الــمقتص " غــراب اسـود "
الـبـارت الـثـلاثون
لــلــكــاتــبــه نــور يــســري ........
لا تنسون التصويت + التعليق بين الفقـرات + متابعه الحسـاب NOOR__applies
ابتسامته الدافئة
جسده الشاسع ، يديه السمراء القوية
المليئة بالحب تجعلني أستشعر ، ماهية النشوة الحقيقية
..............................................................
مشيت بالفرع نوب تيهت گلساع أفوت بفرع حتئ وچهي صار أصفر من الخوف أچيت ارچع لـ شلغم وما أحس الأ وچرنـي من أيدي قوي درت وچهي صار بوچهي عاگد حواچبه بأوعتله مبتسمه وحچيت بضحگه ::-
عنـود ::- يمعود وين چنت ؟
ما حچه وياي گبل چر أيدي وسحلنـي للسياره نوب يمشي سريع بوگتها حسيت أيدي نملخت چان يعت بيه عت .
رگبنا بالسيـاره ساگتين مدري شبيه چان ضايچ ومغندب بلعت ريچي خايفه دنگت راسـي اطگطك بأصابيعي فچاه وگفت السياره دار وچهها عليه وحچـه بحديـه ::-
غـراب ::- شلونهـا ؟
عنـود ::- وأنت شعليك ؟
رفع حاچبه مستهزأ بيه هز أيده وحچـه بضحگه ::-
غـراب ::- ترا أمي ومن حقـي أشوفها شمحتاچه وشتريد ؟
عنـود ::- ها هلگد تحبها ؟ لعد أذا هيچ تحبها وگلبك مفرفح عليها روح شوفها وسلم عليها ليش چاي تسالنـي ؟
غـراب ::- أنت مو صوچج .
دار وچها ؏ الطريق وگام يسوق سريع والله مو صاحي مريض نفسي ساعه يعاملني بأهتمام وساعات أحسه سايگو مو بعقله ، بس هو مخبل مو بيده .
وصلنـي للبيت خليت ونزلت حتئ ما حچيت وياه حچايه تچاهلته رگعت باب السيـاره بوچها ودرت وچهي أچيت أطب للبيت وسمعته يدردم لوحده يگول ::-
غـراب ::- وعلـي ما تصيرلچ چاره .
هزيـت أيدي ما عاچبني وطبيت چوه شفتهن نايمات گبل ذبيت العبايه والحچاب وتمددت يم ترفه الچانت نايمه چوه السبلت ؏ الگاشي .
نمت بصفها ما حسيت بروحي ، لهنـاك وسمعت صوت غيده يلعلع تصيح بصوت عالـي ::-
- أنچبيييييي بربوك شعندچ وياي ؟
فتحت عيونـي لگيتها گاعده تخابر وتصيح رفعت راسـي وحچيت بضوچه ::-
عنـود ::- ولچ خاله شگاعد تحچين ؟
غيـده ::- أكليييي خره أنا علويه تاچ راسچ وعلـي من اگضچ الا أچعصچ جعص خاف عبالچ غيده گليله شر .
هزيت أيدي ما عاچبني خليت راسـي ؏ المخده وتغطيت بالبطانيه سمعتهـا حچت بعصبيه ::-
غيـده ::- عيونـي أعذرينـي ما عدنه شلغم والله ألسيد ما يچيبه يگول مر .
أنت تقرأ
المقتص " غراب أسود "
General Fictionان هذا الأمر مرعب و بشع بطريقةٍ تؤدي بي الى الجنوّن ان امشي وسط العالم و لا احد يشعر بداخلي لكن الجميع ينظر لي من دونِ ان يعلمون من انا وماذا حدث لي. لا احد يعلم غيرها هي فقط من تعلم ما ينهار بداخلي لكنها لا تنظر لي . - بقلــمي ::- نور يسري -
