راهب_ابو_غضب
بارت19
،،،،،،،،،،،،،،،،،،
ﻟﺘﺤﺒﻨﻲ
ﻭﻻﺭﺍﻳﺪﻧﻲ ﻭﻟﺘﺤﺒﻨﻲ
ﻣﺪﺭﻱ ﺍﺷﺒﻴﻪ ﺑﻴﻦ ﺍﻳﺪﻙ
ﺟﺎﻥ ﺍﻟﺘﻌﺐ ﻋﺎﺟﺒﻨﻲ 💔
،،،،،،،،،،،،،،،،،،،،
،،،،،،،،،،،،،،
ﻻﺭﺍ،،ﺑﺎﻭﻋﻠﻲ ﻭﺧﺰﺭﻧﻲ ﻭﺭﺟﻊ ﺑﺎﻭﻋﻠﻬﺎ ﻭﺣﺠﻪ ﺑﻜﻞ ﻫﺪﻭﺉ ﺍﺗﻌﺠﺐ ﻋﻠﺊ ﻫﺪﻭﺋﻪ
ﺭﺍﻫﺐ،،ﭼﺎ ﺍﺷﺘﺮﺩﻳﻦ ﺍﺧﺬﺝ ﺍﻟﺒﻴﺖ ﺟﻼﻝ ﺍﻟﻌﺎﺭ ?
ﺍﻡ ﺍﺣﻼﻡ،،ﻭﺳﻔﻪ ﻋﻠﻴﻚ ﻳﺒﻦ ﺑﻄﻨﻲ ﺧﻞ ﺍﺣﻂ ﻫﻠﺤﺠﺎﻳﺔ ﺑﺎﺍﺫﻧﻚ ﺗﺮﺓ ﺍﻧﺘﻪ ﻣﺎﺍﺧﺬﺕ ﺣﮕﻚ ﻣﻦ ﻋﻤﻚ ﻭﺭﺣﺖ ﺩﻣﺮﺕ ﺑﻨﺘﻪ ﺑﺬﻧﺐ ﺍﺑﻮﻫﺎ
ﺍﺳﻤﻊ ﻛﻼﻣﻲ ﻭﻣﺎﺭﺍﺡ ﺍﻋﻴﺪﺓ ﻋﺪﻧﻪ ﻧﺎﺱ ﺍﻫﻨﺎ ﻭﺟﻴﺮﺍﻥ ﻭﺍﻫﻞ ﻭﺍﺣﺒﺎﺏ ﺷﺮﺍﺡ ﻳﻜﻮﻟﻮﻥ ﻟﻮ ﺳﻤﻌﻮ ﺑﻴﻚ ﺟﺎﻳﺐ ﻣﺮﺓ ﺣﺎﻃﻬﺎ ﺍﺑﻴﺘﻚ ﻭﺍﻟﻜﻞ ﻳﺪﺭﻭﻥ ﻣﺎﻣﺘﺰﻭﺝ ﺑﻌﺪﻙ
ﻟﺬﺍﻟﻚ ﻋﺮﺳﻜﻢ ﺍﻻﺳﺒﻮﻉ ﺍﻟﺠﺎﻱ ﻭﻣﺎﺍﺭﻳﺪ ﻛﻠﻤﻪ ﺯﺍﻳﺪﺓ
ﻭﺍﻧﺘﻲ ﺍﺑﻨﻴﺘﻲ ﺍﻣﺴﺤﻴﻬﺎ ﺑﻮﺟﻬﻲ ﻳﺒﻌﺪ ﻋﻤﺘﺞ ﺗﺮﺓ ﺍﺑﻨﻲ ﻭﺍﻋﺮﻓﻪ ﻣﻦ ﻳﺤﻘﺪ ﻣﺎﻛﻮ ﺑﮕﻠﺒﻪ ﺭﺣﻤﻪ
ﻻﺭﺍ،،ﺭﺩﺕ ﺍﺣﺠﻲ ﺑﺲ ﻫﻮ ﺳﺒﻘﻨﻲ
ﺭﺍﻫﺐ،،ﻫﺬﺍ ﻫﻮ ﻳﻠﻠﻐﺎﻟﻴﻪ ﻳﺠﺮﺍﻟﺞ ﺍﻟﺘﺮﺩﻱ
ﻻﺭﺍ،،ﺑﻘﻴﺖ ﻛﺎﻋﺪﺓ ﻭﺍﺑﻠﻊ ﺑﺮﻳﮕﻲ ﺭﺩﺕ ﺍﮔﻠﻬﺎ ﻣﺎﺭﺍﺡ ﺍﺧﻠﻲ ﺍﺣﺪ ﻳﺸﻮﻓﻨﻲ ﺑﺲ ﺟﻮﺍﺑﻪ ﺳﻜﺘﻨﻲ
ﺷﻮﻳﻪ ﻭﺍﺗﺮﺧﺺ ﻣﻨﻬﺎ ﺑﻘﻴﻨﻪ ﺑﺲ ﺍﻧﻲ ﻭﻫﻲ ﻭﻓﺎﻃﻤﻪ
ﺍﻡ ﺍﺣﻼﻡ،،ﻓﻄﻴﻢ ﻳﻤﻪ ﺍﻟﻐﺮﻓﻪ ﺍﻟﺒﺼﻒ ﻏﺮﻓﺔ ﺍﺧﻮﺝ ﻓﻮﮒ ﺍﺻﻌﺪﻱ ﺭﺗﺒﻴﻬﺎ ﻟﻤﺮﺓ ﺍﺧﻮﺝ ﺣﺘﺊ ﺍﺗﻨﺎﻡ ﺑﻴﻬﺎ
ﻻﺭﺍ،،ﮔﺎﻣﺖ ﻓﺎﻃﻤﻪ ﺑﺪﻭﻥ ﻛﻼﻡ ﻭﺍﻧﻲ ﺑﻘﻴﺖ ﻳﻤﻬﺎ
ﺍﻡ ﺍﺣﻼﻡ،،ﺍﺳﻤﻌﻴﻨﻲ ﺑﻨﻴﺘﻲ ﻭﻣﻦ ﺍﮔﻠﺞ ﺑﻨﻴﺘﻲ ﻻﻥ ﺍﻋﺘﺒﺮﺝ ﺻﺪﻙ ﺑﻨﺘﻲ ﻣﺎﻟﻲ ﺷﻐﻞ ﺑﺎﻟﺴﻮﺍﻩ ﺍﺑﻮﺝ ﻻﻥ ﺍﻟﻠﻪ ﻳﺤﺎﺳﺒﻪ ﺍﻟﻪ ﻣﻮ ﺍﻟﺞ
ﺍﻟﺼﺎﺭ ﺻﺎﺭ ﻣﺎﻧﮕﺪﺭ ﻧﻐﻴﺮ ﺷﻲ ﺑﻌﺪ
ﻭﺍﻧﻲ ﺍﺭﻳﺪ ﺍﺳﻮﻳﻠﻜﻢ ﻋﺮﺱ ﻻﻥ ﻣﺎﺍﺭﻳﺪ ﻳﻀﻞ ﻫﺬﺍ ﺍﻟﺸﻲ ﺑﻨﻔﺴﺞ
ﻻﺭﺍ،،ﻗﺎﻃﻌﺘﻬﺎ ﻛﺘﻠﻬﺎ ﻋﻤﻪ ﺍﺻﻼ ﻣﺎﺭﺍﻳﺪﺓ ﻋﺮﺱ ﻭﻻﺷﻲ
ﺍﻡ ﺍﺣﻼﻡ،،ﺧﻠﻴﻨﻲ ﺍﻛﻤﻞ ﻳﻤﻪ ﺍﻧﺘﻲ ﺗﻌﺮﻓﻴﻦ ﺷﻲ ﻭﺍﻧﻲ ﺍﻋﺮﻑ ﺷﻲ ﺛﺎﻧﻲ ﻭﺍﻟﻨﺎﺱ ﻣﺎﺗﺮﺣﻢ
ﻭﻣﺎﺍﺭﻳﺪ ﺍﻭﻛﻒ ﺑﻴﻦ ﺍﺩﻳﻦ ﺍﻟﻠﻪ ﺍﻫﻮﺍﻱ ﻭﺍﻧﻲ ﺍﺗﺤﺎﺳﺐ ﻋﻠﻴﺞ ﻭﺍﺫﺍ ﺻﺎﺭ ﺍﻟﻌﺮﺱ ﺿﻤﻴﺮﻱ ﻳﺮﺗﺎﺡ
ﻳﻴﻤﻪ ﺗﺮﺓ ﺭﺍﻫﺐ ﺧﻮﺵ ﺯﻟﻤﻪ ﺑﺲ ﺍﻟﻮﻛﺖ ﻭﺍﻟﺬﻝ ﻭﺍﻟﺘﻌﺐ ﻛﻔﻴﻼﺕ ﻳﺨﻠﻦ ﮔﻠﺒﻪ ﻳﻘﺴﺊ
ﻻﻋﺎﺵ ﻃﻔﻮﻟﺘﻪ ﺣﺎﻟﻪ ﺣﺎﻝ ﺍﻻﻃﻔﺎﻝ
ﻭﻻ ﺷﺎﻑ ﺍﺑﻮ ﻭﺷﻢ ﺭﻳﺤﺘﻪ
ﻭﺣﺘﺊ ﻣﻦ ﻛﺒﺮ ﻭﻟﻴﺪﻱ ﺍﺗﻌﻠﻌﻞ ﻭﺷﺒﻊ ﻗﻬﺮ ﻭﺍﻟﻠﻪ ﺍﺫﺍ ﺍﺣﺠﻴﻠﺞ ﺗﻨﻘﻬﺮﻳﻦ ﻋﻠﻲ ﻣﻮ ﻣﻨﻪ
ﻃﻔﻞ ﻋﻤﺮﺓ ﻣﺎﻳﺘﺠﺎﻭﺯ ﺍﻟﻌﺸﺮ ﺳﻨﻮﺍﺕ ﻭﺷﺒﻊ ﺿﻴﻢ ﻭﻛﺘﻞ ﻣﻦ ﺧﺎﻟﻪ ﺍﻟﻲ ﻫﻮ ﺍﺧﻮﻱ ﺍﺑﻦ ﺍﻣﻲ ﻭﺍﺑﻮﻱ ﻭﻣﺎﺭﺣﻢ ﺑﺤﺎﻝ ﺍﺧﺘﻪ ﻭﮔﺎﻝ ﻫﺬﺍ ﻳﺘﻴﻢ ﻭﺩﻣﻌﻪ ﺍﻟﻴﺘﻴﻢ ﺍﻟﻬﺎ ﺣﻮﺑﻪ ﻋﺪ ﺭﺑﻬﺎ
ﻛﺒﺮ ﺭﺍﻫﺐ ﻭﺩﺧﻞ ﻛﻠﻴﺔ ﺍﻟﻀﺒﺎﻁ ﻋﺒﺎﻟﻲ ﻳﺮﺗﺎﺡ ﻭﻳﺮﻳﺢ ﻛﻠﺒﻲ
ﺑﺲ ﺟﺎﻥ ﻳﺠﻴﻨﻲ ﻫﻠﻜﺎﻥ ﻣﻦ ﺍﻟﺘﻌﺐ ﻭﺍﻟﺘﺪﺭﻳﺐ ﺍﺫﺍ ﺗﺎﺧﺬﺓ ﺍﻟﻨﻮﻣﻪ ﺩﻗﻴﻘﻪ ﻳﺼﺪﺭﻭﻥ ﺑﺎﻣﺮﺓ ﻋﻘﻮﺑﻪ ﺗﻜﺴﺮ ﺍﻟﻀﻬﺮ
ﻣﺮﺓ ﺟﺎﻥ ﻃﺎﻟﻌﻠﻪ ﺑﺴﻤﺎﺭ ﻟﺤﻢ ﺑﺎﺍﺻﺒﻊ ﺭﺟﻠﻪ ﺍﻟﺠﺒﻴﺮ ﺑﺲ ﺻﺎﻳﺮﺓ ﻣﺜﻞ ﺍﻟﺨﺮﺍﺝ ﻭﺍﺻﺒﻌﻪ ﻭﺍﺭﻡ ﺣﺘﺊ ﺭﺟﻠﻪ ﻣﺎﻳﮕﺪﺭ ﻳﻤﺸﻲ ﻋﻠﻴﻬﺎ
ﮔﺘﻠﻪ ﻳﻤﻪ ﺭﻭﺡ ﺍﻃﻠﺐ ﺍﺟﺎﺯﺓ ﻛﻢ ﻳﻮﻡ ﺑﻴﻦ ﻣﺎﺍﻃﻴﺐ ﺭﺟﻠﻚ
ﻭﺻﺪﻙ ﺭﺍﺡ ﺍﻟﻬﺬﺍ ﺍﻟﺠﺒﻴﺮ ﻣﺎﻟﺘﻬﻢ ﻭﺍﻟﺠﺒﻴﺮ ﺍﻟﻠﻪ ﺍﻟﻠﻮﺍﺀ ﻣﺪﺭﻱ ﺍﻟﻌﻤﻴﺪ
ﻭﺟﺎﻥ ﺭﺍﻫﺐ ﺑﻴﺪﺓ ﻋﻜﺎﺯﺓ ﻳﺘﻌﻜﺰ ﻋﻠﻴﻬﺎ ﻻﻥ ﺣﺎﻟﺘﻪ ﻓﺪ ﻣﺮﺓ ﻭﺻﻞ ﺍﻻﻟﻢ ﻟﻠﻌﻀﻢ
ﺩﺧﻞ ﻳﻤﻪ ﻭﮔﺎﻟﻪ ﺳﻴﺪﻱ ﺍﺭﻳﺪ ﺍﺟﺎﺯﺓ ﻳﻮﻣﻴﻦ ﺛﻼﺛﻪ ﺍﺭﻳﺪ ﺍﺳﻮﻱ ﻋﻤﻠﻴﻪ ﺍﻟﺮﺟﻠﻲ
ﮔﺎﻟﻪ ﻭﺍﺷﺒﻴﻬﺎ ﺭﺟﻠﻚ ﺣﺘﺊ ﺗﺴﻮﻳﻠﻬﺎ ﻋﻤﻠﻴﻪ ?
