكان ...تبي تبعد عن نوح ..على قد ماتقدر ...مازلت مش مستوعبة اللي صار ...حطت المفتاح مرتين تبي تولع السيارة ..ويطيح منها ...ايديها يرجفوا ..ومش قادرة اتركز
خذت نفس كم مرة عشان تهدأ ...ولعت السيارة وطلعت من السجن ....وصلت للشقة ..ماحاولتش تحكي مع أمها ..خشت طول للحمام ..فتحت لامية لمصقعة ..غسلت وجهها كم مرة ...تبي اتفيق ..وبعدين ادوشت ..وطلعت لابست توتة قطنية ..وخلات شعرها مفرود عشان يجف ..قمعزت على سريرها والافكار تاخذ فيها واتجيب 😣
