#راهب_ابو_غضب
#البارت 28
مازلت اتعافئ من اشياء لم اخبر احد عنها 💔
راهب ابو غضب
،،،،،،،،،،،،،،،
لارا، جحضت عيوني مامصدكه اخوي يسوي هيج ادري يكره راهب ومن شافني اتحلف بي يخلي يدفع ثمن ضربه الي
بس مااتوقعته هيج يسوي مافكر بمستقبله وهو استاذ مدرس وتعبان علئ نفسه مافكر شيصير بي اذا انسجن اشلون يدمر مستقبله
اخذت الموبايل ونزلت ارجف احس طول عمري ماراح اكدر اخلص من عذاب راهب راح يبقئ ملاحقني دائما اذا كان يهددني بس ب ابوي
هسه صار يهددني بااخوي يعني يدمر عائلتي يدمرها
وگفت بالصاله وامي وابوي كاعدين تنطي علاج
اتنفس سريع مختنكه انفتح الباب دخل محمد
ردت احجي بس خفت ابوي يموت اذا سمع بالصار هو صحته صارت علئ كدة مايتحمل
اشرت ل محمد بعيوني دخلنه للاستقبال ماابيه احجي اكتفيت بس اشوفه الفيديو
من شافه وجها انخطف لونه گعد ع القنفه تعبان مايگدر ينهض
كعدت يمه گتله مافكرت باابوي?
مافكرت بمستقبلك??
رفع راسه باوعلي وعيونه مغوشات
محمد،،ردت اخذ ححقج منه
لارا،،انته ضيعت هذا الحق بسوايتك هاي
جنت اني صاحبت الحق اكدر ارفع دعوة وعندي كل الادله وابسط شي جسمي اگدر من تشوفني المدعيه راح تعرف متعرضه للتعنيف واحصل الطلاگ بكل سهوله بس انته بعملتك هاي رجعتني اله بدون مقابل
محمد،،ماااكو روحه انسي ارجعج اله
لارا،،جريت ايدة بستها ردت احجي دخلت امي
وبعد ملحتها تريد تعرف شنو السالفه محمد انفجر بيها وگالها تررردين تعرررفين شكوو
اممس رحت ونيتي اموووته بس مامااات
شوفها الفيديو گوة سكتناها رادت تصيح يبو وتلم الوادم
احنه شردنه عنهم حتئ لايسمعنه ابوي وهي تريد تخبصنه وتفضح السالفه
سعاد،،،لليش هيج يممه وللك ليش هيج?
هاي عود انته العاقل المثقف هييج تسوي?
لارا،،بقت امي اتمعش براسها ادگ وتلطم واتصيح جنت بوحدة صرت بثنين قصدها جانت محتارة بس ابلوتي هسه انضاف للقائمه محمد
اخر شي گتلهم ماعندي حل غير ارجع وياه
محمد ماقبل بس امي قنعته حزت بخاطري وانقهرت هاي ثاني مرة يقدموني قربان ل اخطائهم بحيث اول ماگلت ارجع ماعندي غير هذا الحل
هي ايدتني وكالت ااي يمه ارجعي احسن مايسجنون اخوج ويدمر مستقبله
العبرة منجمعه بروحي عفتهم وطلعت رحت گعدت يم ابوي جر راسي نيمني يمه حضنته وبجيت
مايگدر يحجي كلش عرفت من امي صايرة بي جلطه خفيفه وعدت يعني مايتحمل جلطه ثانيه
بقه يمسد علئ راسي واني اشهگ بحضنه اتمنيت روحي بعدني طلفه لاهم ولاغم لااحسب احساب هذا ولاذاك اعيش كل يوم بيومه اخر همي العابي
يمكن كبرت للمصايب جانن ينتضرني حتئ اكبر ويوگعن علئ راسي مثل الصواعق