ﮔﺎﻟﻪ ﺳﻴﺪﻱ ﺑﻴﻬﺎ ﺑﺴﻤﺎﺭ ﻟﺤﻢ ﻭﻣﺎﺍﮔﺪﺭ ﺍﺩﺍﻭﻡ
ﺟﺎﻭﺑﻪ ﺷﻮ ﺍﻧﺰﻉ ﺑﺴﻄﺎﻟﻚ ﺧﻞ ﺍﺷﻮﻓﻬﺎ
ﺍﻭﻟﻴﺪﻱ ﻫﻢ ﻣﺎﺟﺬﺏ ﺍﺍﻟﺨﺒﺮ ﺩﻧﮓ ﻧﺰﻉ ﺑﺴﻄﺎﻟﻪ ﻭﺟﺎﺭﻭﺑﻪ
ﺍﻳﮕﻮﻝ ﻣﺎﺣﺴﻴﺖ ﻏﻴﺮ ﺑﺎﻟﻢ ﻓﻀﻴﻊ ﻋﺒﺎﻟﻲ ﺭﺟﻠﻲ ﺍﻧﺸﻠﺖ ﻭﺍﻧﻲ ﺍﺷﻮﻓﻪ ﺍﺷﻠﻮﻥ ﺑﭽﻌﺐ ﺍﻟﻌﻜﺎﺯﺓ ﺿﻐﻂ ﻋﻠﺊ ﺭﺟﻠﻲ ﻭﻋﺼﺮ ﻣﻜﺎﻥ ﺍﻟﺒﺴﻤﺎﺭ ﻟﺤﺪ ﻣﺎﻃﮓ ﺍﻟﺪﻡ ﻣﻨﻪ
ﻳﮕﻮﻝ ﺍﻧﻲ ﮔﻮﺓ ﻛﺎﺗﻢ ﺻﺮﺧﺘﻲ ﻻﻥ ﺍﻻﻟﻢ ﻓﻀﻴﻊ ﻫﻮ ﺍﻧﻲ ﻟﻴﻠﻲ ﻣﺎﻧﺎﻳﻤﻪ ﻣﻦ ﺍﻟﻮﺟﻊ ﺍﻧﻮﺏ ﺍﺟﻪ ﺍﻟﻌﻤﻴﺪ ﻋﺼﺮﻫﺎ ﺑﺪﻭﻥ ﺭﺣﻤﻪ ﻭﺍﻧﻲ ﺍﺷﻮﻓﻪ ﺍﺷﻠﻮﻥ ﺿﺎﻏﻄﻬﺎ ﻭﻳﺪﻭﺱ ﺑﻜﻞ ﻗﻮﺗﻪ ﻉ ﺍﻟﻤﻜﺎﻥ ﺷﺎﻏﺖ ﺭﻭﺣﻲ ﺑﺪﻭﻥ ﺻﻮﺕ ﻻﻥ ﺑﺲ ﺍﺣﺠﻲ ﻳﻌﺎﻗﺒﻨﻲ ﻋﻘﻮﺑﻪ ﺍﺷﺪ ﻭﺍﻟﻤﻌﺮﻭﻑ ﻋﻨﻪ ﻣﺎﻳﺘﻔﺎﻫﻢ ﻭﻋﻘﻮﺑﺎﺗﻪ ﻗﺎﺳﻴﻪ ﺑﺪﻭﻥ ﺭﺣﻤﻪ
ﺗﺎﻟﻲ ﮔﺎﻟﻪ ﺭﻭﺡ ﺍﺭﺟﻊ ﺍﻟﻤﻮﻗﻌﻚ ﻭﻫﺎﻱ ﺳﻮﻳﺘﻠﻚ ﻋﻤﻠﻴﻪ ﺑﺪﻭﻥ ﺍﺟﺎﺯﺓ ﻭﺑﺪﻭﻥ ﺑﻨﺞ ﺣﺘﺊ ﻣﺎﺗﻌﻴﺪﻫﺎ ﺑﻌﺪ
ﻭﻏﻴﺮﻫﻦ ﻭﻏﻴﺮﻫﻦ ﻣﺼﺎﻳﺐ ﺍﻫﻮﺍﻱ ﺍﺷﻠﻮﻥ ﺗﺮﺩﻳﻦ ﻣﺎﻳﻘﺴﺊ ﮔﻠﺒﻪ ﻭﻫﻮ ﺷﺎﺭﺏ ﻛﺎﺱ ﺍﻟﻤﺮ ﻭﺟﺎﺭﻋﻪ ﺑﺜﻨﻴﻦ ﺍﺩﻱ
ﻻﺭﺍ،،ﻫﻲ ﺗﺤﺠﻲ ﻭﺍﻧﻲ ﺻﺎﻓﻨﻪ ﻋﻠﻴﻬﺎ ﻣﺎﺍﻋﺮﻑ ﺷﻨﻮ ﺍﺟﺎﻭﺑﻬﺎ
ﺍﻡ ﺍﺣﻼﻡ،،ﺍﻟﻤﺮﺓ ﻫﻲ ﺍﻟﺘﻌﺮﻑ ﺗﻜﺴﺐ ﺍﻟﺰﻟﻤﻪ ﺳﺎﻳﺴﻲ ﺑﻨﻴﺘﻲ ﺍﺩﺭﻱ ﻋﺼﺒﻲ ﻭﻃﺒﻌﻪ ﺻﻌﺐ ﺑﺲ ﻛﻠﺸﻲ ﺑﺎﻟﻤﺴﺎﻳﺲ ﻳﻠﻴﻦ
ﻭﺍﻟﻠﻪ ﻳﻬﺪﻱ ﺳﺮﻛﻢ ﻣﺎﺍﮔﻮﻝ ﻏﻴﺮ ﻫﺬﺍ ﺍﻟﺸﻲ
ﻭﻋﺒﺎﻟﺞ ﺍﻧﻪ ﺭﺍﺿﻴﻪ ﻉ ﺍﻟﺴﻮﺍﻩ ?
