#راهب_ابو_غضب -
#البارت 47ج2 -
ترة اتعافيت منهن لايضل بالك
مو انه اليچلب بعد بذيالك
ولا انه ال بعد يسهِر يتاني تعود
خلني لوحدي اعيش او وحدك احلالك
مااشمك بعد لوشيلة امي تصير
ولاافطر بعد لوبين اهلالك
انه بخير
واضحك
واختلط بالناس
موذاك القديم الوحدة ينعالك 💔
،،،،،
راهب ابو غضب ج2
،،،،،،،،،،،،،،،،،،
لارا،،اريد اتنفس مااگدر انعگد الساني
ومااجاي افهم منها شي
جسمي كله يختض
خبصتني بصوت صريخها اخر شي سدته
فتحت الباب وطلعت نزلت اركض لازمه الموبايل بيدي
بعدني ب اخر بايه ع الدرج سمعت صوت صرخة محمد انفتح باب غرفته وطلع يركض
خطوتين اوگع صار يلطم علئ راسه وكلمه وحدده يررددها
محمد،،ياااامهنددد ياااخوووويه
لارا،،امي طلعت مفزوعه من غرفتها اني گعدت بمكاني مصدومه مجاي اصدگ
بس من شفت محمد اتاكدت خبر موت اخوي مهند صحيح
امي من شافت محمد يصيح ياخويه يامهند من شوغة گلبها نست مهند خارج العراق
ركضت للغرفه جرت عبايتها تريد تروحله فاقدة
محمد نهض عليها يركض لزمها كل فكرها توصل المهند
گعدناها ع القنفه محمد يرررجف لازم الموبايل يرعش بيدة يمسح دموعه ينزلن غيرهن يريد يركز ماعاد يشوف
اخر شي رجع اتصل ب اخو ندئ مرتين ياالله جاوبه اخوها يبجي
محمد فتح سبيكر والموبايل حطه ع التخم ادي يرجفن مامسيطر يلزم الموبايل صرنه
نسمع كلام الولد
عرفنه انو مهند طالع ويه جماعته وبالطريق مسوين حادث
وبس هو ميت من جماعته
الولد كمل كلامه ماحسينه غير امي خرت روحها اوگعت بحضن محمد
انخبصه مانعرف شنو نسوي وغير خبر مهند خلانه مانشوف دربنه
محمد عاط بيه البس جبه وحجاب حتئ ناخذ امي
ركضت الغرفتها لبست من جببها وجبتلها عبايه
شالها محمد وطلع يركض واني وراه فتحت باب السيارة وكعدت حطها ع الكشن وراسها بحضني
بالقدرة وصلنه للمستشفئ الطريق كله محمد يبجي ويلطم علئ راسه
ماانتضر يجيبون سديه حتئ ينقلوها
رجع شالها ودخلها للطوارئ التمت عليها الدكاترة شفايفها زرگ فتحت عيونها شويه واتقيت
بعد الكشف الدكتور گال ضربتها جلطه بالدماغ
كان الخبر صدمه النه صرنه مانعرف علئ منو نبجي علئ اخوي المانعرف شي عنه غير مات
لوعلئ امي الي مااتحملت الخبر وانجلطت
نقلوها للعنايه الدكتور گال وضعها كلش خطر راح انراقبها اندعولها ماتتقيئ مرة ثانيه لان كل مرة تتقيئ بيها معناتها انضربت جلطه
ساعه واجه رافد متصل بي محمد دخل يركض ومرته وراه يمشي فاقد عيونه حمر وصل يم محمد ااتحاضنو واثنينهم يتباجون واسم مهند علئ السانهم
مانعرف شنو نسوي سجئ كاعدة يمي تهديني وتبجي وياي ماعدنه غير دعائنه ودموعنه
للساعه اربعه الفجر اتقيت امي مرة ثانيه دخلو الدكاترة بسرعه فحصوها من جديد
شويه وگال الحجيه انضربت الجلطه الثانيه ماعدنه غير الدعاء
عفنه مهند واحتارينه ب امي
اني بس اباوع بوجوه اخواني دموعهم بعيونهم ويتصلون علئ ندئ
رافد گال لو اعرف ابيع سيارتي وذهب سجئ. في سبيل اجيب جثته ندفنها بالنجف
بس الي ذبحنه اكثر من اتصلنه ب اخو ندئ وفهمنه انو من صاير الحادث
مهند من شوغة گلبه شامر روحه من السيارة
وسيارة حمل جبيرة ساحگته بحيث جسمه مفروش ويه التبليط اخوتي اتهسترو فد مرة محمد وگع هبط ضغطه ورافد گعد يبجي بخنيگ سجئ احتارت تسكت منو بينه
تالي رافد گال خلي يندفن اهناك شيجيبون منه وهو كلشي ماضال بي
بقو علئ اتصال ب اهل ندئ ومهند بيومه اندفن بمقبرة للمسلمين
مرته ماتگدر تحجي اي شي فاصله وكل مايتصل اخوها يگول مدخليها بالمستشفئ لان تدخل ب انهيار عصبي
اخواني سوو ترحيم وفاتحه بدون جثه ناس تجي تعزي. للجامع القريب علئ بيتنه
محمد ومهند مايعرفون المن يصيرون
صارو يتناوبون بينهم والعصر واحد يروح يوگف بالجامع للناس التجي تترحم
اسبوع وامي فاقدة بالانعاش محمد ورافد نايمين يمها واني وسجئ نتناوب عليها مناوب
من الصبح للضهر سجئ ورافد وبليل انبات يمها اني ومحمد لان سجئ ماتگدر اتعوف ابنها يم الجيران يبات
عشر ايام مرت لاليلنه ليل ولانهارنه نهار
امي صحت بس السانها ثگيل گوة تحجي كلمه
وبعد الكشف من جديد الدكتور گال مثل مااتوقعت الوالدة انشلت جميع اطرافها بسبب الصدمه
مصايب تنزل علئ روسنه مثل الصاعقه
مانعرف بمنو نلتهي بمهند الي مات واندفن بعيد عنه لو ب امي الي علئ ساعه تموت
الدكتور گال اخذوها ترتاح بالبيت احسن الها لان وضعها تقريبا استقر
ايام مرت والحزن مخيم علئ البيت سجئ جابها رافد يمي تساعدني نتعاون علئ امي لان وضعها صار كلش صعب للحمام يشيلوها اخواني وندخل وياها اني وسجئ نسبحها
ليل نهار اسم مهند علئ السانها تلهج بي
گوة تحجي كلامها مامفهوم كلش
شهرين مرت وامي غدت عضم وجلد
بس كلامها شويه انفهم بس اطرافها ماتحركهن واذا رادت ترفع ايدها تصير ترعش وتوگع
