ﺭﻭﺍﻳﺔ راهب ابو غضب
،،،،،،،،،،،،،،،،،،،،،،،،،،،،،،
#بارت١
ﻫﻮ ﻗﺎﺳﻲ ﻣﺘﻤﻠﻚ ﻻﻳﻌﺮﻑ ﺍﻟﺮﺣﻤﻪ
ﻫﻲ ﺑﺮﻳﺌﻪ ﻻﺯﺍﻟﺖ ﻃﻔﻠﻪ ﺭﻏﻢ ﻋﺎﻣﻬﺎ ﺍﻟﻌﺸﺮﻭﻥ
ﺍﻭﻗﻌﻬﺎ ﻗﺪﺭﻫﺎ ﻓﻲ ﺑﺮﺍﺛﻨﻪ ﻟﻴﻨﺘﻘﻢ ﻣﻨﻬﺎ ﺿﻠﻤﺎ
ﻟﺘﺼﺒﺢ ﺍﺳﻴﺮﺓ ﻻﻧﺘﻘﺎﻣﻪ ﺍﻟﻘﺎﺳﻲ
ﻓﻬﻞ ﻟﻬﺎ ﻣﻔﺮ ﻣﻦ ﻋﺮﻳﻦ ﺍﻻﺳﺪ ?
،،،،،،،،،،،،،،،،
ﻗﺼﺔ ﺭﺍﻫﺐ ﺍﺑﻮ ﻏﻀﺐ
،،،،،،،،،،،،،
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﺭﺍﻫﺐ،ﺭﺍﺡ ﺍﻋﺮﻓﻜﻢ ﻋﻦ ﻧﻔﺴﻲ
ﺍﺳﻤﻲ ﺭﺍﻫﺐ ﺿﻴﺎﺀ ﺍﻟﺪﻳﻦ ﻣﻼﺯﻡ ﺍﻭﻝ ﺑﺎﻟﺠﻴﺶ ﺍﻟﻌﺮﺍﻗﻲ ﻋﻤﺮﻱ 30 ﺳﻨﻪ
ﻭﺍﻟﺪﻱ ﻣﺘﻮﻓﻲ ﻣﻦ ﺍﺳﻨﻴﻦ ﺑﺲ ﻛﺎﻥ ﺍﻛﻮ ﺳﺒﺐ ﻭﺭﺍﺡ ﺍﺗﻌﺮﻓﻮ ﺷﻨﻮ ﺍﻟﺴﺒﺐ
ﺷﻐﻠﻲ ﺍﻟﺸﺎﻏﻞ ﻛﺎﻥ ﺍﻭﺻﻞ ﺍﻟﻬﺬﺍ ﺍﻟﻤﺮﻛﺰ ﻭﺍﻧﺘﻘﻢ ﻣﻦ ﺍﻟﺠﺎﻥ ﺳﺒﺐ ﺑﻤﻮﺕ ﺍﺑﻮﻱ ﻭﺧﺮﺍﺏ ﻋﺎﺋﻠﺘﻲ
ﻋﻨﺪﻱ ﺛﻼﺙ ﺍﺧﻮﺍﺕ ﻛﻠﻬﻦ ﺍﻛﺒﺮ ﻣﻨﻲ ﺍﺛﻨﻴﻦ ﻣﻨﻬﻦ ﻣﺘﺰﻭﺟﺎﺕ ﺍﻭﺣﺪﻩ ﻣﻨﻬﻦ ﺑﻌﺪﻫﺎ ﺭﺍﻓﻀﻪ ﻓﻜﺮﺓ ﺍﻟﺰﻭﺍﺝ ﺭﻏﻢ ﻋﻤﺮﻫﺎ 33 ﻭﺍﻫﻮﺍﻱ ﺍﺟﻮﻫﺎ ﺧﻄﺎﺑﻪ ﺑﺲ ﻣﺎﺗﻘﺒﻞ ﻭﻣﺼﺮﺓ ﻉ ﺍﻟﺮﻓﺾ ﻭﻫﻢ ﺭﺍﺡ ﺍﺗﻌﺮﻓﻮﻥ ﻟﻴﺶ
ﺍﺑﻮﻱ ﺟﺎﻥ ﺍﻛﺒﺮ ﺗﺎﺟﺮ ﺫﻫﺐ ﺑﺎﻟﺴﻮﮒ ﻭﺍﻟﻜﻞ ﻳﺤﻠﻒ ﺑﻲ ﻭﺑﺼﻴﺘﻪ ﺭﺟﺎﻝ ﻃﻴﺐ ﻭﻣﺤﺘﺮﻡ ﻭﺍﻟﻨﺎﺱ ﺗﻘﺪﺭﺓ
ﺑﻴﻮﻡ ﻭﻟﻴﻠﻪ ﺍﺑﻮﻱ ﺧﺴﺮ ﺍﻟﻮﺭﺍﻩ ﻭﺍﻟﮕﺪﺍﻣﻪ ﺑﺴﺒﺐ ﻋﻤﻲ ﺟﻼﻝ ﻭﺻﺮﻧﻪ ﻉ ﺍﻟﺤﺪﻳﺪﺓ
ﺧﻞ ﻧﺮﺟﻊ ﺍﻧﻲ ﻭﻳﺎﻛﻢ ﻟﻠﻤﺎﺿﻲ ﺍﻻﻟﻴﻢ ﺍﻟﻲ ﺍﺑﺘﺪﺕ ﺑﻲ ﻣﻌﺎﻧﺎﺕ ﻋﺎﺋﻠﺘﻲ ﻗﺒﻞ 30 ﺳﻨﻪ
ﺍﻡ ﺍﺣﻼﻡ،،ﻳﻤﻪ ﺍﺣﻼﻡ ﺭﻭﺣﻲ ﺟﻴﺒﻲ ﺍﺧﻮﺍﺗﺞ ﻳﻠﻌﺒﻦ ﺑﺎﻟﺤﺪﻳﻘﻪ ﻏﺴﻠﻲ ﻭﻏﺴﻠﻴﻠﻬﻦ ﺭﺍﺡ ﺍﺻﺐ ﺍﻟﻐﺪﺓ
ﺍﺣﻼﻡ،،ﻳﻮﻭﻭ ﻭﺍﻟﻠﻪ ﺗﻌﺒﺖ ﻣﻨﻬﻦ ﻛﻞ ﺷﻮﻳﻪ ﺟﻴﺒﻴﻬﻦ ﻏﺴﻠﻴﻠﻬﻦ ﻟﻮ ﺍﻟﺰﻣﻴﻬﻦ ﻟﻮ ﺍﺭﻛﻀﻲ ﻭﺭﺍﻫﻦ ﺍﺑﺘﻠﻴﺖ ﺻﺮﺕ ﺍﻟﺠﺒﻴﺮﺓ ﺧﻮ ﻣﺎﺍﺑﺘﻠﻴﺖ
ﺍﻡ ﺍﺣﻼﻡ، ،ﻋﻤﺖ ﻋﻴﻨﺞ ﺑﻄﻮﻝ ﺍﻟﻨﻌﺎﻝ ﻭﺍﻟﺴﺎﻧﺞ ﺷﻄﻮﻟﻪ ﺍﻣﺸﻲ ﻭﻟﺞ ﺟﻴﺒﻲ ﺍﺧﻮﺍﺗﺞ ﺑﺲ ﺧﻞ ﻳﺠﻲ ﺍﺑﻮﺝ ﻭﺍﻧﻲ ﺍﻋﻠﻤﺞ
ﻭﻋﻠﺊ ﺫﻛﺮ ﺍﺑﻮﺝ ﺍﺳﻤﻊ ﺍﻟﺠﺮﺱ ﺭﻭﺣﻲ ﺍﻓﺘﺤﻴﻠﻪ ﺍﻟﺒﺎﺏ
ﺍﺣﻼﻡ، ،ﺭﺣﺖ ﺭﺣﺖ ﺍﻣﺮﻱ ﻟﻠﻪ
ﺍﺑﻮ ﺍﺣﻼﻡ،،ﺍﺷﻠﻮﻧﻬﻦ ﺑﻨﺎﺕ ﺍﺑﻮﻫﻦ ﻭﻣﺪﻟﻼﺗﻪ ??
ﺍﻡ ﺍﺣﻼﻡ،ﻫﻠﻪ ﺑﺸﻤﻌﺔ ﺑﻴﺘﻨﻪ ﺍﻟﻠﻪ ﻳﺴﺎﻋﺪﻙ
ﺍﺑﻮ ﺍﺣﻼﻡ، ،ﻭﻳﺴﺎﻋﺪﺝ ﺑﻮﻳﻪ
ﺍﺷﻠﻮﻧﺞ ﺍﻟﻴﻮﻡ ﺧﻮ ﻣﺎﺍﺫﺗﺞ ﻛﻠﻴﺎﺗﺞ ?
