𝒞𝒶𝓃𝒹𝓎 ℐ𝓈𝓁𝒶𝓃𝒹 ︀︀︀︀︀︀︀ ༺taennie༻

Part.2

Jennie's pov

لەگەڵ دایك و باوكم وبراكەم بەڕێكەوتین بۆ ئاهەنگەكە
ڕاستی ئێمە هیچ كاتێك لەلایەن پاسەوانەكانەوە ڕێگەمان پێنەدەدرا بۆ چوون بۆ سنوری نێوان دوو دورگەكە بەڵام لەبەر ئاهەنگەكەی ئەمڕۆ سنورەكانیان كردبۆیەوە

خەڵكانێكی یەكجار زۆری لێبوو لە ئاهەنگەكە وكە تێكەڵەی هەردوو ناوچەكان بوو بەڵام ئەتوانی جیایان بكەیتەوە ئەویش بەهۆی خەندە و پێكەنینی سەر ڕووخساری ئێمەو جلە ڕەنگاوڕەنگەكانمان

وە ئەوانیش بە پێچەوانەی ئێمەوە كە جلی ڕەش یان سور و سوری تۆخیان لەبەرە و دەموچاوە بێزار و توڕە و ترسناكەكەیان

چەندین جۆری شیرینی و خواردنەوەی لێبوو بەڵام ئەوەی توشی شۆكی كردین خواردنەوەی كحولی و مەی و چەند خواردنەوەیەكی تریشی لێبوو تا ئێستا نەمبینیبوون بەڵام خراپ و قێزەون دیار بوون

كەمێك چووینە ئەولاتر بینیمان كەوا چەند خەڵكێكی دورگەكەی ئەوبەرمان هەوڵی بێزاركردنی سێ كچی خەڵكی ئێمە دەدەن و دەست ئەدەن لە قژیان و گاڵتەیان پێ ئەكردن

لەگەڵ خێزانەكەم هەموومان سەیرمان ئەكردن وە بەڕاستی شۆكببوین چونكە شتی وا لە دوورگەی ئێمەدا ڕوونادات ئەگەر ڕوشی دابێت ئەوا زۆر بەكەمی چونكە خەڵكی ئێمە كەسانی باشن و كەم كەس ئەكەوێتە تاوان و كاری خراپەوە

دایكم ڕۆشت دوا بە دوای ئەویش باوكم ڕۆی من و كوكیش سەیرمان دەكرد بۆ ئەوەی بزانین كەوا چی دەكەن

دایكم سێ كچەكەی لە كوڕەكان دوورخستەوە كە كوڕێكیان قژی سور و ئەویدیان ڕەش و دوانەكەی تریش قاوەی كە سەرتاپا جلی ڕەشیان پۆشیبوو كە تیشێرتەكەی یەكێك لە قژ قاوەییەكان ڕەسمی كەللە سەری لەسەربوو
قژ ڕەشەكە و سورەكە زۆر لە كچەكە نزیك دەبوونەوە بەڵام دوو قژ قاوەییەكی تر تەنها پێدەكەنین پێی و جار نا جارێكیش قسەیان دەكرد

كە دایكم سێ كچەكەی دوور خستەوە و پارێزگاری لێكردن باوكیشم چووە
لایان و سەیری كوڕەكانی كرد و ئامۆژگاری ئەكردن و هەوڵی ئەدا تێیان بگەیەنێت ئەمە كارێكی خراپە
'كوڕی خۆم وازیان لێبێنن بۆ وا لەم منداڵانە دەكەن؟'
و كوڕەكان پێكەنینێكی گاڵتە جاڕانەیان كرد
'تۆ سەیری ئەم پیاوە پیرە ناكەی من كوڕی تۆ نیم خۆ كوڕی تۆ بوومایە ئێستا قژم سپی ئەبوو'
كوڕە قژ سورەكەیان بە گاڵتەوەپێكردنەوە وتی و هاوڕێكانی تریشیان پێكەنین
ئەو قسەیەیەی وەك گاڵتەیەك بە باوكم وت وەك ئەوە وابوو بڵێن ئەوەنە تەمەنت گەورەیە دڵنیام منداڵەكانیشت تەمێنێكی گەورەیان هەیە

جۆنگكووك ویستی بۆیان بچێت و فێری ڕێز و حورمەتیان بكات بەرامبەر بە گەورەكان بەڵام قۆڵم گرت ونەمهێشت بڕوات و شەڕێك بنێنەوە خۆ كووك شەڕ ناكات بەڵام لەوانەیە ئەوان بیكەن و جۆنگكووكیش پێی قبوڵ نەكرێت