ﻻ ﻭﺍﻟﻠﻪ ﻣﺎﺭﺍﺿﻴﻪ ﻻﻥ ﻋﻨﺪﻱ ﺍﺑﻨﻴﻪ ﻣﺎﺍﺭﻳﺪ ﺍﺷﻮﻑ ﻫﻴﺞ ﻳﻮﻡ ﺑﻴﻬﺎ
ﺻﺢ ﺍﻟﺴﻮﺍﻩ ﻏﻠﻂ ﻭﻣﺮﺍﺡ ﺍﺳﺎﻣﺤﻪ ﻋﻠﻲ ﺑﺲ ﺍﻟﺤﻘﺪ ﻣﻦ ﻳﻌﻤﻲ ﺍﻟﺒﺸﺮ ﻳﺨﻠﻲ ﻳﺘﺼﺮﻑ ﺑﺪﻭﻥ ﻭﻋﻲ ﻳﺨﻠﻲ ﻳﺮﻳﺪ ﺑﺲ ﻳﻨﺘﻘﻢ ﻣﻦ ﺍﻻﺫﻭ ﻣﺎﻳﻔﻜﺮ ﺑﺎﻟﻨﺘﻴﺠﻪ ﻛﻞ ﺍﻟﻲ ﻳﻬﻤﻪ ﺍﻻﻧﺘﻘﺎﻡ
ﻻﺭﺍ،،ﻭﻛﻌﺖ ﺩﻣﻌﺘﻲ ﺟﺮﺗﻨﻲ ﺍﻟﺤﻀﻨﻬﺎ ﺑﺎﺳﺖ ﺭﺍﺳﻲ ﻭﺻﺎﺭﺕ ﺗﻤﺴﺪ ﺑﺸﻌﺮﻱ
ﺷﻤﻴﺖ ﺑﺜﻮﺑﻬﺎ ﺭﻳﺤﺔ ﻣﺤﻨﻪ ﻣﺎﺷﺎﻣﺘﻬﺎ ﺑﺤﻀﻦ ﺍﻣﻲ
ﻭﺍﺻﻼ ﻣﺎﺍﺫﻛﺮ ﻳﻮﻡ ﺧﻠﺘﻨﻲ ﺑﺤﻀﻨﻬﺎ ﻟﻮ ﺳﺎﻟﺘﻨﻲ ﺷﺒﻴﺞ ﻣﺎﺑﻴﺞ
ﺑﻘﻴﺖ ﺑﺤﻀﻨﻬﺎ ﻭﺍﺑﺠﻲ ﺑﺪﻭﻥ ﺻﻮﺕ ﻭﻛﻞ ﺷﻮﻳﻪ ﺍﺩﻧﻚ ﺍﺗﺒﻮﺳﻨﻲ ﺑﺮﺍﺳﻲ
ﻋﺠﻴﺐ ﺍﻣﺮﻫﺎ ﺷﻮ ﺍﻣﻲ ﺟﺎﻧﺖ ﺍﺗﮕﻮﻝ ﻋﻨﻬﺎ ﺣﻘﻴﺮﺓ ﻭﻣﺎﺍﺗﺤﺐ ﺍﺣﺪ ﺗﺎﻟﻲ ﻫﺴﻪ ﻣﺎﺷﻔﺖ ﻣﻨﻬﺎ ﻏﻴﺮ ﺍﻟﻤﻌﺎﻣﻠﻪ ﺍﻟﻄﻴﺒﻪ ﺭﻏﻢ ﺍﻟﺼﺎﺭ ﺑﺲ ﻣﺎﻗﺒﻠﺖ ﻋﻠﺊ ﺗﺼﺮﻑ ﺍﺑﻨﻬﺎ ﻭﻳﺎﻱ
ﺑﻌﺪﺗﻨﻲ ﻋﻨﻬﺎ ﻭﻟﺰﻣﺖ ﻭﺟﻬﻲ ﺑﻴﺪﻫﺎ
ﺍﻡ ﺍﺣﻼﻡ،،ﮔﻮﻣﻲ ﻳﺒﻨﻴﺘﻲ ﻛﻮﻟﻲ ﻳﺎﺍﻟﻠﻪ ﻭﻏﺴﻠﻲ ﻭﺟﻬﺞ
ﻭﺍﺻﻌﺪﻱ ﺍﺭﺗﺎﺣﻲ ﺑﻐﺮﻓﺘﺞ
ﻗﻞ ﻣﺎﻳﺼﻴﺒﻨﺎ ﺍﻟﺊ ﻣﺎﻛﺘﺐ ﺍﻟﻠﻪ ﻟﻨﺎ
ﻳﻴﻤﻪ ﺍﻟﻤﻜﺘﻮﺏ ﻉ ﺍﻟﺠﺒﻴﻦ ﻻﺯﻡ ﺍﺗﺸﻮﻓﻪ ﺍﻟﻌﻴﻦ ﻭﻫﺬﺍ ﺣﻀﺞ ﻣﻦ ﺍﻟﻠﻪ ﻭﻫﺬﺍ ﺍﻟﻤﻜﺘﻮﺏ ﻋﻠﺊ ﮔﺼﺘﺞ ﺍﺗﺤﻤﻠﻲ ﻭﺍﻧﺸﺎﺀﺍﻟﻠﻪ ﺍﻟﻠﻪ ﻳﺮﻳﺢ ﮔﻠﺒﺞ
ﻻﺭﺍ،،ﻛﻼﻣﻬﺎ ﻣﺜﻞ ﺍﻟﻤﻬﺪﺉ ﺍﺣﺲ ﻧﻔﺴﻲ ﺍﺭﺗﺎﺣﻴﺖ
ﻛﻤﺖ ﻣﻦ ﻳﻤﻬﺎ ﺻﺎﺣﺖ ﺍﻟﻔﺎﻃﻤﻪ ﮔﺎﻟﺘﻠﻬﺎ ﺻﻌﺪﻱ ﻣﺮﺓ ﺍﺧﻮﺝ ﺍﻟﻐﺮﻓﺘﻬﺎ
ﺻﻌﺪﻧﻪ ﺍﻧﻲ ﻭﻓﺎﻃﻤﻪ ﺷﻔﺖ ﺿﺮﻏﺎﻡ ﻳﻨﺤﺜﻞ ﺑﺎﻟﺠﺮﺑﺎﻳﻪ ﺍﻡ ﻧﻔﺮ ﻭﺍﺣﺪ ﻧﺰﻟﻬﺎ ﻣﻦ ﺍﻟﺴﻄﺢ ﺣﺪﻳﺪ
ﺣﻄﻬﺎ ﺑﺎﻟﻐﺮﻓﻪ ﻧﺼﺒﻬﺎ ﻭﻓﺎﻃﻤﻪ ﺭﺍﺣﺖ ﺟﺎﺑﺖ ﺍﻓﺮﺍﺵ ﻓﺮﺷﺘﻬﺎ
ﺍﻟﻐﺮﻓﻪ ﺑﻴﻬﺎ ﺑﻮﻓﻴﻪ ﺻﻐﻴﺮﺓ ﻋﻠﻴﻬﺎ ﺍﻓﺮﺍﺷﺎﺕ ﻭﺑﻴﻬﺎ ﻣﻮﺍﻋﻴﻦ ﺑﺎﻟﺨﺎﻧﻪ ﺍﻻﻭﻟﺊ
ﻭﺟﻮﺓ ﺑﻴﻬﺎ ﺍﺭﺑﻊ ﻛﻮﻣﺪﻳﺎﺕ ﺍﺛﻨﻴﻦ ﺑﻴﻬﻦ ﻣﻌﺎﻟﻴﮓ ﻟﻠﻤﻼﺑﺲ ﻭﺍﺛﻨﻴﻦ ﺍﺻﻐﺎﺭ
ﺿﺮﻏﺎﻡ،،ﻭﻫﺎﻱ ﺍﻟﻐﺮﻓﻪ ﺻﺎﺭﺕ ﺟﺎﻫﺰﺓ
ﻻﺭﺍ،،ﺍﺑﺘﺴﻤﺖ ﻙ ﻣﺠﺎﻣﻠﻪ ﻛﺘﻠﻪ ﺷﻜﺮﺍ ﺗﻌﺒﺘﻚ
ﺿﺮﻏﺎﻡ،،ﺗﻌﺒﺞ ﺭﺍﺣﻪ ﻳﺎﺑﻪ ﺷﻤﺴﻮﻳﻦ ﻗﺎﺑﻞ ?
ﻻﺭﺍ،،ﺗﺮﻛﻮﻧﻲ ﻭﻧﺰﻟﻮ ﺳﺪﻳﺖ ﺍﻟﺒﺎﺏ ﻧﺰﻋﺖ ﺷﺎﻟﻲ ﻭﺍﺧﺬﺕ ﺍﻟﺠﻨﻄﻪ ﺍﺭﺗﺐ ﺑﺎﻟﻤﻼﺑﺲ ﺍﺣﻄﻬﻦ ﺑﺎﻟﺒﻮﻓﻴﻪ
ﺟﺮﻳﺖ ﺍﻟﻌﻠﺒﻪ ﻣﺎﻝ ﺍﻟﺬﻫﺐ ﻃﻠﻌﺖ ﺍﻟﮕﻼﺩﺓ ﺷﮕﺪ ﺟﻨﺖ ﻓﺮﺣﺎﻧﻪ ﺑﻴﻬﺎ
ﺑﺲ ﺑﻌﺪ ﺍﻟﺼﺎﺭ ﻧﺰﻋﺘﻬﺎ ﻻﻥ ﻛﺮﻫﺘﻬﺎ ﻣﺜﻞ ﻣﺎﻛﺮﻫﺖ ﺻﺎﺣﺒﻬﺎ
ﺍﺣﺲ ﺍﺳﻤﻪ ﻭﻫﻮ ﻣﻨﻘﻮﺵ ﻋﻠﻴﻬﺎ ﺣﺒﻞ ﻳﺨﻨﮕﻨﻲ
ﺭﺟﻌﺘﻬﺎ ﺍﻟﻌﻠﺒﺘﻬﺎ ﺧﻠﻴﺘﻬﺎ ﻉ ﺍﻟﻤﻴﺰ ﻧﺎﻭﻳﻪ ﺍﺭﺟﻌﻬﺎ ﺍﻟﻪ ﻛﺎﺭﻫﺎ ﺣﺘﺊ ﺍﺳﻤﻪ
ﺑﻘﻴﺖ ﮔﺎﻋﺪﺓ ﻟﻠﻮﺣﺪﺓ ﺑﻠﻴﻞ ﺍﺗﺼﻠﺖ ﺑﻤﺤﻤﺪ ﻃﻤﻨﺘﻪ ﻋﻠﺊ ﻭﺿﻌﻲ ﻭﻫﻢ ﺍﻃﻤﻨﺖ ﻋﻠﺊ ﻭﺿﻊ ﺍﺑﻮﻱ
ﺑﻌﺪﻫﺎ ﺳﺪﻳﺘﻪ ﺭﺩﺕ ﺍﻧﺎﻡ ﺑﺲ ﺍﻧﺤﺼﺮﺕ ﮔﻤﺖ ﻃﻠﻌﺖ ﺑﺪﻭﻥ ﺣﺠﺎﺏ ﺍﻛﻴﺪ ﻛﻠﻬﺎ ﻧﺎﻳﻤﻪ
ﻧﺰﻟﺖ ﻋﻠﺊ ﻛﻴﻒ ﺩﺧﻠﺖ ﻟﻠﺘﻮﺍﻟﻴﺖ ﺑﻌﺪﻫﺎ ﺭﺣﺖ ﻟﻠﻤﻄﺒﺦ ﺷﺮﺑﺖ ﻣﺎﻱ ﻭﺭﺩﺕ ﺍﺻﻌﺪ ﺍﺗﻔﺎﺟﺌﺖ ﺑﺪﺧﻮﻝ ﺿﺮﻏﺎﻡ ﻳﻤﻜﻦ ﺟﺎﻥ ﺑﺎﻟﺤﺪﻳﻘﻪ ﺍﺷﻠﻮﻥ ﻓﺸﻠﻪ ﺷﺎﻓﻨﻲ ﺑﺪﻭﻥ ﺣﺠﺎﺏ ﺗﺮﻛﺘﻪ ﻭﺻﻌﺪﺕ ﺑﻌﺪﻧﻲ ﺏ ﺍﺧﺮ ﺩﺭﺟﻪ ﺻﺎﺭ ﺑﻮﺟﻬﻲ ﺭﺍﻫﺐ ﻳﻨﺸﻒ ﺑﺸﻌﺮﺓ
ﺑﺎﻭﻋﻠﻲ ﻭﺑﺎﻭﻉ ﺍﻟﺠﻬﺔ ﺍﻻﺳﻔﻞ ﺍﻟﺒﻴﻬﺎ ﺿﺮﻏﺎﻡ ﻭﺍﮔﻒ ﻣﺪﺭﻱ ﺷﻴﺴﻮﻱ
ﻣﺎﺍﻫﺘﻤﻴﺘﻠﻪ ﺍﺗﻌﺪﻳﺘﻪ ﻭﻛﻤﻠﺖ ﻃﺮﻳﻘﻲ ﻟﻠﻐﺮﻓﻪ
ﺳﺪﻳﺖ ﺍﻟﺒﺎﺏ ﻭﺑﻠﺤﻀﻪ ﺍﻧﻔﺘﺢ ﺑﻘﻮﺓ ﻟﻤﻦ ﺍﺗﺮﺍﺟﻌﺖ ﻟﻮﺭﺓ ﻋﺒﺎﻟﻲ ﻫﺠﻮﻡ
ﺩﺧﻞ ﻭﺳﺪ ﺍﻟﺒﺎﺏ ﻭﻫﻮ ﻭﺟﻬﺎ ﺍﺗﺤﺴﻪ ﺭﺍﺡ ﻳﻨﻔﺠﺮ ﻣﻦ . ﺍﻟﻌﺼﺒﻴﻪ ﺣﺠﻪ ﻭﻫﻮ ﺻﺎﻙ ﻋﻠﺊ ﺍﺳﻨﺎﻧﻪ ﻭﻳﺘﻘﺮﺏ ﻣﻨﻲ
ﺭﺍﻫﺐ،،ﺷﺘﺴﻮﻭﻭﻳﻦ ﻧﺎﺯﻟﻪ ﺑﺪﻭﻭﻥ ﺣﺠﺎﺏ ?