ﺍﻡ ﺍﺣﻼﻡ،،ﻭﺍﻟﻠﻪ ﺑﻌﺪﻫﻦ ﺍﺣﺴﻬﻦ ﻭﺍﺭﻣﺎﺕ ﻣﻦ ﺍﻟﺰﻻﻝ ﻣﺎﺍﺻﺪﮒ ﺷﻮﻛﺖ ﺍﻟﻠﻪ ﻳﺴﻬﻞ ﻭﺍﺟﻴﺐ ﺍﻧﺸﻠﻊ ﮔﻠﺒﻲ
ﺍﺑﻮ ﺍﺣﻼﻡ، ،ﮔﻮﻟﻲ ﻳﺎﺍﻟﻠﻪ ﻛﻠﻬﻦ ﻛﻢ ﺷﻬﺮ ﻭﺍﻟﻠﻪ ﻳﺴﻬﻞ
ﺍﻡ ﺍﺣﻼﻡ،،ﺧﺎﻳﻔﻪ ﻻﺗﻄﻠﻊ ﻫﻢ ﺍﺑﻨﻴﻪ ﻭﺍﻧﻪ ﺍﺭﻳﺪﻟﻚ ﻭﻟﻴﺪ ﺗﻔﺮﺡ ﺑﻲ
ﺍﺑﻮ ﺍﺣﻼﻡ، ،ﻛﻠﺸﻲ ﻭﻻﺍﺳﻤﻊ ﻣﻨﺞ ﻫﻠﺤﺠﻲ ﻫﺎﻱ ﻋﻮﺩ ﺍﻧﺘﻲ ﺍﻟﺨﻴﺮﺓ ﺍﻟﻤﺘﺪﻳﻨﻪ ﻫﻴﺞ ﺗﺤﺠﻴﻦ
ﺑﻮﻳﻪ ﻛﻠﻪ ﺭﺯﻕ ﻣﻦ ﺍﻟﻠﻪ ﻭﻛﻞ ﺍﻟﻴﺠﻲ ﻣﻦ ﺍﻟﻠﻪ ﻫﻠﻪ ﺑﻲ ﻭﻟﻴﺪ ﺍﺑﻨﻴﻪ ﺍﻟﻤﻬﻢ ﺍﺗﻤﺎﻣﺔ ﺍﻟﺨﻠﻘﻪ
ﺍﻡ ﺍﺣﻼﻡ، ،ﻭﻧﻌﻢ ﺑﺎﻟﻠﻪ
ﺍﺑﻮ ﺍﺣﻼﻡ،،ﺍﮔﻠﺞ ﺍﺧﻮﻱ ﺭﺍﺡ ﻳﺠﻲ ﻳﺘﻐﺪﺓ ﺍﻫﻨﺎ ﻫﻮ ﻭﻣﺮﺗﻪ ﻭﺍﻭﻻﺩﻩ ﺍﺣﺴﺒﻲ ﺍﺣﺴﺎﺑﻬﻢ
ﺍﻡ ﺍﺣﻼﻡ، ،ﻫﻠﻪ ﺑﻲ ﻭﺍﻻﻛﻞ ﺧﻴﺮ ﻣﻦ ﺍﻟﻠﻪ ﻳﻜﻔﻲ ﻭﺯﺍﻳﺪ
ﺍﺑﻮ ﺍﺣﻼﻡ،،ﻳﻤﻜﻦ ﺍﺟﻪ ﺭﺍﻳﺢ ﺍﻓﺘﺢ ﺍﻟﺒﺎﺏ
ﺍﻡ ﺍﺣﻼﻡ،،ﺍﺣﻼﻡ ﻳﻤﻪ ﺍﺧﺬﻱ ﺍﻟﺴﻔﺮﺓ ﺍﻓﺮﺷﻴﻬﺎ ﺍﻧﺘﻲ ﻭﺯﻫﺮﻩ ﺑﺎﻟﺼﺎﻟﻪ
ﺷﻮﻳﻪ ﻭﺩﺧﻞ ﺿﻴﺎﺀ ﻭﺍﺧﻮ ﺟﻼﻝ ﻫﻮ ﻭﻣﺮﺗﻪ ﻭﺍﻭﻻﺩﺓ ﻳﻤﺸﻮﻥ ﻭﺭﺍﻩ
ﺟﻼﻝ، ،ﺍﺷﻠﻮﻧﺞ ﺍﻡ ﺍﺣﻼﻡ ﺍﻟﻴﻮﻡ ﺍﻧﺘﻌﺒﺞ ﻭﻳﺎﻧﻪ
ﺍﻡ ﺍﺣﻼﻡ،،ﺗﻌﺒﻚ ﺭﺍﺣﻪ ﺧﻮﻳﻪ ﻭﺍﻟﺒﻴﺖ ﺑﻴﺘﻜﻢ ﺷﻮﻛﺖ ﻣﺘﺠﻮﻥ ﺍﺣﻄﻜﻢ ﻋﻠﺊ ﺭﺍﺳﻲ
ﺟﻼﻝ،،ﻳﺴﻠﻢ ﺭﺍﺳﺞ ﺑﻨﺖ ﺍﺻﻮﻝ ﻭﺩﻭﻣﺞ ﻣﻌﺪﻟﻪ
ﺍﺑﻮ ﺍﺣﻼﻡ،،ﺍﺳﺘﺮﻳﺢ ﺧﻮﻳﻪ ﻭﺍﻧﺘﻲ ﺍﻡ ﺭﺍﻓﺪ ﺍﻟﺒﻴﺖ ﺑﻴﺘﺞ ﺍﺧﺬﻱ ﺭﺍﺣﺘﺞ
ﺍﻡ ﺍﺣﻼﻡ،،ﻭﺍﮔﻔﻪ ﺑﺎﻟﻤﻄﺒﺦ ﺍﺻﺐ ﺍﻟﻐﺪﺓ ﻭﺩﺧﻠﺖ ﻣﺮﺓ ﺟﻼﻝ ﺍﻋﺮﻑ ﻃﺒﻌﻬﺎ ﻋﻴﻨﻬﺎ ﻓﺎﺭﻏﻪ ﻛﻠﺶ ﻭﺩﻭﻡ ﺗﺸﻜﻲ ﻭﺗﺘﺒﺠﺒﺞ ﻣﺎﻋﺪﻧﻪ ﻭﻣﺎﻋﺪﻧﻪ ﺭﺟﻠﻬﺎ ﻋﻨﺪﺓ ﻗﻄﻌﺔ ﺍﺭﺽ ﺣﻴﻞ ﺟﺒﻴﺮﺓ ﻭﺭﺙ ﻣﻦ ﻋﻤﻲ ﻭﺍﺑﻮ ﺍﺣﻼﻡ ﻫﻢ ﻛﺬﺍﻟﻚ ﺣﺼﻞ ﻣﺜﻠﻬﺎ ﺑﺲ ﺿﻴﺎﺀ ﺑﺎﻋﻬﺎ ﻭﻓﺘﺢ ﻣﺤﻞ ﺫﻫﺐ ﺻﻐﻴﺮ ﻭﺷﻮﻳﻪ ﺷﻮﻳﻪ ﺍﻟﺮﺯﻕ ﺍﺗﻮﺳﻊ ﻭﺻﺎﺭ ﺧﻴﺮ ﻣﻦ ﺍﻟﻠﻪ ﺑﺲ ﺟﻼﻝ ﺭﺍﻓﺾ ﻳﺒﻴﻊ ﮔﺎﻋﻪ ﻳﮕﻮﻝ ﺧﻮﺵ ﻭﺭﺍﺩ ﺑﻴﻬﺎ ﻭﺣﺎﻁ ﺑﻴﻬﺎ ﻓﻼﻟﻴﺢ ﻋﻠﻴﺶ ﺍﺑﻴﻌﻬﺎ
ﺻﺒﻴﺖ ﺍﻟﻐﺪﺓ ﺍﻧﻲ ﻭﺳﻌﺎﺩ ﻣﺮﺓ ﺟﻼﻝ ﻣﺎﺻﺪﻛﺖ ﺍﻛﻤﻞ ﺍﻟﺼﺐ ﺻﺮﻋﺘﻨﻲ ﺑﺸﻜﺎﻭﻳﻬﺎ ﻭﻣﺎﺻﺎﺭ ﻛﻢ ﻳﻮﻡ ﺷﻠﺘﻠﻬﺎ ﺯﻭﺝ ﺍﺑﺘﻮﺕ ﻭﺍﻧﻄﻴﺘﻬﺎ ﻭﻏﻴﺮ ﻣﺼﺮﻑ ﺿﻴﺎﺀ ﺍﻟﻬﻢ
ﺟﻼﻝ ﻋﻨﺪﺓ ﺛﻠﺚ ﻭﻟﺪ ﻭﻣﺮﺗﻪ ﺭﻏﻢ ﺍﻧﻲ ﺯﻳﻨﻪ ﻭﻳﺎﻫﺎ ﺩﻭﻡ ﺍﺗﺴﻤﻌﻨﻲ ﻛﻼﻡ ﻻﻥ ﺧﻠﻔﺘﻲ ﺑﺲ ﺑﻨﺎﺕ ﻭﻫﻲ ﺑﺲ ﻭﻟﺪ ﻭﻛﻞ ﻣﺎﺗﺠﻲ ﺍﺗﮕﻠﻲ ﺧﺎﻑ ﺍﻟﺒﻄﻨﺞ ﻫﻢ ﺍﺑﻨﻴﻪ ﺍﻟﻠﻪ ﻳﺴﺎﻋﺪﺝ
ﮔﺘﻠﻬﺎ ﺍﻟﺒﻨﺎﺕ ﺣﻤﺎﻣﺎﺕ ﺍﻟﺪﺍﺭ ﻭﻛﻞ ﻭﺣﺪﺓ ﺗﺠﻲ ﻳﺠﻲ ﺧﻴﺮﻫﺎ ﻭﻳﺎﻫﺎ ﻭﺍﻧﻲ ﻻﺧﺎﻟﻘﻪ ﺍﻳﺪ ﻭﻻﺭﺟﻞ ﺍﻟﻤﻬﻢ ﺑﻨﺎﺗﻲ ﺻﺎﺣﻴﺎﺕ ﻭﻋﺪﻫﻦ ﻋﺎﻓﻴﻪ ﻛﻠﺸﻲ ﻣﺎﺭﻳﺪ
ﻭﺍﻟﺒﻄﻦ ﺍﻟﺘﺠﻴﺐ ﺍﻻﺑﻨﻴﻪ ﺍﺗﺠﻴﺐ ﺍﻻﻭﻟﻴﺪ ﻭﺍﻣﻠﻲ ﺏ ﺍﻟﻠﻪ ﺟﺒﻴﺮ
ﻛﻤﻠﻨﻪ ﺻﺐ ﻭﺑﻨﺎﺗﻲ ﻓﺪﻭﺓ ﺍﻟﻬﻦ ﻣﺪﻥ ﺍﻟﺴﻔﺮﺓ ﺍﻭﻻﺩ ﺟﻼﻝ ﻭﺑﻨﺎﺗﻲ ﺍﻟﻜﺒﺎﺭ ﺍﺛﻨﻴﻨﻬﻦ ﻳﻨﮕﻠﻦ ﺑﺎﻟﻤﻮﺍﻋﻴﻦ
