سيلين: بابااا
خالد: يروح ابووج شلونج
سيلين: من شفتك صرت زينه
خالد: يبعد عمري وين اختج وامج
سيلين: جوه
دخلو من باب المطبخ واني صافنه علي
سيلين: بابا هاي ليل مرته للسبع
باوعلي بنضرات كلش كرهته يهز براسه ومبتسم
خالد: شلونج ليل
ليل: اهلاا عموو الحمدلله
خالد: والله ويعرف يختار السبع
بقيت ساكته وهوه ماشال عينه مني مافتهمت شبي عافوني وطلعو للاستقبال وصار سلام بينه وبين سيران والماسه الفرحانات
خالد: شنوو الحلو بعده زعلان
الماسه: لا من شفتك رضيت
خالد: هههههه امووت وما ازعلك
بقو يحجون واني بس صافنه ع خالد الي ماشال عينه عني شگد توترت عفتهم ورحت لغرفتي
معقوله يطلع ابوه للسبع بس البارحه ضربه وشگ راسه وماهتم واليوم جاي لهنا معقوله جاي ينتقم من السبع لا لا مامعقوله اوووف طيرت الافكار من عقلي ورجعت افكر شلون اگول للسبع اريد اروح وي هزبر
بين تفكيري اجتي سيران
سيران: احمم ممكن ادخل
ليل: تفضلي عيني
سيران: شوفي اني غلطت وياج واريدج تسامحيني ونبدي صفحه جديده
منه من الشيطان هاي سيران لو اني غلطانه بس ما ركزت هواي بالموضوع
ليل: ايي حبيبتي عادي
اجت حضنتني وهيه فرحانه حضنته واني مامصدگه الي جاي اشوفه
سيران: شكراً حبيبتي كلش خفت لبالي ماتسامحيني
ليل: لا يروحي انتِ حالج حال اي بنيه تغار ع اخوها واني لو بمكانج جان سويت نفس الشي بس
سيران: بس شنوو
ليل: بس ليش صورتيني وي ذاك الولد؟؟ وانتِ تعرفين شنو صار
شفته شلون ارتبكتت وصارت ماتباوع بعيوني وجان جوابه الي صدمني
سيران: مو اني صورتج هيه هاي الصوره اجتي من حساب وگلي شوفي مره اخوج ماعده شرف
ليل: مممم اي يمكن هوه متفق وي شخص
گلت هيج حته اشوف رد فعله ومثل ما توقعت جاوبتني وهيه فرحانه لان طلعتله سالفه من خيالي وهيه صدگت اني ماشاكه بيه
سيران: اي اي يمكن يله قلبي اخذي راحتج بعدين نحجي
ليل: تمام
طلعت واني بقيت افكر واربط الاحداث هيه من اجيت ما حجت وياي كلمه حلوه ومن جنت بالمطبخ وندگ الباب هيه الي طلعت وبعد ما رجعت ومن سمعته تخابر ومن شوفت الصور للسبع وجانت متأكده راح يضربني بس توقعاته بأت بالفشل وحاولت تصير صديقتي بس ع مود تكمل خطته هذه الي طلع وياي معقوله بس مالازم انطي ثقتي من دون ما اتأكد
