المقتص " غراب أسود "

الــبــارت 4

الــمقتص " غــراب اسـود "
البارت الــرابع
لـلـكاتـبه نــور يسـري ....

لا تنــسون التصـويت + التـعليق بـين الفقـرات + مـتابعه الحـساب NOOR__applies

﴿ وَاللَّهُ يَعلَمُ ما في قُلوبِكُم ﴾
...................................................................

شفـت وچها صار اصفر وما تباوع بعيني بقيت بالمطبخ كاعده ضايجه سمعت صوتها تبسبس عرفتها كاعد تسولف وياه .

تعوذت من الشيطان ومسحت دموعي ما كـدرت اسـيطر علئ دموعي انهاريـت .

مرت ايام هادئه كلش بس كـلبي متـعوب هوايـه .

كعدت الصبح علمود اروح لـلـسوك ناقصنـا هواي اشياء للبيت لـبست عبايتي وطلعت امشي .

شفت خاله شلغم هستوها طالعه كبل رحت وكفت بصفها وحجيت بابتـسامه ::-

عنود ::- شلونچ خاله والله بالي يمچ اشو لا تسئلين لا تمرين علينه مو من عوايدچ ؟

ضحكت وغطـت وچها بعبايتها حجت بخچل ::-

شلغم ::- ولچ شسوي غير المحروس يغار عليه وميخليني اطلع .

ضحكت بصوت عالي هيه كبل خزرتني بالكوه سكتت حجيت ::-

عنود ::- شبيچ خاله راجعه بـت عشرينيه تره عمرج طك اربعين ؟

شلـغم ::- انچبي ترحيلـي فدوه .

هزيـت ايدي ما عاچبني رحت لابو مخـضر اخذت منه طماطه وباذنچان رفعت راسي لكيته يباوعلي ويبتسم خزرتـه وحجيت ::-

عنود ::- شبيك عينـي نـازوكي اكو شيء بوچهي يضحك ؟

- لا

طبكـت حواچبـي شمرت الفلـوس عليه واخذت المسواك رجعت للبيـت درت وچهي اشتري كيك شفت واحد صاعد بالسياره ويباوع وراي .

بقيت باوعله احس شايفته بس مدري وين اخذت الكـيك ورجعت للبيت اول ما دخلت سمعت صوت واحد يسولف .

رحت لـلـغرفه صحت بصوت عالي ::-

عنود ::- يمه جبتلچ مسواك ؟

فتحت الـباب لكيت عقيل كاعد كبل كـامت وكفت علئ حيلها من شافتـني حجت بتلعثم ::-

علياء ::- هاا اي اي يمه خلي بالمطبخ او وهسه اجي وراج .

چانت عيوني علئ الـحيوان الي يباوعلي بتحـدي ويبتسم حچيت ببرود ::-

عنود ::- هذا شيسوي هنا ؟

اچت لـزمت ايدي وچرتني حجت بتوتـر ::-

علياء ::- بس خليني افهمج يمه والله ما عندي شيء بس .... قاطعتهـا وصحت بعصبيه ::-

عنود ::- بسسسس شنوووو ما تخافييييين ربچ وصلت بيج تدخلين واحدددد غريب لـلـبيتتت ليشش هيجج شتكووول الناس علينه ؟