المقتص " غراب أسود "

الــبــارت 12

الــمقتص " غــراب اسـود "
الـبـارت الــثـاني عشـر
لــلــكاتبــه نــور يــســري ....

لا تنـسون الـتـصويـت + التعليـق بين الفقـرات + متابعه الحسـاب NOOR__applies

﴿ وَاتَّقوا يَومًا تُرجَعونَ فيهِ إِلَى اللَّهِ ﴾
...........................................................

فتحـت عيونـي خزرتهـا ابتسمـت ورفعـت حواچبهـا تضحك كعـدنا ناكـل شويـه وما نحـس الا صوت عنچر صاح ::-

- ما تـخافـون ربكـم تاكلون ومرتاحيـن وانـا بالبيـت حايـر شسوي اكل ؟

باوعلـه صبيح يضحـك رفع حاچبه وكال ::-

- لا تباوعلـي تره شيخـه كالـت خل يولـي عنيچر ما يچي ويانـه .

باوع علئ شيخـه ما عاچبه وهيـه چانت تشرب لبن خلت الكـلاص بالكاع وحچت ::-

شيخـه ::- يبعـد فچوچي سـمره والله بعد كل يوم اچي يمچ اكل احسـلي اتونـس وياچن .

كعد عنچر اخذ خـاشوكـه ياكـل باوع علئ سـمر وكال بأستهزأ ::-

عنچر ::- يبعد فچوچي سمر بعد كل يوم ناكل يمچ .

ضحكـت بصوت عالي وغميتـه حچيت بأبتسامه ::-

عنود ::- والله لعبـت روحي شني فچوچي تكولو يبعد روحـي ؟

شيخـه ::- تعيـب عليـه ما عاچبك الحچي مو ، حقـك مضغوط مني خل اچيب لـيمون لا يصعـد الضغـط .

چانت شيخـه تحچي ومبتسـمه رچعت تاكل وتشـرب لبـن حتئ مابقـه بالصلاحيـه لبن غميتهـا وحچيـت ::-

عنود ::- شمالچ ام بطـن شربتـي اللبـن كله تكولـي ويايه ناس تشرب .

شيخـه ::- دنچبي چا ما شربتـي انتـي بارده مابيچ خير فاهيـه بالكوه تاكليـن عود مثقفـه .

عنچر ::- مو مثلچ اليشـوفچ يكول ما ماكـله ميتـه من الجوع وانتي النهـار كله تاكليـن الاخضـر واليابـس .

شيخـه ::- تـرحولـي سبع فدوات .

كملـنا اكل لمينـا السفـره وقرينـا سوره الفاتحـه بثواب عنيچر .

صعدت فوك اچتني شيخـه باوعتلـي وحچت ::-

- وين چنتي الصبـح ؟

عنود ::- اهـوو يمعوده هواي لحيتـي كتلچ چنت مخنوكـه وطلعـت شويه .

هزت راسـها ما مقتنعـه نزلـت چوه طلعـت 100 الف من جوه المخده وخليتهـا بچنطتـي علمود من تصير عندي هوايـه فلوس اسـافر بيهـن .

شويه وراحـو شيخـه وعنيچر بقيـت لوحدي صافنـه علئ السكـف .

شفـت سـمر نـايمه اخذت موبايلهـا خابـرت امـي ما ترد رچعت خابـرت شلغم هم ماكو قفلـت الخط وكعدت بالكاع ابچي .