ﻻﺭﺍ،،ﻣﺎﺷﺎﻣﻪ ﮔﻔﻪ ﺍﻳﺪﻱ ﺑﻌﺪﻛﻢ ﮔﺎﻋﺪﻳﻦ
ﺣﺠﻴﺘﻬﺎ ﻭﺩﺭﺕ ﻭﺟﻬﻲ ﻣﺎﺣﺴﻴﺖ ﻏﻴﺮ ﺩﻓﻌﻨﻲ ﻉ ﺍﻟﺤﺎﻳﻂ ﺍﺣﺲ ﺍﻋﻀﺎﻣﻲ ﺍﻧﻜﺴﺮﺕ
ﺭﺩﺕ ﺍﺑﻌﺪ ﻋﻨﻪ ﻭﻫﻮ ﺣﺎﺻﺮﻧﻲ ﺑﺠﺴﻤﻪ
ﻭﺧﺮﺭ ﻋﻨﻲ
ﺭﺍﻫﺐ،، ﻟﻴﺶ ?
ﺍﺗﺨﺎﻓﻴﻦ ﺍﺗﻀﻌﻔﻴﻦ ﺑﻴﺪﻱ ﻣﻦ ﺍﻟﺰﻣﺞ ?
ﻻﺭﺍ،،ﺍﺑﺘﺴﻤﺖ ﺏ ﺍﺳﺘﻬﺰﺍﺀ
ﺍﻟﻀﺎﻫﺮ ﻧﺴﻴﺖ ﻛﻼﻣﻲ ﻣﻦ ﻛﺘﻠﻚ ﺻﺮﺕ ﺍﻛﺮﻫﻚ ﻣﻦ ﺗﻠﻤﺴﻨﻲ ﺍﻛﺮﻫﻚ ﺗﻌﺮﻑ ﺷﻨﻮ ﺍﻛﺮﻫﻚ
ﺿﺮﺑﻨﻲ ﻋﻠﺊ ﺣﻠﮕﻲ ﺑﮕﻔﻪ ﺍﻳﺪﺓ
ﺍﺧﺘﻨﮕﺖ ﻭﺩﻣﻮﻋﻲ ﻏﺼﺐ ﻋﻨﻲ ﺟﺮﻥ ﺑﺠﻴﺖ ﮔﺘﻠﻪ ﻳﺎﺍﻟﻠﻪ ﻭﺧﺮ ﻋﻨﻲ
ﻫﺎﻱ ﺟﻴﺘﻚ ﻋﻠﻤﻮﺩ ﺗﻀﺮﺑﻨﻲ ﻭﺗﻬﻴﻨﻲ ﻭﺑﺲ ﻣﺎﻫﺎﻣﻚ ﺍﻟﺤﺠﺎﺏ
ﺭﺍﻫﺐ،،ﺻﻮﺗﺞ ﻻﺍﮔﻠﺐ ﺧﻠﻘﺘﺞ
ﻭﺑﻌﺪﻳﻦ ﻻﻳﺒﻮﻱ ﺍﻧﺰﻟﻲ ﻋﺮﻳﺎﻧﻪ ﺑﺤﺠﺔ ﻛﻠﻬﺎ ﻧﺎﻳﻤﻪ ﻭﻣﺤﺪ ﻳﺸﻮﻓﺞ
ﺍﺳﻤﻌﻲ ﻭﻟﺞ ﺣﺠﺎﺑﺞ ﻣﺎﻳﻨﺰﻝ ﻣﻦ ﺭﺍﺳﺞ ﮔﺪﺍﻡ ﺿﺮﻏﺎﻡ
ﻭﺍﺗﺮﺍﻙ ﻣﺎﺍﺭﻳﺪ ﺣﺎﻟﺞ ﺣﺎﻝ ﻓﺎﻃﻤﻪ ﺍﺗﻠﺒﺴﻴﻦ ﺩﺷﺎﺩﻳﺶ ﺍﻋﺮﺍﺽ
ﻭﺍﺫﺍ ﻟﻤﺤﺘﺞ ﻻﺑﺴﻪ ﺍﺗﺮﺍﻙ ﻭﺍﻟﻜﻌﺒﻪ ﺍﻣﺰﮔﻪ ﻋﻠﻴﺞ ﻓﺎﻫﻤﻪ ?
ﻻﺭﺍ،،ﻣﻮ ﻣﺎﺍﻫﻤﻚ ﻭﻣﺎﺗﺤﺒﻨﻲ ﻭﻛﻠﻪ ﺗﻤﺜﻴﻞ ?
ﺑﻌﺪ ﻋﻠﻴﺶ ﻣﻬﺘﻢ ﺑﻠﺒﺴﻲ ﻭﺑﺤﺠﺎﺑﻲ ?
ﺍﻟﺒﺲ ﺍﻟﻴﻌﺠﺒﻨﻲ ﻭﺑﻜﻴﻔﻲ
ﺟﻨﺖ ﺍﺣﺠﻲ ﻭﺍﻧﺎﺷﻎ
ﺭﺍﻫﺐ،،ﻻﺗﺨﺘﺒﺮﻳﻦ ﺻﺒﺮﻱ ﻭﻳﺎﺝ ﺟﺮﻱ ﻋﺪﻝ ﻭﺻﻴﺮﻱ ﺧﻮﺵ ﺍﺩﻣﻴﻪ
ﻻﻋﺒﺎﻟﺞ ﻧﺎﺳﻲ ﺣﺠﺎﻳﺘﺞ ﻣﺎﻝ ﺍﻟﻴﻮﻡ ﺍﻟﺼﺒﺢ
ﻭﺣﺘﺊ ﺣﺠﺎﻳﺎﺗﺞ ﺍﻟﻘﺪﻳﻤﻪ ﻭﺍﻏﻼﻃﺞ ﻣﺴﺠﻠﻬﻦ
ﺟﺒﺘﺞ ﻳﻤﻲ ﺣﺘﺊ ﺍﻃﻠﻌﻬﻦ ﻛﻠﻬﻦ
ﻻﺭﺍ،،ﺩﺭﺕ ﻭﺟﻬﻲ ﻋﻨﻪ ﻭﺍﺑﺘﺴﻤﺖ ﺑﻄﺮﻑ ﺷﻔﺘﻲ ﺍﺳﺘﻬﺰﺀ ﺑﻜﻼﻣﻪ
ﺑﻠﺤﻀﻪ ﺳﺤﺒﻨﻲ ﺍﻟﺼﺪﺭﺓ ﺍﻳﺪﺓ ﻣﺤﺎﻭﻁ ﺑﻴﻬﺎ ﺧﺼﺮﻱ
ﻭﺍﻻﻳﺪ ﺍﻟﺜﺎﻧﻴﻪ ﻻﻓﻬﺎ ﻭﺭﺓ ﺭﺍﺳﻲ
ﻣﻘﺮﺏ ﻭﺟﻬﻲ ﻣﻦ ﻭﺟﻬﺎ ﺍﻗﺘﺮﺏ ﺍﻛﺜﺮ ﻳﻢ ﺍﺫﻧﻲ ﺍﺗﻼﻣﺴﺖ ﺑﺸﺮﺗﻪ ﺑﺨﺪﻱ ﻻﺍﺭﺍﺩﻳﺔ ﺭﺟﻒ ﺟﺴﻤﻲ ﻣﻮ ﺣﺐ ﻭﺍﻧﻤﺎ ﺧﻮﻑ ﻭﺭﻫﺒﻪ ﺍﺧﺎﻑ ﻳﺮﺟﻊ ﻳﻘﺘﺮﺏ ﻣﻨﻲ ﻏﺼﺐ ﻋﻨﻲ
ﻫﻤﺴﺖ ﺑﺼﻮﺕ ﻭﺍﻫﻦ ﻭﺧﺮ ﻋﻨﻲ
ﺭﺍﻫﺐ،،ﻭﻟﻴﺶ ﮔﻤﺘﻲ ﺗﺮﺟﻔﻴﻦ ?
ﻻﺭﺍ،،ﺑﻘﻴﺖ ﺳﺎﻛﺘﻪ ﻭﺍﺗﻨﻔﺲ ﺳﺮﻳﻊ ﺑﺲ ﻣﺎﻣﻨﻌﺖ ﻧﻔﺴﻲ ﺍﺑﻌﺪﺓ ﻋﻨﻲ ﻭﻫﻮ ﺟﺎﻥ ﻻﺯﻣﻨﻲ ﺑﻘﻮﺓ ﻣﺜﺒﺘﻨﻲ ﺍﻟﺠﺴﻤﻪ
ﺭﺍﻫﺐ،،ﻟﻴﺶ ﺧﺎﻳﻔﻪ ?
ﺻﻮﺕ ﺩﮔﺎﺕ ﮔﻠﺒﺞ ﺻﺮﺕ ﺍﺳﻤﻌﻬﻦ ﻣﻦ ﻗﻮﺓ ﺩﮔﺎﺗﻪ
ﻫﻴﺞ ﺍﺗﺨﺎﻓﻴﻦ ﻣﻨﻲ ?
ﻻﺭﺍ،،ﻭﺍﻛﺮﻫﻚ ﻣﻮ ﺑﺲ ﺍﺧﺎﻑ ﻣﻨﻚ ﻻﻥ ﺍﻟﻤﺜﻠﻚ ﻣﺎﻟﻬﻢ ﺍﻣﺎﻥ
ﺭﺍﻫﺐ،،ﻣﻨﺎ ﻭﺟﺎﻱ ﺭﺍﺡ ﺍﺗﻜﺮﻫﻴﻨﻲ ﺍﻛﺜﺮ
ﻻﺭﺍ،،ﺗﺮﻛﻨﻲ ﻭﻃﻠﻊ ﻛﻌﺪﺕ ﻭﺍﻧﻲ ﺣﺎﻃﻪ ﺍﻳﺪﻱ ﻋﻠﺊ ﻛﻠﺒﻲ ﺍﺭﻳﺪﺓ ﻳﻬﺪﺉ ﺷﻮﻛﺖ ﻳﺒﻄﻞ ﻳﻨﺒﺾ ﻣﻦ ﻳﻜﻮﻥ ﻗﺮﻳﺐ ﻣﻨﻪ ?