ﻭﻓﻄﻮﻣﻪ ﻭﻳﺎﻫﻦ ﻫﺎﻱ ﺑﻨﺘﻲ ﺍﺧﺮ ﺍﻟﻌﻨﮕﻮﺩ ﻋﻤﺮﻫﺎ 3 ﺳﻨﻮﺍﺕ
ﮔﻌﺪﻧﻪ ﻧﺎﻛﻞ ﻛﻤﻠﻨﻪ ﻭﺷﻠﻨﻪ ﺍﻟﺴﻔﺮﺓ ﺣﻄﻴﺖ ﺍﻟﻘﻮﺭﻱ ﻉ ﺍﻟﻨﺎﺭ ﺳﻮﻳﺘﻠﻬﻢ ﺟﺎﻱ
ﺻﺒﻴﺘﻪ ﻭﺭﺣﺖ ﻳﻤﻬﻢ ﺳﻤﻌﺖ ﺣﺪﻳﺚ ﺑﻴﻦ ﺿﻴﺎﺀ ﻭﺟﻼﻝ ﻋﻠﺊ ﺑﻴﻊ ﺍﻻﺭﺽ ﻭﺳﻠﻔﻪ ﻭﻣﺎﺍﻋﺮﻑ ﺷﻨﻮ
ﺑﻄﺒﻌﻲ ﻫﺎﺩﺋﻪ ﻣﺎﺍﺣﺠﻲ ﻭﻻﺍﺩﺧﻞ ﺑﻌﺪﻳﻦ ﻋﻮﺩ ﺍﻓﻬﻢ ﻣﻦ ﺿﻴﺎﺀ
ﻭﺻﺪﮒ ﻣﻦ ﺭﺍﺣﻮ ﺍﺳﺘﻔﺴﺮﺕ ﻣﻦ ﻋﻨﺪﺓ ﮔﺎﻝ ﺟﻼﻝ ﺩﺍﺧﻞ ﺑﻤﺸﺮﻭﻉ ﻳﺠﻴﺐ ﺳﻴﺎﺭﺍﺕ ﻣﻦ ﺍﻟﺨﺎﺭﺝ ﻭﻳﺮﻳﺪ ﻳﺪﻳﻦ ﻣﻦ ﺍﻟﻤﺼﺮﻑ ﻭﺍﻧﻲ ﺍﻟﻜﻔﻴﻞ
ﺳﺎﻟﺘﻪ ﺷﮕﺪ ﺍﻟﻤﺒﻠﻎ ﮔﺎﻝ ﺍﻟﻤﺒﻠﻎ ﺿﺨﻢ ﻭﻣﻮ ﺑﺲ ﻣﻦ ﺍﻟﻤﺼﺮﻑ ﺭﺑﻌﻬﻦ ﻣﻦ ﺍﻟﻤﺼﺮﻑ ﻭﻧﺺ ﻣﻦ ﻋﻨﺪﻱ ﻭﺭﺑﻊ ﻣﻦ ﺗﺎﺟﺮ ﺑﺎﻟﺴﻮﮒ
ﮔﺘﻠﻪ ﺿﻴﺎﺀﻭﺍﻟﻠﻪ ﻻﺯﻣﻪ ﮔﻠﺒﻲ ﺧﺎﻑ ﻳﺼﻴﺮ ﺷﻲ ﻭﺗﻮﮔﻊ ﺑﺮﺍﺳﻨﻪ
ﺿﻴﺎﺀ،،ﺷﻴﺼﻴﺮ ﻳﻤﻌﻮﺩﺓ ﻭﺑﻌﺪﻳﻦ ﺟﻼﻝ ﻋﺎﺭﺽ ﺍﻻﺭﺽ ﻟﻠﺒﻴﻊ ﻭﻗﻴﻤﺘﻬﺎ ﺍﺗﺴﺪ ﺍﻟﺪﻳﻦ ﻭﺑﺲ ﺗﻨﺒﺎﻉ ﻳﺮﺟﻊ ﺍﻓﻠﻮﺳﻲ ﻭﺍﻓﻠﻮﺱ ﺍﻟﻌﺎﻟﻢ
ﺍﻡ ﺍﺣﻼﻡ،،ﻣﺎﺩﺍﻡ ﮔﺘﻠﻲ ﮔﻠﺒﻲ ﺑﻌﺪ ﻣﺎﻳﺮﺗﺎﺡ ﻣﻨﺎ ﻟﻤﻦ ﺗﺨﻠﺺ ﺳﺎﻟﻔﺔ ﺟﻼﻝ
ﻭﻓﻌﻼ ﺑﻌﺪ ﻳﻮﻣﻴﻦ ﺍﺩﺍﻳﻦ ﺟﻼﻝ ﺍﻻﻓﻠﻮﺱ ﻭﺿﻴﺎﺀ ﺍﺧﺬ ﺳﻠﻔﻪ ﻣﻦ ﺻﺎﺣﺒﻪ ﺑﻨﺺ ﺍﻟﻤﺒﻠﻎ ﻭﮔﺎﻟﻪ ﻓﺘﺮﺓ ﻭﺍﺭﺟﻌﻪ ﻻﻥ ﺍﺷﺘﺮﻳﺖ ﺑﻀﺎﻋﻪ ﺟﺪﻳﺪﺓ ﻭﻣﺎﻛﻮ ﺟﻮﻩ ﺍﻳﺪﻱ ﺍﻓﻠﻮﺱ
ﺻﺎﺭﺕ ﺳﺎﻟﻔﻪ ﺟﻼﻝ ﻛﻠﻬﺎ ﺩﻳﻦ ﺑﺪﻳﻦ ﻭﺍﻟﻜﻔﻴﻞ ﺿﻴﺎﺀ
ﺍﺳﺘﻠﻤﻮ ﺍﻟﻔﻠﻮﺱ ﺟﺎﻥ ﻣﺒﻠﻎ ﻛﻠﺶ ﺻﺨﻢ ﺷﺎﻟﻪ ﺿﻴﺎﺀ ﻭﺍﻧﻄﺎﺀ ﻝ ﺍﺧﻮ
ﻭﺍﻟﻤﻔﺮﻭﺽ ﺍﺳﺒﻮﻉ ﻭﺗﻨﺒﺎﻉ ﺍﻟﮕﺎﻉ ﻭﺗﺮﺟﻊ ﺍﻓﻠﻮﺱ ﺍﻟﻌﺎﻟﻢ
ﺍﻧﺘﻬﺊ ﺍﻻﺳﺒﻮﻉ ﻭﺻﺎﺭ ﻭﻗﺖ ﺍﻟﺘﺴﺪﻳﺪ
ﺟﻨﺖ ﺧﺎﻟﻪ ﻓﺎﻃﻤﻪ ﻭﺍﻣﺸﻄﻠﻬﺎ ﺍﻧﺪﮒ ﺍﻟﺒﺎﺏ ﺭﺍﺣﺖ ﺯﻫﺮﺍﺀ ﺍﺗﻔﺘﺤﻪ
ﺍﺟﻪ ﺿﻴﺎﺀ ﻭﺍﻟﻮﺟﻪ ﺍﺻﻔﺮ ﺷﺎﺣﺐ ﻋﺒﺎﻟﻚ ﺫﺍﺑﻴﻦ ﻋﻠﺊ ﻭﺟﻬﺎ ﺻﻢ ﺍﺗﺮﺍﺏ
ﮔﻤﺖ ﮔﻮﺓ ﻭﺑﮕﻠﺒﻲ ﺧﻮﻓﻪ ﺳﺎﻟﺘﻪ ﺍﺷﺒﻴﻚ ﻭﻟﻴﺶ ﻫﻴﺞ ﻭﺿﻌﻚ
ﺿﻴﺎﺀ،،ﻣﺼﻴﺒﻪ ﻣﺼﻴﺒﻪ ﺍﻭﮔﻌﺖ ﻋﻠﺊ ﺭﺍﺳﻨﻪ
ﺍﻡ ﺍﺣﻼﻡ،،ﻛﻌﺪﺕ ﻳﻢ ﺭﺟﻠﻲ ﺍﺣﺲ ﺍﻟﻄﻔﻞ ﺻﺎﺭ ﻳﻀﺮﺏ ﺑﻘﻮﺓ ﻛﺘﻠﻪ ﺣﺠﻴﻠﻲ ﻣﻮ ﻭﮔﻌﺖ ﮔﻠﺒﻲ
ﺿﻴﺎﺀ،،ﻭﻟﻠﺞ ﺍﺧﻮﻭﻱ ﻗﺸﻤﺮﻧﻲ ﺍﺧﻮﻱ ﺍﺑﻦ ﺍﻣﻲ ﻭﺍﺑﻮﻱ ﺿﺤﻚ ﻋﻠﻴﻪ ﺍﺧﺬ ﺍﻟﻔﻠﻮﺱ ﻭﺍﻧﻬﺰﺯﺯﻡ
ﺍﻡ ﺍﺣﻼﻡ، ،ﺿﺮﺑﺖ ﻋﻠﺊ ﻭﺟﻬﻲ ﮔﺘﻠﻪ ﻫﺬﺍﺍ ﺍﻟﺨﻔﺖ ﻣﻨﻪ
ﺑﻘﻴﺖ ﮔﺎﻋﺪﺓ ﺳﺎﻋﻪ ﺍﺿﺮﺏ ﻋﻠﺊ ﺧﺪﻱ ﻭﺳﺎﻋﻪ ﺍﺿﺮﺏ ﻋﻠﺊ ﺭﺟﻠﻲ
ﺷﻮﻳﻪ ﻭﺍﻧﺪﮔﺖ ﺍﻟﺒﺎﺏ ﻭﺍﻻﺟﻪ ﻭﺍﺣﺪ ﻣﻦ ﺍﻟﺪﺍﻳﻨﻪ ﻳﻄﺎﻟﺐ ﺑﻔﻠﻮﺳﻪ ﻻﻥ ﺟﺰﺓ ﺍﻟﻤﻮﻋﺪ
ﺿﻴﺎﺀ ﺿﻞ ﻣﺜﻞ ﺍﻟﻤﺨﺒﻞ ﻳﺮﻭﺡ ﻣﻨﺎ ﻭﻳﺮﺟﻊ ﻣﻨﺎ ﻭﻳﺼﻔﮓ ﺍﻳﺪ ﺏ ﺍﻳﺪ ﻣﺼﺪﻭﻡ ﻣﻦ ﺍﺑﻦ ﺍﻣﻪ ﻳﺴﺘﻐﻠﻪ ﻭﻳﺎﺧﺬ ﺍﻟﻔﻠﻮﺱ ﻭﻳﺸﺮﺩ
ﻟﻠﻴﻞ ﻛﻞ ﺷﻮﻳﻪ ﺍﻭﺍﺣﺪ ﺟﺎﻱ ﻳﺮﻳﺪ ﺍﻓﻠﻮﺳﻪ ﺑﺲ ﺍﻟﻤﺼﺮﻑ ﻣﻦ ﺍﻟﺒﺪﺍﻳﻪ ﺍﺗﻔﻘﻮ ﺷﻬﺮ ﻉ ﺍﻟﺘﺴﺪﻳﺪ
