الدنيا العصر طلعنه للحديقه وضايجه ما اعرف شبيهه وهاي الايام صاير هواي خطف والمشكله الي يخطفون يبيعون بأعضاء الشخص ومنهم لا يشترون البنات ع مود مبتغاهم وسد شهوتهم واحنه ضالين بهذا المجتمع الي مايعرف بدايته من نهايته كله حروب وشغب وغير ذوله الي جاي يغتصبون البنات ان كانت جبيره او صغيره ما جاي نگدر نحافض ع انفسنه من هل همج هذوله
بين صفنتي وتفكيري اجه مراد
مراد: الصفنه مو الك لابو صابر
_: شوو گوم من يمي مالي خلگ
_: خيرج
_: البنيه لگوهه او لا
_: اخخ يي لگوهه بس
_: بس شنوو
_: طلعوو مغتصبيه للبنيه وهسه هيه بالمستشفى
_: شنوووو مراد تحجي صددگ
_: يي وهسه حالتهه خطره
_: والعصابه لگوهه او لا
_: كضو بس مجموعه من عدهم والعقل المدبر ماكوو ما يگدرون يوصلون اله
_: اوووف شگد خطيه هسه شنوو احساسه واهله شلون بيهم اكيد ضايجين عليه
_: لا ابوها يگول خل تموت احسن لان ما نتشرف عدنه وحده مثله
بقيت صافنه شنوو هل همج هذا ماكو تفكير هاي بتهم شلون يتخلون عنه بهاي السهوله بس لان تعرضت لهيج حادث اوووف لعد شگد العراق بي ناس همج وما تهمهم بس مصلحتهم وكلام الناس
مراد: لا تضوجين بعد عمري انتي راح يجي يوم يتغير كل هذا
_: يمته يامراد يمتته ماجاي تشوف شنو الي جاي يصير بالدنياا ما تتصلح الى ان يطلع صاحب الزماان بس وين يروحون بأفعالهم هاي شلون يراوون وجوهم لأمامهم
_: مايفكرون عدهم الدنيا اهم ما يسوون شي لاخرتهم بعد همه وربنا
اني طالع محتاجه شي
_: لا سلامتك بس دير بالك ع نفسك
اجه جره من خده وباسهه _: اروح فدوه للتخاف عليه
_: شلون ما اخاف عليك وانت روحي من الدنيا وسندي
_: ان شاء الله الله يوفقني واكون گد كلمه اخ
عافني وطلع مراد طبعه حلوو وحنين علينه لدرجه اذا نخدشنه خدش يخااف علينه كأنما احنه بناته مو اخواته
بقيت گاعده بمكاني الى ان صاح الاذان گمت صليت ودعيت انو الله يصلح الدنيا وغير من تفكير الناس ويعجل بضهور صاحب الزمان لان الدنياا جاي كل ما بيه تصير اسوء
ياسر: جدكم اتصل عليه وگال من زمان ما شايفكم يريدنه نروح ليهم
الكل فرح ما عدا اني لا هناك ابن عمي كلللش اكرهه واحدد زايح المستحه فد مره وحركاته تلعب النفس تجي مرات ما امشي وياهم وجدي يزعل عليه بس كله من ابن ابنه