ﺷﻮﻛﺖ ﺭﺍﺡ ﻳﻜﺮﻫﺎ ﻭﻳﺸﻮﻓﻪ ﺍﻧﺴﺎﻥ ﻋﺎﺩﻱ ﺣﺎﻟﻪ ﺣﺎﻝ ﺍﻱ ﺷﺨﺺ ﻣﺎﺍﺩﺭﻱ
ﺍﺗﻤﻨﻴﺖ ﺍﻗﺘﻠﻌﻪ ﻭﺍﺧﻠﻲ ﺣﺠﺎﺭﺓ ﻣﻜﺎﻧﻪ ﺣﺘﺊ ﻣﺎﻳﻨﺒﺾ ﺍﻟﻮﺍﺣﺪ ﻣﺎﻳﺴﺘﺎﻫﻞ
ﻛﻤﺖ ﺑﺎﻭﻋﺖ ﺍﻟﺤﻠﮕﻲ ﺑﺎﻟﻤﺮﺍﻳﻪ ﻋﺒﺎﻟﻲ ﺷﻔﺘﻲ ﻭﺍﺭﻣﻪ ﻣﻦ ﺿﺮﺑﺘﻪ ﺑﺲ ﻣﺎﺑﻴﻬﺎ ﺷﻲ ﻻﻥ ﻛﺎﻧﺖ ﺍﻟﻀﺮﺑﻪ ﺧﻔﻴﻔﻪ
ﻣﺎﺍﮔﺪﺭﺕ ﺍﻧﺎﻡ ﻻﻥ ﻣﻜﺎﻧﻲ ﻣﺘﻐﻴﺮ ﻭﺍﻟﺒﺎﺭﺣﻪ ﻫﻢ ﻣﺎﻧﻤﺖ
ﺑﻘﻴﺖ ﮔﺎﻋﺪﺓ ﺍﻟﻮﺟﻪ ﺍﻟﺼﺒﺢ ﻭﺍﻟﺘﻔﻜﻴﺮ ﻧﺨﺮ ﺭﺍﺳﻲ
ﺗﺎﻟﻲ ﻏﻔﻴﺖ ﺑﺪﻭﻥ ﻣﺎﺍﺣﺲ ﺑﻨﻔﺴﻲ ﻣﺎﮔﻌﺪﺕ ﻏﻴﺮ ﺍﻟﺴﺎﻋﻪ ﺏ 11 ﺍﻟﺼﺒﺢ
ﺑﺎﻭﻋﺖ ﻟﻠﺴﺎﻋﻪ ﻋﺰﺍﺍ ﺷﮕﺪ ﻧﺎﻳﻤﻪ ﻭﻓﺸﻠﻪ ﻣﻦ ﺍﻭﻝ ﻳﻮﻡ ﻣﺨﻠﺼﺘﻬﺎ ﻧﻮﻡ
ﻟﺒﺴﺖ ﺣﺠﺎﺑﻲ ﻭﻧﺰﻟﺖ ﻟﻜﻴﺘﻬﻢ ﻛﺎﻋﺪﻳﻦ ﻛﻠﻬﻢ ﺑﺎﻟﺼﺎﻟﻪ ﻳﺸﺮﺑﻮﻥ ﺟﺎﻱ ﺻﺎﺭﺕ ﻋﻴﻨﻲ ﺑﻌﻴﻨﻪ ﺧﺰﺭﻧﻲ ﻻﻥ ﻣﺎﻧﺰﻋﺖ ﺍﻻﺗﺮﺍﻙ
ﻣﺎﺍﻫﺘﻤﻴﺖ ﻭﺍﻣﻪ ﻫﻢ ﺻﺎﺣﺘﻠﻲ ﺭﺣﺖ ﮔﻌﺪﺕ ﻳﻤﻬﺎ ﺑﻌﺪ ﻣﺎﻏﺴﻠﺖ
ﺍﻡ ﺍﺣﻼﻡ،،ﻓﻄﻴﻢ ﻳﻤﻪ ﺻﺒﻲ ﻟﺨﻴﺘﺞ ﺟﺎﻱ
ﻻﺭﺍ،،ﺷﮕﺪ ﻃﻴﺒﻪ ﻫﺎﻱ ﺍﻟﻤﺮﺓ ﻭﻻﺟﻦ ﺍﺑﻮﻱ ﻫﺠﻢ ﺑﻴﺘﻬﺎ ﺑﺎﻟﻌﻜﺲ ﺍﺗﺤﺴﻬﺎ ﺷﺎﻳﻠﻪ ﻣﺤﻨﻪ ﺑﻜﻠﺒﻬﺎ ﻋﺠﻴﺒﻪ ﻭﻣﺴﺘﺤﻴﻞ ﺍﻟﻤﺜﻠﻬﺎ ﻳﻜﻮﻥ ﺷﺎﻳﻞ ﺣﻘﺪ
ﺍﺧﺬﺕ ﺍﻻﺳﺘﻜﺎﻥ ﻣﻦ ﻓﺎﻃﻤﻪ ﻭﺭﺍﻫﺐ ﻛﻞ ﻣﺎﻳﺤﺎﻭﻝ ﻳﺤﺠﻲ ﻭﻳﺎﻫﺎ ﺗﺴﻮﻱ ﺭﻭﺣﻬﺎ ﻣﺎﺗﺴﻤﻌﻪ ﻣﺒﻴﻨﻪ ﻃﺒﻌﻬﺎ ﺻﻌﺐ ﻭﺯﻋﻠﻬﺎ ﻃﻮﻳﻞ
ﺍﻡ ﺍﺣﻼﻡ،،ﻭﺍﻟﻠﻪ ﮔﻠﺒﻲ ﻃﮓ ﻋﻠﺊ ﺍﺣﻼﻡ ﻭﺟﻬﺎﻟﻬﺎ
ﺑﻴﺒﻲ ﺿﺮﻏﺎﻡ ﺧﺎﺑﺮ ﺍﻣﻚ ﻭﺧﺎﻟﺘﻚ ﺧﻞ ﻳﺠﻦ ﻭﻫﻢ ﻳﺤﻀﺮﻥ ﻋﺮﺱ ﺍﺧﻮﻫﻦ
ﺿﺮﻏﺎﻡ،،ﺻﺎﺭ ﺑﻴﺒﻲ ﺑﺲ ﺍﺑﻮﻱ ﺍﻟﻴﻮﻡ ﺧﻔﺎﺭﺓ ﺑﺎﺟﺮ ﻳﻨﺰﻝ ﺍﺳﺘﺮﺍﺣﻪ ﺑﻠﻴﻞ ﺍﺗﺼﻞ ﺑﻲ ﺣﺘﺊ ﻳﺠﻴﺒﻬﻦ ﺑﺎﺟﺮ ﺑﺎﺍﺫﻥ ﺍﻟﻠﻪ
ﻻﺭﺍ،،ﻋﺮﻓﺖ ﺗﻘﺼﺪ ﺑﻨﺎﺗﻬﺎ ﺍﻻﺛﻨﻴﻦ ﺍﻟﺒﺎﻗﻴﺎﺕ ﻻﻥ ﺍﻋﺮﻑ ﻋﻤﻲ ﻋﻨﺪﺓ ﺛﻠﺚ ﺑﻨﺎﺕ
ﻃﻮﻝ ﻣﺎﺟﻨﺖ ﻛﺎﻋﺪﺓ ﻳﺘﺨﺎﺯﺭ ﻭﻳﺎﻱ ﻣﺨﺎﺯﺭ ﺍﻟﻴﺸﻮﻓﻪ ﻋﺒﺎﻟﻚ ﻳﺮﻳﺪ ﻳﺎﻛﻠﻨﻲ
ﺗﺎﻟﻲ ﮔﺎﻝ ﺍﻧﻲ ﻃﺎﻟﻊ ﻟﺘﺴﻮﻥ ﻏﺪﺓ ﺭﺍﻳﺢ ﺍﺟﻴﺐ ﺟﺎﻫﺰ
ﺍﻡ ﺍﺣﻼﻡ،،ﺯﻳﻦ ﺑﻌﺪﻙ ﺗﻌﺮﻑ ﺑﺎﻻﺻﻮﻝ
ﺭﺍﻫﺐ،،ﻣﻘﺒﻮﻟﻪ ﻣﻨﺞ ﻳﺎﻟﻐﺎﻟﻴﻪ ﺑﺲ ﻣﻮ ﻟﻠﻲ ﺍﺑﺎﻟﺞ ﺑﺲ ﺍﻧﻲ ﻣﺸﺘﻬﻲ ﺍﻟﺴﻤﺞ ﻭﺭﺍﻳﺢ ﺍﺟﻴﺐ
ﻻﺭﺍ،،ﻣﺎﻳﻌﺮﻑ ﺍﺫﺍ ﻣﺎﻳﻔﺸﻞ ﻋﺒﺎﻟﻪ ﻛﺎﺗﻠﻪ ﺭﻭﺣﻲ ﻋﻠﺊ ﺳﻤﺠﺎﺗﻪ
ﺭﺍﺡ ﺳﺎﻋﻪ ﻭﺭﺟﻊ ﺟﺎﻳﺐ ﻋﻼﻟﻴﮓ ﻣﺎﺍﻫﺘﻤﻴﺖ ﻭﻻﺑﺎﻭﻋﺘﻠﻪ ﺳﻮﻳﺖ ﺭﻭﺣﻲ ﺣﺘﺊ ﻣﺎﺍﺷﻮﻓﻪ ﺭﺣﺖ ﻟﻠﺤﻤﺎﻡ ﺗﻮﺿﻴﺖ ﻭﻃﻠﻌﺖ ﺍﻟﻐﺮﻓﺔ ﺍﻟﺤﺠﻴﻪ ﺻﻠﻴﺖ ﺑﻴﻬﺎ
ﻛﻤﻠﺖ ﻭﻃﻠﻌﺖ ﻟﻜﻴﺘﻬﻢ ﻳﺼﻠﻮﻥ ﺑﺎﻟﺼﺎﻟﻪ
ﺑﻌﺪﻫﺎ ﮔﻌﺪﺕ ﻳﻤﻬﺎ
ﺍﻡ ﺍﺣﻼﻡ،،ﻻﺗﺤﻄﻤﻴﻦ ﺭﻭﺣﺞ ﺑﺎﻟﮕﻌﺪﺓ ﻳﻤﻪ ﺻﺮﺗﻲ ﺍﺑﻨﻴﺘﻨﻪ ﻣﻨﻪ ﻭﺑﻴﻨﻪ ﻭﺍﻟﺒﻴﺖ ﺑﻴﺘﺞ
ﮔﻮﻣﻲ ﻭﻳﻪ ﻓﻄﻴﻢ ﺟﻬﺰﻥ ﺍﻟﻐﺪﺓ ﺍﺭﻳﺪﺝ ﺍﻧﺘﻲ ﻭﻳﺎﻫﺎ ﺍﺧﻴﺎﺕ ﻻ ﺗﺴﺘﺤﻴﻦ
ﻻﺭﺍ،،ﮔﻤﺖ ﺻﺪﻙ ﻓﺸﻠﻪ ﺍﺑﻘﺊ ﻛﺎﻋﺪﺓ ﻛﻼﻣﻬﺎ ﻣﺎﺿﻮﺟﻨﻲ ﺑﺎﻟﻌﻜﺲ ﺧﻼﻧﻲ ﺍﻓﺮﺡ ﻻﻥ ﺗﻌﺎﻣﻠﻨﻲ ﺑﺤﻨﻴﻪ ﻭﺑﻄﻴﺒﻪ ﻋﻜﺲ ﺍﺑﻨﻬﺎ ﺍﻟﻌﻜﺮﺓ