ﺍﺑﺎﻭﻉ ﺍﻟﻀﻴﺎﺀ ﻭﺟﻬﺎ ﺍﺗﻐﻴﺮﺕ ﺍﻋﻠﻮﻣﻪ ﻭﺻﺎﺭ ﮔﻮﺓ ﻳﺠﺮ ﺍﻟﻨﻔﺲ ﻭﺍﻟﻌﺮﻓﺘﻪ ﺟﻼﻝ ﻣﺎﺧﺬ ﻋﻴﺎﻟﻪ ﻭﻣﺴﺎﻓﺮ ﺻﺎﺭﻟﻪ ﻳﻮﻣﻴﻦ ﺑﺲ ﺍﻟﻤﺼﻴﺒﻪ ﻃﻠﻊ ﺑﺎﻳﻊ ﺍﻻﺭﺽ ﻣﻦ ﺯﻣﺎﻥ ﻭﺻﺎﺭﻑ ﺍﻓﻠﻮﺳﻬﺎ ﻉ ﺍﻟﻤﻜﺴﺮﺍﺕ ﻭﺍﻟﺴﻮﺍﻟﻒ ﺍﻟﻤﻮﺯﻳﻨﻪ ﺑﺲ ﺿﻴﺎﺀ ﻣﺎﺟﺎﻥ ﻋﻨﺪﺓ ﻋﻠﻢ ﺑﺴﻮﺍﻟﻒ ﺍﺧﻮ ﻻﻥ ﻣﺨﻠﺼﻬﺎ ﺩﻭﻡ ﻋﻠﺊ ﺑﺎﺏ ﺍﻟﻠﻪ
ﻣﻦ ﺳﻤﻊ ﺍﻻﺭﺽ ﻣﺒﻴﻮﻋﻪ ﻭﮔﻊ ﻣﻦ ﻃﻮﻟﻪ ﺭﻛﻀﺖ ﻋﻠﻲ ﻓﺘﺤﺖ ﺩﮔﻢ ﺩﺷﺪﺍﺷﺘﻪ ﺑﻨﺎﺗﻲ ﺍﺗﺴﻮﺩﻧﻦ ﻣﻦ ﺍﻟﺒﻮﺍﺟﻲ ﻻﻥ ﺍﻧﺨﺒﺼﺖ ﻣﺎﺍﻋﺮﻑ ﺷﺴﻮﻱ
ﺗﺎﻟﻲ ﻓﺘﺤﺖ ﺑﺎﺏ ﺍﻟﺤﻮﺵ ﻭﺻﺤﺖ ﺑﺼﻮﺕ ﻭﺍﺣﺪ ﻳﺒﻮﻭﻭﻭﻭﻭ
ﺑﻠﺤﻀﻪ ﺍﻟﺠﻴﺮﺍﻥ ﺍﺟﺖ ﺗﺘﺮﺍﻛﺾ ﮔﻌﺪﺕ ﺑﺎﻟﮕﺎﻉ ﺍﻟﻄﻢ ﻭﺟﻴﺮﺍﻧﻪ ﺷﺎﻟﻮ ﺿﻴﺎﺀ ﻟﻠﻤﺴﺘﺸﻔﺊ ﺟﺎﺭﺗﻲ ﺍﻡ ﻗﺎﺳﻢ ﺟﺎﺑﺖ ﻋﺒﺎﺗﻲ ﺧﻠﺘﻬﺎ ﻋﻠﺊ ﺭﺍﺳﻲ
ﻟﺤﮕﻨﺎﻫﻢ ﺑﻐﻴﺮ ﺳﻴﺎﺭﺓ ﻭﺻﻠﻨﻪ ﻟﻠﻤﺴﺘﺸﻔﺊ ﻭﻧﺰﻟﻮ ﺿﻴﺎﺀ
ﻧﺰﻟﺖ ﻭﺍﻧﻲ ﻻﺯﻣﻪ ﺑﻄﻨﻲ ﺍﻟﻄﻔﻞ ﻳﺮﻓﺲ ﻭﺍﻧﻲ ﺗﻮﻧﻲ ﺑﺎﻟﺴﺎﺑﻊ ﻭﻋﻠﺊ ﺳﺎﻋﻪ ﺍﺟﻴﺐ ﻣﻦ ﺍﻟﻘﻬﺮ
ﺩﺧﻠﻮ ﻟﻠﻄﻮﺍﺭﺉ ﺷﻮﻳﻪ ﻭﺍﻧﺨﺒﺼﺖ ﺍﻻﻃﺒﺎﺀ ﻓﻮﮒ ﺭﺍﺳﻪ ﺷﮕﻮ ﺩﺷﺪﺍﺷﺘﻪ ﻭﺻﺎﺭﻭ ﻳﺴﻮﻟﻪ ﺭﺟﺎﺕ ﻛﻬﺮﺑﺎﻳﻪ
ﺭﻓﻌﺖ ﻋﻴﻮﻧﻲ ﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﮔﺘﻠﻪ ﻳﺎﺭﺏ ﻭﺣﻘﻚ ﻭﺣﻖ ﺍﺳﻤﻚ ﻭﺣﻤﻠﺔ ﻋﺮﺷﻚ ﻫﺬﺍ ﺍﺧﺮ ﻃﻠﺐ ﺍﻃﻠﺒﻪ ﺑﺲ ﺍﻧﻘﺬﻟﻲ ﺯﻟﻤﺘﻲ ﻭﮔﻮﻣﻪ ﺑﺴﻼﻣﻪ ﻭﺑﻌﺪ ﻛﻠﺸﻲ ﻣﺎﺍﺭﻳﺪ
ﺍﻟﺪﻛﺘﻮﺭ ﮔﺎﻝ ﺍﻧﻀﺮﺏ ﺟﻠﻄﺘﻴﻦ ﺑﺮﺍﺳﻪ
ﺍﺣﺲ ﺍﻟﮕﺎﻉ ﺍﻓﺘﺮﺕ ﺑﻴﻪ ﺍﺧﺬﻭ ﺍﻟﺪﻛﺎﺗﺮﺓ ﻟﻐﺮﻓﻪ ﺍﻻﻧﻌﺎﺵ
ﻭﺍﻟﻀﻐﻂ ﺻﺎﻋﺪ ﻓﻮﻝ ﻋﻨﺪﺓ
ﺍﻧﻄﻮ ﺍﺑﺮ ﺑﺎﻟﻤﻐﺬﻱ ﻳﺤﺎﻭﻟﻮﻥ ﻳﻨﺰﻟﻮﻥ ﺍﻟﻀﻐﻂ
ﺳﺎﻋﻪ ﻛﺎﻣﻠﻪ ﻭﺍﻟﺪﻛﺎﺗﺮﺓ ﻭﺍﮔﻔﻴﻦ ﻋﻠﺊ ﺭﺍﺳﻪ ﻭﺍﻻﺟﻬﺰﺓ ﺗﺮﺳﺖ ﺟﺴﻤﻪ
ﺟﻨﺖ ﮔﺎﻋﺪﺓ ﺑﺎﻟﮕﺎﻉ ﻻﻥ ﻣﺎﺍﮔﺪﺭ ﺍﻭﮔﻒ ﺑﺲ ﺍﻋﺼﺎﺑﻲ ﻛﻠﻬﺎ ﺗﺮﺟﻒ ﻋﻠﺊ ﺍﺑﻮ ﺑﻴﺘﻲ ﻭﺷﺮﻳﻚ ﺩﺭﺑﻲ
ﺷﻮﻳﻪ ﻭﺟﺎﻥ ﺍﺷﻮﻑ ﺿﻴﺎﺀ ﻟﺰﻣﺘﻪ ﻣﺜﻞ ﺣﺎﻟﺔ ﺍﻟﺼﺮﻉ
ﻃﻔﺮﺕ ﻣﻦ ﻣﻜﺎﻧﻲ ﺍﺗﻘﺮﺑﺖ ﻣﻨﻪ ﺍﻟﺪﻛﺎﺗﺮﺓ ﺑﻌﺪﻭﻧﻲ ﺻﺮﺕ ﻣﺎﺍﺷﻮﻓﻪ ﻛﻠﺶ ﻻﻥ ﻳﺤﺎﻭﻟﻮﻥ ﻳﺴﻌﻔﻮ
ﺑﺎﻭﻋﺖ ﻭﻫﻨﺎ ﺟﺎﻧﺖ ﺍﻟﺼﺪﻣﻪ ﻣﻦ ﺷﻔﺖ ﻭﺟﻬﺎ ﻛﻠﻪ ﺩﻡ
ﻋﻴﻮﻧﻪ ﻣﻔﺘﻮﺣﻪ ﺑﺼﻮﺭﺓ ﻣﺮﻋﺒﻪ ﻃﺎﻟﻌﻪ ﻟﮕﺪﺍﻡ ﻭﺗﺠﺮﻱ ﺩﻡ
ﻭﺍﺫﺍﻧﺎﺗﻪ ﻭﺧﺸﻤﻪ ﻛﻠﻬﻦ ﻳﺠﺮﻥ ﺩﻡ
ﻫﻲ ﺩﻗﺎﻳﻖ ﻭﺳﻤﻌﻨﻪ ﺍﻟﺠﻬﺎﺯ ﻳﺼﻔﺮ ﺍﻟﺪﻛﺘﻮﺭ ﺍﻧﻄﻪ ﻭﻗﺖ ﺍﻟﻮﻓﺎﻩ ﻻﻥ ﺳﻤﻌﺘﻪ ﮔﺎﻝ ﺍﻧﻀﺮﺏ ﺍﻟﺠﻠﻄﻪ ﺍﻟﺮﺍﺑﻌﻪ ﻭﺻﺎﺭ ﺍﻧﻔﺠﺎﺭ ﺑﺮﺍﺳﻌﻪ ﻣﺴﺒﺒﺘﻠﻪ ﺫﻭﺑﺎﻥ ﺍﻟﻤﺨﻴﺦ
ﻭﮔﻌﺖ ﻣﻦ ﻃﻮﻟﻲ ﻣﺎﺍﻋﺮﻑ ﺑﺬﻳﺞ ﺍﻟﺴﺎﻋﻪ ﺷﺴﻮﻳﺖ ﻭﺷﻠﻄﻤﺖ ﻭﺷﺼﺮﺧﺖ ﺑﺲ ﻛﻞ ﺍﻟﺤﺴﻴﺘﻪ ﺭﻭﺣﻲ ﺭﺍﺣﺖ ﻭﻳﻪ ﺿﻴﺎﺀ ﻭﺍﻧﻬﺠﻢ ﺑﻴﺘﻨﻪ
