#راهب_ابو_غضب -
#البارت 26 -
ااه لويدري حبيبي
علئ حضنه اشگد احن
جان مافارگني لحضه
وعاش عمرة بالحضن 💔
،،،،،،،،،،
راهب ابو غضب
،،،،،،،،،،،،
لارا،،بقيت جامدة بمكاني كل ضني راح يرجع يضربني
فجاة انفتح باب الحمام وطلعت ريحانة من شافت خالها جحضت عيونها وارتدت للخلف مامتوقعه اتشوفه گدامها
بدون مقدمات حجه بكل هدوئ
راهب،،جيبي
ريحانه،،ش شنو
راهب،جيببببي الجهاااز
لارا،،زمخ بيها صوت يفزز الميت من يمي ردت اوگع
علئ صوته كلها طلعت تركض فازة من النوم
اباوع الريحانه وجها لونه انخطف وشفايفها يتراجفن
بلحضه ضربها راجدي لمن انرگع راسها بالباب
ورجع عاد عليها نفس الكلام
راهب،،طلعي لا قسم بمحمد هسه احرگج اهناااا
احلام،،خ خويه ي ياساتر ي يارب شكو شصاير من ال الصبح وشبيها ريحانه?
راهب،،احلام خلي بنتج تنطيني الجهاز العدها الها دقيقه وحدة اتحط الجهاز بيدي ترة ماضمنلها شسوي بيها
لارا،،يحجي اوجها احمر گصته عرگانه اتحسه گوة مسيطر علئ اعصابه
احلام ركضت البتها تخرط بخدودها
احلام،،عزااا العزااج يمعزاايه ولج جهازيش اليحجي عنه خ خالج?
لارا،لزمتها امها تريد اتجرها فجاة وگع جوة رجليها جهاز صغير ابو الدكم اسود يمكن مخبيته بملابسها
ماانحس غير ضرغام هجم عليها سحلها من شعرها
شوكت نزل ماادري من شفتهم ماجان موجود
راهب واگف علئ صفحه يباوع بالجهاز وضرغام ملخ اخته احلام گعدت بالگاع ادگ علئ رجليها
هاي كلها الهوسه وهمه لسه ماشايفين محتوئ الجهاز شنو
انتبهت الراهب فتح عيونه يمكن شاف شي خلا ينصدم
ضرغام تركها وهو يلهث راد ياخذ الجهاز بس راهب ماانطا اله خله ايدة ورة ضهرة
ضرغام،،خااالي رحمه لتراب جددي انطيني خل اشووف هلسااقطه شمسوويه ومنين جااابت الجهاااز?
لارا،،ريحانه گاعدة يم رجلين امها مدنگه تبجي
راهب،،گومي احجي وياج
ريحانه،،خ خالو و والله ح حيجي ي يخطبني
راهب،،يعني انتي الجنتي تاخذين جهاز لارا تتصلين منه?
ريحانه، ،ا اي ا اني
لارا،،بمجرد مانطقت كلامها رجع ضرغام گمز من مكانه اكو صوندة جاريها من الحمام للمبردة بلحضه جر الصوندة طبگها طبگ وطاح لخته كتل
عبالي واحد منهم يفزعلها بس كلها ساكته حتئ امها اسمعها اتگله اكتها هلساقطه هاي
ام احلام،،حييييل وياها بعد ايدي ايدك حبوبه
ولج فررخه بطووول النعال هجمتينه من امس لسه مفرفحه گلوبنه من وراج
مافكرتي ب ابوج الذاب روحه بالموت الخاطر يخليج تلبسين حالج حال البنات
مافكرتي ب اخوتج اذا طلعت السالفه راح يتعيرون بيج
ولك اكتلهااا حبوبه خله يفووخ گلبي
لارا،ماگدرت اتحمل اكثر صح هي السبب بالصار بس گلبي ماينطيني اعوفها
گمت گعدت گدامها گتله كافي ضرغام حتموت
ضرغام،،ويطبهااا مررض ولللج مصاادقه مافكررت بسمعتنه مافكرت شراح تطلع احجاية علينه?
اكووو واحد يصادق ونننيته شررريفه?
لويرايدهااا اجه خطبها مو يتختل مثل النسوواان
اليحب يجي من الباب مو يتخنس بالشبااابيج
وغيررررر كلشي هي السبب بالصار وياج اتشوفج تنضربين بسببهاااا وسااكته اتخااف علئ روحهاا
لارا،،طفله وغلطت ماكو شي ينحل بالضرب
ضرغام،،بس اريد اعرف منوو هذاا العاررر
لارا،،زمخ بيها كتت الاول والتالي والعرفته يصير اخو صديقتها ومن زمان متعرفه علي صار تقريب سنه
وهو الجابلها الجهاز ونفسه الي يتصل علئ رقمي
والمصيبه متزوج ومطلگ ضرغام راسن عرفه گالها ولج هذا واحد عار وزايعته الگاع مامخلي وحدة ماضاحك عليها تالي حتئ اختي من البنات القشمرهن
جانت تحجي وتباوع علئ خالها وتبجي مبينه خجلانه من الشي الشافه بالموبايل
احلام،،سودة بوجهي ولج مامقصرين عنج شطلبين وشتگولين يجي يمج لونعرف نحرم روحنه مانحرمج ااانتي المدلله عد ابوووج تالللي خووش اتجازي?
گوم خويه جسرها هلرعننه تستاهل مايرتاح گلبي اذاا ماتكتلهااا
راهب،،شوفي خويه من ضربت لارا لان لارا مرتي وتخصني ماكو رجال يشوف مرته تجيها ارقام غريبه ومايشك والخلاني اصدك اكثر الساقط كلامه عبالك يعرفها
لذالك ماگدرت اسيطر علئ اعصابي وفقدت السيطرة وياها
اما بالنسبه الريحانه بنتج عدها اب وعدها اخو واولاد عمام يحاسبوها لان اني مومسؤؤل عنها
بس لارا مرتي عرضي هاي ومااتحمل واحد يمس عرضي بكلمه
لارا،،ضحكت بداخلي علئ لعبة القدر شيصير لومنتضر ليله وحدة جان بينت الحقيقه والله كشفها وماصار بيه كل الصار جان لاانضربت ولانهنت بسبب بنت اخته