ﺭﺣﺖ ﻟﻠﻤﻄﺒﺦ ﻓﺎﻃﻤﻪ ﻣﺪﺭﻱ ﺍﺷﺒﻴﻬﺎ ﺫﺍﺑﺘﻬﺎ ﻉ ﺍﻟﺼﺎﻣﺖ
ﻣﺎﺗﺤﺠﻲ ﺩﻭﺏ ﺍﺳﻤﻊ ﺻﻮﺗﻬﺎ
ﮔﺎﻟﺖ ﺑﺼﻮﺕ ﻧﺎﺻﻲ
ﻓﺎﻃﻤﻪ، ،ﺣﻀﺮﻱ ﺍﻟﺰﻻﻃﻪ ﻭﺍﻟﻄﺮﺷﻲ
ﻻﺭﺍ،،ﺍﻧﻄﺘﻨﻲ ﺍﻟﻤﻮﺍﻋﻴﻦ ﻭﺟﺎﺑﺖ ﺍﻟﻄﺮﺷﻲ ﻭﺍﻟﺨﻴﺎﺭ ﻭﺍﻟﻄﻤﺎﻃﻪ ﻏﺴﻠﺘﻪ ﻭﺍﻧﻄﺘﻨﻴﺎ
ﺳﻮﻳﺘﻬﺎ ﺑﺸﻘﻪ ﻭﻳﺎﻫﺎ ﻛﺘﻠﻬﺎ ﻣﺎﺿﻞ ﺑﺲ ﺛﺮﻡ ﺷﻮ ﻛﻠﻪ ﺟﻬﺰﺗﻲ ﺍﻧﺘﻲ
ﺍﺑﺘﺴﻤﺖ ﺑﻬﺪﻭﺉ ﻭﺩﺍﺭﺕ ﻭﺟﻬﺎ ﺗﺤﻀﺮ ﺑﺎﻟﺴﻤﺞ ﺗﺨﻠﻲ ﻉ ﺍﻟﺨﺒﺰ ﺑﺎﻟﺼﺤﻦ
ﺍﺧﺬﺕ ﺍﻟﺴﻔﺮﺓ ﻣﺪﺗﻬﺎ ﻭﺍﻧﻲ ﺧﻠﻴﺖ . ﻣﻮﺍﻋﻴﻦ ﺍﻟﺰﻻﻳﻂ
ﺑﺎﻟﺼﻴﻨﻴﻪ ﺷﻠﺘﻬﺎ ﻭﺭﺣﺖ ﻟﻠﺼﺎﻟﻪ ﺩﻧﮕﺖ ﺍﺣﻄﻬﺎ ﺭﻓﻌﺖ ﺭﺍﺳﻲ ﺷﻮ ﻫﺬﺍ ﺧﺰﺭﻧﻲ ﻭﺍﺷﺮﻟﻲ ﺑﺮﺍﺳﻪ ﺑﻤﻌﻨﺊ ﺭﻭﺣﻲ
ﺩﺧﻴﻞ ﺭﺑﻚ ﺑﺲ ﺗﺘﺨﺎﺯﺭ ﻋﻔﺘﻪ ﻭﻃﻠﻌﺖ ﻭﺍﻧﻲ ﺍﺩﺭﺩﻡ ﺑﻜﻠﺒﻲ
ﺣﺴﻴﺖ ﺧﻄﻮﺍﺕ ﻭﺭﺍﻱ ﺍﻧﺘﺒﻬﺘﻠﻪ ﺍﺟﻪ ﻟﻠﻤﻄﺒﺦ ﻓﺘﺢ ﺍﻟﺜﻼﺟﻪ ﻃﻠﻊ ﺑﻄﻞ ﻣﺎﻱ ﺷﺮﺏ ﻣﻨﻪ ﻭﺭﺟﻌﻪ ﻗﺒﻞ ﻣﺎﻳﻄﻠﻊ ﮔﺎﻝ ﻭﻫﻮ ﻗﺮﻳﺐ ﻣﻨﻲ
ﺭﺍﻫﺐ،،ﺩﻧﮕﻲ ﻣﺮﺓ ﺛﺎﻧﻴﻪ ﻭﺷﻮﻓﻲ ﺍﺷﻠﻮﻥ ﺍﻣﺪﺝ ﺑﻨﺼﻬﻢ ﻭﺍﮔﻄﻊ ﺍﻟﺤﺰﺍﻡ ﻋﻠﺊ ﺿﻬﺮﺝ
ﻻﺭﺍ،،ﻣﺎﻳﺮﺗﺎﺡ ﺍﺫﺍ ﻣﺎﻳﻨﻐﺼﻨﻲ ﺑﻜﻠﻤﻪ ﻋﺎﻓﻨﻲ ﻭﺭﺍﺡ ﺭﺣﺖ ﻭﺭﺍﻩ ﺑﺲ ﺍﻧﺴﺪﺕ ﻧﻔﺴﻲ ﻋﻦ ﺍﻻﻛﻞ ﻻﻥ ﺳﻤﻤﻨﻲ ﺑﻜﻼﻣﻪ ﻭﺷﺒﻌﺖ
ﺭﺣﺖ ﮔﻌﺪﺕ ﻳﻤﻬﻢ ﺍﻡ ﺭﺍﻫﺐ ﺣﻄﺖ ﻛﺪﺍﻣﻲ ﺳﻤﺠﻪ ﻣﺎﺗﺪﺭﻱ ﺍﺑﻨﻬﺎ ﻛﻔﻪ ﺍﻭﻓﻪ
ﺍﻡ ﺍﺣﻼﻡ،،ﺍﻛﻠﻲ ﻳﻤﻪ ﻣﺎﺗﻌﺸﻴﺘﻲ ﺍﻟﺒﺎﺭﺣﻪ ﻭﺍﻟﻴﻮﻡ ﺑﺪﻭﻥ ﺭﻳﻮﮒ ﺍﺫﺍ ﻣﺎﻛﻠﺘﻲ ﺍﺯﻋﻞ ﻭﻳﺎﺝ
ﻻﺭﺍ،،ﺷﮕﺪ ﺣﺒﻴﺘﻬﺎ ﻫﻠﻤﺮﺓ ﻋﺒﺎﻟﻚ ﻃﻔﻠﺔ ﻛﺪﺍﻣﻬﺎ ﻭﺗﻘﻨﻊ ﺑﻴﻪ ﺍﺫﺍ ﻣﺎﺍﻛﻠﺖ ﺗﺰﻋﻞ ﻣﻨﻲ
ﻣﺎﺭﺩﺕ ﺍﻓﺸﻠﻬﺎ ﻣﺪﻳﺖ ﺍﻳﺪﻱ ﺑﺲ ﻣﺎﺍﻛﻠﺖ ﺳﻤﺞ ﺫﻛﺮﺕ ﺍﺣﺠﺎﻳﺘﻪ ﻣﻦ ﮔﺎﻝ ﻫﻮ ﻣﺸﺘﻬﻲ ﺍﻟﺴﻤﺞ
ﺟﺮﻳﺖ ﺧﺒﺰﺓ ﻭﺻﺮﺕ ﺍﻛﻞ ﺑﺲ ﺧﺒﺰ ﻭﺍﻏﻤﺲ ﺑﺎﻟﻄﺮﺷﻲ
ﺍﻡ ﺍﺣﻼﻡ،،ﻳﺎﻳﺎﻳﺎ ﻭﻟﺞ ﻋﻤﻪ ﺷﻨﻮ ﻫﺬﺍ ﺍﻛﻠﺞ ?
ﺍﻛﻠﻴﻠﺞ ﻟﺤﻤﻪ ﺗﻠﺰﻡ ﮔﻠﺒﺞ ﺍﻛﻮ ﻭﺍﺣﺪ ﻳﻐﻤﺲ ﺧﺒﺰ ﻭﻃﺮﺷﻲ
ﻻﺭﺍ،،ﮔﺘﻠﻬﺎ ﻋﻤﻪ ﻣﺎﺍﺣﺐ ﺍﻟﺴﻤﺞ
ﺍﻧﺘﺒﻬﺘﻠﻪ ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ ﻳﺪﺭﻱ ﺑﺴﺒﺐ ﻛﻼﻣﻪ ﻣﺎﺍﻛﻠﺖ
ﺭﺍﻫﺐ،،ﻋﻮﻓﻴﻬﺎ ﺣﺠﻴﻪ ﺍﻟﻴﺎﻛﻞ ﺑﻀﺮﺳﻪ ﻳﻨﻔﻊ ﻧﻔﺴﻪ
ﺍﻡ ﺍﺣﻼﻡ،،ﺍﻧﺘﻪ ﺑﺲ ﻻﺗﺪﺧﻞ ﺑﻴﻬﺎ ﻭﻫﻲ ﺗﺎﻛﻞ
ﻻﺭﺍ،،ﺍﺑﺘﺴﻤﺖ ﻋﻠﺊ ﺍﻟﻘﺼﻒ ﺍﻟﺘﻘﺼﻔﻪ ﻝ ﺍﺑﻨﻬﺎ ﻛﻞ ﺷﻮﻳﻪ ﺗﻔﺸﻠﻪ
ﺍﻟﻠﻪ ﻻﻳﻮﮔﻊ ﻭﺍﺣﺪ ﺑﻠﺴﺎﻧﻬﺎ ﻭﻳﺨﻠﻴﻬﺎ ﺗﺰﻋﻞ ﻣﻨﻪ ﺍﻟﻪ ﺍﻃﻴﻦ ﻋﻴﺸﺘﻪ ﺑﺰﻋﻠﻬﺎ
ﺑﺎﻭﻋﺘﻠﻪ ﺑﺸﻤﺎﺗﻪ ﻉ ﺍﻟﺮﺯﺍﻟﻪ ﻣﺎﺍﻫﺘﻢ ﺩﺍﺱ ﻉ ﺍﻟﻜﻞ ﺩﻭﺳﻪ ﻭﻧﺺ ﺍﺗﮕﻮﻝ ﻣﻔﺠﻮﻉ ﻭﺯﻧﻪ ﺛﺎﺑﺖ ﻻﻳﺰﻳﺪ ﻭﻻﻳﻨﻘﺺ ﻭﺍﻧﻲ ﺑﺤﺼﺮﺓ ﺍﻛﻞ ﺷﻲ ﺣﻠﻮ ﻭﻛﻞ ﺍﻛﻠﻪ ﻻﺯﻡ ﺍﺣﺴﺐ ﺳﻌﺮﺍﺗﻬﺎ ﺍﻟﺤﺮﺍﺭﻳﻪ ﺧﺎﻑ ﺗﺴﺒﺐ ﺳﻤﻨﻪ
ﻭﻫﻮ ﻃﺎﻟﻊ ﺭﻭﻥ ﺳﺎﻳﺪ ﻻﺗﻔﻴﺪ ﻭﻳﺎﻩ ﺳﻌﺮﺍﺕ ﻭﻻ ﺑﻄﻴﺦ
ﺍﻡ ﺍﺣﻼﻡ،،ﻳﻤﻪ ﻓﺎﻃﻤﻪ ﻛﻮﻣﻲ ﮔﻠﻲ ﻛﺒﺎﺏ ﻟﻤﺮﺓ ﺍﺧﻮﺝ ﻣﺎﺗﺤﺐ ﺍﻟﺴﻤﺞ
