شرايك نلتقي
وندفن الثار الراح
وجرحَك فوگ جرحي
بچفك تشدة
وتاخذني بـَ لهفتك
وارجع اتلگاك
واطيحنلك عِشگ
وبحُضنك تسدة
"" "" "" "" "" "" "" "" "" "" "
نور:
راحت ليل وراحت فرحتي هسه تگولون يمته تعلقت بيهه بقت يمي شهرين حجينه وضحكنه سوهه صارت مثل اختي لا امي والله اعزهه واحبهه هواااي وهسه راحت وصار شهر ماكو اي خبر وگلبي مفرفح عليهه
اذا راحت مثل ماراح قصي شلون اذا راحت وعافتني مثل اهلي ماتحمل بعد ماگدر
سيلين: كافي تبجين مو دموعج خلصن
نور: تعبت سيلين تعبت مشتاقتله هوااي
سيلين: واني هم هواااي بس شنسوي مو بدينه
نور: سبع ماكو خبر عنه
سيلين: لا
نور: اووف
سيلين: نور راح اروح للجامعه تجين وياي
نور: ليش؟؟
سيلين: ماكوو شي بس مسوين لمه مال بنات وراح اخذ سيران وياي
نور: انتِ ماتشوفين حالنه شلون
سيلين: نور تره مارايحه ارگص بس صديقتي تريد تنقل
نور: اووو اسفه
سيلين: اذا ما تجين براحتج
نور: اشوف
عافتني وطلعت واني گلت خل اروح اغير جوو ضاله بين البجي والضيم ثاني يوم لبسنه وطلعنه متوجهين للجامعه بالطريق سيلين وگفت السياره تريد تجيب كيك جاهز بقينه ننتضر والجامه مفتوحه الي بجهتي وجان اسمع صوته اي هوه طلعت راسي من الجامه واشوف قصي هوه بطوله وهيبته والجگاره بحلگه نزلت مثل المخبله بدون مانتبه ابجي اريد بس اوصله بس مالحگت شغل سيارته ومشه
نور: قصييييي اووووگففففف
سيران: نوور
نور: ولجج قصيييي هذه قصيي
سيران: اكيد مشتبهه
نور: لااااا والله هذه قصييي وجج هذه روحيييي شلوووون اشتبهةةةة بيييي
سيران: انتِ متأكده
نور: والله هوه
سيلين: نور سيران شكوو
نور: قصي قصي جان هناا
سيلين: جذااابةةة
نور: والله ماجذذبببب والله
سيلين: معقوله
گمت اضحك بهستريه شفته بعد تلث سنوات غياب شفته وأخيراً كملنه طريقنه وحته البنات فرحانات وياي ويشاقني
سيلين: اي يابةة رجع الحُب
سيران: اووووي هسه يجي يدور عليج
