#البارت 32
،،،،،،،،،،
اليموت وداعتك بس الله ربه
واليصلي اعله الجنازة بكيف گلبه
انطوني سم
الليله اريد ارتاح واتوكل واشربه
الليله اريد اخذلي فرة اعله المگابر
ياگبر يعجبني اطبه
،،،،،،،،،،،،،،،
#راهب_ابو_غضب
#
لارا،،رجليه بقن بمكانهن عبالك شايله بيهن حديد
اباوعلها اشلون بالگوة تمشي بطنها جبيرة والجبه حصر عليها
راهب يباوعلي بتعب الحجيه ذبت السجينه واجت تمشي ب اتجاهم
الحجيه، ،هله يمي الله يجويك
لارا،،عمتي ماتعرف الاجت ويه ابنها بقت المرة ماتعرف شتحجي وراهب ساكت كل شويه يباوعلي
اخذتها عمتي دخلتها لجوة خطيه كل ضنها جايه ضيفه ويه راهب
وگف يمي رفعت عيوني بعيونه عيوني مليانه دموع وعيونه مليانه تعب
راهب،،لارا
لارا،،رفعت ايدي بمعنئ مااريد اسمع منك شي تركته ودخلت وراهن وگفت بالباب الحد هاي اللحضه اتمنيت مايطلع تفكيري صحيح
نفسي حار وسريع وجهي صخن منتضرة اسمع منهم
الحجيه، ،اي يمه ماگتلي منو ضيفتك?
لارا،،ضل ساكت وهي تباوعله صفح تالي عدلت گعدتها وكالتلها
غزل،،اني مرته وام ابنه
الحجيه،اش اشلون ?
غزل،،اي عيني مرته بعقد سيد وشهود
لارا،،مثل واحد ضربني علئ وجهي
التفتت اله بسرعه لكيته يباوعلي
يمكن يريد يشوف ردة فعلي
هزيت راسي متاسفه علئ روحي
ركضت ع الدرج كانه ماكو شي گدامي غير طريق اركض بي
صعدت اركض وگلبي يريد يطلع دخلت للغرفه فتحت باب البوفيه جريت الجنطه گمت اطلع بالهدوم واحط بيها
وعلئ الساني كلمه وحدة ارددها بدون وعي
مو مرتين تكسرني م مو مرتين تكسرني
انفتح الباب ودخل گعد كدامي علئ اركب رجلي جر ايدي سحبتها منه بقوة ماباوعتله
ضليت اجر واحط بالجنطه
راهب،،بس اسمعيني
لارا،،م مومرتين تكسرني
راهب،،بس اسمعيني والله غصب عني
لارا،،اتوقفت ع الحركه باوعتله مااعرف شحجي وياه
اختنگت والكلمه حشرت ابلعومي صرت مثل الاخرس البلسانه حجي مايگدر يگوله العبرة ذبحتني اتمنيت اضربه اتمنيت اصرخ اعيط بس ماگدرت
لزم ايدي دفعته
عطت بي بصوت منجمع بحنجرتي
وخررررررر
لزم اديه اثنينهن طوقهن ثبتني عن الحركه كعد وراي واحتضني بقوة يريد يهديني
رجعت عطت بي وخررر عني ولللك وخررر عني
راهب،،مااعوفج والله مااعوفج اذا مااتسمعيني
