المقتص " غراب أسود "

مشهد

بسم الله الرحمن الرحيم

الــمقتص " غــراب اسـود "

- لـلـكاتبه نور يسري -

نجماتي لا تنسون التصويت + التعليق بين الفقرات + متابعه الحساب NOOR__applies

لو ان صوتكِ هُنا الان
لما حَدث كل هذا التعقيد
لكانت تلكَ المشاكل
اقلَ..
اقل بكثير مما عليه
لو ان صوّتكِ هنا
لأصبحَت مديتنا أقل فقراً
لأنني سأركض مثلَ مجنوّن
او مثل شخصٌ حصل على كل شيء
سأركض و أوزعَ أملاكي جميعها
انا الغني..
الغني جداً لأن امرأةٌ مثلكِ
أحبتني يوماً ما
وامرأة مثلكِ
تجعل من الرجال العاشقين كُتاباً
هكذا من دون ان يشعروّن
يجدوّن أنفسهم يصفوّنكِ
او اعتقد بأنهم
يحاولون ان يصفوّنك فقط
مثلي تماماً
لأن النساء التي مثلكِ
لا تُوصف ابداً.

- صآحب عبوّد -

____________________________________

كعدت بالكاع چانت بارده رفعت راسي علئ اختي الي تلعب بالطين وتسوي اشكال وتضحك دنكت راسي اهز برجليه وصافنه صار كدامي ابوي كال ::-

يزيد ::- كومي چوه .

صفنت بوچها اشرلـي علئ الباب وكفت علئ رچليه باوعتله بحقد ودخلت چوه

ركضت لـغرفتي كعدت بالكاع چنت بالكوه مسيطره علئ دموعي ما تنزل .

شويه وسمعت صوت امي تصيح عليه فتحت الباب حجت بخوف ::-

علياء ::- وين رحتي تعاي امسحي الماي راح يجي خطار .

هزيت راسي بّـ اي واخذت وصله ومسحت الماي دخل ابويه وراه ثنين ولد مبين عليهم بالعشرينات كبل ركضت للغرفه .

........................................................

فتحت عيوني شفت الباب مسدود والكلوب مشتغل والضوه ضعيف لـزمت راسي يوجعني كعدت علئ حيلي .

رجعت نمت من التعب حسيت واحد يتلمس بايدي كبل فزيت فتحت عيني بصدمه چان اصلع وقليل شعر براسه

وحاچبه مطبور ابتسم وتقرب عليه دمعت عيني كال بضحكه ::-

- نقطه ضعفي الـعيون الجبيره همزين ما عدج عيون عبالك زروف چفجير .

كام وكف يضحك ويهز بأيده بقيت صافنه عليه حجيت بصدمه ::-

عنود ::- شچابني ؟

باوعلـي بطرف عينه وطلع خله الباب مفتوح مشيت وراه .

................................................

كعدت علئ السطح اثرم زلاطه اخذت الطماطه ثرمتها غنيت بصوت عالي ::-

عنود ::- راح اسجل روحي بأسمك
حتئ اضل كل عمري يمك . انت بس خليك يمي حتئ انسئ وياك همي انا حاير وين اضمك .

نسيت باقي الاغنيه ضحكت هزيت ايدي اجت كعدت يمي ترفه اخذت طماطه تاكل كبل ضربتها علئ ايدها وصحت بعصبيه ::-

عنود ::- وخري ايدج وصخه والله اذا تمدين ايدج علئ زلاطتي اموتج .

خلصت ثرم خليت شويه ملح وعصرت عليها ليمونه رحت كعدت علئ الكرسي واكل بشراهه اخذت شويه خبزه واكلتها .

................................................

لـبست النقاب اخذت حبوب المخدرات اجيت اطلع كال ::-

عنچر ::- ترحين تسلميها اله وتنطيني الفلوس والله اذا اخذتي نصهن اكتلج تجيبيلي الـ 150 اذا ناقص منهن ربع ادكچ .

فريت حلكي ما عاچبني الفگر ميت علئ الفلوس خليت وطلعت شفت واحد مبهذل وعيونه حمر ويرچف .

حسيت روحي خايفه وگفت كباله وحجيت بعصبيه ::-

عنود ::- يلا طلع فلوسك تره عنچر موصيني ما انطيك المخدرات الا فلوس .

طلع الفلوس يحسب ويرچف اخذت الفلوس وشمرت الحبوب عليه .

..............................................

باوع علئ السگف واهز برچليه سمعت اهلي يتعاركون گمت طلعت لكيت اختي كاعده بالزاويه تبچي چريتها من ايدها .

وحضنتها كعدنا بالغرفه بست راسها وحجيت بقهر ::-

عنود ::- شبيچ تبچين هايه مو اول مره يتعاركون كل الناس هيج .

ترفه ::- اگره اهلي .

صفنت عليها وهزيت راسي فرشت فراش الها بصفي ونامت شويه وصار هدوء .

........................................................

لا تنسون التصويت + التعليق بين الفقرات + متابعه الحساب NOOR__applies

شلونكم نجماتي والله هوايه مشتاقتلكم احس كلبي تكطع عليكم .

هذا مجرد مشهد نزلته الكم وانشالله عن قريب ابدي بكتابتها فا اريدكم تشجعوني علمود نرجع نلتم مره ثانيه .

حبايبي القصه حقيقه وشويه خيال من يمي والبطلات گاعد يتابعن التعليقات 🤍

تعالو هناك نسولف بالانستا ونحجي بالقصه سويه .

insta ::- NOOR__yasri

حبايبي هالفيديو سويتة علمود يتوضح الگم محتوئ القصه ♥️

احبگم هواية 🤍