المقتص " غراب أسود "

الــبــارت 39

الــمقتص " غــراب اسـود "
البارت التاسع والثلاثون
لــلــكــاتــبــه نــور يــســري ................

لا تنسون التصويت + التعليق بين الفقرات + متابعه الحساب NOOR__applies

‏أنت الوحيد
‏القادر على رسم ضحكاتٍ لا تُعد ‏على وجهي
‏في ختام يومٍ ‏
كاد يقتلني لشدة ثقله ، ‏لهذا أنا أحبّك
................................................................

گبل گمت ع حيلي باوعتلة چان ملتهي بالموبايل عاد خليت وگمت غسلت وچهي وعود هستوني طالعة من الحمام وچان أشوف سريوة تلعب بالسچينة فتحت عيوني ع وسعهن ورگضت عليه گبل چريت السچين منها وصحت بعصبية عليها ::-

عنود ::- ولچ ماماااااااا أنتي ليشششش ما تگعديننننن راحه شچابچججج للمطبخ متگليليييييي ؟؟؟؟؟

چنت أصيح عليها وگلبي مشعوط منها چان يچي أبو صلعه عاط بصوت عالي ::-

غراب ::- هيوووو شبيچججج تخبلتييييي لا تصيحين عليها هيچ ؟

رفعت راسي علية وحچيت بعصبية ::-

عنود ::- خوب أنت ملتهي بالموبايل حتئ ما تدري بالفرخة شتسوي هسه لو متعورة ما تگوم تنبح فوك راسي وتگلي صوچچ ؟

عگد حواچبه مصدوم من ردة فعلي بس أني بوگتها لعبانة روحي من الحمل وأريدلي بس زله علمود أتعارك وأصيح عاد هو شال سريوة وحچه بضوچة ::-

غراب ::- خلفلة عليچ سويتيني چلب .

خله وطلع وأخذ سريوة وياه مدري وين راحوا ما تحملت أحس روحي مختنگه گبل گعدت بالگاع أبچي ومتندمة لان حچيت هيچ ويا .

هسه أني ليش هيچ حچيت وياه ، هو شذنبة هيه سريوة وگحه .

طلعت بالطرمة گعدت ع المرچوحه وشوية ودخلت سريوة بيدها حلويات أچت حطتهم ع المرچوحة وحچت بأبتسامة ::-

ساره ::- ماما هذني من بابا .

أخذت العلاگه منها چان چايبلي أندومي ونساتل وچبس وعصاير گبل أبتسمت وحچيت بهدوء ::-

عنود ::- لعد أبوچ وين ليش ما دخل وياچ ؟

ساره ::- بابا راح ويه عمو عنچر للمطعم يتغدون لان يگول ماما تعبانة خل ترتاح وأني بعد ما أسوي وگاحه علمود ما تضوچين .

دمعت عيوني من حچيها وتندمت بگد شعر راسي لان عطت بوچهها گبل چريتها حضنتها وحچيت بغصة ::-

عنود ::- يمة أسفة والله أني شوية تعبانة نفسيتي لا تاخذين بخاطرچ علية .

گبل رفعت راسها باستني وحچت بضحگة ::-

ساره ::- عادي ماما .

چانت سريوة تحب تلعب بالسچاچين وتثرم يعني تحب سوالف المطبخ وأني أخاف عليها وچان أبو صلعه دائما ياخذها للمطبخ ويسون ريوك ومرات عشه وچانت سوسو تلح علية تريده يطبخ وياها .