انفتح الباب دخل ميشيل لغرفه وبيده صينيه اكل جان علي واكف وراه بس دخل سد عليهم الباب وقفلها
شغل ميشيل الاضويه راسا غطى بحر عيونه من الاضائه ميدري صارله كم ساعه كاعد بالظلام
حط ميشيل الصينه على طاوله وكعد على القنفه واشر لبحر " تعال تاكل "
باوعله بحر وكال " لشوكت راح تضل حابسني ؟ " رد ميشيل " لحد ما تعقل ويرجع عقلك براسك وكتها راح احررك "
شال بحر ايده وصار صوت طكطكت سلاسل تضرب وحده بالثانيه كال بتهجم " هذا هو حبك ؟ "
رد ميشيل " جبرتني ما جنت اريد اوصل وياك لهل المرحله بس جبرتني لان ما تريد تسمعني ولا تريد تباوعلي حتى "
رد بحر " اصدكك واجذب عيوني ؟ ليش ؟ شنو شايف نفسك انت ؟ ليش تريد تحصل على كلشي ليش تريد تغلط واسامحك ؟ "
رد ميشيل " بحر تعال اكل " صاح بحر عليه " لو اموت جوع هم ما اكل " رد ميشيل " ما تموت احطلك مغذي قبل لا تفكر تضغط عليه بهاي الطريقه "
باوعله بحر بقهر ونزلت دمعته وكال بخوف " انت واحد مخبل انت مستحيل انسان عاقل الهوس الي انت بيه يخوفني انت كلك تخوفني بس الي مثلك بس يحصل على لعبته راح يمل منها ويشمرها "
كام ميشيل اقترب من بحر وكال " جان مليت منك صار كم سنه واني يا بحر الشغله الي تعجبني ما امل منها انت الي ما تعرفني "
