ملاحظه/
كلام اخر البارت لازم تشوفو
وهسه نبلش يله گدامي ع البارت
للكاتبه ساره
MmFf08
ـــــــــــــــــــــــــــــــ
سيجمعكِ الله بما تتمناه روحكِ
رغمآ عن إستحالة الأسباب ♥️
ـــــــــــــــــــــــــــــ
_: ههههههه خايف عليه يالسبع
_: شوو نجب خاف تموت وطيح براسي ومنو جابه سبع
_: تعرف صدگ اني جنت بالبيت وع التبريد المن طلعت هم صوجي
_: اكل خره لك تروح فدوه الي وتجي غصبن عليك
اجه يروح صحت وراه
_: عفوواً خويه وين رايح
_: وين يعني لهلي
_: بس واحنه
_: شسويلج اني طلعتج منهم وانتي تكفلي روحج
خليته ع راحته لان بطبعي ما احب اشفق الناس عليه هوه شغل السياره وطلعو بقيت اني وعلي انوب علي يبجي يريد اكل خفت خاف يسمعون صوته ويجونه
شويه واسمع صوت سياره گلت خلص همه اجوو عليه اكيد عرفو مكاني بقيت بمكاني بس علي شنو يسكته بقه يبجي شويه وسمعت صوته اي هوه
السبع: تردين عزيييمه ما تگومين
ليل: بس ما عرفتك
_: ولجج هذا السبع ما تعرفينه
_: ادري واذا السبع الرئيس مثلاً
السبع: تجييين لو اروووح
شبي هذا طگه ونص
مشيت اركب بس خايفه خاف هم من عدهم بس سميت بأسم الله وركبت
تحركت السياره وعلي ما سكت يريد حليب شلون هسه؟؟
_: هذا ابنج
باوعت لعلي وبقيت صافنه علي
_: هيووو مو احجي وياج وين صفنتي
_: اسفه خويه مو قصدي
_: اخووج حلووه هااي هسه هذا ابنج
_: اي ابني
_: جا ابو وين
سبع: ابن زناا
_: احترررم نفسسسج
_: لا تعلين صووووتج لا اكسرررج والخللقج فتهمتتي
بقيت ساكته لان اذا يعوفني هسه بالطريق وين امشي تذكرت ميعاد شنو گالتلي حته اطلع
_: عفوواً ممكن تاخذوني لمركز الشرطه
هذوله ضلو صافنين والي ساعدني وگف السياررره ودار عليه
_: خيررج المن
_: هاي شبيك عندي شي لازم اسوي
_: خويه الدنيا ليل ومركز الشرطه الي بهاي المنطقه مو اماان