ﻻﺭﺍ،،ﺭﺍﺩﺕ ﺍﺗﻜﻮﻡ ﻓﺎﻃﻤﻪ ﻛﺘﻠﻬﺎ ﻻﻻ ﺍﻛﻌﺪﻱ ﻟﻮ ﺍﺭﻳﺪ ﺍﻧﻲ ﺍﮔﻮﻡ ﺍﺳﻮﻱ ﺍﻟﻨﻔﺴﻲ ﺑﺲ ﻭﺍﻟﻠﻪ ﺷﺒﻌﺖ
ﻛﻮﺓ ﻗﻨﻌﺘﻬﺎ ﻭﺭﺍﻫﺐ ﺑﺲ ﻳﻨﺎﻓﺦ ﻣﺎﻋﺎﺟﺒﻪ ﺗﺎﻟﻲ ﻣﺎﺍﺗﺤﻤﻞ ﻭﺷﻤﺮﻟﻪ ﺍﺣﺠﺎﻳﻪ
ﺭﺍﻫﺐ،،ﺣﺠﻴﻪ ﻟﻴﺶ ﺗﺤﺮﻣﺼﻴﻠﻬﺎ ﺍﺗﺮﻳﺪ ﺍﻛﻞ ﺫﺍﻙ ﺍﻟﻤﻄﺒﺦ ﻭﺗﺮﻭﺡ ﺗﺨﺪﻡ ﻧﻔﺴﻬﺎ ﻣﻮ ﻓﺎﻃﻤﻪ ﺗﺨﺪﻣﻬﺎ
ﻻﺭﺍ،،ﻓﺸﻠﻨﻲ ﺩﻧﻜﺖ ﻣﺎﺣﺠﻴﺖ ﺑﺲ ﺍﻣﻪ ﺟﺎﻭﺑﺖ ﺑﻤﻜﺎﻧﻲ
ﺍﻡ ﺍﺣﻼﻡ،،ﻭﺣﮓ ﺭﻭﺡ ﺍﻟﺰﻫﺮﺓ ﺍﺫﺍ ﻣﺎﺑﻄﻠﺖ ﺳﻮﺍﻟﻔﻚ ﺍﺧﺬﻫﺎ ﻭﺍﺭﺩﻫﺎ ﻟﺒﻮﻫﺎ ﺑﻴﺪﻱ ﻭﺍﻧﻲ ﺍﻟﻤﻤﻨﻮﻧﻪ ﻭﺍﻃﻠﺐ ﻳﺴﺎﻣﺤﻨﻪ ﻋﻠﺊ ﺳﻮﺍﻳﺘﻨﻪ ﺍﺑﻨﺘﻪ
ﺭﺍﻫﺐ،،ﺣﺘﺊ ﻗﺒﻞ ﻻﺗﻮﺻﻞ ﺍﺫﺑﺤﻬﺎ
ﺍﻡ ﺍﺣﻼﻡ،،ﺗﺎﻳﻬﺘﻠﻚ ﺑﻨﺖ ﺍﻟﻮﺍﺩﻡ
ﺭﺍﻫﺐ،،ﺗﺮﺓ ﻫﻲ ﻣﺮﺗﻲ ﻭﺍﻛﻴﺪ ﺗﺎﻳﻬﺘﻠﻲ ﻻﻥ ﻣﺎﻋﺪﻫﺎ ﺍﻫﻞ ﺑﻴﻬﻢ ﺣﺾ
ﻻﺭﺍ،،ﺭﺩﺕ ﺍﮔﻠﻪ ﻭﻻ ﺭﺟﻞ ﺑﻲ ﺣﺾ ﻣﻮﺑﺲ ﺍﻫﻞ
ﺑﺲ ﻟﺰﻣﺖ ﺍﻟﺴﺎﻧﻲ ﺍﻟﺨﺎﻃﺮ ﺍﻣﻪ ﺍﺳﺘﺤﻴﺖ ﻣﻨﻬﺎ
ﻧﻬﺾ ﺭﺍﺡ ﻳﻐﺴﻞ
ﻭﺍﻧﻲ ﻭﻓﺎﻃﻤﻪ ﻟﻤﻴﻨﻪ ﺍﻻﻛﻞ ﻭﻫﻲ ﺍﺧﺬﺕ ﺍﻟﺠﺎﻱ ﻳﻤﻬﻢ ﻳﺸﺮﺑﻮﻥ ﺍﻧﻄﺘﻪ ﻛﻮﺏ ﺗﺮﺳﺘﻪ ﺍﻟﻪ ﺗﺮﺱ ﺷﮕﺪ ﻳﺸﺮﺏ ﺟﺎﻱ ﺩﺧﻴﻞ ﺭﺑﻪ ﻣﻦ ﺟﺮﻣﻦ ﮔﻠﺒﻪ ﺍﺳﻮﺩ ﺑﻠﻮﻥ ﺍﻟﺠﺎﻱ ﻳﻤﻜﻦ ﺍﺫﺍ ﺳﺤﺒﻮ ﻣﻨﻪ ﺩﻡ ﻳﻄﻠﻊ ﺑﺜﻞ ﺍﺳﻮﺩ
ﻛﻤﻞ ﻭﺑﻌﺪﻫﺎ ﺻﻌﺪ ﺍﻟﻐﺮﻓﺘﻪ ﮔﺎﻝ ﺭﺍﺡ ﺍﻧﺎﻡ ﮔﻌﺪﻭﻧﻲ ﺑﺎﻻﺭﺑﻌﻪ ﻳﺠﻲ ﻗﺎﺳﻢ
ﺿﺮﻏﺎﻡ ﻫﻢ ﺭﺍﺡ ﻟﻼﺳﺘﻘﺒﺎﻝ ﻳﻨﺎﻡ ﻭﺍﻧﻲ ﻭﻓﺎﻃﻤﻪ ﻭﺍﻟﺤﺠﻴﻪ ﺑﻘﻴﻨﻪ ﺑﻐﺮﻓﺘﻬﺎ ﻛﻞ ﻭﺣﺪﺓ ﺣﻄﺖ ﻣﺨﺪﺓ ﺟﻮﺓ ﺭﺍﺳﻬﺎ ﻭﺍﺗﻤﺪﺩﻧﻪ ﻧﺴﻮﻟﻒ ﻭﺍﺣﻨﻪ ﻣﺠﻄﻮﻟﻴﻦ
ﺍﺧﺬﺗﻨﻪ ﺍﻟﺴﻮﺍﻟﻒ ﻋﻠﺊ ﺍﻳﺎﻡ ﻗﺒﻞ ﻭﺍﻟﺤﺠﻴﻪ ﺗﺤﺠﻴﻠﻨﻪ ﺍﺷﻠﻮﻥ ﺟﺎﻧﺖ ﺗﺨﻴﻂ ﻗﺒﻞ ﻭﺗﺸﺘﻐﻞ ﻫﻲ ﻭﺑﻨﺎﺗﻬﺎ ﺍﻧﻘﻬﺮﺕ ﻋﻠﺊ ﻋﻴﺸﺘﻬﻢ ﻻﻥ ﻛﻞ ﺍﻟﺼﺎﺭ ﺑﻴﻬﻢ ﺳﺒﺒﻪ ﺍﻣﻲ ﻭﺍﺑﻮﻱ
ﺻﺎﺭﺕ ﺍﻟﺴﺎﻋﻪ ﺏ ﺍﻻﺭﺑﻌﻪ ﺍﻟﺤﺠﻴﻪ ﻛﺎﻟﺖ ﺍﻟﻔﺎﻃﻤﻪ ﮔﻮﻣﻲ ﻛﻌﺪﻱ ﺍﺧﻮﺝ ﻋﻨﺪﺓ ﻃﻠﻌﻪ
ﺭﺍﺣﺖ ﻓﺎﻃﻤﻪ ﺷﻮﻳﻪ ﻭﺷﻔﺘﻪ ﻋﺒﺮ ﻣﻦ ﻳﻢ ﺍﻟﺒﺎﺏ ﻋﻠﺊ ﻣﺘﻮﻧﻪ ﺍﻟﺨﺎﻭﻟﻲ
ﺳﻤﻌﻨﻪ ﺻﻮﺕ ﺍﻟﺠﺮﺱ ﺭﺍﺡ ﺿﺮﻏﺎﻡ ﻓﺘﺢ ﺍﻟﺒﺎﺏ ﻭﺍﺟﻪ ﮔﺎﻝ ﺑﻴﺒﻲ ﺍﻡ ﻗﺎﺳﻢ ﺑﺎﻟﺒﺎﺏ
ﮔﺎﻣﺖ ﺍﻟﺤﺠﻴﻪ ﻭﻓﺎﻃﻤﻪ ﺍﻟﺘﻔﺘﺘﻠﻲ ﻭﮔﺎﻟﺖ ﺗﻌﺎﻱ ﻳﻤﻬﻦ ﻫﺎﻱ ﺍﻡ ﻗﺎﺳﻢ ﺍﻟﺤﺠﻴﺘﻠﺞ ﻋﻨﻬﺎ ﺍﺧﺘﻲ ﺍﻟﻤﺎﺟﺎﺑﺘﻬﺎ ﺍﻣﻲ
ﮔﻤﺖ ﻃﻠﻌﺖ ﻭﻳﺎﻫﻦ ﺷﻔﺘﻬﺎ ﮔﺎﻋﺪﺓ ﺑﺎﻟﺼﺎﻟﻪ ﻫﻲ ﻭﺍﺑﻨﻴﻪ ﺷﺎﺑﻪ
ﺭﺣﺖ ﺳﻠﻤﺖ ﻋﻠﻴﻬﺎ ﻭﺍﻟﻐﺮﻳﺐ ﺍﻡ ﺭﺍﻫﺐ ﮔﺎﻟﺘﻠﻬﺎ ﻫﺎﻱ ﻣﺮﺕ ﺭﺍﻫﺐ
ﺍﻟﻤﺮﺓ ﻓﺘﺤﺖ ﺣﻠﮕﻬﺎ ﻣﺘﻔﺎﺟﺌﻪ ﻭﺍﻡ ﺭﺍﻫﺐ ﮔﻌﺪﺕ ﻭﺣﺠﺘﻠﻬﺎ ﺍﺍﺳﺎﻟﻔﻪ ﻛﻠﻬﺎ ﻣﺎﺿﻤﺖ ﻋﻨﻬﺎ ﺷﻲ ﺍﺗﻌﺠﺒﺖ ﻋﻠﺊ ﻋﻼﻗﺘﻬﻦ ﺻﺪﮒ ﻋﺒﺎﻟﻚ ﺍﺧﻮﺍﺕ ﻭﺍﻡ ﻗﺎﺳﻢ ﻃﻮﻝ ﻣﺎﺟﺎﻧﺖ ﺍﻡ ﺭﺍﻫﺐ ﺗﺤﺠﻲ ﻫﻲ ﺗﺼﻔﮓ ﺍﻱ ﺏ ﺍﻳﺪ
ﺟﻨﺖ ﻛﺎﻋﺪﺓ ﺑﺼﻒ ﺍﻻﺑﻨﻴﻪ ﺑﻌﺪ ﻣﺎﺍﻧﺘﻬﺊ ﺣﺪﻳﺜﻬﻦ ﺍﻟﺘﻔﺘﺖ ﺍﻟﺤﺠﻴﻪ ﺍﻟﻬﺎ
ﺍﻡ ﺍﺣﻼﻡ،،ﺳﻮﻳﺮﺓ ﺍﺷﻠﻮﻧﺞ ﺑﻴﺒﻲ ?
