ليل: حراااام حراااام ماتعرف بالحرام
سبع: لا مااعرف
ليل: اي مبين
سبع: لسانج
ليل: شوف اطلب اي شي واسوي بس رجعلي ابني
سبع: ماكوو گتلج طلبي
ليل: بس ما اگد اوافق افهمنييي
سبع: اي براحتج واني رايح هسه وابنج ضيف عندي لا تخافين
عافني وطلع واني ابجي ع حضي الاغبر ليش هيج ليش شيريد مني گتله ما اگول عليك ليش ما يقتنع معقوله يخليني هناا للابد لا لا مستحيل ابقه وي انسان مخبل اجتي نور حاولت تفتهم شكو بس ما اجاوب عافتني وطلعت
واني ضليت اسبوع لا اكل ولا شرب مرات نور تبقه تتوسل بيه بس ع مود اكل اكلي لگمتين تلاثه واعوفه مالي نفس
بليل بقيت ابجي لحد ما حسيت راسي صار طبل گمت اغسل وجهي وهم فد مره سبحت تخبلت وسبحت بهيج وقت ونوب شتاء بااارده تگص گص
طلعت واني ارجف وشعري ما نشفته وبقيت گاعده يم الشباك والهوه يضرب بوجهي لحد مصاح الاذان گمت صليت ودعيت ربي يرجعه الي لان ماتحمل بدونه امووت
گعدت ع الجربايه واني عيوني صرت ما اگدر افتحهن من وجع راسي واحس الدنياا صارت ثلج غطيت نفسي بس ما فاد حسيت الصبح صار واني راح امووت دخلت نور تگعدني بس ما اگدر احجي
تخبلت بقت تحجي وياي واني ماكوو سمعته تخابر واني بس ارجف مر وقت مو كلش هواي وحسيت شخص اجه يركض وگعد يمي
سبع: ليلي
_
سبع: شوو عاينيلي
: ولج احجي شي
: احجيييييي شبييييج
نور: سبع ما تحجي اني حاولت وياه سابحه بهذه البرد وحته شعره ما منشفته
دنگ يم اذني وهمس من بين سنونه بفحيح
سبع: تردين تعانديني موو
: افتحي عيونج لا تضلين مغمضه
: ليييللل افتحييي عيوووونج
اسمعه بس مابيه حيل افتح عيوني ولا احجي رجع همس بأذني بصوت هادء بدون عصبيه واول مره اسمع صوته بهذه الهدوء والحُب
سبع: شو باوعيلي مو تردين ابنج ارجعه بس عاينيلي
: يله ليلي لا تشلعين گلبي خل اكحل عيوني بشوفه عيونج
بالگوه فتحتهن جان عندي أمل يرجع علي لحضني من فتحتهن اول شخص شفته السبع عيونه صارت بعيوني واردف..
سبع: تاهَت عيوني في بحور عيونِها واختَار قلبي أن يغوص فيغرقَا أوَّاهُ من رِمشٍ أحاط بعينها سهمٌ توغَلَ في الوَريد فَمزّقَا.
