الــمقتص " غــراب اسـود "
الـبـارت الثانـي والثلاثون
لــلــكـــاتــبــه نــور يــســري ...........
لا تنسون التصويت + التعلـيق بين الفقرات + متابعه الحساب NOOR__applies
اتمناكِ
وطيفي يسافر إليكِ
كل شيء في غيابِك أصبحَ لا يُطاق
أوّد لو أسند رأسي نحو صدركِ
لولاكِ لما أشتهيت العيش
أنتِ أمليَّ الوحيد ، وأنا كوكبكِ الذُرِّي
..............................................................
چنا نحچي وما مصدگين رچعنا نلتقي وما أحس الا وغيـده طگتهـا هلهولـه والنسوان گلها هلهلـت درت وچهـي چان أشوف السيـد چوه واگف يم چگليته يريد يلبسهـا الحلقه گبل كمت ؏ حيلـي چبت الدبله مالت السيـد وانطيتهـا لـ چگليته تلبسهـا اله .
شفت أيد چگليته ترعش وبالگوه مسيطره ؏ رچفتهـا چنت صافنه عليهم ومبتسمه وبوگتها تمنيت ابو صلعه هيچ يلبسنـي الحلقه ويهمس بأذني أحبچ .
چان السيـد يهمس بأذن چگليته وهيه المگموعه تضحك " شگد حلو لمن الانسان يشوف اليحبـه صار اله كدام الناس وبالحلال "
شگد تمنيتك وياي بهالساعه موچود وتشارگني الفرحـه ، بنص هوسه الناس والهلاهل بس وداعتك بالـي يمك وگلبي يصيح بأسمك ، عود أنت هم تحس بيه ؟
چبت الچگليت من المطبخ وشمرته فوگاهم چانت غيـده تهلهل فرحانه بأبنها وتطك عوچيتهـا بالگاع باوعتلـي المگموعه وحچـت بضحگه ::-
تـرفه ::- الله عوضنـي بي .
عنـود ::- الف الف مبروك .
حضنتهـا قوي وبست راسهـا بذاك الوگت الفرحـه زارت بيتنـا حتـئ الناس الما تعرفنـا فرحت لفرحتنـا .
لهنـاك وخلصت الخطوبه وگلها طشت لبيوتهـا بقت بس سمر وشوشو يمنـا يتعشن ، چنت ملتهيه الملم بالبيت وسمعـت غيـده تگول ::-
- چگليته مو بس چنتي بالعگس هاي بنـتي شگد چنت أتمنئ تصير عندي بنيه أسويلهـا گصايب بس من أچتني چگليته حسيت روحي أستراحت وياها .
درت وچهي شفت وحده گاعده يمهـا أسمها سعديـه سمعتهـا تحچي ويه غيـده تگلها ::-
سعديـه ::- بس ذنـي مو بنات بيوت علمود هيچ تحبيهن ولچ ذن من الشوارع گلشي يسون نوب خاف يبوگن الذهب مالچ .
غيـده ::- والله سعوده أنتي اخت عزيزه عليه بس مثل ما گتلچ ذني بناتـي وما ينزلن راسـي بالگاع وداعتچ .
سعـديه ::- شبيچ عيني هسه أحنا شحچينا فوك ما نگلچ ديربالچ منهن ؟
گبل شمرت المگناسه من أيدي ودرت وچهي ؏ سعديـه باوعتلهـا وحچيت بحديـه ::-
أنت تقرأ
المقتص " غراب أسود "
Aktuelle Literaturان هذا الأمر مرعب و بشع بطريقةٍ تؤدي بي الى الجنوّن ان امشي وسط العالم و لا احد يشعر بداخلي لكن الجميع ينظر لي من دونِ ان يعلمون من انا وماذا حدث لي. لا احد يعلم غيرها هي فقط من تعلم ما ينهار بداخلي لكنها لا تنظر لي . - بقلــمي ::- نور يسري -
