ملاحظه البارت السابق صار عندي بيه خطا ب الاسماء الشخص صاحب السفينيه اسمه دولف مو ديفيد دولف هو الشخص الي كان عنده حفله على سفينته بين ما ميشيل سرق المخدرات منها ولتوضيح اكثر اصحاب مكب نفايات السيارات اشخاص تابعين اله وميشيل انتقم منهم وقتلهم كلهم وعلكهم على السفينه ------
جان متمدد بعد ما اكل وجبته وغمض عينه علمود يرتاح وينام حب شعور الدفو الي يحاوطه مع انو المكان بارد
فتح عينه بهدوء من سمع صوت طكطكه وصوت خطوات باوع لصياد الي حضر صنارته وغراضه وسئل بداخله " وين اكو صياد يطلع بهيج وكت ؟ "
غمض عينه من سمع صوت خطوات تمشي بصفه حدسه جان قوي وفعلا الصياد وكف كدامه ومد ايده وتلمس كصته
بعدها تمتم بكلمات وتحرك ، ما فتح عينه لحد ما سمع صوت الباب تنسد نهض من فراشه وباوع لهذا الحدث ب استغراب
كام من فراشه وبده يفتر ب المكان اجاه فضول جبير عن هذا الصياد الغريب انو انسان وحيد عايش بهيج مكان مابيه بيوت وداير مدايره بس غابه
فضوله خلاه يفتح المجرات والدواليب علمود بس يحاول يتوصل لشيء بس ما لكه شيء غريب لحد ما شاف بواحد من المجرات مفاتيح سياره وهناك تذكر انو الصياد كاله انو هو ما عنده سياره
وزاد قلقه من شاف ماركه مفاتيح هاي السياره الي هيه وحده من الماركات الغاليه الي واحد صياد سمج لو يضل يصيد طول عمره ما يجيب فلوسها وبين ماهو يفتح مجر ثاني بشك حس بشخص وراه
التفت بهدوء وشاف حذاء مالوف عليه فز بخوف وباوع ليوراه وشاف الصياد واكف وهو يكول " مالذي تبحث عنه ؟ "
تلكى بكلماته وما عرف شنو يكول وتالي كال اول شيء خطر بباله " ااا ...اه كنت ابحث عن ورق الحمام " متجنب اي تواصل بصري بينهم
رد الصياد ببساطه " او انه في درج الحمام " هز راسه وراح بسرعه البرق دخل لحمام وسد وراه الباب وبده يتنفس بقوه