ﺳﺎﺭﺓ،،ﺯﻳﻨﻪ ﺑﻴﺒﻲ ﺍﻟﺤﻤﺪﺍﻟﻠﻪ
ﺍﻡ ﺍﺣﻼﻡ،،ﺑﺸﺮﻱ ﺍﺷﻠﻮﻥ ﺻﺎﺭﺕ ﺍﻣﺞ ﻭﺍﺷﻮﻛﺖ ﺍﻟﻠﻪ ﻳﺴﻬﻞ ﺍﻟﻬﻢ ﻭﻳﺮﺟﻌﻮﻥ ?
ﺳﺎﺭﺓ،،ﺍﻟﻌﻤﻠﻴﻪ ﺍﻟﺤﻤﺪﺍﻟﻠﻪ ﻧﺠﺤﺖ ﻭﻫﺴﻪ ﺑﻔﺘﺮﺓ ﻧﻘﺎﻫﺎ ﻛﻢ ﻳﻮﻡ ﻭﻳﺮﺟﻌﻮﻥ
ﺍﻡ ﻗﺎﺳﻢ،،ﺧﻄﻴﻪ ﺍﺧﻮﻱ ﺻﺎﺭ ﺷﻬﺮ ﻣﺘﻌﺬﺏ ﻭﻳﻪ ﻣﺮﺗﻪ ﺍﻟﻠﻪ ﻳﺸﻔﻴﻬﺎ ﻭﻳﻜﻮﻣﻬﺎ ﺑﺎﻟﺴﻼﻣﻪ
ﺍﻡ ﺭﺍﻫﺐ،،ﺑﺲ ﻳﺮﺟﻌﻮﻥ ﺍﻧﺸﺎﺀﺍﻟﻠﻪ ﻓﺎﺗﺤﻲ ﺍﺧﻮﺝ ﺑﻤﻮﺿﻮﻉ ﺳﻮﻳﺮﺓ ﺗﺮﺓ ﻣﺎﺗﻠﮕﻴﻦ ﺍﺣﺴﻦ ﻣﻨﻬﺎ
ﻻﺭﺍ،،ﺍﺑﺎﻭﻉ ﻟﻼﺑﻨﻴﻪ ﺗﻮﺯﻉ ﺍﺑﺘﺴﺎﻣﺎﺕ
ﺍﻟﺘﻔﺘﺘﻠﻲ ﻭﮔﺎﻟﺖ
ﺳﺎﺭﺓ،،ﻭﻳﻦ ﺍﻟﻠﻪ ﻭﻳﻘﺒﻞ ﺍﺑﻨﻬﺎ ﺑﻴﻪ ﺍﻟﻪ ﺍﻃﺶ ﺟﻜﻠﻴﺖ
ﻻﺭﺍ،،ﺿﺤﻜﺖ ﻋﻠﺊ ﺳﺎﻟﻔﺘﻬﺎ ﻛﺘﻠﻬﺎ ﻟﻴﺶ ﻭﺍﺷﺒﻴﺞ ﺣﺘﺊ ﻣﺎﻳﻘﺒﻞ ﺑﻴﺞ
ﺳﺎﺭﺓ،،ﻋﻮﺩ ﻫﻮ ﺟﺒﻴﺮ ﻭﺍﻧﻲ ﺯﻏﻴﺮﺓ ﻣﺎﻳﻘﺒﻞ ﻳﺤﻀﻲ ﻣﺎﻳﺪﺭﻱ ﻗﺎﻓﻠﻪ ﻋﻠﻲ ﻣﺎﺍﻧﻄﻲ ﻟﻮ ﺗﻄﻠﻊ ﻧﺨﻠﻪ ﺑﺮﺍﺳﻪ
ﻻﺭﺍ،،ﻣﻮﺑﻨﻴﻪ ﺳﻴﻨﻤﺎ ﺳﺒﻮﺭﺗﻴﻪ ﺍﻻﺑﻌﺪ ﺍﻟﺤﺪﻭﺩ ﺑﺴﺮﻋﻪ ﺗﺒﻴﻊ ﻣﻴﺎﻧﻪ ﻋﺒﺎﻟﻚ ﺗﻌﺮﻓﻚ ﻣﻦ ﺍﺳﻨﻴﻦ ﺣﺒﻴﺖ ﺣﺎﻟﺘﻬﺎ ﺍﺟﺘﻤﺎﻋﻴﻪ ﻭﻣﺤﺒﻮﺑﻪ
ﺑﻘﻴﻨﻪ ﺍﻧﺪﺭﺩﺵ ﺍﻧﻲ ﻭﻳﺎﻫﺎ ﺳﺎﻟﺘﻬﺎ ﺷﮕﺪ ﻋﻤﺮﺝ ?
ﺳﺎﺭﺓ،، 19
ﻻﺭﺍ،،ﺍﻫﺎﺍﺍ ﻳﻌﻨﻲ ﺍﻧﺘﻲ ﺍﻡ ﺍﻟﺴﺎﺩﺱ ﺍﻋﺪﺍﺩﻱ ﺑﻨﺖ ﺧﺎﻟﻪ
ﺷﻮ ﻫﺎﻱ ﻧﻄﺖ ﻟﺰﻣﺖ ﺍﻳﺪﻱ ﻭﺍﻟﻀﺤﻜﻪ ﺷﺎﻛﻪ ﺣﻠﻜﻬﺎ
ﺳﺎﺭﺓ،،ﻋﺎﺍﺍﺍ ﻣﻨﻴﻦ ﻋﺮﻓﺘﻴﻨﻲ ﺍﻛﻴﺪ ﺣﺎﺟﻲ ﺍﻟﺮﺍﻫﺐ ﻋﻨﻲ ﺳﻤﻌﺖ ﻣﻦ ﻋﻤﺘﻲ ﻫﻮ ﻭﺭﺟﻠﺞ ﺍﺻﺪﻗﺎﺀ ﻣﻦ ﺍﻟﻄﻔﻮﻟﻪ ﺍﻛﻴﺪ ﺣﺎﺟﻴﻠﻪ ﺷﻲ
ﻻﺭﺍ،،ﺍﻧﻄﻲ ﻧﻔﺴﺞ ﻣﺠﺎﻝ ﻭﺍﺧﺬﻱ ﻧﻔﺲ ﻳﻤﻌﻮﺩﺓ ﺣﺘﺨﺘﻨﮕﻴﻦ
ﺳﺎﺭﺓ،،ﺧﻴﻪ ﺍﺣﺠﻲ ﻭﻓﻀﻴﻨﻲ ﺭﺍﺡ ﺍﻓﻀﺢ ﺭﻭﺣﻲ
ﻻﺭﺍ،،ﻭﺍﻟﻠﻪ ﻣﺎﺣﺠﻪ ﺷﻲ ﺑﺲ ﺻﺎﺭ ﺣﺪﻳﺚ ﺑﺴﻴﻂ ﺑﺎﻟﺴﻴﺎﺭﺓ ﻭﻣﺎﻋﺮﻓﺖ ﻏﻴﺮ ﻋﻤﺮﺝ ﻭﺑﻴﺎ ﻣﺮﺣﻠﺔ ﻭﺍﺻﻠﻪ ﺑﺎﻟﺪﺭﺍﺳﻪ
ﺳﺎﺭﺓ،،ﻳﻤﻤﻤﻪ ﻗﻠﺒﻲ ﺍﻟﺼﻐﻴﺮ ﻻﻳﺘﺤﻤﻞ ﺟﺎﺷﺒﻲ ﮔﺎﻟﺐ ﺍﻟﺠﻬﺮﺓ ﻣﺎﻳﺒﺎﻭﻋﻠﻲ ﺍﺫﺍ ﻳﺴﻮﻟﻒ ﺑﻴﻪ حسن ابن سماوه ناشر
ﻻﺭﺍ،،ﺿﺤﻜﺖ ﻛﺘﻠﻬﺎ ﺗﺮﺓ ﻣﺎﮔﺎﻝ ﺍﺣﺒﻬﺎ
ﺳﺎﺭﺓ،،ﺑﺎﻟﻨﺴﺒﻪ ﺍﻟﻲ ﮔﺎﻟﻬﺎ ﻭﻏﺼﺐ ﻋﻨﻪ
ﻻﺭﺍ،،ﺧﺮﺭﺏ ﺍﻧﺘﻲ ﺳﻴﻨﻤﺎ ﺣﺐ ﺑﺎﻻﺟﺒﺎﺭ ﻳﻌﻨﻲ ?
ﺳﺎﺭﺓ،،ﺍﺫﺍ ﻣﺎﻗﺒﻞ ﺍﺧﻄﻔﻪ ﻭﺍﻏﺘﺼﺒﻪ ﻭﺍﻧﻌﻞ ﻳﻮﻣﻪ ﺑﻮﻳﻪ ﻫﻮ ﺯﻟﻤﺔ ﻟﻮ ﺷﻜﺮ ﻟﻤﻪ
ﻻﺭﺍ،،ﻫﻬﻬﻬﻬﻪ ﻭﺍﻟﻠﻪ ﺿﺤﻜﺘﻴﻨﻲ ﻣﻦ ﺻﺪﻙ ﺍﻟﻠﻪ ﻳﻔﺮﺣﺞ ﺍﻧﺸﺎﺀﺍﻟﻠﻪ
ﺳﺎﺭﺓ، ،ﺍﮔﻠﺞ ﺧﻴﺘﻮ ﺍﻧﻄﻴﻨﻲ ﺭﻗﻤﺞ ﺷﻮ ﻃﺒﻴﺘﻲ ﮔﻠﺒﻲ ﺭﻛﺾ ﺑﺪﻭﻥ ﺍﻧﻌﺎﻝ
ﻻﺭﺍ،،ﺍﻟﻠﻪ ﻳﺒﻼﺝ ﺷﻨﻮ ﺍﻧﺘﻲ ﻛﺎﺭﺛﻪ
ﺭﺩﻳﺘﻠﻬﺎ ﺭﻗﻤﻲ ﺭﻣﺸﺖ ﺍﻟﺘﻠﻴﻔﻮﻧﻲ ﻋﻔﺘﻪ ﻓﻮﮒ ﻛﺘﻠﻬﺎ ﺭﺍﺡ ﺍﺳﺠﻞ ﺍﻟﺮﻗﻢ ﻳﻤﻲ
ﺷﻮﻳﻪ ﻭﺍﺗﺮﺧﺼﻦ ﺭﺍﺣﻦ
ﻟﻠﻴﻞ ﺑﻌﺪ ﺍﻟﻌﺸﻪ ﺍﺗﺼﻞ ﺿﺮﻏﺎﻡ ﺏ ﺍﻣﻪ ﻭﺍﻟﻔﻬﻤﻨﺎ ﺑﺎﺟﺮ ﻳﺠﻦ ﺍﺧﻮﺍﺕ ﺭﺍﻫﺐ
ﻣﺎﺍﻋﺮﻑ ﻟﻴﺶ ﺧﻔﺖ ﻭﻟﺰﻣﺖ ﮔﻠﺒﻲ ﻣﻨﻬﻦ ﺧﺎﻑ ﻳﻄﻠﻌﻦ ﻋﺪﻭﺍﻧﻴﺎﺕ ﻣﺜﻞ ﺍﺧﻮﻫﻦ
ﻳﺘﺘﺘﺘﺘﺒﻊ
