#السجين_777
#الحلقة_7
نوح بصوت هادي : دارين
ماردتش عليه 😣
نوح : دارين ..ندوي امعاك ..ارفعي وجهك ..وشوفيلي
دارين جسمها كله قعد يرجف ..ودموعها نزلوا على خدودها 😭
نوح صبا ومسك وجهها بين ايديه ..وقربها منه : خيرك تبكي ..شن في ؟؟
دارين ادف فيه وتبي تمشي ..ونوح شدها بقوة ولاصقها فيه : تي خيرك النم تبكي ..شن في تكلمي 😡😤
دارين 😭😭😭
نوح يبيها اتبحت فيه ..لكن دارين مطبسة ....حط ايديه لاثنين على رقبتها ..واصابعه الابهام تحت حنكها ..ورفع وجهها : لما ندوي امعاك شوفيلي ..وتكلمي ..خيرك تهربي مني ..ليش تبكي فهميني ؟؟
دارين تبكي واتبحت في اعيونه : مافي شي نوح ...بالله عليك خليني انكمل شغلي 😭
نوح قرب وجه من وجهها : ليش تهربي مني ...ليش كل لقاء بيني وبينك ينتهي بسرعة ..ومن غير نتيجة ...في كل مرة تلقي عذر ..وماجاوبينيش ؟؟
دارين : انجاوبك على شنو 🥺
نوح لاصق وجهه في وجهها ..غمض اعيونه ويدوي بهدوء : خيرك ..شن صايرلك ...ليه متاضيقة وزعلانة . .ليش تبكي دكتورتي ؟🔥
دارين قريب اطيح من بين ايديه ..بس كلمة دكتورة ردتها لواقع ..حطت ايديها على صدر نوح وباعدته عنها : نوح خليني نشتغل لو سمحت ..باعد من عليا ...مانبيشي مشاكل في مكان عملي ..وأنت تخطيت احدودك امعايا 😣
نوح واقف ايشوف لعيونها وساكت ...يحاول يفهم الوضع والكلام اللي توا ...وبعدين هز رأسه وتباعد عنها ..ورد قمعز على السرير ..ورفع ايديه من غير اهتمام : تفضلي شوفي شغلك ..وأني أسف لو سببتلك اي مشكلة او احراج ...وتهني لانك خلاص معادش بتشوفيني تاني
دارين برمت تمسح في وجهها من الدموع 💔..وردت قربت منه : ياريت ترفع تيشرتك لو سمحت
نوح ايبحت فيها وساكت ..بس نظرته تقتل ..ماتعرفيش فيها حزن او غضب ..ودارين حطت السامعة مرة ثانية على صدره ..اتشوف للتنفس امتاعه بس مش قادرة اتشوف لعيونه 😣..وبعدين قربت منه ..وحطت يدها على وجه تفتح في اعيونه ..شافتهم ..وصبت جنبه
دارين : ممكن تتلفت لجيهة التانية
نوح تنهد وبرم جسمه وعطاها بظهره ..ودارين حطت السامعة بين أكتافه ..تحرك فيها على ظهره واطراف اصابعها تلمس في ظهر نوح 🔥
نوح...من اول ماخشت ..وكيف شافتهم يبوا ياخذوني للسجن ..شفت اعيونها كيف لامعوا بعصبية ..لما قربت مني وبدأت تكشف عليا ...الكشف اللي اصلا مالهش اي داعي ..بس أنا فاهم السبب شنو 😏
لما شفت ادموعها ماقدرتش انشد نفسي عنها ...تي قريب نهبل أنا لما انشوف ضعفها ..يركبوني لاجنون ..كنت فاهم كل شي ..لكن حبيت نستعبط ..نبيها تتكلم ابروحها ..نبي نسمع منها ..بس هيا نفس كل مرة تنحشر في الزاوية تختار الهروب ...اي اهربي افضل لاني ماعنديش لكِ شي