ﺿﻴﺎﺀ ﻣﺎﻋﻨﺪﺓ ﻏﻴﺮ ﺍﺧﻮ ﻭﺍﺣﺪ ﻭﻫﻮ ﺳﺒﺐ ﻣﺼﻴﺒﺘﻨﻪ ﻭﺍﻣﻪ ﻭﺍﺑﻮ ﻣﺘﻮﻓﻴﻦ ﻭﺍﻧﻲ ﺑﺲ ﺍﻣﻲ ﻋﺎﻳﺸﻪ ﻭﮔﺎﻋﺪﺓ ﻋﺪ ﺍﺧﻮﻱ ﺍﺣﻨﻪ ﺍﺛﻨﻴﻦ ﺍﺧﻮﺍﺕ ﺍﻭﻟﺪ ﻭﺍﺣﺪ ﺍﺧﻮﻱ ﻃﺒﻌﻪ ﺻﻌﺐ ﻧﺤﺲ ﺑﺸﻜﻞ ﻻﻳﺤﺐ ﻳﻨﻄﻲ ﻭﻻﻳﺎﺧﺬ ﻭﻻﻳﺮﻳﺪ ﻭﺍﺣﺪ ﻳﺠﻲ ﻭﻻﻳﺠﻴﻨﻪ ﻟﺬﺍﻟﻚ ﻣﻦ ﺯﻣﺎﻥ ﺍﻟﺘﻘﻲ ﺑﻲ ﺑﺲ ﺑﺎﺍﻻﻋﻴﺎﺩ ﻭﺍﻣﻲ ﻋﺎﻳﺸﻪ ﺑﻴﻨﺎﺗﻨﻪ ﺳﺎﻋﻪ ﻳﻤﻲ ﻭﺳﺎﻋﻪ ﻳﻤﻪ ﻭﺳﺎﻋﻪ ﻳﻢ ﺍﺧﺘﻲ
ﺟﻮﺍﺭﻳﻨﻪ ﺍﺗﺼﻠﻮ ﺑﻌﻤﺎﻣﻪ ﺍﺟﻮ ﺣﺘﺊ ﻳﻜﻤﻠﻮﻥ ﺍﺟﺮﺍﺋﺎﺕ ﺍﻟﺪﻓﻦ
ﺍﺑﺘﺪﺕ ﺍﻟﻔﺎﺗﺤﻪ ﺍﺑﻴﺘﻨﻪ ﻭﺟﻼﻝ ﻣﺎﺑﻴﻦ ﻭﺍﻧﻲ ﻭﺑﻨﺎﺗﻲ ﺣﺎﻟﺘﻨﻪ ﺣﺎﻟﻪ ﻣﺎﻭﮔﻒ ﻭﻳﺎﻧﻪ ﻏﻴﺮ ﺟﻴﺮﺍﻧﻪ ﺍﻟﻠﻪ ﻳﻨﻄﻴﻬﻢ
ﻻﻥ ﻋﻤﺎﻣﻪ ﻣﻦ ﺳﻤﻌﻮ ﺑﺴﺎﻟﻔﺔ ﺍﻟﺪﻳﻦ ﻛﻠﻤﻦ ﺍﻧﻬﺰﻡ ﺑﺮﻭﺣﻪ ﺧﺎﻑ ﻳﺪﻓﻌﻮﻥ ﺍﻟﺪﻳﻦ ﻫﻤﻪ
ﺣﺘﺊ ﺍﺧﻮﻱ ﻭﺣﻴﺪﻱ ﺍﺟﻪ ﻭﮔﻒ ﺑﺎﻟﻔﺎﺗﺤﻪ ﻣﺜﻞ ﺍﻟﻐﺮﻳﺐ ﺣﺘﺊ ﻣﺎﺳﺄﻟﻨﻲ ﺷﻤﺤﺘﺎﺟﻪ ﻣﺎﻣﺤﺘﺎﺟﻪ
ﺟﻨﺖ ﮔﺎﻃﻌﻪ ﺍﻻﻛﻞ ﻭﺣﺎﻟﺘﻲ ﺑﺎﻟﻨﺰﻻﻥ ﻏﻴﺮ ﻓﺎﻃﻤﻪ ﺍﻛﺜﺮ ﻭﺣﺪﺓ ﺏ ﺍﺧﻮﺍﺗﻬﺎ ﺗﻌﺒﺘﻨﻲ ﻫﺎﻱ ﻣﺪﻟﻠﺔ ﺍﺑﻮﻫﺎ ﻭﻣﺘﻌﻠﻤﻪ ﻣﺎﺍﺗﻨﺎﻡ ﺍﺫﺍ ﻣﻮﺑﺤﻀﻨﻪ ﻭﻣﻦ ﻳﺠﻲ ﺗﺘﻠﮕﺎﻩ ﻳﺸﻴﻠﻬﺎ ﻳﺤﻄﻬﺎ ﻋﻠﺊ ﻣﺘﻮﻧﻪ
ﺟﺎﻧﺖ ﺗﺨﻠﺺ ﺍﻟﻠﻴﻞ ﺗﺒﺠﻲ ﺗﺮﻳﺪ ﺍﺑﻮﻫﺎ ﻭﻛﻞ ﻣﺤﺎﻭﻻﺗﻲ ﻭﻳﺎﻫﺎ ﺣﺘﺊ ﺍﻗﻨﻌﻬﺎ ﺗﻔﺸﻞ ﻋﻤﺮﻫﺎ ﺻﻐﻴﺮ ﻣﺎﺗﻔﻬﻢ ﻛﻼﻣﻲ ﻛﻠﺶ ﻭﻣﻦ ﺍﮔﻠﻬﺎ ﻣﺴﺎﻓﺮ ﺗﺒﺠﻲ ﺗﺮﻳﺪﺓ ﻣﺎﻳﺮﻫﻢ ﻋﺪﻫﺎ ﻣﺎﺗﺸﻮﻓﻪ
ﺍﻧﺘﻬﺖ ﺍﻟﻔﺎﺗﺤﻪ ﻭﻟﺰﻣﺖ ﻋﺪﺓ ﺑﻘﻴﺖ ﺍﺑﻴﺘﻲ ﻻﺍﻃﻠﻊ ﻭﻻﺍﻣﺸﻲ ﺑﺲ ﻳﻮﻣﻴﻪ ﺗﺠﻲ ﺟﻴﺮﺍﻧﻪ ﺍﻧﻄﻴﻬﺎ ﺍﻓﻠﻮﺱ ﺗﺘﺴﻮﮒ ﺍﻟﻨﻪ ﻭﻣﺤﻞ ﺿﻴﺎﺀ ﻣﻘﻔﻮﻝ ﻣﻦ ﻳﻮﻡ ﺍﻟﻤﺎﺕ
ﺍﻧﻲ ﻣﺎﺍﻋﺮﻑ ﺷﻲ ﺑﺸﻐﻠﻪ ﻻ ﺍﻋﺮﻑ ﻳﻄﻠﺐ ﻣﻨﻮ ﻭﻻ ﻣﻨﻮ ﺍﻟﻴﻄﻠﺒﻪ
ﺧﻠﺺ ﺷﻬﺮ ﻭﺍﺟﺎﻧﻪ ﺧﺒﺮ ﻣﻦ ﺍﻟﺒﻨﮓ ﻳﺮﺩﻭﻥ ﺍﻟﻘﺮﺽ ﻭﻣﺎﺟﺎﻥ ﻋﻨﺪﻱ ﺣﻞ ﻏﻴﺮ ﻟﺒﺴﺖ ﺑﻮﺷﻴﻪ ﻭﻋﺒﺎﻳﻪ ﻭﺭﺣﺖ ﻟﻠﻤﺤﻞ ﻓﺘﺤﺘﻪ ﻛﻠﺸﻲ ﺑﺎﻗﻲ ﻋﻠﺊ ﺣﻄﺘﻪ
ﺍﺟﻪ ﺭﺟﺎﻝ ﻣﺤﻠﻪ ﺑﺼﻒ ﻣﺤﻞ ﺿﻴﺎﺀ ﻋﺮﺽ ﺧﺪﻣﺎﺗﻪ ﻭﺑﺸﻨﻮ ﻳﺴﺎﻋﺪﻧﻲ ﮔﺘﻠﻪ ﺧﻴﻲ ﺍﻧﻲ ﻻﺯﻣﻪ ﻋﺪﺓ ﻭﻣﺎﻋﻨﺪﻱ ﻏﻴﺮ ﻫﻠﺤﻞ ﻭﻻﺯﻡ ﻳﺘﺴﺪﺩ ﻗﺮﺽ ﺍﻟﻤﺼﺮﻑ
ﮔﺎﻝ ﺍﻧﻄﻴﻨﻲ ﺍﻟﺴﺠﻞ ﺧﻞ ﺍﺷﻮﻑ ﺑﻠﻜﺖ ﻧﺠﻤﻊ ﺩﻳﻦ ﺿﻴﺎﺀ ﺍﻟﻠﻪ ﻳﺮﺣﻤﻪ ﻻﻥ ﺍﻫﻮﺍﻱ ﻳﻄﻠﺐ ﻋﺎﻟﻢ ﺑﻠﻜﺖ ﻳﻮﻓﻮﻥ ﺣﺘﺊ ﻧﺴﺪ ﻗﺴﻢ ﻣﻦ ﺍﻟﻤﺒﻠﻎ
ﻭﻓﻌﻼ ﻃﻠﻊ ﺍﻛﻮ ﺍﻫﻮﺍﻱ ﻧﺎﺱ ﻣﺎﺩﺍﻓﻌﻪ ﻭﺍﺭﻗﺎﻣﻬﻢ ﻣﺴﺠﻠﻪ ﮔﻌﺪﺕ ﻭﺍﻟﺮﺟﺎﻝ ﺑﺪﺓ ﻳﺘﺼﻞ ﻋﻠﻴﻬﻢ ﻣﻦ ﺍﻟﺘﻠﻴﻔﻮﻥ ﺍﻻﺭﺿﻲ ﻣﺎﻝ ﺍﻟﻤﺤﻞ ﺑﺲ ﻗﻠﻴﻠﻴﻦ ﻛﻠﺶ ﺍﻟﮕﺎﻟﻮ ﺍﻧﺴﺪﺩ ﻭﺍﻻﻛﺜﺮﻳﻪ ﺍﺗﺤﺠﺠﻮ ﻣﺎﻋﺪﻫﻢ
ﻭﻓﻌﻼ ﻳﻮﻣﻴﻦ ﻭﻧﺠﻤﻊ ﻣﺒﻠﻎ ﻛﻠﺶ ﻗﻠﻴﻞ ﻭﺭﺟﻊ ﺍﺟﺎﻧﻲ ﺑﻼﻍ ﻣﻦ ﺍﻟﺒﻨﮓ ﻻﻥ ﺿﻴﺎﺀ ﺍﻟﻜﻔﻴﻞ ﺍﻛﻴﺪ ﻣﻦ ﻣﺎﻟﮕﻮ ﺟﻼﻝ ﺍﺟﻮ ﻋﻠﺊ ﺿﻴﺎﺀ
ﻳﻮﻣﻴﻦ ﻭﻫﻢ ﺍﺗﺒﻮﺷﺖ ﻭﺭﺣﺖ ﻟﻠﻤﺤﻞ ﺍﺧﺬﺕ ﺍﻟﻔﻠﻮﺱ ﻭﺍﻟﺮﺟﺎﻝ ﮔﺎﻝ ﺍﺫﺍﻣﺘﻮﺍﺯﻳﻪ ﺍﻧﻲ ﺍﺷﺘﺮﻱ ﻗﺴﻢ ﻣﻦ ﺍﻟﺬﻫﺐ ﺍﻟﻌﺪﺝ ﺑﺎﻟﻤﺤﻞ
