اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اشتياق
لا تلمس يداي ما عادت يداك تؤتمن
---------
الساعه12:00 بعد منتصف الليل
بره وكدام هذا القصر جان واكف وساند نفسه على السياره يباوع لهذا المكان بوحده مع انو الكل جان واكف وياه قصي وعتاد وليو وسكاي بس بنفس الوقت جان يحس روحه وحيد
كلهم جانو ب انتظار ميشيل لان اليوم اهم يوم الي عدهم بيه اهم عمليه راح تغير مصيرهم ومصير ميشيل بشكل اساسي
وهو واكف باوع على عتاد الي مشى ووكف بصف قصي وكال " تخيل بيوم نوصل لهل الدرجه من الغنى "
ما التفت قصي اله وانما باوع لهذا البيت الي عايش بيه ميشيل عباره عن قصر اكثر من ماهو مجرد بيت والسيارات المصفوفه كدامه من كل الانواع ومن احدث الماركات
كال محطم احلام عتاد " ما اتخيل لان ما نوصل بيوم حتى ل ربع هذا ولا حتى ب الاحلام شيل هذا الخيال من راسك " كال عتاد ب تافف " انت واحد نفسيه قصي حتى احلام ما تخلينا نحلم " .
رد قصي عليه " اصلا ما يلوكلنا تحس اكو فرق بين الواحد الي ينولد بقصور وعده خدم وحشم ومكانه وفلوس وبينا احنا الي انولدنا ب الشوارع وكضينا حياتنا نركض وره اللكمه " .
صفن وكال بنبره هادئه وكانو جان يحاجي نفسه " احنا جينا لهاي الدنيا غضب عنها " ، كلام قصي الي الكل يوصفه دائما ب السلبي والانسان النفسيه جان واقعي
جان بالنسبه لبحر هو يتفق وياه هما عمرهم ما راح يعيشون مثل هاي الحياة ولا راح يكدرون يوصلون لربعها صارلهم سنوات يشتغلون وما كدروا انو يحققون اي شيء
ضرب عتاد جتفه وكال " اكعد راحه يا الشايب " تجاهله قصي وجهه نظره ل بحر الي جان صافن واكف بعيد عن الكل وكال " وضعه ما عاجبني شنو سالفته ما تدري ؟ "
جان يسمعهم بس ما يباوع عليهم رد عتاد " لا اذ انت ما تدري اني شلون ادري انت اقرب واحد اله " رد قصي " كلت بلكي حاجيلك لان ما يريد يحجيلي " قاطع كلامهم خروج ميشيل وزلمه صعدوا الكل ب السيارات متوجهين لمهمه بدون اي تاخير
