#السجين_777
#الحلقة_26_والاخيرة
كانت هادي اطول لليلة على دراين ...تبكي لعند الصبح ..علاش ماعطت فرصة لنوح يحكي ليش خلاها يوم عرسها ...صاح كنت مجروحة وقلبها مكسور ...بس بعد فترة ليش ماخلاته يحكي ..ليش عاندت وصكرت رأسها
حتى احني ليش ماعطيناه فرصة ..عشان نعرفوا شن صار ...ليش كرهنا نوح من غير مانعرفوا السبب ...حسينا بيه خانها وكدب عليها ...باهي ليش مازعلانش من دارين لانها كدبت على نوح من اول يوم وخدعاته ..وكانت تجسس عليه
والا لاننا كنا عارفين انها اتحبه ...ماحتى نوح كان ايحبها ...بس احني ماكناش نعرفوا ...وهادا دليل ان البشر يحكموا بالظاهر من غير مايعرفوا الاسباب 🤷🏻♀️
نوح روح للحوش أمه وعلى قد ماكان معصب ومجروح ..مشى فضى باقي الشحنة عند أمه ...واجهها بموضوع عزالدين ..وهنية انفجعت وحاولت اتغطي على الموضوع ..بس نوح كان عارف كل شي ..وفي النهاية اضطرت تعترف بكل شي 💔😭
ونوح نفس الشي عاتب أمه على كل شي ..ومن حقه ..مش ساهل الواحد يعرف بوه الحقيقي بعد اكتر من ثلاثين سنة ..وخاصة شخص نفس تفكير نوح كان ايحب بوه بشكل غريب ..وبعد نقاش طويل ..طلع نوح وخلا أمه تبكي 😭🤷🏻♀️
**************** (( الكاتبة أم ناصر ))
#تسريع_للاحداث
بعد اسبوع كانت رغد صحتها عال العال ..وطلعت من المستشفى ..بس خلال الاسبوع هادا أوس كان معاها باليوم وبالدقيقة ❤
بعد طلعتها للحوش نزار اتصل بيها ردت عليه : الو
نزار : الحمدالله على السلامة
رغد : الله يسلمك ..شن اخبارك ؟
نزار : بخير .تمام ..كيف حالك أنتي ؟
رغد : أني بخير ..بس ماما حالها يوجع 😥💔
نزار : ماعليش ..الصدمة كانت قوية عليها ...لكن مع الوقت كل شي يتصلح
رغد : اي إن شالله
نزار : رغد أني انتصلت بيك بعد أذن أوس طبعا ..عشان نطلب منك اتسامحيني على كل شي او اي كلمة طلعت مني ..وأنتي توا زي اوخيتي
رغد : مسامحتك نزار ..وأني عارفة انك شاب محترم وتستاهل كل خير ..وحتى أنتا ياريت اتسامحني نزار
نزار : اي ممكن انسامحك في حالة وحدة بس 😏
رغد رفعت حاجبها : الله ...حالة شنو 🤔
نزار : نبي رقم نسمة أخت نوح 😅
رغد : امممم 😏 شن تبي فيه ؟؟
نزار : أنتي تعرفي الموقف البايخ اللي درته معاها ..نبيها اتسامحني وهيا ماتبيش
رغد : تقهر نزار ..مش عارفة كيف تفكر