ﻣﺎﺟﺎﻥ ﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﻻﻥ ﺧﻔﺖ ﻳﺤﺠﺰﻭﻥ ﺑﻴﺘﻲ ﻭﺗﺎﻟﻲ ﻧﻨﺸﻤﺮ ﺍﻧﻲ ﻭﺑﻨﺎﺗﻲ ﺑﺎﻟﺸﺎﺭﻉ
ﺑﻌﺖ ﻧﺺ ﺍﻟﺬﻫﺐ ﻟﻠﺼﺎﻳﻎ ﺍﻟﺜﺎﻧﻲ ﻭﺣﻄﻴﺖ ﺍﻟﻔﻠﻮﺱ ﻓﻮﮒ ﺍﻓﻠﻮﺱ ﺍﻟﺪﻳﻦ ﻣﺎﻝ ﺍﻟﻌﺎﻟﻢ ﻭﺳﺪﺩﺕ ﺍﻟﻘﺮﺽ ﻳﻠﻪ ﺟﺮﻳﺖ ﻧﻔﺲ ﺑﺮﺍﺣﻪ
ﻳﻮﻣﻴﻦ ﻭﺍﺟﻪ ﺭﺟﺎﻝ ﺣﺠﻴﺖ ﻭﻳﺎﻩ ﻣﻦ ﻭﺭﻩ ﺍﻟﺒﺎﺏ ﻭﻛﺎﻥ ﺗﺎﺟﺮ ﻭﻳﻄﺎﻟﺐ ﺑﻔﻠﻮﺳﻪ ﻭﺍﻟﻌﺮﻓﺘﻪ ﻫﺬﺍ ﻧﻔﺴﻪ ﺍﻻﺧﺬﻭ ﻣﻨﻪ ﺑﻘﻴﺔ ﺍﻟﻔﻠﻮﺱ
ﺑﻘﻴﺖ ﺍﺳﺒﻮﻋﻴﻦ ﺍﻣﺎﻃﻞ ﻭﻳﺎﻩ ﻳﻮﻣﻴﻪ ﺍﺗﺤﺠﺞ ﺑﺸﻲ ﻭﺍﻟﻤﺤﻞ ﻣﺎﻳﺸﺘﻐﻞ ﺣﺘﺊ ﺍﺩﻓﻊ ﻓﻠﻮﺳﻪ ﻻﻥ ﺍﻧﻲ ﻻﺯﻣﻪ ﻋﺪﺓ ﻣﺎﺍﮔﺪﺭ ﺍﻭﮔﻒ ﺑﻤﻜﺎﻥ ﺭﺟﻠﻲ
ﻭﻫﺬﺍ ﺍﻟﺘﺎﺟﺮ ﺿﻞ ﻳﻠﺢ ﺗﺎﻟﻲ ﮔﺎﻝ ﺍﺷﺘﻜﻲ ﻋﻠﻴﺞ ﺍﺫﺍ ﻣﺎﺗﺴﺪﺩ ﺩﻳﻨﻲ
ﺑﻘﻴﺖ ﺣﺎﻃﻪ ﺍﺑﻨﻴﺎﺗﻲ ﺑﺤﻀﻨﻲ ﻭﺍﺑﺠﻲ ﻋﻠﺊ ﺣﻴﺎﺗﻨﻪ ﺍﻻﻧﮕﻠﺒﺖ ﺑﻴﻦ ﻳﻮﻡ ﻭﻟﻴﻠﻪ ﺟﻨﺖ ﻣﺪﻟﻠﻪ ﺑﺠﺎﻝ ﺿﻴﺎﺀ ﻣﺎﺍﻫﻢ ﺑﺸﻲ ﻻﺑﺪﻳﻦ ﻭﻻﺑﻔﻠﻮﺱ ﺑﺲ ﺍﻛﻞ ﻭﺍﻧﺎﻡ
ﻭﺗﺎﻟﻲ ﺻﺮﺕ ﺣﺎﻟﻲ ﺍﻟﻀﻴﻢ ﺣﺎﻟﻲ
ﺑﺴﺒﺐ ﻣﻠﺤﺘﻪ ﺍﺿﻄﺮﻳﺖ ﺍﺑﻴﻊ ﻛﻞ ﺍﻟﻤﻮﺟﻮﺩ ﺑﺎﻟﻤﺤﻞ ﻭﺳﺪﺩﺗﻪ ﺑﻘﻪ ﻋﻨﺪﻱ ﺭﺑﻊ ﺍﻟﻤﺒﻠﻎ ﻭﺍﻟﻤﺤﻞ
ﻭﺟﺎﻥ ﻻﺯﻡ ﺍﺳﺪﺩ ﺑﻴﻬﻦ ﺍﺧﺮ ﻭﺍﺣﺪ ﻣﻦ ﺍﻟﺪﻳﺎﻧﻪ ﺑﺲ ﺍﻟﻔﻠﻮﺱ ﻣﺎﻛﻔﺖ ﺍﺿﻄﺮﻳﺖ ﺍﺑﻴﻌﻠﻪ ﺍﻟﻤﺤﻞ
ﻭﻣﻨﺎ ﻭﺍﺑﺘﺪﺕ ﻣﻌﺎﻧﺎﺗﻲ ﻣﻦ ﺻﻔﻴﺖ ﻻﺷﻐﻞ ﻭﻻﻋﻤﻞ ﻭﻻﺯﻟﻤﻪ ﻭﻻﺍﻱ ﺷﻲ
ﻭﺻﺮﺕ ﺍﻧﻲ ﺍﻟﻤﻌﻴﻠﻪ ﺍﻟﻌﺎﺋﻠﺘﻲ ﻭﺍﻟﻤﺴﺆﺅﻟﻪ ﻋﻦ ﺛﻼﺙ ﺑﻨﺎﺕ ﻭﺣﺎﻣﻞ ﺑﺎﻟﻄﻔﻞ ﺍﻟﺮﺍﺑﻊ ﺍﻟﻲ ﻣﺎﺍﻋﺮﻑ ﻭﻟﺪ ﻟﻮ ﺑﻨﺖ ﻟﺤﺪ ﺍﻻﻥ
ﻣﺮ ﻋﻠﺊ ﻭﻓﺎﺓ ﺿﻴﺎﺀ ﺛﻼﺙ ﺍﺷﻬﻮﺭ ﺩﺧﻠﺖ ﺑﺸﻬﺮﻱ ﻭﺍﻟﺰﻻﻝ ﺻﻌﺪ ﻋﻨﺪﻱ ﻓﺪ ﻣﺮﺓ ﺻﺮﺕ ﻣﺜﻞ ﺍﻟﻨﻔﺎﺧﻪ ﺟﺴﻤﻲ ﻛﻠﻪ ﻭﺍﺭﻡ ﻭﺭﺟﻠﻴﻪ ﺗﻜﺮﻣﻮﻥ ﺣﺘﺊ ﺍﻟﻨﻌﺎﻝ ﻣﺎﻳﺼﻴﺮ ﺑﻴﻬﻦ ﻣﻦ ﮔﺪ ﺍﻟﻮﺭﻡ ﺗﻌﺒﺖ ﺣﻴﻴﻴﻞ ﻻﺯﻟﻤﻪ ﻭﻻﺍﺥ ﻭﻻﺍﺏ ﺍﻟﻴﺪﮒ ﺑﺎﺑﻲ ﻭﻳﺴﺎﻟﻨﻲ ﺷﺒﻴﺞ ﻣﺎﺑﻴﺞ ﺷﻤﺤﺘﺎﺟﻪ ﻣﺎﻣﺤﺘﺎﺟﻪ
ﺷﻮﻳﻪ ﺷﻮﻳﻪ ﺍﻟﻨﺎﺱ ﺍﻻﻃﻠﺒﻬﻢ ﺍﺟﻮ ﻓﻜﻮ ﺍﻟﺪﻳﻦ ﺑﺲ ﺟﺎﻥ ﺍﻟﻄﻠﺐ ﺷﻲ ﺑﺴﻴﻂ ﺩﻭﺏ ﻳﻜﻔﻴﻨﻪ ﻣﺼﺮﻑ
ﺟﻼﻝ ﻣﺎﺑﻴﻦ ﺍﺑﺪ ﻭﺍﻧﮕﻄﻌﺖ ﺍﺧﺒﺎﺭﺓ ﺍﻟﺤﻘﻴﺮ ﻫﺠﻢ ﺑﻴﺖ ﺍﺧﻮ ﻭﺷﺮﺩ
ﺟﺎﺭﺗﻲ ﺍﻡ ﻗﺎﺳﻢ ﺩﻭﻡ ﺗﺴﺎﻋﺪﻧﻲ ﺍﻟﻤﺮﺓ ﺍﺣﺴﻬﺎ ﺍﺧﺘﻲ ﺍﻟﻤﺎﺟﺎﺑﺘﻬﺎ ﺍﻣﻲ
ﺩﻭﻡ ﺗﺠﻲ ﺗﺴﺄﻝ ﻋﻦ ﺍﺣﻮﺍﻟﻲ ﻭﺗﺴﺎﻋﺪﻧﻲ ﺑﺘﻨﻀﻴﻒ ﺍﻟﺒﻴﺖ ﻭﺍﻟﻄﺒﺦ ﻻﻥ ﺗﻌﺮﻑ ﻭﺿﻌﻲ ﻭﺍﺣﺒﺎﻟﺘﻲ ﺻﻌﺒﻪ
ﺍﺣﻼﻡ ﺑﻨﺘﻲ ﺑﺼﻒ ﺳﺎﺩﺱ ﺍﺑﺘﺪﺍﺋﻲ ﻭﺍﻟﺴﻨﻪ ﺑﻜﻠﻮﺭﻳﺎ ﻻﺯﻡ ﺗﺸﺪ ﺣﻴﻠﻬﺎ ﻭﺗﻨﺠﺢ
ﻟﺬﺍﻟﻚ ﻣﺎﺍﺻﺨﺮﻫﺎ ﺍﻫﻮﺍﻱ
ﺯﻫﺮﺓ ﺑﺼﻒ ﺭﺍﺑﻊ ﻭﻫﻢ ﺷﺎﻃﺮﺓ ﺑﺲ ﻣﺴﺘﻮﺍﻫﺎ ﺍﺗﺮﺍﺟﻊ ﻣﻦ ﻣﺎﺕ ﺍﺑﻮﻫﺎ
ﻭﻓﻄﻮﻣﻪ ﺍﺧﺮ ﺍﻟﻌﻨﮕﻮﺩ ﻋﻤﺮﻫﺎ 3 ﺳﻨﻮﺍﺕ
ﻭﻫﺎﻱ ﺷﻴﺒﺖ ﮔﻠﺒﻲ ﻗﺒﻞ ﺭﺍﺳﻲ ﻣﺘﻌﻠﻘﻪ ﺏ ﺍﺑﻮﻫﺎ ﻛﻠﺶ
ﺟﻨﺖ ﮔﺎﻋﺪﺓ ﺍﻟﻤﻐﺮﺏ ﺑﺎﻟﻤﻄﺒﺦ ﺍﻗﻠﻢ ﺑﺎﻧﻴﻪ ﻟﻠﻌﺸﻪ
ﺩﺧﻠﺖ ﻓﻄﻮﻣﻪ ﺗﺮﻛﺾ ﻭﺗﺒﺠﻲ ﻭﺗﺼﻴﺢ
ﺑﺎﺑﺎﺍﺍ ﺑﺎﺍﺍﺑﺎﺍ
