اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في شوارع شيكاغو
منذ اللقاء الاول بيننا ادركت انني لن انجو
شروط بارت 100 كومنت اذ حبيتو الروايه نستمر بيها
------------------------------
صوت سياره الشرطه بعدها صوت صفير عالي مزعج كثير ل الاذن شعر بنفسه ديوكع من فوك ليجوه وتقلب بنومه ب انزعاج شديد
جفن عينه انكمش وكانو يرفض انو ينفتح ورغم انو بعلو صوته جان يصيح ب اسم امه الا انو الصوت ما طلع اصلا
قطرات من العرك جانت تنزل من كصته وحركه طفيفه من جسمه بدا يستنجد ويصيح " قصي ساعدوني قصي وينك قصي ساعدني قصي "
ما يدري انو هو بهاي الغرفه وحيد وانو ماكو اي صوت ديطلع منه اصلا ، شعور من الخوف وهو يصيح " لا لا ...لا تكتلوها ...لا اترجاكم لا ... " وبعدها صوت اطلاق نار قوي
شاف هاي المره توكع كدام عيونه الي توسعت وكانو جانت راح تطلع من محجرها فتح حلكه وراد يحجي بس الكلمات علكت بداخله
شلون ممكن انو يحجي الانسان وهو يشوف جثه شخص كدام عيونه وخاصتا لو هذا الانسان هو امه وشلون ممكن طفل يتحمل كل هذا
واخيرا بدا النور يدخل لعيونه وفز من هذا الحلم نهض بكل جسمه وبدا يتنفس بصعوبه وهو يشهك بصوت عالي
عيونه التفتت يمنه ويسرى وشاف نفسه وحيده بالغرفه ماكو احد يمه وشفايفه يابسه مد ايده الي ترتجف لكلاص الماي الي بصفه
وشاله بصعوبه وهو يباوع لماي يتخضخض بالكلاص قربه من شفايفه وشربه كله دفعه وحده من شده احساسه ب العطش
من هدا تنفسه كام من فراشه واخذ منشفته ودخل لحمام ، طلع بعد مده شاد المنشفه على خصره باوع لجربايه الثانيه الي بصف جربايته وشافها فارغه
تسائل السؤال الي كل يوم يسئله وما يمل منه " قصي وينه " التفت لكنتوره طلع ملابسه ونزل ليجوه