ﻃﻔﺮﺕ ﻣﻦ ﮔﻌﺪﺗﻲ ﺟﺮﻳﺘﻬﺎ ﻣﻦ ﺍﻳﺪﻫﺎ ﻏﺴﻠﺘﻠﻬﺎ ﻭﺟﻬﺎ
ﺍﺭﻳﺪ ﺍﻓﺘﻬﻢ ﺷﺒﻴﻬﺎ ﻭﻋﻠﻴﻤﻦ ﺗﺒﺠﻲ
ﺣﺠﺖ ﺑﺼﻮﺕ ﮔﻮﺓ ﻓﻬﻤﺘﻪ ﮔﺎﻟﺖ
ﻓﺎﻃﻤﻪ،،ﺏ ﺑﺎﺑﺎ ﺏ ﺑﺎﺑﺎ ﺍﺟﻪ ﻳﻤﺸﻲ ﺏ ﺍﻟﺸﺎﺭﻉ
ﺍﺟﻪ ﺑﺎ ﺑﺎﺳﻨﻲ ﻭ ﻭﺭﺍﺡ
ﺍﻡ ﺍﺣﻼﻡ،،ﺍﺣﺲ ﺭﺩﺕ ﺍﻭﮔﻊ ﺣﻄﻴﺘﻬﺎ ﺑﺤﻀﻨﻲ
ﻭﺍﺑﺠﻲ ﻋﻠﺊ ﺑﺠﻴﻬﺎ
ﺩﺧﻠﺖ ﺍﻡ ﻗﺎﺳﻢ ﺷﺎﻓﺘﻨﻪ
ﺍﻡ ﻗﺎﺳﻢ،،،ﻳﻤﻪ ﺍﺳﻢ ﺍﻟﻠﻪ ﺍﻟﺮﺣﻤﺎﻥ ﻭﻟﺞ ﺧﻴﺘﻲ ﺍﺷﺒﻴﻴﺞ
ﺍﻡ ﺍﺣﻼﻡ،،ﺍﻟﺤﮕﻴﻨﻲ ﺍﻡ ﻗﺎﺳﻢ ﻓﺎﻃﻤﻪ ﺟﺎﻧﺖ ﻭﺍﮔﻔﻪ ﺑﺎﻟﺒﺎﺏ ﻭﺍﺟﺖ ﺗﺮﻛﺾ ﺍﺗﮕﻮﻝ ﺍﺟﻪ ﺑﺎﺑﺎ ﻭﺑﺎﺳﻨﻲ
ﺍﻡ ﻗﺎﺳﻢ،،ﻋﻤﺖ ﻋﻴﻨﻲ ﺍﻱ ﻭﺍﻟﻠﻪ ﺍﻟﻠﻪ ﻳﺼﺒﺮﻫﺎ ﻃﻔﻠﻪ ﻣﺘﻌﻠﻤﻪ ﻋﻠﺊ ﺍﺑﻮﻫﺎ ﺍﻟﻠﻪ ﻻﻳﻨﻄﻲ ﺍﻟﺠﺎﻥ ﺍﻟﺴﺒﺐ
ﺟﻴﺒﻴﻬﺎ ﺍﻗﺮﺓ ﻋﻠﺊ ﺭﺍﺳﻬﺎ ﺑﻠﻜﻲ ﺍﺗﻨﺎﻡ
ﺍﻟﻄﻔﻞ ﻳﺸﻮﻑ ﻛﻠﺸﻲ ﻭﻳﻤﻜﻦ ﻻﻥ ﻣﺸﺘﺎﻗﺘﻠﻪ ﺍﻟﻠﻪ ﺩﺯﺓ ﺍﻟﻬﺎ
ﺍﻡ ﺍﺣﻼﻡ،،ﺍﺧﺬﺗﻬﺎ ﺍﻟﻤﺮﺓ ﺣﻄﺘﻬﺎ ﻋﻠﺊ ﺭﺟﻠﻬﺎ ﻭﺗﻘﺮﺍﻟﻬﺎ ﺍﻳﺎﺕ ﺗﺎﻟﻲ ﻧﺎﻣﺖ ﺑﻨﻴﺘﻲ ﻭﻫﻲ ﺗﻨﺎﺷﻎ
ﺟﺒﺘﻠﻬﺎ ﻣﺨﺪﺓ ﻭﺑﻄﺎﻧﻴﻪ ﻧﻴﻤﺘﻬﺎ ﻭﻏﻄﻴﺘﻬﺎ ﻳﻤﻲ ﺧﺎﻑ ﺗﻔﺰ ﻭﺗﺮﺟﻊ ﺗﺒﺠﻲ
ﺭﺩﺕ ﺍﮔﻮﻡ ﻓﺠﺄﺓ ﺣﺴﻴﺖ ﺑﻄﻨﻲ ﻧﺰﻟﺖ ﻭﺍﻟﻄﻔﻞ ﻋﺒﺎﻟﻚ ﻳﺮﻳﺪ ﻳﻄﻠﻊ
ﻟﺰﻣﺖ ﺑﻄﻨﻲ ﻭﺍﻻﻟﻢ ﺫﺣﺒﻨﻲ
ﮔﺘﻠﻬﺎ ﺍﺍﺍﻡ ﻗﺎﺳﻢ ﺩﺧﻴﻴﻠﺞ ﺭﺍﺍﺍﺡ ﺍﺟﻴﺒﺒﺐ
ﺍﻡ ﻗﺎﺳﻢ،،ﺍﻫﺪﻱ ﺑﻌﺪ ﺍﺧﺘﺞ ﻻﺗﺨﺎﻓﻴﻦ ﺑﺲ ﺧﻞ ﺍﺭﻭﺡ ﺍﺻﻴﺢ ﺍﺑﻮ ﻗﺎﺳﻢ ﻭﺍﺟﻴﺐ ﺍﻓﻠﻮﺱ ﻭﺍﺟﻲ ﺭﻛﺾ
ﺍﻡ ﺍﺣﻼﻡ،،ﺭﺍﺣﺖ ﺍﻡ ﻗﺎﺳﻢ ﺩﻗﺎﻳﻖ ﻭﺍﺟﺖ ﺍﻟﻤﺮﺓ ﻭﺍﺟﻮﺍﺭﻳﺒﻬﺎ ﺑﻴﺪﻫﺎ ﻻﺯﻣﺘﻬﻦ ﻣﺎﻟﺤﮕﺖ ﺗﻠﺒﺴﻬﻦ
ﺭﺟﻠﻬﺎ ﻭﻛﻒ ﺍﻟﺴﻴﺎﺭﺓ ﺑﺎﻟﺒﺎﺏ
ﺍﺟﺖ ﺍﺧﺘﻬﺎ ﻣﺴﻴﺮﺓ ﻳﻤﻬﺎ ﺟﺎﻧﺖ ﺧﻠﺘﻬﺎ ﻳﻢ ﺑﻨﺎﺗﻲ ﺑﻠﻜﺖ ﺍﻟﻠﻪ ﻳﺴﻬﻠﻲ ﻭﺍﺭﺟﻊ ﻣﻦ ﻭﻛﺖ
ﺍﻛﻮ ﻗﺎﺑﻠﻪ ﻣﺮﺓ ﺟﺒﻴﺮﺓ ﻫﻲ ﺍﻟﺠﻴﺒﺘﻨﻲ ﺑﻨﺎﺗﻲ ﻛﻠﻬﻦ
ﺍﺧﺬﻭﻧﻲ ﺍﻟﻬﺎ
ﺩﺧﻠﺘﻨﻲ ﻧﻴﻤﺘﻨﻲ ﻭﺍﻧﻲ ﺍﻟﻄﻠﮕﺎﺕ ﺻﺎﺭﻥ ﻳﺠﻦ ﻭﺣﺪﺓ ﻭﺭﺓ ﺍﻟﺜﺎﻧﻴﻪ ﻭﺍﻡ ﻗﺎﺳﻢ ﻳﻤﻲ ﻣﺎﻋﺎﻓﺘﻨﻲ
ﺑﮕﻠﺒﻲ ﺍﺩﻋﻲ ﺍﻟﻠﻪ ﻳﻄﻠﻌﻨﻲ ﻃﻴﺒﻪ ﺍﻧﻲ ﻭﺍﻻﺑﻄﻨﻲ
ﻣﻮ ﺍﻟﺨﺎﻃﺮﻱ ﺑﺲ ﺍﻟﺨﺎﻃﺮ ﺍﻟﻴﺘﻴﻤﺎﺕ ﺍﻟﻌﻨﺪﻱ ﻻﻥ ﺍﺫﺍ ﻣﺘﺖ ﻳﺼﻒ ﺑﺎﻟﺸﺎﺭﻉ ﻣﺤﺪ ﺍﻟﻬﻦ ﻻﻋﺪﻫﻦ ﻋﻢ ﺑﻲ ﺣﺾ ﻭﻻﻋﺪﻫﻦ ﺧﺎﻝ ﻳﻠﻤﻬﻦ
ﺭﺑﻊ ﺳﺎﻋﻪ ﻣﻦ ﺍﻟﻤﻌﺎﻧﺎﺓ ﻭﺍﻟﻢ ﺍﻟﻄﻠﻮﮒ ﺣﺴﻴﺖ ﺑﺮﺍﺣﻪ ﻣﻦ ﺳﻤﻌﺖ ﺻﻮﺕ ﺍﻟﻄﻔﻞ ﻳﺒﺠﻲ
ﺍﻡ ﻗﺎﺳﻢ،،ﺍﻟﻠﻬﻢ ﺻﻞ ﻋﻠﺊ ﻣﺤﻤﺪ ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﺞ ﺍﻡ ﺣﻠﻮﻣﻪ
ﺍﻡ ﺍﺣﻼﻡ،،ﺟﻨﺖ ﻧﺎﻳﻤﻪ ﻭﺍﻟﻄﻔﻞ ﻋﺪ ﺍﻡ ﺷﻬﺎﺏ ﺍﻟﻘﺎﺑﻠﻪ ﻻﺯﻣﺘﻪ ﻓﻀﺢ ﺍﻟﺪﻧﻴﻪ ﺑﺎﻟﺒﻮﺍﺟﻲ
ﺍﻡ ﺷﻬﺎﺏ،،ﺑﺎﻟﺨﻴﺮ ﻋﻠﻴﺞ ﺍﻡ ﺍﺣﻼﻡ ﺍﺟﺎﺝ ﻭﻟﺪ ﻳﺘﺮﺑﻪ ﺑﻌﺰﺝ
ﺍﻡ ﺍﺣﻼﻡ،،ﻣﻦ ﺍﻟﻔﺮﺣﻪ ﻋﺒﺎﻟﻚ ﮔﺎﻟﺘﻠﻲ ﺿﻴﺎﺀ ﺑﻌﺪﺓ ﻋﺎﻳﺶ
ﺭﺩﺕ ﺍﻧﻬﺾ ﻧﺴﻴﺖ ﻛﻞ ﺍﻻﻟﻢ
ﺣﻄﺘﻪ ﻋﻠﺊ ﺻﺪﺭﻱ ﻭﻫﻮ ﻳﻠﮕﻊ ﻣﻦ ﺍﻟﺒﺠﻲ ﻣﺎﻣﺼﺪﮔﻪ ﺻﺎﺭ ﻋﻨﺪﻱ ﺳﻨﺪ ﺑﺎﻟﺪﻧﻴﻪ ﻳﺤﻤﻴﻨﻲ ﻭﻳﺤﻤﻲ ﺍﺧﻮﺍﺗﻪ
ﺍﻡ ﺷﻬﺎﺏ،،ﺧﻠﺼﻬﺎ ﻋﻠﻴﻨﻪ ﺑﺠﻲ ﻓﻀﺤﺘﻨﻪ ﻭﻟﻚ
ﺍﻧﻄﻴﻨﻪ ﻣﺠﺎﻝ ﺍﻧﻀﻔﻚ ﻭﻧﻠﺒﺴﻚ
ﺍﻡ ﺍﺣﻼﻡ،،ﺍﺧﺬﺗﻪ ﺍﻟﻘﺎﺑﻠﻪ ﺗﻠﺒﺴﻪ ﻭﺍﻧﻲ ﺍﺟﺘﻨﻲ ﺍﻡ ﻗﺎﺳﻢ ﻧﺰﻋﺘﻨﻲ ﺩﺷﺪﺍﺷﺘﻲ ﻻﻥ ﻛﻠﻬﺎ ﺩﻡ ﻧﻀﻔﺘﻨﻲ ﻭﻟﺒﺴﺘﻨﻲ ﻣﻼﺑﺲ ﻧﻀﻴﻔﻪ
ﮔﻮﻣﺘﻨﻲ ﺣﺘﺊ ﺍﺭﺗﺎﺡ ﻋﻠﺊ ﻏﻴﺮ ﺳﺪﻳﻪ
ﮔﺎﻟﺖ ﺍﻡ ﺍﺷﻬﺎﺏ
ﺍﻡ ﺷﻬﺎﺏ، ،ﺷﺮﺍﺡ ﺗﺴﻤﻲ ﺍﻟﻬﺬﺍ ﺍﻟﻮﻛﺢ ﻭﺍﻟﻠﻪ ﻟﻮﺗﺴﻤﻲ ﺍﻟﻮﻛﺢ ﺍﺣﺴﻦ ﺍﺭﻳﺪ ﺍﮔﻤﻄﻪ ﻣﺎﻳﺨﻠﻴﻨﻲ ﻣﺎﻳﻨﻄﻲ ﺍﺩﻱ ﺣﺘﺊ ﺍﻟﻔﻪ ﺟﺴﻤﻪ ﻳﺮﻋﺶ ﻣﻦ ﺍﻟﻌﺼﺒﻴﻪ ﻣﻦ ﻫﺴﻪ ﻣﺒﻴﻦ ﺩﻣﻪ ﺣﺎﺭ
ﺍﻡ ﺍﺣﻼﻡ،،ﻭﻫﻮ ﻫﺬﺍ ﺍﻻﺭﻳﺪﺓ ﻟﺬﺍﻟﻚ ﺭﺍﺡ ﺍﺳﻤﻲ ﺭﺍﻫﺐ
ﺣﺘﺊ ﺑﺲ ﺍﺳﻤﻪ ﻳﺮﻫﺐ ﻋﺪﻭﺍﻧﻪ ﻭﻳﻨﺘﻘﻢ ﻣﻦ ﺍﻟﻀﻠﻢ ﺍﻣﻪ ﻭﺍﺧﻮﺍﺗﻪ
ﻳﺘﺘﺘﺘﺘﺘﺒﻊ
ﺍﺷﻠﻮﻧﻜﻢ ﺑﻌﺪ ﻃﻮﺍﻳﻒ ﺍﻫﻠﻲ ﻧﻔﺮ ﻧﻔﺮ 😁️🖐
ﻭﻫﺎﻱ ﻧﺰﻟﺘﻠﻜﻢ ﺍﻟﺒﺎﺭﺕ ﺍﻻﻭﻝ ﻣﻦ ﺍﻟﺮﻭﺍﻳﻪ ﻭﻳﺎﺭﻳﺖ ﺍﺗﻨﺎﻝ ﺍﻋﺠﺎﺑﻜﻢ
ﺑﺲ ﺧﻞ ﺍﻧﻮﻩ ﻋﻠﺊ ﺷﻐﻠﻪ
ﻫﺎﻱ ﺍﻟﺮﻭﺍﻳﻪ ﺍﺣﺪﺍﺛﻬﺎ ﺻﻌﺒﻪ ﺷﻮﻳﻪ ﻟﺬﺍﻟﻚ ﺣﺒﻴﺖ ﺍﺳﺮﺩﻫﺎ ﺑﺸﻜﻞ ﻣﺒﺴﻂ ﺍﻛﺜﺮ ﺣﺘﺊ ﺗﻮﺻﻠﻜﻢ ﺑﺎﻟﺼﻮﺭﺓ ﺍﻟﻤﻄﻠﻮﺑﻪ
ﺍﻭﻝ ﺛﻼﺙ ﺑﺎﺭﺗﺎﺕ ﺭﺍﺡ ﻳﻜﻮﻧﻦ ﺗﻌﺮﻳﻒ ﻟﺤﻴﺎﺓ ﺍﺑﻄﺎﻟﻨﺎ ﻓﻠﺘﺴﺘﻌﺠﻠﻮﻥ ﻭﺍﺗﺮﻛﻮﻥ ﻗﺮﺍﺋﺘﻬﻦ ﻻﻥ ﺑﺪﻭﻧﻬﻦ ﻣﺎﺭﺍﺡ ﺗﻌﺮﻓﻮﻥ ﻣﻀﻤﻮﻥ ﺍﻟﻘﺼﻪ ﺑﺎﻟﺒﺎﺭﺗﺎﺕ ﺍﻟﻘﺎﺩﻣﻪ
ﺧﻮ ﻣﺎﺗﺮﺩﻭﻥ ﻣﻦ ﺍﻟﺒﺎﺭﺕ ﺍﻻﻭﻝ ﻳﻠﺘﻘﻮﻥ ﺍﻟﺒﻄﻞ ﻭﺍﻟﺒﻄﻠﻪ ﻭﻧﺤﻄﻠﻬﻢ ﺍﻏﻨﻴﺔ ﺭﺑﺎﺍﺍﺍﺑﻲ
ﻗﺎﺑﻞ ﺍﻟﺴﺎﻟﻔﻪ ﺣﺒﻬﺎ ﻭﻟﺒﻂ 😂😂
ﻫﺬﺍ ﻣﺜﻞ ﻣﻦ ﺍﻣﺜﺎﻝ ﺣﺒﻮﺑﺘﻲ ﺍﻟﻲ ﺍﺗﮕﻮﻝ ﺣﺐ ﻏﺒﻞ ﻣﺜﻞ ﺣﺐ ﻏﻴﺲ ﺍﺑﻦ ﺍﻟﻤﺘﻠﻮﻟﺢ ﻗﺼﺪﻫﺎ ﻗﻴﺲ ﺍﺑﻦ ﺍﻟﻤﻠﻮﺡ 😂😂😂😂
ﻭﺷﻐﻠﻪ ﺛﺎﻧﻴﻪ ﺍﻟﻠﻪ ﺷﺎﻫﺪ ﻣﻦ ﺗﻌﻠﻘﻮﻥ ﻭﻳﻮﺻﻞ ﺍﻟﺘﻌﻠﻴﻖ 7 ﺍﻟﻒ ﻭﺍﻟﺘﺼﻮﻳﺖ ﻓﻮﻝ ﺍﻭﺑﺸﻦ ﺍﺣﺲ ﺭﻭﺣﻲ ﻣﻌﺮﺱ
ﻳﺎﻓﺮﺣﻪ ﻣﺎﺗﻤﺖ 😂
ﺑﺎﻟﺸﺘﻪ ﮔﻠﺖ ﻟﻤﻲ ﻳﻤﻪ ﺭﺣﻤﻪ ﺍﻟﺪﻳﻨﺞ ﻋﺮﺳﻴﻨﻲ ﺗﺮﺓ ﻃﮕﻨﻲ ﺍﻟﺒﺮﺩ ﻭﺍﻟﺸﺘﻪ ﻣﺎﻳﺮﺣﻢ ﺍﺫﺍ ﻣﺎﺩﻓﻮ
ﮔﺎﻟﺖ ﻳﻤﻪ ﻣﻨﺘﻀﺮﺓ ﺍﺧﺘﺎﺭﻟﻚ ﺍﻟﻤﺮﺓ ﺍﻟﺰﻳﻨﻪ ﺍﺭﻳﺪﻫﺎ ﺣﻠﻮﺓ
ﺍﺟﻪ ﺍﻟﺼﻴﻒ ﮔﺘﻠﻬﺎ ﺭﺣﻤﻪ ﻟﮕﺒﺮ ﺍﺑﻮﻱ ﻋﺮﺳﻴﻨﻲ ﺗﺮﺓ ﺍﻟﻤﺮﺓ ﺗﻔﻴﺪ ﺑﺎﻟﺼﻴﻒ ﺗﺠﻴﺒﻠﻲ ﻣﺎﻱ ﺑﺎﺭﺩ ﻟﻮ ﺗﻬﻔﻴﻠﻲ ﺗﺮﺓ ﺗﻔﻴﺪ ﺑﻜﻞ ﺍﻟﺤﺎﻻﺕ
ﮔﺎﻟﺖ ﻳﻤﻪ ﻣﻨﺘﻀﺮﺓ ﺍﺷﻮﻓﻠﻚ ﻭﺣﺪﺓ ﺣﻠﻮﺓ
ﮔﺘﻠﻬﺎ ﺭﺣﻤﻪ ﻟﻠﻜﻌﺒﻪ ﻳﺎﺣﻠﻮﺓ ﻭﺍﻧﻪ ﺍﻧﺴﻤﻂ ﻋﻤﻲ ﻗﺎﺑﻞ ﺍﺑﻨﺞ ﺗﻮﻡ ﻛﺮﻭﺯ ﻟﻮ ﺗﻴﻢ ﺍﻟﺤﺴﻦ
ﮔﺎﻟﺖ ﻻ ﻳﻤﻪ ﺍﻟﻘﺮﺩ ﺑﻌﻴﻦ ﺍﻣﻪ ﻏﺰﺍﻝ
ﻗﺼﻔﺘﻨﻲ ﻧﺒﻊ ﺍﻟﺤﻨﺎﻥ ﻭﻃﻴﺮﺕ ﺟﺒﻬﺔ ﺧﺎﻟﻲ 😂😂😂
ﺗﺮﺓ ﻗﺼﺪﻱ ﺗﺴﻮﻳﻠﻲ ﺍﺳﺘﻜﺎﻥ ﺟﺎﻱ ﻭﺗﺠﻴﺒﻠﻲ ﻣﺎﻱ ﺑﺎﺭﺩ ﻻﻳﺮﻭﺡ ﺗﻔﻜﻴﺮﻛﻢ ﻟﺒﻌﻴﺪ
ﺍﻧﻪ ﺣﺒﺎﺏ ﻛﻠﻠﻠﺶ ﻭﺭﻭﺡ ﺧﺎﭼﻴﻪ 😂😂
